<صباح يوم السبت في المستشفى>
فتحت عيونها بتعب والتفتت على لين ومُلاذ الي كانوا في سُبات عميق من النوم
تنهدت بقله حيله وشافت الساعه وكانت ١٠
قامت دخلت دوره المياه وطلعت قومت لين ومُلاذ
لينن بتعب:بكمل نومتي
الاء:لا بنطلع العصر اقعدوا الحين خلونا نذاكر للاختبارات ترا بكره علينا رياضيات!
مُلاذ:م خذيت كتبي
لين: جبت كتابي انا والاء تعالي تذاكرين معنا
مُلاذ:اكيد امي الحين تدق عليي عشان ارجع البيت واذاكر
الاء:معليك عندي
مُلاذ:بنزل اخذ لنا فطور انتظروني
الاء ولين:تمام
طلعت متوجهه ل تحت
_
<عند ذياب>
نايف كان قايم بدري وجالس على جواله
تنهد بتعب وناظر ذياب النايم ونطق: ولد؟
م جاه اي رد من ذياب ورجع يهز فيه ويتكلم
ذياب بضيق: وجعاه! خلني انام؟
نايف: اقول قوم فيصل بعد شوي يجي هو ونواف
ذياب: جوع يولد
نايف: بجيب اكل من تحت
ذياب: بس اعجل
نايف: يمكن يسممونا
ذياب ناظره بحده:تستهبل! اقلك ميت جوع جيب اي شي
نايف: م اثق في بوفيات المستشفى
ذياب: ياخي بوفيه مستشفى هل تتوقع يسممون ل احد؟
لو يسممون كان سمموا من زمان واشتكوا البشريه عليهم
نايف بأبتسامه:والله انك عقل مفكر
ذياب وهو يسند ظهره على السرير:اخلص
طلع نايف وترك ذياب الي ضايق من قعده المستشفى
__
كانت منزله راسها على جوالها ووصلت ل دريشه البوفيه
ونطقت:السلام عليكم لو سمحت.....
م كملت كلامها ولا وقاطعها صوت نايف وهو جاي من وراها وهو يقول: مُلاذي
مُلاذ: وجع خرشتني
نايف: وش تسوين هنا
مُلاذ: اخذ فطور لي انا والبنات، وانت شتبي؟
نايف: اخذ لي فطور انا وذياب
مُلاذ صدت عنه وكملت طلبها واخذته وماهي الا ثواني واخذ نايف الطلب ولحقها
التفتت وشافتها وراها وابتسمت بخفوت
نايف:تمشين كيلوا ف دقيقه انقطع نفسي وانا اركض
مُلاذ: وانت شتبي ناشب لي
نايف: القمر يبي قرب نجمته
مُلاذ: نعم؟ م انت تقول البارح م للقمر نجوم!
نايف: هذي كذب بس عشان تمشي على جدي والباقين
مُلاذ ضحكت: نجمتك م تشوف القمر ف النهار
نايف: م يطلع القمر الا ف عتمه الليل
مُلاذ بأبتسامه: توكل
نايف: سمي ي نجمتي
مشى نايف متوجهه للقسم الي فيه ذياب وتركها وراه والابتسامه شاقه وجهها
التفتت ل باب غرفه البنات ودخلت وحطت الاغراض على الطاوله وفصخت نقابها وهي مبتسمه
لين: عششنا وش عندك تتبسمين
الاء: شكلها ف البدايات
مُلاذ: اخسس انتي ي الي ف النهايات تراك ف البدايات باقي
لين: يعني فيه احد ي مُلاذ؟
مُلاذ وهي تتذكر كلام نايف ونطقت: م للقمر نجوم
الاء: ايه معليك مصدقينك
لين: ايه
مُلاذ: اقول ترا برد الاكل
تقدموا لين والاء ل مُلاذ وبدأ يفطرون ويسلفون وكانوا هم الثُلاثي الوحيد ف العائله الكل يتكلم عن صداقتهم وجمالهم سوا وميانتهم ويدعون ان هذي الصداقه تستمر للابد لانهم خير صُحبه ل بعض
__
<في بيوت آل زايد الظهر>
كانوا مجتمعين الامهات ف المطبخ كالعاده والبنات ريم وندى وساره كل وحده ف زاويه تذاكر بحكم ان اختبارتهم اليوم الي بعده
الجده:حصه قربتي تكملين تجهيزات زواج نواف
حصه:لاوالله باقي والمشكله زواجه بعد الاختبارات يعني قربب مره
ام فيصل:الرجال هم الي يكلمون راعي القاعه والقهوجيين وكلشي
حصه: والحلى والتحضيرات باقي م كلمت احد ب خصوصها
ام الاء:اعرف متجر شغلهم مره حلو بعطيك الرقم وكلميهم
ام ذياب: ايه معليك بتتيسر انشاءالله
حصه: انشاءالله
<عند الرجال>
الجد:نواف وين رايح
نواف: والله نروح انا وفيصل ل ذياب
الجد:انت ب الاول جهزت نفسك لعرسك؟
نواف: ايه ي جد
ابو فيصل:امور القاعه والقهوجيين مخلصينها وكلشي حتى التنظيف
نواف:تسلمون وم تقصرون جعلني م خلا منكم
ابو ذياب: ولا منك ي نواف
فيصل:يالله عن اذنكم
الجد:موفقين
-
<في المستشفى>
دخل الدكتور عند ذياب وفحصه وشاف ان الجرح بدأ يلتئم
وناظر ذياب ونطق: مشاءالله ي ذياب بدا يلتئم الجرح
ذياب:متى اطلع؟
الدكتور: الحين بشوف نتائج فحوصات امس اذا سليمه ف بكتب لك خروج العصر
ذياب بفرح: بالله؟
الدكتور: ايه
ذياب: يعطيك العافيه
التفت على نايف ونطق:متى تطلع الاء
نايف:ماعندي علم
ذياب:كلم لين
نايف: يالليل الليل
ذياب: اخلص
طلع نايف جواله ودق على لين
ووصله صوتها وهي تقول:هلا نايف
نايف:متى تطلع الاء عشان نعرف مين ياخذكم لان ذياب بيطلع العصر
لين:حتى الاء بتطلع العصر
نايف:بالله
لين:ايه
قفل منها والتفت ل ذياب الي كان يناظره
نايف:بتطلع العصر
ذياب:مين يوديهم
نايف:فيصل ولا نواف
ذياب:اعطهم علم
فيصل وهو داخل:وش العلم
ذياب:بسم الله
فيصل ونواف ضحكوا وتقدموا يسلمون
نايف: بنت عمي عبدالله بتطلع العصر ومعها البنات وانا مقدر ارجعهم معي ذياب
نواف:انا راجع داق علي جدي يقول فيه عزيمه ولازم اكون انا وفيصل موجودين
فيصل: بودي البنات بس اهمشي م اكرف
نواف:من يومك م تبي تكرف
ذياب:جيتوا بسياره وحده؟
فيصل: ايه
ذياب:اجل امش ي فيصل رجع نواف وارجع خذ البنات
نواف:لا باقي الظهر بيجلس يكرف معي واذا قرب العصر يروح ياخذهم
فيصل:قسم انك نذل
نايف وذياب مالوا على بعض من الضحك
وقام نايف ونطق: ابشر ب الفزعه ي ابن عمي بسحب على ذياب واجي اساعدكم والعصر ارجع
فيصل:عززز الله يعزك
نواف:اقول امشوا قدامي ولايكثر
ذياب:طيب طفش وش اجلس اسوي
نايف:ارقد
ذياب رما نايف ب علبه المويه وهو طالع من الباب ورجع نايف سدد له الرميه وطلع بسرعه
ضحك ذياب ورجع يسند نفسه وجلس على جواله
-
<عند البنات>
لين:الاءء ذياب بيطلع العصر واكيد جدي مسوي لكم عزيمه!!
الاء فزت وهي كانت منزله راسها على كتابها
ونطقت:امانه؟؟
مُلاذ:لاا مو وقت العزايمم بكره اختبار!
لين:والله توي الحين راسلت نايف يقول انه رايح البيت يجهز معهم
مُلاذ ابتسمت على طاري نايف ونطقت:طيب كيف نجهز واحنا م بنوصل الا العصر
الاء: كل وحده تروح لبيتها وتاخذ اغراضها وتعالوا اجهزوا عندي ونطلع للضيوف على المغرب
لين:ماحب عشا العزايم
مُلاذ: نطلب من ماك
الاء:والله كلن على همه سرا
لين:معليش بس بطني اهم من كلشي
مُلاذ:اتفق
الاء وهي منزله عيونها للكتاب وتذاكر:اقول ذاكروا ترا بكره اختبار نهائي مافيه مزح!
مُلاذ:بغش
لين ضحكت بعلو صوتها ونطقت:رياضيات وش تغشين فيه! ومو محدد زياده!!
مُلاذ:بغش من الي قدامي
الاء:تاخذينها بارده مبرده
مُلاذ:لا امزح والله بس بذاكر اخر الليل
لين:لا تعالوا عندي بعد العزيمه ونجلس نذاكر للصباح
الاء: اذا م داهمنا النوم ونمنا قبل لايسرون المعازيم
مُلاذ:ناموا الحين اجل
ضحكت الاء ولين ورجعوا يكملون سوالف..
-
<في بيوت آل زايد الساعه ٢ الظهر>
نايف بتعب: خلصنا بس باقي الذبايح والله مافيني اوديها
فيصل:يولد الساعه ٢ قربوا يطلعون
نواف: ايه صرفوها عشان لاتودون الذبايح للمسلخ
نايف: والله صدق شف الساعه
نواف: خلاص امشوا بكلم السواق يوديها
فيصل تقدم وباس راس نواف ونطق: والله انك كفو متحملنا ومتحمل ملعنتنا
نواف ابتسم: محد عاقل فيكم
نايف:حتى انت من جنبها
فيصل: من عرفت انه خطب عن حب غسلت يدي منه
نواف: ابيعكم واشتريها
نايف: تعيسه حظ
فيصل:يولد تأخرنا يالله نتروش ونمشي
نايف:يالله يالله
رجع التفت على نواف ونطق: ابي ارجع الاقي الذبايح جاهزه
نواف: انقلع ياكلب
ضحكوا نايف وفيصل ودخل كل واحد ل بيته يتروش ويتجهون للمستشفى
_
قاموا البنات وجهزوا وكملت الاء اوراق خروجها وطلعوا للاستقبال ينتظرون الي بيجي ياخذهم
-
ذياب قام واخذ شاور ولبس ثوبه الابيض الي ماسك على صدره ولبس ساعته وحط من عطره ولبس شوزه ولم اغراضه وطلع للاستقبال
كانت شنطته بيده ويمشي بهدوء ولمح لين والبنات وتقدم لهم ونطق: السلام عليكم
البنات: وعليكم السلام
ذياب: م جاكم فيصل؟
لين:فيصل الي يودينا؟
ذياب: ايه
رفع انظاره ل الاء وابتسم ونطق: الحمدالله على السلامه ي الاء
الاء فزت ونطقت: الله يسلمك وخارج من الشر ي ذياب
ذياب: وصلوا نايف وفيصل بمشي انا
لين: معسلامه
طلع ذياب وركب مع نايف ومشوا طالعين من بوابات المستشفى
دخل فيصل الاستقبال وشاف البنات ونطق: يالله
مشوا الاء ومُلاذ وبقت لين تشيل في اكياس الاء
تقدم لها فيصل ياخذ عنها الاكياس ولامست كفوفه كفوفها وناظرته بهدوء وتركت الكيس واخذه فيصل ومشى وهي وراه ليييين م وصل ل باب السياره وفتحه ل لين وقبل تركب اخذ باقي الاكياس الي معها وحطها ف الشنطه
لين بأبتسامه: تسلم
فيصل قفل الشنطه وناظرها وهب الهوا وارتفع نقابها وبانت ملامح وجهها وبانت ابتسامتها
كان يناظر بكل هدوء ولا رمش ولو مره
مدت يدها ورجعت النقاب الي كان يرتفع مع الهوا وركبت وهي تحس برجفه من عرفت انه شافها مره ثانيه
ركب فيصل السياره وهو يحلف ان كل تفكيره ف ملامحها وابتسامتها
شغل السياره وكان يناظرها ب المرايه ويتأمل عيونها الناعسه ونزل عينه اول م ناظرته وطلع من بوابات المستشفى متوجهه ل بيوت آل زايد
وهو يردد في باله ابيات ل ابو نوره وم خلاها ف خاطره وشغل المسجل ورفع الصوت عند بارت
"انا حبيبي بسمته تخجل الضي
يكسف سنا بدر الدجى من جبينه
راعي العيون الناعسه رمشها في
لا سلهمت ذاب الهوى من حنينه"
كانت لين تتمايل وهي مو حاسه بنظرات فيصل لها
تتمايل وتناظر البنات وتردد"لاسلهمت ذابب الههوى من حنينه"
كان يناظره ويبتسم ويحلف في داخله انه مو قادر يشيل عينه منها
-
دخلوا بيوت آل زايد على صوت طلق الاسلحه وتجمع الكل ونزل ذياب وبدأت التراحيب
دخلت سياره فيصل بعد نايف ونزلت الاء وتقدموا عمانها وحاوطوا السياره وسلموا عليها وكانوا يرحبون فيها
وارتفع صوت التضاحيك والسوالف
دخلت وسلمت على عماتها وجدتها وطلعت متوجهه ل بيتهم عشان تتجهز وماهي الا دقايق ولحقوها لين ومُلاذ عشان يتجهزون سوا......
(هاي كيفكم؟ وحشتوني🫣،الحمدالله خلصنا الاختبارات ورجعت لكم ببارت لذيذ، وعدتكم انزل ب نص اسبوع الاختبارات بس مره ماش م امداني المهم نزلت لكم واذا تبون نكمل بكره ابي تفااععلل انتوا كريمين وانا استاهل🫡)
قراءه مُمتعه🫀.
أنت تقرأ
الغرام يمَك غدا بقلبي مسموح
General Fictionتعلقت بك ولا ودي بيوم تروح لقيتك بك الزين وجميع امالي.
