النحرير

النحرير 22

جلسات الارض كترجع نفسها وعينيها مزال كيتأملو فالحوايج.. دارت يديها علي وجها وبقات شوية حتي شمات رائحة العطر ديالو حطات يديها علي الارض وكتفكر فعايلو والغدايد كياكلو فيها عاد بداو ردود الافعال والاجوبة كيطيحو عليها حتي مشا ملي كان حداها حسات براسها وحدة اخرى ماشي دهاء لقوية لي ماكيخلعها حد بدات كتعجب من تصرفتها واش لهاد درجة فقدات تقة فراسها ومابقاتش قادرة تعتامد علي راسها طاحو شي دميعات من عينيها وهي كتفكر واش بصح ولات وحيدة وجبانة ومعندهاش شي حد اخر علامن تعتامد فحياتها تفكرات اقرب واحد ليها ولي كتحس فعلا بالامان معاه كيفاش حتي هو خلف بوعدو وماسولش فيها وماطمأنش عليها وحتي عيد ميلادها ماباركوش ليها ..واخا واعدها غايعاود يتاصل بيها ماتاصلش جمعات رجليها بيديها كأنها كتحضن راسها بعد مدة تنفسات بعمق وهي كتحلف فاريب انها غاتوقفو عند حدو فاقرب وقت مايمكنش تخلييه يستافزها ويلعب علي اعصابها بديك الطريقة ماشي دهاء لي تعامل هكاك لازم تحد هاد لمهزلة ..دورات وجهها ولمحات لكسوة لي كانت رمات مشات كتحبو علي ركابيها جيهتها حتي وصلات وجلسات هزاتها كتشوف فيها شحال بالاعصاب هبطات عليها دقة وحدة وقطعاتها.. خوات فيها سمها وهي كتقطع فيها طراف طراف ..ملي سالات ناضت كتقلب علي ماتلبس شافت راسها حرقها وهي تهز اول حاجة طاحت عليها عينيها لي كانت عبارة عن سروال كحل سوميجة فالبيج بالبابيون فجنب العنق وصباط فنفس اللون ..دارت شوية المكياج وطلقات شعرها مخبية بيه عنقها رشات من ريحتها وخرجات من لبيت ضد وعناد مالبساتش كسوة كاع وهدا كان مبتغى اريب من للول والكن عارفها راسها قاصح وماكتجيش بالساهل عنيدة ومتمردة داكشي علاش كيحكها باش تنصاع لاوامرو بدون شعور ..هبطات والتحقات بيهم لقاتهم مجمعين واريب واقف بعيد عليهم شوية وكيدوي فالتيليفون مع شيرين بقات كتمشي وهو متبعها بعينيه وفالداخل ديالو كيتحلف انو غاينتاقم من داك لجمال ديالها ..واخا دارت داكشي لي بغا وطاعتو بدون شعور منها وواخا لبسات لمستور لبسة لي لبسات فصلات جسمها وبرزات مفاتنها بدقة ..علي الرغم من انها بسيطة الي انو هو كتبان ليه غزالة بلا قياس واي حاجة كتلبسها مغرية ولا مستورة كتجي معاها ..مشات جلسات حداهم وهو باقي متبعها بعينيه حتي وصلات بسرعة صدر شيرين ومشا انضم ليهم كانت لبلاصة حداها هي لي خاوية حيت لبلاصة فين كان جالس هو جلس فيها ويليام ولبلاصة فين كانت جالسة هي جالس فيها مازن ..مابغاش يجلس حداها نوض لحاجة من حدا لحاج ومازن جلسات حداها وجلس هو بلاصة مو ..اغلبية جاتهم عادية حيت كيعرفوه من صغرو ماكيحتكش بالبنات بزاف واخا هما كيدورو عليه هو مامعمرش راسو بيهم والكن هي حسات براسها غاتنفاجر حيت ضنات انو كيكرهها لدراجة مابغاش يجلس حداها بردات راسها ملي تفكرات لمثل ديال لقلوب عند بعضها يعني كيما هي كتكرهو فحتي هو خاصو يكرهها واخا مابغاتش تسرط ليها ..دهاء واخا ماعندهاش مع لبشر بزااف والكن بعد لمرات كتجيها الانانية لمفرطة كتبغي تكون هي طوب وهي محور الكل وهي نامبر وان وكتمرض الي تفضل عليها شي حد هي تكره هما مايكرهوهاش هي تحقد هما مايحقدوش عليها مهم هي تكون لكل فالكل داكشي علاش مرضات وتصدمات ملي اندرو فضل فيرونا عليها كانت بالنسبة ليها كارثة خلات تقتها تهتز براسها وكتكره اكثر لي كيخالف وعودو ليها وهادشي بالضبط لي خلاها تكره اريب بحال هكا بدات كتشوف فيه كيفاش كيلعب بتيلفونو ومامسوقش كانو ملاك علي الارض لي شافو مايقولش هو داك الشخص الخبيث المتسلط لي كان معاها لفوق كيعرف يمثل بقات سرحانة مافيقها من شرودها غير صوت داغر وهو كيسول فيها