طلعوا متوجهين للمطار والاثنين ف صدورهم لهيب من الضيقه والحزن والكتمان !، بعد نص ساعه وصلوا ونزل لهم ذياب شناطهم وودعهم ورجع للبيت ، اما الاء ناظرت سيارة ذياب لحد م اختفت وضاعت بين السيارات، تنهدت بضيق واخذت شنطتها وراحت متوجهه للصاله الداخليه وبعد نص ساعه طلعوا الطائره وارتفعوا من على اراضي الرياض، الاراضي الي عاشوا فيها اسوأ واجمل الايام والمشاعر على هذي الارض عاشوا الحب والغيره والحزن والفرح والخوف ! ارتفعوا من على اراضي الرياض متوجهين لحائل، ابتسمت الاء بضيق وهي تتذكر كل تفصيل حلو يخص ذياب !
____
وقف ذياب سيارته ونزل دخل البيت وطلع ل غرفته، فصخ ثوبه وتنهد وهو كل ضيقه تحرق جوفه وقلبه مشاعره تعصف به وتوجعه كثير كيف انه حب بكل صدق ونيه عاش ايامه وهو تايه ف الغرام والحين يحترق كل ذا من رفضها له بس ! ماكان قادر يصنف مشاعره ابدا ، رمى بنفسه على السرير وهو وقتها كمل ٢٤ ساعه صاحي، غمض عيونه وماهي الا ثواني ونام
_
مر ثاني وثلاث ورابع وخامس رمضان والجد م عزم احد بحكم حزنه على بُعد ولده عبدالله وعياله ، اما ذياب مايعرف كيف كان عايش الايام هذي وهو جسد بلا روح يحس ماله شغف ف شي ! يروح داومه ويرجع يفطر وينام ،
والاء في صدرها لهيب وحزن وتأنيب ضمير تعيش اسوأ ايام حياتها كل م ذكرته ببالها تعاتب نفسها الف مره وترجع تنقهر وتدعي بنفسها اني ربي يلطف بحالها لانها ولا ليل نامت بدون م تنزل دمعتها !
-
سادس ايام رمضان كان الجد عازم ومسوي مناسبه كبيره ل اهل ريتاج ، وذياب عزم خويه ناصر واهله ،
كانوا البنات مكروفين وم نسوا يصورون ل الاء كل شي ، خلصوا كل شغلهم على الساعه ٤ وقاموا تروشوا وتجهزوا وبعدها ب دقايق وصلوا اهل ريتاج نزلهم الوليد عند الباب ورجع للرجال
تقدموا الحريم يسلمون عليهم وبدأت التراحيب وريحه العوده منتشره ف انحاء البيت ، سلموا وجلسوا
ولفت غلا ونطقت: ريتاج نسيت شنطه ولدي وسام بسياره الوليد !
ريتاج: اتصلي عليه يجيبها
طلعت غلا جوالها ودقت عليه
رجع خطواته لسيارته وفتح الباب واخذ شنطه وسام ولد اخته و حملها على كتفه متوجه لقسم الحريم
وقف من شافها ندى قدامه وكانت تشيل الاغراض الي جابوها معهم ابتسم وكأن عيونه تكحلت بشوفتها ! ابتسم ونطق بصوت مسموع : وفي جمالك ي حفيده زايد والله انا وقلبي انهزمنا !
فزت ندى وكان يناظرها ومبتسم رجعت خطوتها ل ورا وقابلت ريتاج عند الباب ونطقت ريتاج: وشفيك
ندى : ابد ولا شي
ريتاج شافت الوليد الي متكي على الباب الخارجي ورجعت ناظرت ندى الي دخلت جوا، ابتسمت ونطقت: البدايات غغير
تقدمت ل اخوها الوليد ونطقت: تعجبك؟
الوليد : ايوالله
ريتاج ضحكت ونطقت: بدايات المحبه !
الوليد ب استغراب:تعجبني بس م قلت اني احبها !
ريتاج: كذا بدايه الحُب
ابتسم الوليد ونطق: من يلومني
ضحكت ريتاج وطلع الوليد ، ناظرته لحد م طلع من البوابه وتنهدت بتعب وهي لها اسبوع مو على بعضها ،
_______
<حائل>
فتحت عيونها بتعب وهي صايره تقضي وقتها بالنوم ، قامت اخذت شاور ولبست واخذت جوالها دخلت على اسم ذياب م لقته مرسل شي طلعت من على اسمه ودخلت على قروب البنات وابتسمت من شافت فلوقاتهم وتوثيقهم لكل شغل يسوونها ، ردت عليهم وبعدها جاها اتصال من لين
رفعت الجوال ل اذنها ونطقت: ليينني !
لين: ياعين لينن وححششتيني !
الاء: وحشني كلشي ! انتي ومُلاذ والفهد والعزايم وجلسات الحش وكلشي حرفيا !
لين: وذياب؟
الاء سكتت وكملت لين: تدرين من يوم سافرتي وهو طول الوقت مضيم !وساكت ماله حس والله احس انجرح كثير
تنهدت الاء بحزن ونطقت: مجبوره !
لين لفت على صوت عمتها حصه ونطقت: قرب يأذن بروح اساعدهم
الاء: تمام صوري لي كلشي
لين: تم
قفلت الاء من لين وتنهدت بقهر وجلست تفتح التقويم وتشوف كم باقي على ليله العيد ! الليله الي بيرجعون فيها من حايل والليله الي تقر عيون الاء بشوفه ذياب ! كان باقي ٢٤ يوم، قفلت التقويم ونطقت: هانت
___
وصلت ام ناصر وبدأ البنات يجهزون السفره ومن جهة العيال برضو كانوا العيال يرتبون السفره الا ذياب كان جالس ويقرا بالقران ، التفت ناصر يناظر ذياب ورجع انظاره ل فيصل ونطق: باقي على نفس الوضع؟
فيصل: ايه
نايف: رافض انه يتكلم
فيصل: خله اعرفه بيجي وقت ويقول كل لهايب صدره
نواف كان يكلم وبعدها حط جواله عند ماهر ونطق: بالله امسكه شوي بشوف ل فيصل داقها سوالف وناسي يكمل تحضير
ماهر ابتسم ونطق: تم
مشى نواف ونزل ماهر عيونه ل جوال نواف الي كان مفتوح، دخل جهه الاتصال وطلع قدامه اخر المكالمات
كانت من"ساره💘" ، دخل واخذ رقم ساره وبعدها قفل الجوال وهو مبتسم ويحس ان غايته صارت ساره ومو الاء !
سجل رقمها بجواله ودخل الواتس وارسل لها
__
كانت ريحه الهيل والبخور منتشره فالبيت والي يجهزون للفطور والي بالمطبخ والي يسولفون ..... كانت ساره جالسه بالصاله تنتظر البنات يجيبون باقي الاطباق عشان ترتبها، نزلت عيونها ل جوالها وعقدت حواجبها من شافت رقم غريب مرسل لها رساله وكان محتوى الرساله
"كنت ابي شي لكن شفتك وتركت
كلشي وراي لجل تكونين اثمن اشيائي!"
تسارعت نبضات قلبها واستغربت مين ممكن يكون ! اخذت نفس وردت " مين؟" قفلت جوالها وناظرت البنات طالعين من المطبخ وتقدمت ساعدتهم وهي كل تفكيرها بالشخص المجهول !
_
خلصوا الفطور وبدأوا البنات يساعدون الخدم بباقي الشغل وبعدها طلعوا جلسوا بالحوش كلهم ساره وريتاج ولين ومُلاذ وريم وغلا
وندى كانت بالمطبخ تحط اكل لها هي والبنات
البنات كانوا يسولفون وشوي وجاهم وسام ولد غلا وهو يبكي فزت غلا واخذته حضنته ونطقت : ماما مين مزعلك !
وسام: بيروحون كلهم المسجد وانا م ياخذوني
غلا: ثواني ادق على خالو الوليد
دقت عليه ووصلها صوت الوليد ونطقت غلا: وينك !
الوليد: راكب السياره بروح المسجد
غلا: خذ معك وسام
الوليد : طيب بسرعه جيبيه بنزل انتظره
قفلت غلا من الوليد ولفت على ولدها وسام ونطقت: تدل الطريق؟
وسام بفرح: ايهه
ندى كانت طالعه من الباب ومتوجهه للبنات الي جالسين ف الجهه الثانيه لكن لمحت وسام، نزلت الاغراض الي بيدها ونطقت: وسام وين رايح؟
وسام بخوف: كنت بروح ل خالو الوليد بس ماعرف وينه
ندى رجعت خطواتها لورا وسحبت الشال وتلثمت به وشالت وسام وتوجهت للبوابه على اساس تطلعه ل الوليد لكن وقفت من جاها صوت وهو يقول: عطيني عطيني لاتنزلينه
رفعت عيونها له وكانت الابتسامه شاقه وجهه ومد يده لها وهو م يشوف الا عيونها
ارتبكت ندى ومدت وسام له وقرب اكثر اخذه منها وتعمد تلامس كفوفه بيدينها ، ابعدت ندى وقفت راجعه للبيت لكن الوليد م صد كان جالس يناظرها بعد م قفت ويناظر خصرها ومشيتها
لف من سمع وسام يقول: اعجبتك ؟
ضحك الوليد وباس وسام واخذه معه للسياره وطلع لاحق باقي العيال للمسجد
__
فيصل وذياب ونواف كانوا بسياره نواف وكان نواف الي يسوق والوضع هدوء الين م دق جوال نواف، ابتسم ورفع جواله ل اذنه ونطق: هلا مطلق
مطلق: هلابك
نواف: وش ذي السحبه عزمتك انا للفطور وتهمش !
مطلق: والله راحت علي نومه لكن ابشر جايكم بعد التروايح
نواف: جعلها ترحب ملايين
ضحك مطلق وودع نواف وقفل منه
لف فيصل على نواف ونطق: نايف مين معه
ذياب بهدوء: مع ماهر وناصر
نواف: اخيرا سمعنا صوتك !
ذياب: بعد الصلاه انتوا ارجعوا مع نايف انا ابي السياره بطلع مشوار
نواف : تم
وكملوا طريقهم للمسجد وصلوا وخلصوا الصلاه وبعدها مشوا نواف وفيصل مع نايف واخذ ذياب سياره نواف وطلع متوجه لمكان بعيد عن بيوت آل زايد ،راح للطعوس المكان الي يحس انه هدوء ويقدر يستجمع افكاره ، وقف السياره ونزل جلس يم السياره وكان يناظر السماء الي كانت سواد ومافيها قمر بس نجوم ، تنهد وفتح جواله ودخل على اسم الاء وجلس يقرا المحادثات من اولها من يوم م غلطت وارسلت ل رقمه تفكره لين ل اخر شي يوم بارك لها بشهر رمضان ! فز من شافها اونلاين بالواتس واخذ نفس وكتب
"م ورا هالليل قمرا ولا أغاني ولا قصيد . .
بس انا والشوق وانتي .. انتي .. يالضي البععيد ! "
قفل جواله وابتسم ابتسامه كلها ضيق وهم وتكى على السياره وسرح بهواجيسه !
___
وصلوا كلهم آل زايد ومعازيمهم وبدأت تتعالى اصوات السوالف
والضحك ، وصل مطلق وفز نواف يرحب فيها وسلم مطلق على الكل وجلس يم العيال الي ماسكين الكل طقطقه
ضحك ماهر على سالفه نايف وبعدها نزل عيونه ل جواله وشاف رساله ساره الي صار لها ساعتين وكان محتوى الرساله"مين؟"
ابتسم وكتب" بتعرفين من انا اذا طلعتي الاسطبل"
قفل جواله ونطق: يعيال بروح اكلم واجي فيه مكان في هدوء لانه هنا ازعاج !
نايف: الاسطبل
ماهر هز براسه وطلع من الجلسه ،
فيصل لف ل ناصر ونطق : متى ملكتك؟
ناصر: بعد العيد
نواف: اوهه مطول
نايف: عن حب؟
ضحكوا العيال ونطق نواف: كل م تزوج احد سأله عن حب ولالا!
ابتسم ناصر ونطق: ايه عن حب
فيصل: الكل بيعرس ونبقى انا ونايف
نايف تقدم وحضن فيصل ونطق: صادق
ضحكوا نواف وناصر ورجعوا يكملون سوالف
-
كانت الاء تشاهد مسلسلها وفزت من شافت اسمه مرسل لها ، ارتعشت كل حواسها وتسارعت نبضات قلبها ، دخلت الواتس وشاف رسالته وابتسمت من عرفت انه م نساها اخذت نفس وهي تايهه بين مشاعر الفرح والحزن والقهر وتأنيب الضمير ،
قربت الجوال لها وردت
" عاتبني ان كان كلك عتاب في نهايه الطريق انا الخسران والندمان والتايه في بحر ععيون عيت تفارق فكري !"
قفلت جوالها ونزلت دمعتها على خدها ومسحت وجهها ورجعت تقرا الكتاب الي عطاها ، تقراه وتعيده وبدون م تطفش
_
كانت ساره تتقهوا مع البنات ونزلت راسها وشافت ان الشخص المجهول مرسل لها ، اخذت نفس عميق وهي تحاول تخفي ربكتها عن البنات وفتحت الواتس شافت رسالته وارتبكت اكثر واكثر ، ناظرت البنات ونطقت: بروح اكلم صديقتي وفاء
ريم: روحي الاسطبل هنا ازعاج
ساره: تمام
قامت واخذت عبايتها وطلعت من الباب الخلفي ووقفت عند مدخل الاسطبل م تبي تدخل عشان م يكون احد يغدر فيها كانت تطالع لكن فزت من تكلم احد من وراها ونطق: سوير
فزت وناظرته ونطقت: ماهر
ماهر مسك يدها وجلسها وجلس يمها وناظرها شوي ونطق: انتي الي فرق بين ذياب والاء؟
ساره ابتسمت بخبث ونطقت : ايه انا !
ماهر: كانت غايتي الاء بس الحين انتي غايتي
بعدت عنه ساره ونطقت: لاتحاول تلعب علي مره الاء ومره انا !
ماهر: لاوالله صادق وبعدين ذياب هايم ف غغرام الاء مستحيل يجي يوم وينتبه لك، فكي نفسك منه من بدري ! هو غايته الاء وانا غايتي انتي !
ساره اقتنعت بكلامه لانها فعلا م كانت تحب ذياب بس كانت ماخذه الموضوع عناد، ناظرت ماهر ونطقت: اثبت لي انك تبيني وم تتلاعب معي !!
ماهر بهدوء: بخطبك
ارتبكت ساره وقامت ونطقت : لا تفكر حتى انا م احبك حتى
ماهر مسكها من يدها وقدم خطواته لها وهي كانت ترجع ل ورا لحد م وقفها الجدار وقرب ماهر منها اكثر وابتسم ونزل راسه ل اذنها ونطق: مردك لي وم بتحبين الا انا !
ارتبكت ساره من قربه لها وحطت يدها على صدره ودفته وطلعت من الاسطبل وهي كلها خوف
وقفت عند الباب الخلفي وجلست هناك اخذت نفس وهي تفكر في حياتها الي ضيعتها على شي ماله نهايه ! ومحد بيتعب الا هي ، مسحت وجهها بيدينها وهي تتذكر كل مواقفها مع ماهر ونطقت ب هدوء: م احسه يكذب علي !
اخذت نفس ودخلت فصخت عباتها وطلعت من الباب الثاني وجلست مع البنات ،
ضحكت ريم ونطقت : تخيلوا موصيه نواف ف اغراض وطلع الزفت ناسيها بالسياره م عطاني
لين: سيارته برا الحوش خذي عبايتك واطلعي من الباب الي عند الاسطبل وخذي الاغراض وتعالي
ريم: ندو امشي معي
ندى كانت ساكته وهي تتذكر موقفها مع الوليد
ريم : ندى!!
ندى فزت ونطقت: هلا شفيك
مُلاذ غمزت ونطقت : وين سرحانه !!
ابتسمت ريتاج وهي تناظر ندى
ندى توترت ونطقت :بطني يوجعني روحي لحالك
ريم قامت واعطت كل وحده فيهم ضربه ودخلت اخذت عبايتها وطلعت
__
نواف كان يصب القهوه للرجال وكمل منهم وجلس
مطلق: مكروف
نواف: ايوالله
مطلق: شوف الفيد الي ارسلته لك
نواف تلفت يمين ويسار ونطق: جوالي مو موجود
نايف: خليته بالسياره ؟
نواف ضرب راسه بخفه ونطق: اي خليته بقوم اجيبه
وقف نواف والتفت من ناداه الجد ف شغله تنهدت بتعب
ونطق : ابشر ي جد
لف على مطلق ونطق: تكفى جيب جوالي انا مكروفف
ضحك مطلق وقام طالع من الحوش وبدأ يمشي بين السيارات لكن وقف من بنت لابسه عبايه ومتلثمه بنت يعرف شكلها زين ومشيتها وحتى عيونها ! ابتسم ونطق بصوت خافت: ريم !
تقدم اكثر وفزت ريم من شافته ف قزاز السياره وكان واقف وراها ومتلطم بشماغه، صرخت لكن تقدم مطلق بسرعه وقفل فمها ونطق : انا مطلق
سكتت ريم وناظرته بهدوء واستوعب مطلق من يده الي كانت ماسكه فمها ويده الثاني الي محاوطه خصرها !
ابعد مطلق بسرعه ونطق:يويل حالي ي ريم والله اني م اشيل شكلك من بالي !
ارتبكت ريم من قرب مطلق وابعدت عنه
ونطقت بأستغباء : م فهمت
مطلق: يعني انا احبك وشاريك ومستعد اخطبك الحين حتى !
ريم بتوتر: ولد ابعد لايدري اخوي نواف بس !
مطلق: ابيك بالحلال !!
ريم ابتسمت بخفوت ومن عرفت انه يحبها وناويها بالحلال لانها من فتره تهوجس به لكن م تكلمت
مطلق شاف ابتسامتها لكن م حب يتكلم ، اخذ جوال نواف ومشى تاركها وراه ،
ضحكت بخفه واخذت الكيس ودخلت ...
_
بعدها ب ساعات جهز العشا وتعشوا الكل وبدأ بيت الجد زايد يفضى من الضيوف ورتبوا البنات كل شي وبعدها كل واحد توجهه لبيته
-
نواف دخل الغرفه وفصخ ثوبه وشاف ريتاج جالسه تقدم لها وحضنها بكل تعب ونطق: شفيك شاحبه !
ريتاج: مادري بطني يوجعني من فتره
نواف ارتبك ونطق: تبين المستشفى
ريتاج : لا
نزل عيونه ل اختبار الحمل الي بيدها ونطق: حامل !
ريتاج: انتظر النتيجه
تنهد نواف وحواطها وجلس يناظر معها لحد م بان الخط الثاني ونطقت ريتاج بفرح : ححامل !
ضحك نواف وباس راسها ونطق: ي كبر حظي
ضحكت ريتاج والدموع بعيونها ونطقت: الححمدالله
ابتسم نواف وسحبها له ونطق: صحيني قبل الاذان ب ١٠ دقايق
ابتسمت ريتاج ونطقت : تم
غمض عيونه وهو كل فرح وماهي الا ثواني وغرق بنومهه
__
دخل ذياب من بوابات آل زايد وكان وقتها الساعه ٤ وقف سيارته وتنهد بضيق ودخل الاسطبل وتقدم ل مقصوره الفهد وفتح الباب وجلس يم الفهد وهو يناظر الساحه حقت تدريب الخيول ويناظر ل اخر السور ، يتذكر كل مواقفه معها بألاسطبل وكيف ان بدايه حبهم بدأت من ذيك الليله الي هاج فيها الابهر واول قبله وكلام الحب الي بادلها في ساحات الاسطبل ، غمض عيونه وهو يتذكر كل هذي الاحداث وباس الفهد وطلع من جيبه جواله الي كان صامت ، قرا رسالتها الاخيره وكان مستغرب ليه رفضته والحين تقوله عاتبني وانها هي الخسرانه ! ذياب في ذي اللحظه فكر انها انجبرت من امها عشان دراستها، ابتسم من عرف انها للحين تحبه وهذا كله واضح من كلامها ! هذا الشي زاده امل وحياه ، ابتسم وقام قفل مقصوره الفهد وبعدها طلع دخل البيت شرب مويه وماهي الا دقايق واذن ، صلى ورمى نفسه مستسلم للنوم ...
(ادري تأخرت بس تعرفون الوضع دوام وصيام وتعب وكلشي زفت حرفيا، المهم هاكم البارت هذا الي مليان ممششاعر اقروه قبل الدوام وروقوا، والي م طلع لكم الانستا حقي شوفوا حاطه رابط في ملفي التعريفي الي هنا بالواتباد ، ادخلوا وبتشوفون الرابط افتحوا عليه ويدخلكم على حسابي ف الانستا، قراءه مُمتعه واعطوا البارت حقه🫵🏻💘💘💘💘💘)
أنت تقرأ
الغرام يمَك غدا بقلبي مسموح
قصص عامةتعلقت بك ولا ودي بيوم تروح لقيتك بك الزين وجميع امالي.
