النحرير

النحرير 42

مستعين:(كيشوف فيها بتعجب)اش كديري!

دهاء:(كضحك هزات داك البرودوي وبدات كتمسح بيه التمثال بعدما زولات كاع الطبقة الدهبية المزورة باش كان مغلف وبدا كيلمع ولمعة ديالو كتشعشع)اصلي اصلي ..قلت ليك اصلي استاروث ماغايكدبش عليا ..يعني خدعة كيما قال هههه

مستعين:(بقا كيشوف وملامح التعجب فوجهو)مسخوط ابليس فصورة بنادم هدااك مايقدر عليه غير لي خلقو

اريب:(بتعجب)شكون هاد استاروث عاوتاني!!

دهاء:(شافت فيه وردات التمثال بلاصتو)من بعد ااريب من بعد انا خاصني نمشي

اريب:(شدها من يديها ورجعها جلسات)فين غاتمشي! ..ومتأكدة منها زعما 😏مستحيل نخليك تمشي بوحدك

دهاء:(كتحاول تخبي الابتسامة وبقات شادة فيديه)خايف عليا

مستعين:(كيدور راسو وضحك بخبث)خايف تزيدي تغرقييها كثر ويصدق لا ثمتال لا نتي لا ولدو

اريب:(كيخنزر فيه)صحاابك كاع الرجاال شمايت بحالك

دهاء:(كيبان ليها اريب بقا ليه شوي وينوض يدابز مع مستعين عاوتاني ومستعين مبرد سوق غير كيهضر وصافي)صافي اريب ماتديهاش فيه وخليونا فموضوعنا من بعد ملي نحلوه كل واحد يقتل لاخر ماشي سوقي فيكم حيت بصح طلعتو ليا فراسي بجوج

مستعين:(كيشوف فيها وكيلعب برجليه)علي كل حال عندو لحق بوحدك مستحيل تمشي وحنا ماعرفناش فين لبلاصة وشحال هما ومانضمنوهومش ماكيناش تيقة

دهاء:(باستغراب)ومستحيل يمشي معايا شي حد هو قال ليا جي بوحدك

مازال ماكملاتش هضرتها سمعات تيلفون كيصوني ..وقال ليها علي لبلاصة فين غايتلاقاو وهي ماعرفاتهاش

دهاء:(بعصبية)واش انت تسطيتي راه تسعود ديال ليل هادي وانا ماعرفااش لبلاصة فين جات وباينة بعيدة

ارون:(كيضحك)ماعندك فين تلفي شارع واحد لي كيدي لقهوة لي كنا فيها دااك نهار ودوري علي يديك ليمن انا لداخل ديال لغابة

دهاء:(كتسوط)والك.

اريب:(قاطها كينغز فيها وكيهضر بهمس والاشارات)لا الحمارة قولي ليه واخا 20 دقيقة ونكون تما

دهاء:(كتشوف فاريب)واخا انا عشرين دقيقة ونكون تما

ارون:(بتحدير)انتي عارفة التعليمات مانزيدش نعاودهم

دهاء:(بعصبية)عارفة عارفة جايا بوحدي غير هنينا دراري بيخير

ارون:(مد تيليفون ليهم كيهضرو)سمعتي صوتهم هاهما بيخير اوي علي الله تخالفي تعليمات الغزالة(وقطع)

دهاء:(كتشوف فاريب)فين واش عارف فين!

اريب:(ابتاسم بجنب فمو)ورا دار فين ساكن ديك الغابة بعيدة عليها بشوية هو ماعرفكش فين كاينة عند بالو ساكنة حدا القهوة او ممكن بغا غير يتلفك باش تمشي حتال لقهوة ومن تما يشوفك واش وراك شي حد ولا لا(هز تيلفونها وورااها فين)انتي غاتمشي حتال لقهوى ووقفي تما واحد 3 دقايق من بعد تبعي اللوكيشن لي عطيتك وسيري علي يديك ليمن ردي لبال لطريق هو اكيد حاط شي واحد يراقبك تما باش يعرف واش بوحدك جايا ولا لا ماتاصليش بينا اوك.. انا ومستعين غانسبقووك كاينين طرقاان كيديو لتما وقرااب علي لخرة لي نعت لييك هو متافقيين