النحرير

النحرير 47

○ داغر:(بجدية)لي نقدر نصحك بيه كأخ وحيت عزيزة علية وانا اكثر واحد حافض اريب وكنعرفو مزيان يمكن واقع شي سوء تفاهم واخا تشوفي بعينيك لي شفتي حيت ماشي كاع لي كنشوفوه راه حقيقي.. عطيه فرصة تحاورو دوي معاه وفهمي منو مابغيتكش ضيعيه من يديك فلحضة غضب اريب راه يبغيك ويموت عليك ويدير لمستحيل علي قبلك والكن ملي كيتعلق الامر بكرامتو ماكنضنش يحط شي حاجة فوق منها مستحيل فكري مزيان

دهاء:(بدات كتفكر ويديها كتدوزها علي عنقها وكتخلل صباعها بين خصلات شعرها مثوترة)وكرامتي انا اشنو ندير فيها نخليه يمرمد فيها بحال هكا(ناضت وقفات)تسنا هنا حيت عارفاك ماغاتصدقنيش وكلامي دابا غير تخربيق بالنسبة ليك

خلاتو وناضت لبيت هزات تيلفونها لقات الحاجة ناعسة فوق الناموسية وهازة بلقيس

ونور كتلعب مع مازن وفنفس الوقت مجمعين دهاء هزات تيلفونها وتما خارجة

الحاجة:(بتعجب)فين راجعة مزال ماساليتوش

دهاء؛(ابتسمات واخا كانت معصبة مابغاتش تبين ليهم انها مديرونجيا باشما يعرفوش علاش كتهضر هي وداغر)واحد شوية ..انا وداغر ماكنساليوش واحد شوية ونجي عندكم

خلاتهم سدات لباب ومشات لبيت اريب دخلات لقات داغر كيقلب فتيلفونو

دهاء:(كانت جاية وكتقلب فالايميل ديالها حتي جبدات التصاور والميساج عطاتو تيليفون وجلسات قدامو)هاك شوف بعينيك.. ماشي حرقان دم هداك ..حط راسك بلاصتي ..اقسم بالله كون كانت شي وحدة اخرى غيرها مانتعصب ولا نتفقص هكا ..شفتي كون كانت شيرين ماكنتش نتعامل بهاد الطريقة ولا ناخد هاد الموقف حيت انا لي حارقني هو انو عرفها كانت بغات تقتلني واذاتني بلا قياس ..عواض ياخد موقف مشا خرج معاها ..كيتغدا هو وياها ومعنقاه وشادة فيديه ..كون كان كيبغيني ماغاديش ينسا انها كانت كتخطط تقتل لي كيبغيها.. لا كيما كيبان ليك لاغي تماما هادشي ..مامسوقش(سكتات شوية وهضرات)اشنو غانفهم ..ااء قرا لميساج ..وحدة فبلاصتي وشافت هادشي ..راجلها لي كتبغي مع اكتر انسانة كتكرها ماكرهاتش تقتلها من كترت ماكتكرها حتي سيرتها كنكره يهضر عليها ولا يجبد سميتها ..يوصلوني كاع تصاور هو وياها خارجين ولا علي بالهم وانا فوجه العافية، نسا انني كنخاطر بحياتي غير باش نكون معاه.. وهو خارج واكل شارب مع عدوتي ..اهه عدوتي واحقر انسانة بالنسبة ليا وكنكرهها ..كيفاش بغيتني نتصرف ..وانا اكثر حاجة كنعاني منها هي الخيانة ..وهو عارف هادشي مزيان وديما كنوصيه ..وباش قتلني وسالة معايا اني سولتو بحال الي حسيت سولتو واش شافها ..نكر وبدا كيتلف ليا لهضرة يمين وشمال

داغر : (بجدية تيشوف في التصاور اللبسة لي كان لابس اريب و مازن نهار  لي كان جالس هو وياه فاش رجع لاسكتلندا باليل)بلاتي احبيبة بلاتي ..كنت عارفو سوء تفاهم.. حيت هاد نهار جيت انا من شهر لعسل وتلاقيت معاه ..اقسم بالله ماكان باغي يمشي يشوفها
دهاء:(كتشوف فيه)والكن راه مشا
داغر:(بغضب)سكتي خليني نشرح ليك ..الحاجة لي قالت ليه يمشي حيت هي عيطات لحاج بغات تشوف مازن والحاج طلب من الحاجة تقولها لاريب وانا كنت حاضر ..كون ماكنتش حاضر نقول كدوب ولكن انا شفتو كيفاش مابغاش يمشي وطلب مني كاع نمشي ومابغيتش نتي عارفاني ماعنديش معاها ومشا هو غير حيت طلباتها لحاجة ومابغاش يخسر خاطر الحاج وهو مريض ..يعني هادشي هي مخططة ليه حيت عارفة اريب فديك الضروف مايقدرش يعصب باه ويرفض ليه شي كلمة ..حبكات خطتها ورسماتها مزيان وبغات تشتت شملكم وراه نجحات وشيطنات بينكم
دهاء:(كتشوف فيه بغضب)بصحتها اسيدي تنجح علاش ماتنجحش هو لي عاونها وعطاها فرصة تنجح حيت كون كنت بصح مهمة عندو كيما كتقول حتي هو مايمشيش علاش يمشي اء انت ماكتحملهاش وهو اش ااء.. حتي الحاج والحاجة غلطانين والكن هو بزاف حيت هو عارف شحال كنكرههاا.. كنحلفو اداغر عمرو يشوفها وواعدني واخا واعدني وماوفاش بوعدو دابا واخا يكون برئ من هادشي كولو ماغاديش نسمح ليه وماغاديش نساها ليه..حيت هو سباب فهادشي.. يكون خاني ولا هي كتخطط ولا ماتخططش راه عطاها فرصة فين تزيد تأذيني وتسمم بدني بهاد زمر (بدات كتمسح شي دميعات نزلو ليها)الحاج والحاجة نقدر نتقبلها شوية حيت ماواعدوني بوالو.. واخا كنعتابرها خيانة حيت هما عارفين اشنو كانت ناوية دير ليا واستاهنو بهادشي كلو وصغروني فحال الي روحي ماساوية عندهم والو.. ولي زاد ازمني هو الحاج مزال كيهضر معها ويتعامل معاها كأنها عمرها فكرات تقتلني ولا تنهي حياتي وانا مزال كنعاني بسبابها واش لهاد الدرجة انا رخيصة عندهم كاملين.. حتي واحد مافكر فاشنو غانحس انا الي عرفت راه تنساو كاع لي وقع والمسامح كريم ..مايمكنش..والله زعما تصدمت.. مايمكنش الي بصح نساو وعادي دخلات بينتهم من عاود وجديد انا وديك سيدة مستحيل نكونو عضوين فعائلة وحدة مستحيل غير هي ولا انا وباين شكون ..ماكنتش بغا ناخد موقف علي قبل معزتهم واخا ماهتموش لية انا مزال كنكبر بيهم ..والكن من بعد هادشي لي شفت الموقف غايتخاد حيت انا قررت صافي
الحاجة:(سمعات هضرتهم حيت تبعاتها تعرف اش كيقولو شكات فيهم غيكونو كيهضرو علي لمشكيل لي بينها وبين اريب وتصنطات عليهم بدافع الفضول حيت حسات ان لي بينها وبين اريب كبير هضرات بحدة وغضب هاد المرة)واشنو قررتي بالسلامة غادي تهربي عاوتاني اءء