○دهاء:(كتشوف فجوليا وكضحك حيت فعلا داكشي لي كاين هو لي قالت)اوي صافي صافي ماتكتريش
نور:(ابتسمات وعنقات دهاء)هكداك احبيبة بقاي ديما ضاحكة نورتي وخدودك زادو حمارو زعما هاد الكادو دار فرق معاك راه قاريك نيت
دهاء:(ابتسمات)مهم تفكرني ..وفكرني فعلاقتنا فاللول كان كل ساعة يوصلني كادو بحال هدا من شي واحد مجهول ..يصيفط ليا الورد وشعر وغزل وحب ..وهو قدامي يدابز معايا ويعصبني ويغددني ..ماشكيتش للحظة انو ممكن يكون هو لمجهول لي كيصيفط ليا داكشي ..دوز عليا لويل عاد ريحني دابا كيفكرني فدوك الايام
جوليا:(كضحك)عاودتي ليها نهار عيد ميلاد ديالك(تنهدات)الحب زوين
نور:(كضحك عليها)عاودات ليا كلشي.. الحب زوين الي لقيتي انسان كيحبك ديال بصح ومستاعد يضحي علي قبلك ويحتارمك ويقدرك ..الحب هو يكون مخلص ليك ونتي تكوني مخلصة ليه وهاد الاخلاص يكون نابغ من الداخل ماشي باجبار النفس عليه.. هادشي كيخلق حب حقيقي صادق ونزيه ونقي.. مبني علي اساس الصدق والمحبة والاحترام والرضى.. واهم حاجة الثقة ..الثقة كتخلي مجال اللحب بين الطرفين باش تزيد تزداهر علاقتهم وتطور لابعد حدود ..حيت شك كيقتل طعم الحب
دهاء:(بابتسامة)علاش حاسة بلي هادشي موجه ليا
نور:(كضحك)نو ليكم بجوج انا غير كنهضر
سمعو دقان فالباب وشافو فيه دخلات عيشة جايبة لفطور لجوليا
عيشة:(بابتسامة)خاصاكم شي حاجة اخرى
دهاء:(بتعجب)فين راها الحاجة!
عيشة:(ابتسمات)خليتها مع ميسيو اريب كتهضر معاه.. نجيب ليكم شي حاجة
دهاء:(كتفكر)لا لا غير سيري
نور:(كتشوف فجوليا)نتي مازال كاعما فطرتي
جوليا:(هزات قهوة كتشرب فيها)فيقاتني هاد لخليقة جيت مدعوقة حتي لفطور مافطرتوش.. وهاد تمارة كاملة غير باش تسولني علي لعمر ديالها اريب واش كاين عندنا ولا خرج
دهاء:(ابتسمات)الله يمسخك والله الي عيطت عليك باش تجي تجلسي معايا ونجمعو(جوليا ضيقات عينيها زعما راني عايقة بيك)ايه ايه سولتك والكن كنت بصح بغيتك تجلسي معايا
نور وجوليا بداو كيضحكو وحتي هي معاهم ..واحد شوية فاق مازن جلس فوق الناموسية وكيحك عينيه ..فين هي بلقيس
دهاء:(دورات راسها شافت فيه وابتسمات)اح انا علي لكبيدة ديالي فاق كيسول علي ختو ..اجي عندي اجي هاهي بلقيس عند طاطا جوجو.. اجي انعيعيس ديالي
نور:(ناضت عندو هزاتو ومشات لدوش)زيد نغسل ليك وجهك باش تفيف
مازن:(شد فيها ومشا)واش طاطا جوجو غاتدي لينا بلقيس
نور:(كتمسح ليه وجهو بالفوطة وكتمشط ليه شعرو)لا غير بغات تبوسها
(هزاتو وباستو وتمات خارجة عندهم)طاطاه جوجو ياك ماغاديش تدي ليه بلقيس
أنت تقرأ
النحرير
Azione#النحرير بريئة والسحر في حضرتها....يحي ميتا من اللحد ... لا تأمن لبراقة عينيها ولا تثق ببرائة جفنيها ...فمثلها من أخرج ابليس آدم من أجلها.... من الجنة الى السقر مع حبي ❤️ أمونة الفارسي قراءة ممتعة❤️💋
