النحرير

النحرير "13"

#عند_دهاء
○فهاد الوقت دخل عندها اريب بعدما لقا شومبر دياالها .... حل لباب ودخل بلا مايدير الحس ... كانت مغمضة عينيها وقرب منها حتي شاف دموعها نازلين ... وكانت اول مرة كيشوفها بداك الضعف... داكشي علاش ترااجع مابغااش يدخل عليها وهي فدييك لحالة ...خلاها علي خاطرها ..حييت واضح عليها نفسييتها مريضة و مدمرة بلا قيااس ...رجع بجوج خطواات للور ...ووقف شحاال متكي علي لحيط... بعد مدة قصيرة عاد قرر يمشي لداار... ويرجع عندها وقت اخر ...تكون فحالة افضل.... خرج من المستشفي وركب فطوموبيلتو وديمارا بلا عقل تفكييرو شاررد وكيخمم حتي وصل ... وفدمااغو شلا مطاارق خاصو يدير ليهم لحد ليووم...
نمشيو عند الصاحبة دياالنا لالة #ميساء لي سمعاات صوت طوموبيل ديالو وجرات كطل من لبالكون ديال بيتها...
أريب هبط من طوموبيلتو متاجه لباب دار بكاامل اناقتو وهيبتو المعهودة وعيينيه فيهم شرار وعاقد حجبانو مغوبش كيف ديما وكيلعب بالسواارت فصبااعو ...حتي بان ليه مازن كيلعب بوحدو مشا جيهتو باسو فجبهتو وبقا كيهضر معااه شوية ... لمح حركة غريبة... شاف بنص عين عرف بلي شي خيال كان كيطل من لبالكون ..واكيد ماغاتكون غير ميساء خلا مازن يكمل لعبو ودخل لبيتو يرتااااح ...ميسااء غير شافتو ودخلات لغرفة... شافت فالمراية وزادت علي لعكر لي كانت دايرة قداات شعرها... وهي مستعجلة علي امرها ...كانت كتسناه على احر من الجمر ...تعرف اشنو تحت راسو وعلاش غابر هاد اليامات.... هبطاات باناقتها المعهودة وريحة لي مدوشة بيها ...وهاد النوبة كانت باغا تستغل فرصة انه تاحد ما كاين فالفيلا ..لبسات 2بياس ودارت فوقو واحد الروب كولو شبكة جاها سيكسي ...وتعمدات تلبس الازرق حيت عارفاه كيعجب اريب معولة تخليه بلا عقل هاد نهاار وتجس نبضو تجرب حظها معااه و تشوف واش غايستسلم ليها ولا يعااند كيف ديما ....دخلات مازن لبيتو وتمات غادة جيهت بيت اريب.....هاد الاخير.. لي بدورو دخل وخلا الباب محلول وعرفها غاتبعوو..حيت ماكتفلتش لفرصة فين تقرب منو... ولي زاد اكد ليه.. ريحتها لي غير مكتجهاد كلما قربات ....شعل البيسي وحطو فوق ناموسية ودورو لجيهة الباب ....وحيد قاميجتو (فعقلوو ... اوك ا لالة ميساء بغيتي اللعب غانلعبو جميع ) هز ريحتو ورش منها ودار لجيهت دريسينج متكي كيقلب.. زعما اشنو يلبس... حس بميساء فالباب واقفة... سدااتو مورااها
أريب:(بصوت رجولي كيذوب)كنت كنتسناك غير امتى توصلي ... واخا حسيتك مترددة هاد لمرة ( وباقي عاطيها بالضهر )
ميساء:(بتعجب وفنفس لوقت اعتقدات انه بصح باغيها وبدات كتقل عليه شوية)انا غير كنت دايزة و شميت ريحتك ... جيت بلا منشعر....(وتمات غادا لجيهتو بشوية
أريب:(بمكر)همممم قوليلي كتعجبك ريحتي.. هي لي جابتك صحابني جيتي علي قبلي
ميساء :( كانت موراه نيشان ودايبة غير بوحدها) كتقتلني ريحتك كتحمقني ..كلك ..ماشي غير ريحتك (وبدات كدوز صباعها علي درااعو
أريب وهو واقف قبالت الدريسينج ...وعاطيها بالضهر جرها بشوية من يديها لي كدوزها عليه حتى رجعها قداامو وهي ما فاهمة والوو تكااها علي لحيط وقرب منها حتي انعادمات المسافة بيناتهم
ميساء:(😍بكل دلع وغنج شحاال ماتعامل معاها هكا بدات كتشم ريحتو وكتنفس من الاعماق مغمضة عينيها) هممم توحشتيني أخيرا
أريب:( دورها بزربة ورجع ضهرها عندو وجها لحيط .... وحط ذقنو على كتفها كيهرها بلحيتو .. بصوت حرش ومغري وكيدوب جاوبها خلا لفرشاات ترفرف فكرشها)غير توحشتك وصافي ...قولي كتر😑
بعد عليها شوية وبدا يدوز صبعاعو على سلسول ديال ضهرها ... وهي كتحس بلمسااتو لي خلاو بدنها يقشعر ويهيج مغيبة وفرحانة بالانجاز لي دارت اخيرا خلاتو يقرب منها ويروي عطشها لييه... شدها من خصرها ولوا يدو عليها ...وقرب منها عاوتاني و بقا غادي بها قدامو ...وهي طايرة بالفرحة ...حتى وصلها قدام البيسي
أريب:(بضحكة ماكرة)عندي ليك مفاجئة نتمنى حتي هي تعجبك بحال ريحتي ههه ...ونتمنا تكون هي بداية لصلح ديالنا ونهاية الصراع بيناتنا
ميساء:(بكل فرح وعينيها كيلمعو وحطات يديها فوق يد أريب لي مزال مدورها على خصرها تنفساات بعمق)ااااه شحال تسنيت هاد اللحظة
أريب:(بصوت حنين دوبها كثر ماهي سايحة فيديه)والله حتى انا.. شحال و انا كنتسناها ...يمكن فرحة لي حاسها دابا شحال مافرحت بحالها من زمااااان...
-