النحرير

النحرير 28

بعد مدة من الانتضار عيات بالصبر وعيطات علي خدامتها

عفراء:(بعصبية)ماريا ..مارياا فيينك

ماريا:(جات بسرعة)نعام الالة عفراء ..بغيتي شي حاجة

عفراء:(غاتموت بالفقصة)بغيت شي حاجة تهدن اعصابي غانفاجر اماريا غانفاجر

ماريا:(بتساؤل)تهدني الالة عفراء ..نجيب ليك لحليب بالبابونج ولا لحليب باللويزة هما لي كيهدؤ اعصابك

عفراء:(كطرطق فصبعانها)واخا اي حاجة حاسة براسي غانفاجر والعافية شاعلة فيا.. واش وائل ماجاش حتال دابا

ماريا:(كتحاول تهدنها)وغير تهدني تلقايه سهران مع صحابو ..ولا مشا لفيلا لي فجنب لبحر يرتااح

عفراء:(مابغاتش تيق كلامها)لا لا ماكنضنش ..انا خايفة غير يكون كيخوني عاوتاني

ماريا:(ابتسمات)عاوتاني.. ياك لمرة للولة طلعتي غير ضلمااه الالة ..بحال هاد لغيرة الزايدة ديالك هي لي غتخليه يطج منك ..رخفي علييه راه اي راجل كيبغي مسااحة لراسو يرتاح ..ماشي بالضرورة مايباتش فالدار صافي كيخوونك

عفراء:(جلساات فوق الكرسي)راسي غاينفاجر ..وعلاش مايجاوبنيش فالتيليفون

ماريا:(باقي بنفس الابتسامة)الي جاوبك غاتبداي عاوتاني فالهضرة ديالك وتندميه خليه هو غايعييط ليك ..عطيه مساحة يتنفس فيها ..ونقصي من غيرتك ..راه الراجل ماكيحملش بحال هاد لغيرة كيعتابرها مرض ..وزايدون الي غرتي نتي اش خليتي لخايبين مايديرو وحدة فجماالك ماخصهااش تغيير كاع حيت ماكينش لي تنافسها ومايلقاااش بحالك ..انا غانوجد ليك دوش تريحي اعصابك ونجيب ليك حليب باللويزة ونعسي رتاحي من هاد لهم

عفراء:(كطرطق فصباعها)اوكي

مشات ماريا وجدات ليها دوش ..دوشات وعطاتها اش تلبس .. جابت ليها لمشروب ديالها شرباتو وتكات بلاصتها

عفراء:(كترد شعرها لجنب)الي حسيتي بيه جا فيقيني واخا

ماريا:(ابتسمات غطاتها وطفات الضو عليها)واخا الالة تصبحي علي خير

■عند اسية

سماح:(جايبة بلاطو فيديها فيه لعشا)اسية عفاك اختي كولي شوية حرم عليك صحتك

اسية:(كانت جالسة فقنت السداري وداير راسها بين رجليها مكمشة وشعرها مغطيها)خليني اسماح لي فيا كافيني

سماح:(تنهدات)وكولي غير شوية عتقي روحك

اسية:(هزات راسها ونضرات الحزن فعينيها مخلطين بالدموع)وجه الله منين غايدووز ..انا صافي ساليت مابقيتش قادرة نستحمل هاد الصدمات كاملين ..ضقت خليني هكا

سماح:(باصرار)نعلي شيطان راه غاتموتي غير بالجوع

اسية:(بنبرة قاسية)خليني انا بغيت نمووت الي كانت غاتريحني لموت احسن صافي عييت