○داغر:(بجدية كيديماري الطوموبيل) دابا واش هو كيعرفها ديجا ولا اش مافهمتش لبلان دغيا مشاات معااه كيفاش!!
اريب:(كيدير فالصمطة)لا ماكنضنش كتعرفوو اول مرة تشوفو حيت شفتي فاللول كيفااش كانت كتصرف.. انا كنضن بلي هو كان متتبع شيرين كيف ديما حتي شااف داك لبلان لي وقع بينها وبين ميسااء وملي شاف ميسااء كيفاش تعاملاات مع شيرين والصداع لي ناض بينهم قرر يستااغل الوضع لمصلاحتو وخصوصا ملي لاحظ علي ميسااء انها ماكنتش حاملة شيرين وكيفاش كتحلف عليها وكتهددها داكشي علاش خدا البادرة ومشا عند ميسااء باش يساومها بداكشي لي كيعرف علي شيرين كيما دار معايا .. وطبعا ميسااء ماغاديش تفلت الفرصة فين تجييب شيرين تحت رجليها وديرها كيف الخاتم فصبااعها بأي ثمن تقدر تدفع ليه ضعف المبلغ لي كيطلب فعشرة غير تاخد منو معلومة ذل بيهم شيرين وتنتاقم منها هادشي لي بان ليا ..والكن غير كيفاش تطورات الامور حتي وصلات لقتل ماعرفتش.. كنضن حتي هو تعااون معاها فهادشي!!
داغر:(كيسوق ومتبع كل كلمة كيقولها وكيحللها)يعني ميساء هي لي قتلات شيرين ..(سكت شوية ورجع هضر)والكن هاد التسجيل وهاد دلائل لي عندنا مستحيل يدينو ميساء بشي حاجة البوليس خاصهم دليل ملموس او اعتراف .. حيت مجرد دابزات معاها او انها هضرات مع شي واحد ولا شي حاجة بحال هكا ماشي دليل علي انها قتلات وماشي جريمة ..باش نتاهموها خاصنا دليل ملموس ماشي هادشي.. حيت الصورة وضاحت غير بالنسبة لينا حنا لي عارفين الموضوع اما البوليس ماكنضنش غادي يتاهموها بهادشي
اريب:(بجدية)بصح هادشي ماغاديش يكون اتهام كامل باش يتلقى القبض عليها يعني خاصنا شي دليل ملموس ...قول ليا داك التسجيل لي كانت هزات ليا دهاء من الطوموبيل واش بقا عندك ولا عندها فين تلات بيه الوقت !!
داغر:(كيشوف فييه)لا بقا عندي حيت مؤخرا فاش بغيت نكتب تقرير علي لقضية خديت كاع المستنداات والملفاات لداار عندي باش نخدم ترونكيل
اريب:(كيشوف فيه)يعني دابا التسجيل كاين فالدار عندك اوي دور رجع ليها خاصني ضروري نعاود نشوفو .. ممكن نلقاو شي حاجة تنفعنا .. عقلت علي لحوار ديالنا كان قال ليا شوف هاد التسجييل الي عجبك تاصل بيا عندي ليك حسن منو وبدا كيدخل عليا ويخرج فالهضرة
داغر:(ساق متاجه لدارو كيما قال ليه اريب)وفين غاتاصل بييه ..اشنو كتفكر دابا!!
اريب:(غارق فتفكيرو)يمكن مخلي نمرة فالتسجييل شكون عرف انت ملاحضتي والو فاش شفتييه!!
داغر:(بتعجب)انا عمرني ماكملت التسجييل حتي اللخر كنشوف غير اللول صافي يمكن يكون مخلي النمرة فاللخر
اريب:(كيلعب بصباعو)عالله نلقااوها حيت هو الخيط والي لقينااه هو لي غايوصلنا للمفييد وماشي بعييد يكون هو نيت عندو يد فمووت شيرين يكون هو لي اتلها بيديه نيت... الفلوس يديرو لعجب !! وواحد بحال هداك مستااعد يديير اي حاجة فهاد الدنيا باش يربحهم وميسااء غاتنفد ليه الطلبات ديالو كاملين وغاتعرف ليه حيت هي اهم حاجة عندها هي تنتااصر فاللخر ومداام كانت دايرة شيرين فبالها راه غاتخلص منها بأي ثمن كاان
أنت تقرأ
النحرير
Action#النحرير بريئة والسحر في حضرتها....يحي ميتا من اللحد ... لا تأمن لبراقة عينيها ولا تثق ببرائة جفنيها ...فمثلها من أخرج ابليس آدم من أجلها.... من الجنة الى السقر مع حبي ❤️ أمونة الفارسي قراءة ممتعة❤️💋
