النحرير

النحرير "4"

#نحرير
#امونة_الفارسي

دهاء وهي ساهيا ومكونسونطريا مع راسها فعز سكون الجو وزقزقة العصافير فجأ سمعات صوت كيعيط بالجهد بسميتها عرفاتها غاتكون غير جوليا
جوليا:(لي ضرباتها لفيقة ناضت طل علي صاحبتها مالقاتهاش فبلاصتها تهولات وبدات كتقلب عليها وتعيط بصوت مجهد)دهاااااء فينك
دهاء:(ملي سمعات صوتها ناضت من بلاصتها وتمات غادية عندها) ياك لاباس اشنو واقع
جوليا:(عاد رجعات فيها الروح ملي شافتها قدامها)مالقيتكش فبلاصتك تخلعت عليك... علاش خارجة فهاد لوقت...مالابسة والو غايضربك البرد
دهاء:(ماحملاتهاش تعامل معاها بحال هكاك وصعرات عليها )علاش غاتخلعي عليا وتشوشي اشنو واقع خرجت نشم شوية داالهواء.... تخنقت واش حرام... جوليا بليز ماتبقايش تعاملي معايا علي اساس حمقة ولا مختلة عقليا خاصك تعرفي بلي انا اول مرة نكون بعقلي هي دابا ... كل واحد يلزم حدودو لله يخليك... حتي واحد مامسؤول علي لاخر اوكي
جوليا:(تقلقات شوية مي مابيناتش)اوكي سمحي ليا(ابتاسمات مدات ليها لكاب لي كان فوق كتافها باش تغطى من لبرد ورجعات لدار وخلات بوحدها كيف بغات)
دهاء لي طلعات معاها سخونية من طريقة باش تكلمات معاها حسات بالذنب من جيهتها ماحملاتش راسها تصرف معاها بحال هكاك حسات براسها ماكتسواش فديك اللحضة وتبعاتها بالزربا لقاتها جالسة فوق واحد لفوطوي كتهز فرجليها بالثوتر وكتاكل فضفارها وعينيها فالارض مشات دهاء حداها وجلسات
دهاء:(ماقدراتش تهضر حشماات منها)سمحي ليا اجوليا ماكنتش بغيت نهضر معاك بديك الطريقة ونقلقك والكن عارفاك غادي تعدريني ...نفسيتي بصح مريضة انا عارفاك كنتي خايفة عليا وصافي مي انا فهاد الفترة اي حاجة كيديرها شي حد كنحس بيها ضدي...غير بلا ماتقلقي مني لله يخليك
جوليا:(ابتسمات وجراتها عندها عنقاتها) انا مامقلقاش منك ماكيناش شي اخت كتقلق من ختها صغيرة انا غير خايفة ديري فراسك شي حاجة داكشي علاش
دهاء بقات حاطة عليها راسها حيت محتاجة تبكي فحضن شي حد طلقات لعنان لدموعها ورتاحت تقريبا
دهاء:(هزات راسها فجوليا ومسحات دموعها) شكرا اجوليا بزااف
___----___----______------______-----*
مرت ثلاث ايام او اكثر .. ممكن نقولو الحالة ديال دهاء استقرات شوية ... رغم العيا من كثرت السهير لي كان باين من تحت عينيها وآلم الجسد ووجع القلب والروح لي كانت كتحس بيهم مهم ولات كتاكل شوية وتهضر مرة مرة مع جوليا ماشي بحال للول فاش كتبقي طول الوقت ساهية وكتفكر...
●واحد النهار فالصباح فاقت جوليا كيف ديما ناضت وجدات لفطور حطاتو فالطبلة وجلسات...بدات كتعيط علي دهاء باش تفيق والكن دون اجابة...فكراتها باقي ناعسة ولا ماسمعاتهاش...ناضت من بلاصتها غادية لبيت فين كتنعس مالقاتهاش فبلاصتها قلبات الدوش كذالك ماكين حد ...بدا قلبها كيضرب من لخوف...قلبات دار كلها والو ماكينش الاثر ديال دهاء تقول الارض بلعاتها ....خرجات لخارج تقلب ممكن تكون كتشم لهواء كيف ديما والكن مالقاتهاش دورات وجهها بانت ليها حتي طوموبيلتها ماكايناش تما لخوف تسلل ليها ديال بصح بدا عقلها كيدي وكيجيب كيفاش غاتصرف وكتفكر فين ممكن تكون مشات ...واش غاتكون بخير ولا وقعات ليها شي حاجة ..رجعات دخلات لدار كطل من شرجم مرة مرة علي لله تبان ...بدات كتمشي وتجي وتجلس وتوقف مثوثرة لأقصى درجة حتي تيلفون ماعرفاتو تعيط ليها تطمأن ..دماغها وقف ماعرفاش كيفاش غاتصرف ولا اشنو غادير...