النحرير

النحرير 43

ويليام:(ابتاسم وعينيه لمعو بالفرحة ملي شاف دهاء سلم علي تهامي عاد سلم عليها وبقا شاد فيديها)دهاء لاباس عليك فين غبرتي

دهاء:(ابتسمات)انا لي غبرت ولا نتوما.. اوي فوجتو مزيان

ويليام:(جلس مقابل معاها)شوية ..كنتي خاصنا غير انتي كانت غاتكون احسن

دهاء:(بلعات ريقها وابتسمات) ماعليش مرة اخرى انشاءلله

الحاج:(كيشوف فويليام)اشنو قالو ليك فالخدمة شي حاجة مستعجلة

ويليام:(عاد تفكر تلفاو دهاء)ااء لا لا والو غير استشارة وصافي

الحاجة:(ابتسمات)هي غاتزيد معانا شي ايام اخرى

ويليام:(كيضحك)ماشي شي حاجة كثيرة يوماين ولا 3 الي كثرت

الحاجة كتهضر معاه وكتشوف فدهاء لي كل ساعة تسد تيليفون ملي تجيها شي مكالمة ..حتي شافت لابيل ديال اسية عاد استأذنات وناضت من حداهم

اسية:(بعصبية)فينك ازعترة مالك ماكتجاوبي طيحتي ليا لما فركابي يعطيك موصيبة

دهاء:(ببرود)مالك اشنو واقع!

اسية:(تنهدات)خلعتيني ابنت لحرام قلت ماعرفت اش وقع عاوتاني ملي ماكتجاوبيش الله يعطيك لكلاب يكونو جاهلين كيما جهلتينا معاك ..مالك ماكتجاوبي اريب يشدك يفرعك فينك فينك

دهاء:(بتعجب)اريب !!فين شفتيه نتي؟

اسية:(بغضب)يشوفك عما فينك!

دهاء:(بعصبية)وهضري باركة من دعاوي فين شفتي اريب عيط ليك!

اسية:(تنهدات)كون غا عيط لاباس ملي فاق ومالقاكش نتي ودراري سخط وجا لهنا صحابو كاينة عندنا وملي مالقاكش حتي هنا كملات عليه وصعر كثر خصوصا ملي ماجاوبتيهش قفرتيها شعلتيه عاوتاني ..فينك!

دهاء:(تنفسات بعمق)فين غانكون انا جيت عند الحاجة ..راه كاينة غير فدارهم

اسية:(بتعجب)اوي جاوبيه وقولي ليها ليه باش يعرف فينك.. واش بقيتو مخاصميين علي قبل داك لمشكيل

دهاء:(تنهدات)لا ماماخاصمينش

اسية:(بتعجب)اوي اشنو واقع وعلاش ماجيتيش ..ياك قلتي غاتجي تجيبي ليا مصعب باش نديه لمو

دهاء:(شافت فيهم)راه ديتو صباح ليها ومن تما دزت لهنا الي هضرتي معاه قوليها ليه

اسية:(بتعجب)شوفي نتي ماعاجبانيش شي حاجة تما ..عرفتي بقاي تم هاني دابا غانلبس ونجي عندك ماتمشي فين واخا

دهاء:(ضحكات بشوية)ضارك راسك تعرفي لخبارات ياله اجي

قطعات معاها ورجعات جلسات بقاو كيهضرو شي دقائق هي مجمعة معاهم وضاحكة وتيلفون فيديها حتي كيبان ليها اريب جاي قاصدهم ومعصب مابقاش كيبان ليه شكون جالس تما وقف قدامها مخنزر ومعصب ولقرودة لحمرين كيشطحو فوق راسو بالغضب وخطف تيلفون وزف بيه مع الارض حتي تشتت علي 20 وشدها من شعرها وصرفقها قدامهم الحاج والحاجة والتهامي غير كيشوفو مصدومين