النحرير

النحرير 44

جون:(كيحاول يهدن الامور)كملي اانتاريس ..حنا تايقين فيك ولي قلتيها غادي نديروها ..فنضرك انتي اشنو هو الحل باش نشدوهم كاملين فاسرع وقت

دهاء:(خنزرات فسونجا وشافت فيه جبدات يوسبي من جيبها ولاحتها جيهتو)هادا تسجيل باعترافي علي المنضمة من سينين كنت كنتعالج عند دكتور نفساني وكلشي واضح فيه ..ماغاينفع بوالو بالحق احتياط وصافي تقدر تسمعو لمدام سونجا باش تحيد شك من راسها وتعرف اني ماكنختارعش فقصص.. اما بالنسبة لسوؤال ديالك ..العجلة من الشيطان ..نتوما كتحركو بالزربا وهوما كيتحركو بشوية داكشي علاش اغلبية الاوقات غايفوتوكم ..كلشي كيتحل بالمهل ..وبلا مستندات ودليل عمركم ماغاتشدوهم ..يعني انا لحل لوحيد لي عندكم ..بغيتو تغامرو وتيقو فيا انا ماعنديش موشكيل واخا غانعرض حياتي لخطر ..بالحق هادشي كيستاهل المغامرة ..وانا ونتوما عندنا نفس الهدف

نتاشا:(بتساوؤل)علاش كديري هادشي زعما واخا يوقع لي وقع كيبقا هداك الاب ديالك غاتبيعيه

دهاء:(ابتسمات)انا لي كيبيعني كنبيعو ..وراني قلت ليك عمرني حسيت بيه الاب ديالي ..كنا مشاركين شي حاجة حتال نهار قتل الام ديالي مابقاش عندي بيه رابط ..حتي هو ماكيحسش بيا بنتو كتر من انني وحدة من نوابغ المنضمة كنفد اوامرو وكندخل ليه فلوس بالحمااق ..انا كنقلب علي حريتي نعيش عادي بحال اي واحد مامضطراش نفد امر شي حد ونطيعو.. غير حيت طاعتو كتساوي حياتي.. ولي كيشكل خطر عليا نحيدو من طريقي مدام لقيت الفرصة.. قلت شي حاجة غلط

رافاييل:(بتعجب)من حقك اي واحد عاش لي عشتيه غايحااول يدير بحالك باش تعيشي خاصك ديري لي كيقولو ليك نتي كنتي مضطرة ماشي برضااك هادشي كيشفع ليك ..والكن علي مافهمت من كلامك حتي رجوعك راه فيه خطر ..يعني فكلتا الحالتين كاين خطر علاش غاتغامري

دهاء:(تنهدات وشافت فاريب لي كيلعب فصباعو)خاصني نغامر الي بغيت نرجع نعيش وسط عائلتي وصحابي خاصني نغامر ..

كاين عقاب اييه ضروري ..خطر مامتأكدااش انا فامان طول ما انا ساكتة وماعطيتش معلومات عليهم والكن ملي سيقو الخبار انني دايرة يد مع البوليس ديك ساعة مانضمنش اشنو غايوقع ..داكشي علاش هادشي خاصو يبقا بيناتنا سر حتى نشوف كيفاش نوصل ليكم المعلومات والمستنداات ..واحد فيكم خاصو يبقا فاسكتلندا قريب مني حيت ممنوع تيليفونات ولا ايميلات يقدرو يكشفونا

منير:(كيشوف فيها)وكيفاش غادي تواصلو

دهاء:(كتفكر)ماعرفتش كيفاش ماعرفتش ..والكن مستحيل نتلاقا مع شي حد فيكم ولا يهضر معايا فتيليفون ولا حتي يراقبني خطر عليا وعليه

جون:(بقا كيفكر)العمراني هو اكثر واحد يقدر يكون جنبك هو الوحيد لي ممكن يتصر تحت اي ضرف طارئ

منير:(ابتاسم)نفس الهضرة كنت غانقول مسيو اريب هو لي ينفع

اريب:(كيشوف فيه)واشنو الفائدة الي شي واحد فينا كان معاك فاسكتلندا ومستحيل تشوفيه ولا تهضري معاه ولا حتي تواصلي معاه