دهاء:(بلهفة)واخا فين بعدا
هو:غدا نصيفط ليك العنوان
دهاء:(بتعجب)واش هنا فالمغرب
هو:لا فجزر القمر
دهاء:(كتشوف فالمساج وتعاود)جزر القمر!! بعيد
هو:الي كنتي بصح متشوقة وباغا تشوفيني راه كلشي غايجيك قريب ..هاد ردة لفعل ديالك كتعني انك ماباغاش تشوفيني غير عندك فضول تعرفي شكون انا.. خايفة مانطلعش انا لي فبالك!!
دهاء:(باستغراب)حتي واحد ماكين فبالي.. فقط عندي فضول نعرفك شكون انت ..حيت هادشي لي كدير فيه ماشي طبيعي ..وبغيت نرجع ليك طوموبيل ديالك مستحييل نقبل هدية بداك المبلغ الضخم
هو:لهدية ماكترجعش ..حتي حاجة ماتغلا عليك احياتي.. الي بغيتي تشوفيني غير علي قبل هادشي بلاش ..ماكين لاش تعدبي ..راحتك اهم عندي من كلشي.. وباش نرضي فضولك حيت مانقدرش نخلي راسك يحرق احبيبة.. عمرك ماشفتيني ومكتعرفينش نهائيا
دهاء:(كتفكر)علاش مابغيتينش نسمع صوتك ياك ماكنعرفكش
هو:خفتك تسمعيه ودوبي فيه
دهاء:(ابتسمات)ثقة فالنفس زايدة ماعليش ..شوف انا ضروري خاصني نشوفك واخا ماكنعرفكش عندي بزاف ديال الاسئلة خاصني الاجابة ديالهم
هو:واخا انا غانشوفك غدا نفطرو انا ونتي اش بان ليك
دهاء:(بتعجب)انا مانقدرش نسافر حاليا
هو:10 دقايق بطوموبيل ..ريسطورون مابعيداش علي دارك بزاف
دهاء:(بغضب)واش كتفلا عليا
هو:لا لا لا فراسك ماكنحملش الاثنى ديالي ترفع صوتها عليها
دهاء:(بتعجب)باش عرفتيني تعصبت ولا رفعت صوتي
هو:نفس لي كتنفسيه كنعرف منين جا
دهاء:(شي عرق فراسها غايسكت)انت منين كتعرف عليا هادشي كامل ..شكون انت
هو:انا العاشق الولهان ..راني قلت ليك كنعرف عليك حوايييج كثار تقدري نتي تكوني نسيتي واش كتعرفيهم علي راسك.. ياك كتأمني بديك المقولة ديال لي كيحب شي حد بصدق ..كيعرف عليه اصغر تفاصيلو قبل من اكبرها ..عرفتي شكون كيقولها
دهاء:(انتفضات من بلاصتها بصدمة حيت هي لي كانت كتقولها لأندرو)كيفاش!
هو:مهم (*****)هاهو لعنوان الي كنتي بصح مهتمة غاتلقايني كنتسناك مع صباح تما ..تصبحين علي خير حبيبتي
دهاء ماجاوباتش تفكيرها غير مع شكون هاد السيد لي عارف اذق التفاصيل عليها حتي واحد من ناس لقرابين ليها ماعارفينش هادشي واخا هي لي حرقات جثثو بيديها شكات للحظة انو ممكن يكون هو من بعد ساست راسها وفكرات بالمنطق ..بعد مدة وهي كتقلب فالتيلفون وتعاود الميساجات لي كانو بناتهم ..تفكرات اريب وصوتو الرجولي والبحة ديالو.. مشات كتقلب علي نمرتو حتي كانت غاتعيط ليه بنمرة مجهولة غير تسمع صوتو وتشبع منو ..حسات براسها كتصرف بمراهقة ..واخا هكاك عاجبها لحال ..بقات مترددة واش تصوني ولا لا ..قررات ماتصونيش حطات تيليفون وتكات فالمخدة كتفكر فيه وكتستنشق ريحتو ..فجأ جات فبالها اسية وبقات كتفكر فيها حتي هي ..وفمستعين ..كلشي داز علي بالها ..بعد مدة طويلة عاد غفات وفحظنها مخدة ديال اريب
أنت تقرأ
النحرير
Action#النحرير بريئة والسحر في حضرتها....يحي ميتا من اللحد ... لا تأمن لبراقة عينيها ولا تثق ببرائة جفنيها ...فمثلها من أخرج ابليس آدم من أجلها.... من الجنة الى السقر مع حبي ❤️ أمونة الفارسي قراءة ممتعة❤️💋
