النحرير

النحرير 23

بعد مرور عدة ايام كانت دهاء واسية مستمتعين بالبحر والهواء النقي ديالو ومع الوقت كان فالشتوة كان البحر شبه فارغ ماكينش البشر بزاف ..وهادشي لي حبب دهاء فالبقااء لاكثر من 3اسابيع ..ولات كتلقا راحتها فالبحر تنفس الهواء ديالو وتسمع صوت امواجو لي كتبعت الراحة فالنفس والكن ماكتعومش فيه.. كانت جالسة قدام الشاليه ديالها لابسة دوبياس فالاسود وكاشمير فالبلو دايرة نضاضرها وشمس ضاربة فخصلاتها الدهبية والبشرة ديالها كتبري حيت دهنات بالومبر ومتكية فوق الرولاكس مسرحة رجل ورجل جامعاها حتي حسات بشي حد حجب الشمس عليها ضناتها فاللول اسية سالات لعومان ورجعات من لبحر حيدات نضاضر وفتحات عينيها وهي تغوت بالفرحة ناضت كتنقز.. حتي هو هزها عندو معنقها من خصرها وهي مدورة رجليها علي خصرو ومعنقااه بحر جهدها.. بحال الي خايفاه يهرب

مستعين:(معنقها ومبتاسم)توحشتك ازين ديالي

دهاء:(بعدما هبطات ضرباتو فصدرو بيديها ووقفات بلاصتها بعيدة عليه شوية زعما مقلقة)توحشتيني وغبتي هاد لمدة كاملة بلا ماتعيط وقلتي ليا مورا شهر غانرجع كاعما رجعتي بحرا طفات عليك شمعة

مستعين:(قرب منها هز وجهها بيديه كيتأمل فيها بتبت وجهها بيديه وكيدوز صباعو علي حناكها)كنت مشغول بزاف احياتي علي قبلك ساليت كاع لي تابعني فمرة باشما نديرونجاش وانا معاك ..(خداها فحضنو معنقها وكيستنشق فريحتها)توحشتك وتوحشت ريحتك

دهاء:(دفعاتو عليها)وانا ماحملتش هاد ريحة لي داير روعاتني خانزة

مستعين:(بتعجب كيشم فريحتو طيحات ليه الشك)زعما مازويناش.. ماشي موشكيل احبيبة نبدلها غير بقاي علي خاطرك.. وبعدا لبنات كيحماقو عليها

دهاء:(ربعات يديها كطلع فيه وتهبط)لبنات لبنات لبنات قهرتيني بيهم دابا انت معايا نسا عليك العالم ..شكون قالك انا هنا

مستعين:(جلس بلاصتها داير يديه ورا راسو)قالها ليا عاصم ..هو لي جابني هنا يوماين هادي وانا فالقاهرة تسنيتك ماجيتيش قلت نجي انا شفتك ولفتي جو لبحر

دهاء:(واقفة كتشوف فيه)يوماين وياله تفكرتي دهوؤتك تشوفها

مستعين:(حيد نضاضرو وكيتأمل فيها)واش مابقيتيش كديري سبور راك غلاضيتي... وافقك لجو ديال لمغرب

دهاء:(كتشوف فراسها)ماغلاضيتش

مستعين:(وقف كيبتاسم ليها شد فحنوكها)غلاضيتي وزيانيتي وانا غانبدا نغار عاوتاني لحورية ديالي مابغيت حتي شي حد يتزعط ليا فيها

دهاء:(كتأفأف حطات يديها علي فمها)ريحتك امستعين لا تطااق بزاف ماعرفت مالك علي هاد الروايح كنتي كدير روايح زوينين اخر مرة شفتك كانت ريحتك غزالة

مستيعين:(رجع كيشم فراسو ومتعجب)ماتبالغيش ماشي حتال هاد الدرجة... وزايدون كثر من سنة مابدلتش الريحة