النحرير

النحرير "12"

اريب كيشوف فييها تلفاات مابقاات عارفة ماتقول ...حس بيها تفكراات شي حاجة مهمة شي لي خلاها توثر وبؤبؤ دعينيها وسااعو
اريب؛(بابتسااامة شبه مستفزة)شفتك كدوري فعينيك اشنو تفكرتي عاوتاني هاءءء!!
دهاء:(شافت فييه وغلباتها ضحكة...كضحك وكتهضر واخا ضحكتها كانت شريرة والكن هادئة وبطيئة نظراا لحالتها وفنفس صفرة يعني من فوق قلبها كتحاول تخبي توثرها حيت هارفااه كيقرااها فالسما ماساهلش دوزها عليها)ههه ضحكتيني ...ولله حتي ضحكتيني ...يعني انا فأسوء حلاتي وكنضحك ....كتجيني كتقلب علي اقل حاجة ممكن تشدني بيها تخليني نقول ليك اشنو كيديور فراسي هه🙄 كتخلي ضميري يأنبني من جيهتك بصررااحة ههه حيت بصح كيجيني داكشي فاش كتفكر شبه مستحييل واخا طيح علي مصباح علاءالدين وطلب امنية انو يخليك تقرا اشنو فعقلي غاتجييه مستحييلة ههه اووف
اريب:(علا حاجبو وعض علي شفتو التحتانية)بان ليا مفعول لبنج زااال بمرة(نااض وقف)نخلييك ترتاحي من بعد نكملو كلامنا
دهاء:(جمعات ضحكة وطولات فييه الشوفة مافهمااتش اشنو قصد ومصدعااتش راسها تستفسر) بغيت نشوف جوليا
اريب:(باستغرااب دار كيشوف فيها)جوليا..؟؟ مابقييتوش مخاصميين...!! ووخدة موقف ...وداكشي دلخيانة وصحبة مابقااتش مشكييل ولا فيلم سالا
دهاء:(بلعات ريقها🤕)ممكن ...،عندي انا كلشي ممكن !!! تقدر تقول ...انانية وصاحبة مصلاحتها واستغلالية ...انا هكدا 🙄🙄
اريب:(مشا جيهت مازن)شغلك هداااك ...🤔غير هو حاليا ماتقدري تشوفي حتي حد ...ملي يكتب ليك طبيب علي خروج تقدري تشوفي لي بغيتي... (شافت فييه بتساؤول هو فهمها بلا ماتهضر)غير تهناي ماشي بزااف ديال لوقت بيما يكملو الفحوصاات وداكشي لاخر ...بالكثيير 4 ايام ولا 5
كمل هضرتو ودور وجهو شد فيد مازن باش يخرجو يخليوها ترتااح ومازن اصر انو يبوسها هو للول داه باباه حتال حداها باسها فجبهتها ...وهبط راسو باسها فجرحة لي حدا فمها
مازن:(ببرائة خلات دهاء علي شوية تبكي)هاهي غاتبرا ياك
دهااء:(عينيها غرغرو بالدموع متحكمة فيهم غير بزز شداتو بيديها ليسرى كتحسس فييه وابتسمااات)وي حبيبي غاتبرا (تفكراات نهار ضرباتو بالطوموبيل وباستو فالجرهة قالت ليه راه غاتبرا وبقا عاقل عليها)
مازن:(باسها فيديها وباباه كيشوف فيه)غانجي عندك غدا ياك
دهاء:(بابتساامة)وي حبيبي غاتجي عندي ديما كنحمااق علييك انا البطل ديالي وبغيت نبقا نشوفك ديما ياك كتواعدني (خربقات شعرو بيديها وودعاتو)
مازن:(فرحاان حيت غايشوفها ديما)اه اه كنواعدك
هادشي كولو داز تحت انضار اريب كيشووف فيها و منداااهش كاع دوك نضراات الشر لي كانت كدير قبل دقيقة تحولو ...ولات كتباان وحدة خرا انساانة اليفة ولطييفة وضريفة ولفرحة لي كاتكون فعيونها فاش كتكون كتشووف فمازن حكااية بوحدها ... من بعد ما خرجو من لباب دار مازن صيفط ليها بوسة فالهوى وتمشااو هزو باباه ومشا عند طبيب ... هي غمضاات عينيها وكتفكر فموصيبتها..°•
عند جوليا ...لي بقاات علي اعصاابها ولقرودة كيشطحو فوق راسها ...مرة جالسة مرة واقفة مرة كتمشي وتجي ... وكل دقيقة تشوف فالساعة ...وتقول دابا يرجع داغر ...والو توثراات ملي وصلات لوقت فاش كيدخل ومجااش كاع الافكاار الخايبة طاحو فبالها لا من جيهتو لا من جيهت صاحبتها ماعرفات لمن غاتعطي الراس ...بقاات علي داك لحال حتال نص ليل وسي داغر ماهضر ماتكلم ومابان ومكملها طافي تيلفوونو ...عواال يفرقع مرارتها ... طير نعااس من عينيها ...وتخربقاات فدمااغها ...ماعرفاات واش تفكر وتوسوس علي صاحبتها لي فالصبيطار وماعرفاا عليها والو ... ولا علي حبيبها لي خافت علييه وتشوشاات.. حساات بتأنيب ضمير علي طريقة باش هضراات معااه واخا مالييه ذنب... طوااالت سهرة وطولات فجلستها وعقلها كيدي وتجييب حتي حساات براسها فشلاات وتقدر طيح فاي لحظة الي ماتهدنااتش شرباات دوااها....حطاات مخدة تحت راسها وتكااات علي جنبها جمعات رجليها ودارت يديها بيناتهم كتفكر وتحلل حتي داها نعاااس بلا ماتحس...
-