داغر:(دار كيشوف فيه بزربا)انا سمعتك قلتي هاني سبقتك وجيت ديريكت(دار عند جوليا هبط لمستواها وهز راسها قابلها معاه كيهضر بحب)اوي هضري انتي مالك واش بصح كنتي كتبكي
جوليا:(حكات عينيها)لا غير دخلات شي حاجة لعيني وصافي علاش غانبكي واش تسطيتي
داغر:(بعدما طمأن عليها ابتاسم وعنقها خشاها فحضنو)لا غير خفت حبيبتي تكون كتبكي وانا مانحملش لي يبكييها ليا ندفنو تحت الارض(كيشوف فدهاء بابتسامة خبيثة)
دهاء:(بتعجب خرجات فيه عينيها)بلا ماتشوف فيا ماشي انا
داغر:(بعدها وقابلها معاه كيضحك)يعني كانت كتبكي
جوليا:(بجدية)واصافي اداغر راه قلت ليك ماكنتش كنبكي حيت اصلان ماكينش علاش نبكي
داغر:(عاود عنقها وباسها فراسها)واخا ياله نوضي خليتو مازن بوحدو وشادين الناميمة فبنادم هنا
دهاء كتشوف فيها وهي مثوترة مابغاتش تشوف فاريب لي عارفاه كيشوف فيها وحاسة بيه عينيه عليها ..فجأ نحات شوفها علي جوليا وداغر شافت فأخر الممر كتبان ليها شيرين جايا كتعوج فالمشية واخا ديك قتلة العصا لي عطاتها مقادة راسها وكتبان زوينة وعاطية العين.. غير شافتها حسات بالعافية شعلات فيها ونار الغيرة كتاكل.. بدون سابق انذار ناضت وقفات ودخلات عند مازن.. اريب مافهمش سباب القلبة ديالها وعلاش ناضت بديك الطريقة بقا كيشوف فيها دخلات وسدات الباب وسارح فيها كيفكر فكلامها حتي سمع صوت طالون كيقرقب ملي دار لمح شيرين كحل بالعما ونتفس كيحسبن فخاطرو وقف كيشوف فيها
اريب:(باستهزاء)ياك قلتي مافيك لي يخرج اشنو
شيرين:(ماحملاش الطريقة باش هضر معاها كتشوف فجوليا وداغر)لقيت عندي بزاف ماندير وخرجت قلت نجي نشوف مازن هو اللول
اريب:(دار يديه فالجيب كيشوف فيها باستفسار)اشنو عندك ماديري!!
شيرين:(تنفسات بعمق)والو غير عندي موعد مع شي صحاباتي وقلت نخرج بكري نشوف مازن ونمشي عندهم(دارت كتشوف فجوليا متحاشية النضر فاريب)مالك اجوليا اش عندك
اريب:(شدها من دراعها جارها لشومبر فتح الباب)وانتي مالك بيهم كدخلي لسوق لي ماشي ديالك
شيرين:(حطات يديها علي يديه وكتهمس ليه ملي شافت دهاء كتشوف فيهم)انا غير قلت نطمأن عليها..اما انت هو سوقي وشغلي وحياتي كلها
اريب:(حيد يديه من تحت يديها)دخلي دخلي انا مسالي لهاد لهضرة لخاوية ديالك ..هي نيت لي خاصاني فهاد الوقت
شيرين:(تجهلات هضرتو لي كي سم عليها وبدات كتشوف فدهاء لي جالسة حدا مازن مشات حداها ونوضاتها من بلاصتها بلعاني باش تجلس حداه)علي سلامتك الزوين لاباس عليك
مازن:(كيشوف فدهاء لي ناضت من حداه)ماما ديدو اجي حداية
دهاء:(كتعض علي شفايفها بالفقصة من الغيرة حيت داخلين بجوج وحاطة يدها عليه والطريقة باش باش نوضاتها بزز باش نعلات شيطان دازت من جيهة الثانية)هاني حداك احبيبي
أنت تقرأ
النحرير
Action#النحرير بريئة والسحر في حضرتها....يحي ميتا من اللحد ... لا تأمن لبراقة عينيها ولا تثق ببرائة جفنيها ...فمثلها من أخرج ابليس آدم من أجلها.... من الجنة الى السقر مع حبي ❤️ أمونة الفارسي قراءة ممتعة❤️💋
