جوليا:(دار لجيهة تانية وعطاها بالضهر..ضحكتها ردة فعلو والكن حبسات ضحكة وكملات)شفتي هاد لفعايل كيديروها غير لخائنين ..كون كنتي برئ غادي تخرج فيا عينيك وتقول لا احبيبة ماكنخونكش دابا برهنتي ليا انك بحالهم
داغر:(تنهد وابتاسم بلا مايدور عندها)انا خائن واخا الله يرحم الواليدين غير خليني نعس قبل مانديرها بصح
جوليا:(تكات عليه كتلعب فلحيتو)لا حتي تقول ليا شكون هي لي تبعها
داغر:(دار عندها وعنقها)خدمة احبيبة غير خدمة واش انا مصطي بقات ليا غير وحدة اخرى نشوف فيها باركة عليا غير انتي وصاحبتك فيكم البركة ههه غاتخرجو ليا شيب الحمر اما لبيض حالو ساهل
جوليا:(كضحك)ومالك مع صاحبتي انت باركة عليك غير انا بوحدي صاحبتي خليها عليك
داغر:(دار يديه علي وجهها كيلعب بخصلاتها لي طايحين عليه)مم عمرني عرفتك مغيارة البعلوكة ..كتغيري عليا
جوليا:(بدلع)كيفاش عمرك عرفتيني مغيارة ..هي ماكنحسش بحال الناس ..ماشي بنادم انا
داغر:(كيضحك)لا حاشة غير قلت زعما عقليتك تكون فشكل
جوليا:(خشات صباعها فشعرو كتلعب فيه)واخا نكون فشكل ..والكن حبيبي ونور عيني مانبغيش لي تشاركني فيه ..بغيتو ليا بوحدي
داغر:(عنقها)هاهو ليك بوحدك ازين غير رتاحي نعسي وعنقييه قبل مايطير من حداك وشدي فالرييح ديك ساعة
بقات مخشية فحضنو كتستنشق فريحتو وساكتة تفكرات هضرت دهاء.. بقات كتفكر فيها شحال حتي عيات وغفات ..ومع نعسو معطلين ..صباح ماقدروش يفيقو بجوج..دهاء كيف العادة فاقت وفيقات مازن باش يمشيو تديه لمدرسة ساع حلف مايمشي خلاتو علي خاطرو هبطات هي وياه لتحت فالجردة لقات التهامي وسعاد كيفطرو
سعاد:(بابتسامة)صباح نور والياسمين
دهاء:(جلسات حداهم)صباح الورد ازين ..صباح لخير الحاج
التهامي:(بابتسامة)حنا ماكين لا ورد لا ياسمين صباح لخير حرفية
دهاء:(كضحك)اسيدي صباح لورد الريحان والعنبر والسوسان والياسمين
التهامي:(كيضحك)اوي هكاك مقبولة
سعاد:(كضحك)لله يستر
دهاء:(كضحك)داغر وجوليا مزال ناعسين
سعاد:(جلسات مازن كتطبطب عليه)اه داغر دخل معطل ماغايفيقش بكري(كتشوف فمازن)اوي لبطل ديالنا القوي باش بغا يفطر
مازن:(كيضحك)بغيت بحال ديدو
دهاء:(كضحك)وليت نشرب لحليب بمسبتو ههه زعما كيتعاند
سعاد بقات كتهضر مع الخدامة تجيب ليهم اش بغاو.. دهاء:(ناضت وقفات)انت غانطلع نفيقهم ..يا نعسو كاملين يا بلاش
أنت تقرأ
النحرير
Acción#النحرير بريئة والسحر في حضرتها....يحي ميتا من اللحد ... لا تأمن لبراقة عينيها ولا تثق ببرائة جفنيها ...فمثلها من أخرج ابليس آدم من أجلها.... من الجنة الى السقر مع حبي ❤️ أمونة الفارسي قراءة ممتعة❤️💋
