النحرير

النحرير 34

عند اسية لي كانت جالسة كتفرج وهازة عندها كليبة صغيرة كتلعب معاها حتي سمعات لباب تفتح فاللول صحابها مستعين لي رجع حتي لقاتها غير ضحى المساعدة ديالها

ضحى:(بابتسامة)مدام اسية محتاجة شي حاجة

اسية:(شافت فيها ورجعات شافت فالتلفازة)لا مامحتاجة والو غير ماعجبنيش هاد الفيلم اووف مال هاد الافلام جداد ولا فيهم هاد البرود والملل بحال هكا مافيه مايتلبق ماعرفت لخر من للول..الله يعز الافلام لقديمة.. ديري ليا شي فيلم مصري قديم ديال رشدي اباظة وفاتن حمامة ولا سعاد حسني ..نحييو الرومانسية والحب مليت من هاد الافلام ديال لخيال

ضحى:(مشات كتقلب ليها علي داكشي لي بغات)تبغي نديرو شي حاجة اخرى ممكن تحيد ليك لملل

اسية:(بنفي )لا لا مابغيت والو غير ديري ليا فيلم وخليني نتكونسترا عليه

ضحى:(خدمات ليها الفيلم لي بغات)اه مسيو كاستور راه جا شي ساعة هادي كاين لتحت

اسية:(شافت فيها)ساعة هادي !!وماطلعش لهنا اش كيدير!! كاين بوحدو!!

ضحى:(قربات حداها ويديها ورا ضهرها)ماعرفتش بالضبط لي عرفت انو معصب بلا قياس

اسية:(بتعجب)معصب علاش معصب شكون قالها ليك!! باينة فيه!!

ضحى:(كتشوف فيها)تلاقيت معاه قبيلة فالجردة باش نهضر معاه علي لموضوع لي قلت ليك وهو ينهر فيا وداز.. قال ليا عاصم راه معصب مزياان ومشا كيف لعادة لبار كيشرب ...تبغي تمشي عندو

اسية:(تكات علي لمخدة)لا لا الي معصب غير خليه بغيتي تغامري بيا ماحشمتيش خليه حتي يتهدن مزيان وانا نهضر ليك معاه مازربانين فين

ضحى:(ابتسمات)انا ماشي قلت ليك تمشي عندو باش تهضري معاه عليا .. بالعكس انا بغيتك تمشي عندو وتحاولي تهدنيه توقفي معاه وطبطبي عليه باش يحس بيك فعلا راك فجنبو علاه الي مارتاحش فحضن مراتو وطبطبات عليه ونساتو فأزماتو امتي غادي يحس بيها فجنبو داكشي علاش كنقولك استغلي لفرصة

اسية:(كتفكر)لا لا خايفة يكون معصب فوق القياس ويبرد فيا جنونو بحرا بردو ودنيا.. خليه حتي يتهدن شوية ونشوف

ضحى:(بابتسامة)واخا ها لفيلم لي قلتي انا غانمشي دابا الي حتاجيتي شي حاجة ضغطى علي جرس فرمشة عين تلقايني عندك ..اوي فرجة ممتعة

خرجات وخلاتها كتخبط فافكارها واشنو لي مخلي مستعين معصب وساهي ومهموم ياله تمات خارجة تمشي عندو كيما قالت ضحى حتي سمعات تيليفونها كيصوني لقاتها سماح ختها

اسية:(فتحات لخط وضحكات)فين كنتي نهار كولو وانا كنصوني ليك فين كنتي

سماح:(بفرحة ملي سمعات صوت ختها)اسية ختي لاباس عليك ماتصوريش فرحتي ملي قال ليا خوك ايور راه صونيتي ليوم اشنو خبارك توحشتك فين عطيتي راس وخليتينا مشوشين عليك واش نتي بيخير اختي طمنيني قلبي واكلني عليك