اريب:(جمع الابتسامة)من معدتي..(خلاها بدون جواب وبقا كيشوف فولدو من المرايا)البطل ديال باباه مالك ساكت
مازن:(بعفوية)خليت لولو بوحدها.. وديدو مقلقة كاعما بغات تهضر معايا ونضحكو
دهاء:(دارت كتشوف فيه مصدومة)لا احبيبة مامقلقاش غير كنفكر فطاطا جوجو مريضة مسكينة غير نشوفوها بيخير ونرجعو لدار لعبو ليل كولو ماغانعسووش
مازن:(كيبتاسم)ياك حنا غادين نشوفوها.. ونديو ليها لورد وشكلاط وغاتفرح وتبرا ياك ..بحالك نتي فاش كنتي مريضة
دهاء:(ابتسمات ليه)جوجو ماكتبغيش لورد ههه
اريب:(بتساؤل)فكرتيني.. خونا المعجب باقي كيصيفط ليك الورد ولا مل منك
دهاء شافت فيه شوفة قتالة ..ورجعات كتشوف فالطريق ساكتة مابقاش عندها فين تزيد شي قمعة خرى خاصها توجد ليه وترجع ليه الصرف بالضوبل
وصلو لصبيطار ومشاو بالزربا لغرفة لي ناعسة فيها جوليا ..دخلات دهاء بلا دقاان متوحشاها وخايفة عليها مارتاحت حتي شافتها ناعسة فالسرير وداغر جالس حداها كيلعب فشعرها ..كان وجهها صفر وباين عليها التعب والمرض ..ابتسمات بمجرد شافت دهاء ..ملي باستها فجبهتها وجلسات حداها كتطمأن عليها
دهاء:(بمزاح)خلعتينا عليك ..كنتي غاتسكتيلي لقلب ..كون متي كنت غانتبعك ديك ساع
داغر:(طول يديه ضربها فكتفها)ماحنا علي فاالك ..الله يطول ليها فعمرها ..باقي ماساخيش بحبيبتي انا
اريب:(خاشي يديه فالجيب وكيهضر بثقالة ورزاانة وشوفة رجوليا كتزيد من هيبتو ووسامتو..لي شافو مايقولش هدا هو نفس الشخص لي كيضل يتناكٌر مع دهاء وداير عقلو فيها)علي سلامتك مدام لعمراني
جوليا:(ضحكات ..وشافت فداغر)ههه مدام لعمراني كاع ..باقي عليها الحال .. الله يسلمك وينجيك
داغر:(كيشوف فيها بنضرة حب واشتيااق وخوف ناسين راه كاينين واحد جوج حداهم)فاقرب وقت احبيبتي..غير توقفي علي رجليك بالصحة والسلامة ونكتبك فسميتي ..تولي ديالي قدام كلشي ..مراتي وام ولادي
جوليا:(بدلع ..هي اصلان دلوعة والي زادت كدووبو)مم ماكرهتش من دابا اشيري
داغر:(باسها فجبهتها وكيستمتع بدلعها وغنجها عليه)طيرتيها مني خلعة البعلوكة ..كون وقعات ليك شي حاجة ..كنت نمشي فيها
جوليا:(بابتسامة 😍 وعينيها معسلين كتهضر بزز)الله ينجيك احياتي ..ويخليك ليا
دهاء:(بابتسامة)هيه هيه الله يخليكم شوية ديال لوقت لينا راه حنا هنا زعما ..كدير بحال الي غبرات عليك عاام ..ماكانش 5 ولا 6 سوايع
داغر:(كيضحك)بحاال الي 6 سنين .. هادشي كبير عليك
الحب الحقيقي هدا ماتعرفييش لييه حتي تكبري ونشرحو ليك
أنت تقرأ
النحرير
Action#النحرير بريئة والسحر في حضرتها....يحي ميتا من اللحد ... لا تأمن لبراقة عينيها ولا تثق ببرائة جفنيها ...فمثلها من أخرج ابليس آدم من أجلها.... من الجنة الى السقر مع حبي ❤️ أمونة الفارسي قراءة ممتعة❤️💋
