الغرام يمَك غدا بقلبي مسموح

Part 1

<في بيت ابو الاء الساعه ١ الظهر>
رجعت الاء من الدوام تعبانه ودخلت بدلت ملابسها ونزلت للغدا كان ابوها ف الشغل وبس امها موجود نزلت سملت على امها وجلست معها
الاء:يمه متى يرجع ابوي عشان نتغدا مصدعه ابي انام
ام الاء:يجي بعد ساعه كذا وبعدين لاتنامين اليوم فيه عزيمه ف بيت جدك
تنهدت الاء بضيق:مابروح ابي انام
ام الاء:ابوك م بيرضى روحي م نبي مشاكل
الاء: تم الحين بنام ساعه ونص وبعدين صحيني
قامت وراحت ل غرفتها جهزت ملابسها وراحت تنام عشان تقوم تتجهز وتمشي

<بيت ابو ذياب الساعه ٤ العصر>
دخل ذياب البيت بعد م ساعد جده ف تجهيزات العزيمه ودخل عشان يتجهز ويطلع
دخل غرفته وتنهد بضيق لانه تعبان ومكروف من الصباح قايم
دخل دوره المياه[يكرم القارئ] اخذ شاور وطلع لبس ثوب اسود يرسم جسمه طلع من شم ريحه البخور وصوت نايف ولين تحت
نزل وهو يشوفهم متهجزين ويبخرون
نايف: اخسس وش ذا الزين يحظ حبيبتك
لين:احس حبيبه ذياب بتكون تعيسه حظ
ذياب وهو يمد ياخذ البخور: اقول امشوا بس تاخرنا والله جدي بيلعن اشكالنا
نايف: ايه صرفها صرفها كل م جبنا موضوع الحب صرفتنا
ذياب:يشيخ م صرفتها بس مافي احد
لين:بتطيح ياذياب ومحد بيسمي عليك
ذياب: الا اقول وين امي وابوي
نايف: راحوا عند جدي من بدري يالله تاخرنا
طلعوا متوجهين ل بيت الجد زايد

<عند الاء الساعه ٥ العصر>
فتحت عيونها بتعب ومتكسره فتحت جوالها وهي تشوف رساله من امها محتواها"الاء حبيبتي انا وابوك ف العزيمه اجهزي بسرعه وتعالي "
تركت جوالها وهي مرهقه من نومه العصر قامت خذت شاور وتجهزت على سريع لبست فستان احمر راسم خصرها وملامح جسمها وخلت شعرها منسدل على ظهرها وهو يوصل ل خصرها وحطت مكياج خفيف يبين ملامحها الهاديه ولبست كعب ابيض تعطرت وطلعت تمشي لبيت الجد زايد
*كانوا كل البيوت جمب بعض لذلك مشت على رجولها*

<بيت الجد زايد>
جلست جنب لين بعد م سلمت على الي ف المجلس
لين:يويلي انشهد انك موتن حمر
الاء:نظراتهم تخوف
لين:م ينلامون ف جمالك ي بنت عبدالله
الاء:وربك مصدعه نومه العصر م وراها خير بعدين وش ذي السحبه اليوم تغيبين وتخليني
لين: والله كنت سهرانه والصباح نمت
الاء: تشوفين يالخاينه
ضحكت لين وجلسوا يسولفون وانظموا لهم بنات بنات العمه حصه ملاذ وريم وبنات ابو فيصل ساره وندى
ساره كانت تناظر الاء بنظرات كره لانها سمعت الحريم يمدحون جمالها وجسمها غارت منها والاء م تدري عنها وتسولف على طبيعتها

<جهه الرجال الساعه ٩>
فيصل: ذياب
ذياب: سم
فيصل: وراك تعبان ومنفس كذا
ذياب تنهد بتعب: ياخي صاحي من الصباح ماخذلي اجازه اسبوع واسلتمني جدي كرف
فيصل: تمنيت انك م خذيت اجازه
التفتوا على صوت الجد زايد يقولهم يحظرون العشا قاموا العيال دخلوا البيت ومعهم الصحون

------------------------
العمه حصه: يبنات تعالو المطبخ نجهز العشا
البنات: ابشري ي عمه
قاموا متوجهين للمطبخ ياخذون التحضيرات وطلعوا
الاء قبل تدخل المطبخ راحت عند المرايه تجدد روجها وترجع شعرها على ظهرها
دخلت المطبخ بوسط الزحمه والصحون م شافت البنات موجودين
--
دخل من الباب الخلفي للمطبخ وانصعق من البنت الي واقفه ومعطيته ظهرها رجع ل ورا شوي ولفت الاء على صوت عمتها حصه
العمه حصه:يلي بالمطبخ جيبي معك الحلا
الاء: تم ابشري
لفت للثلاجه وشاف وجهها وهو واقف بمكانه ولايعرف منهي لان العمه حصه م قالت اسمها
تنحنح وانتبهت الاء ان فيه احد وطلعت من المطبخ توجهت للسفره الي جالسين عليها البنات
مُلاذ:الاء وين تاخرتي
الاء: يبنات تخيلوا رعببب كنت بالمطبخ وفجاءه واحد صوت واحد ورا يتنحنح على طول طلعت م عرفت مين هو
لين ضحكت وشرقت بالعصير: الله لايجعلني مكان الي شافك اكيد انه طاح ولاسمى
الاء: يمههه تهقين شافني؟
مُلاذ: لا م اتوقع دامك م لفتي لجهه الباب الخلفي
سكتت الاء وم حبت تطول الموضوع
------------------------