النحرير

النحرير "10"

#نحرير
#امونة_الفارسي

داغر:(بلا مبالاة) فينما قال ليا راسي كاين شي مانع!!
دهااء:(ماتسوقاتش لييه عرفااتو بغا غير يعصبها)اوي غير حيت من صباح وانت تشكي مامسالييش مامسالييش
داغر:(عينيه علي طريق)دابا حسييت براسي مسالي وطاحت فدمااغي نجيب دويرة فهاد للحضة رشقاات ليا شغلك
دهااء:(كدور راسها يمين وشماال) لله يستر ... بنادم مدوخ فعقلو باااز... عندك انفصاام فالشخصية سيير تعاالج...
بقاات كتهضر غير بوحدها ...شوية لمحاات شي طوموبيل تابعاهم شافت من المراية الجانبية لي فجيهتها ...ورجعاات كدور فالمراية الامامية ..وكتشووف دوراات وجهها بشوية وهي متعجبة
داغر:(كيشوف فيها وتصرفاتها ومستغرب)مالك ياك لاباس جاتك لحالة
دهااء:(باقي عينيها علي طوموبيل لي ورااهم)مالاحظتيش بلي ديك طوموبييل لكحلة تابعاانا مدة هادي
داغر:(دور المرايا الامامية وكيشوف)عادي واش نحيدو شارع لبنادم حقة رااه لالة دهاء دايزة باشما ديرونجيوهااش
دهاء:(بدون مبالاة بقاات مركزة معااه وهي تنطق بعجلة)دور علي يديك ليمن
داغر:(بعنااد)ماشي طريقي ومادايرش... عمرك تحااولي تأمريني
دهاء:(كطول باالها)اوووف دور وعاود رجع غير نشوف واش فغي تابعنا ولا لا ...
داغر:(كيضحك)واش صحابك كاينة فميركاان مولفة الاكشن مع راسك... نعسي نعسي الحاجة (كيعيب فيها ويضحك)هههه قالت ليك تابعنا
دهاء:(رجعاات تقدات فالكرسي وربعات يديها عرفااتو راسو قاصح ويصحابو كتأمر فيه وتسيرو)ممكن ولفت الاكشن صافي صافي سوق وسكتنا من صدااع... (سكتات شوية وعاودات نطقاات) والكن هاد طوموبيل شفتها شحال من مرة ليوم من صباح تقريبا لعجب
ماتسوقش لهضرتها وبقا غادي ...واخا هكاك مرة مرة يشوف من لمرايا كتباان لييه بعداات وشوية كتلحق عليهم ...تما بدااا لوسواس كيوسوس ليه وتيق هضرتها ... بحركة لا ارادية زاد فالسرعة ودار علي الشارع لاخر ونقص من سرعة ...بقا غادي بسرعة بطيئة باش يعطيه لفرصة يتبعو الي كان فعلا تابعهم ...بعد مدة عاود بانت ليه تابعااهم ...دهاء كانت ساهية فتيليفونها ... وكاتصوني علي جوليا ...حيت تشوشاات عليها.... حتي حساات بداغر نقص سرعة وبقاات كتشووف فييه باستغرااب
داغر:(باستغرااب)اش بيينك وبيين هدا خيينا عاوتاني شي زبلة خرا من زبايلك
دهاء:(شافت لبلاصة فين كيشووف بانت ليها نفس طوموبيل)...اش كتخرف ...اش بينو وبينو حتي يتبعني ...وزايدون انا ماكنعرف حتي شي حد هنا
داغر:(بتعجب)لعجب ...حيت باين ليا مصر مايفقدش اتارنا
دهاء:(تقدات فبلاصتها بلا مبالاة)غبي ...باين هدا واحد من دووك لعينين لي طالق وراايا داك لكيداار هههه غباااء لاحدود له
داغر:(خنزر فييها).. الي ماشتتش لييك سنانك قداامك ماغاتحمدييش لله... ماكنضنش اريب يوصل لديك لبواان ...غير فكري معايا كون نيت واحد من رجال ارييب غايجي هو يعاونك فاش طحتي اوباان مايحتاجش يعيط ليا انا ولا لا
دهاء ...سكتات كتفكر فهضرتو ...بدا لوسواس يوسوس ليها ..حساات بشي حاجة غريبة ..واقعة شكون ممكن يصيفط شي واحد يتجسس عليها وبقاات ساكتة كتفكر حتي وقف داغر قدام واحد داار
داغر:(كيدوز يديه حدا وجهها)هيهو فيين سرحتي رجوع لله
دهاء:(وتفكييرها غارق فداك لي تابعها دورات راسها يمين وشمال)فين حنا ... اسي
داغر:(خرج وسد لباب حل لباب لوراني وهز مازن لي نعس)هبطي هبطي ماغانباتوش هنا
دهاء:(هبطات وبدات كدور وجهها هنا وهنا) فين غانهبط!! وفين حنا!! ...واش كنديرو هنا!!
داغر:(كيتمشي قدامها بدون مبالاة ...شافها ماجاتش وراه وهو يدور)..هادي داري الالة ...مابغيتش نديك لدار ارييب وهو ماكينش وميساء تما ....غتلاقاو عاوتاني تولي مطيحة لينا روح تما ...ومابغيتش نديك لدارك ..تحسبا لأي امر طارئ حييت بان ليا عدويينك كتااااااار ...غير لله يستر مع الله يحفض ...قلت نجييبك هنا غير حتي يجي اريب وديك سااعة يضبر مععاك... كيما كان لحاال كتبقااي بنت وحييدة مايمكنش نخلييك بوحدك فهاد ضرووب اخلاقي ماتسمحش ليا واخا تكوني كينا بغيتي....
دهاء:(باستفزااز تمات غادية لشاارع توقف طاكسي) وانت تاييق انني انا ممكن ندخل لدارك ...من عائلتي مثلا ...شفتك تيقتي رااسك ...وداك سي اريب ديالك ....لي غانتسنااه انا ... خوية بابا..راجلي ...ورثااه ...عندي فييه النص..طايح علي راسك انت واقيلة ..دخل دري من لبرد وسير فحاالك ...(وبداات كتمشى) قالك دااري ....وجهك هداك ولا مسلفو بشر كيدايير...