<صباح يوم الاثنين اخر يوم في الاجازه المطوله>
فتحت عيونها بهدوء وهي تحس بألم رجلها وشافت ابوها وامها ولين ومُلاذ عندها
ابوالاء: الحمدالله على سلامتك ي عين ابوك
الاء:يسلمك يابوي
ابو الاء:انا بروح الدوام
ام الاء:رجعني البيت صارله مقفل ٤ ايام لازم انظفه
ابو الاء:لين ومُلاذ خلوكم مع الاء
لين ومُلاذ:ابشر
طلعوا ابو الاء وام الاء والتفتت لين ل الاء
لين:مين جابلك الورد؟
الاء:ذياب
مُلاذ: الي افهمه من وجيهكم ان الاء وذياب بدأو يميلون ل بعض؟
لين: بالضبظ
مُلاذ:متى جابه لك؟
الاء: الساعه ٢
لين:اخس ي ذياب م عرفته
الاء: م قعد اكثر من ٥ دقايق طوالي طلع
لين: م يبي تغلبه مشاعره اخوي واعرفه
مُلاذ: بروح اجيب اكل تبون؟
الاء ولين: ايه
__________
<عند ذياب ف البيت>
صحى على اصوات عمامه وجده تحت اخذ شاور وطلع برا
الجد: نمت هنا؟
ذياب: اي والله كنت تعبان البارح وكان البيت اقرب من الشاليه
الجد: كيفها الاء:
ذياب بتوتر: بخير
الجد: ودني انا وجدتك عندها
ذياب وهو يحس بداخله حماس: الحين؟
الجد: يالله ناد جدتك
دخل ذياب البيت ينادي جدته وطلع يشغل سيارته
___________
بعد نص ساعه ف المستشفى كانوا الاء ولين ومُلاذ ياكلون وفجاءه داهمهم صوت ذياب وهي يكلم الدكتور عند الباب دخل الجد زايد والجده يسلمون على الاء وطلعت لين عند ذياب الي جالس ف السيب التفت لها وهي جايه ناحيته وجلست جنبه
ذياب:كيفها؟
لين: بخير احسن من البارح
ذياب: بتطلع اليوم؟
لين: ايه على العصر بياخذها عمي ابو الاء والحين بنروح معك انا ومُلاذ لانهم بيسوون لها تمارين ساعه كذا وانا ابي ارجع اتجهز للدوام بكره
ذياب:طيب
انتظر جده وجدته لييين م طلعوا من عند الاء وطلع من المستشفى مشى معه لين ومُلاذ والجد والجده وبقت الاء
كان ف سياره ذياب هدوء وصمت وكسر صمتهم صوت الجد وهو يقول: ذياب
ذياب:سم ي جد
الجد: م ودك تعرس؟
طالع ل لين الي كاشفته من البدايه وصد يناظر جده
وقال:لاوالله باقي م فكرت
الجد:براسك وحده؟
ذياب بكذب: لا
الجد: اذا فكرت ي ولدي تعال لي وابشر بالمعونه
ذياب: تسلم وم تقصر ي جد
____
العصر راح ذياب دوامه وكان يسولف مع خويه حسين وقاطعه صوت عمه وهو يناديه
ابو الاء: ي ذيااب
ذياب:سم
ابو الاء اخذه على جنب: اسمع وانا عمك الحين وقت خروج الاء وانا ماقدر اطلع اخذها م سمحوا لي لازم ادرب المبتدئين ف تقدر تروح تطلعها وتكمل اوراقها؟
ذياب: بس بيعطوني اذن؟
ابو الاء: اساساً باقي ربع ساعه وينتهي دوامك وبيخلونك تطلع لان ماعندك شغل كثير زيي اجازه الاربعه الايام ذي والله م شفنا منها خير
ذياب: خلاص ازهلها ي عم
ابو الاء: اعتمد عليك؟
ذياب: ايه
ابو الاء: يالله امش انا بكمل اوراقك
ذياب:طيب
________
عند الاء كانت تتصل على ابوها بس م يرد كان جواله ف المكتب وهو برا يدرب المبتدئين
الدكتور دخل الغرفه عندها
الاء: كملت اوراق الخروج؟
الدكتور:لا م جا ابوك يكملها واحنا نحتاج السرير فيه حاله طارئه
الاء: خلاص بطلع انا بجلس ف الانتظار لين يجي ابوي بس لو سمحت ساعدني عشان امشي
قرب الدكتور لها ومسك يدها يبي يقومها بس قاطعه حده صوت ذياب وهو يقول: اتركها انا بساعدها
الدكتور: مين انت؟
ذياب: زوجها
الدكتور: اسف
ذياب: اطلع
طلع الدكتور والتفت ذياب ل الاء الي م كانت لابسه عبايه وهو شوي ويموت من الغيره كيف ان الدكتور شافها تقدم لها وصدت عنه وهمس: امسكي يدي
كانت منصدمه منه كيف قال انه زوجها وليه يقولها؟
مسكت يده ويدها الثانيه حطتها على كتفه وارتمت على صدره من حست ب الم رجلها من قامت عليها
حاوط خصرها بيده وانحنى ياخذ عبايتها ويلبسها ومد لها الشال وهو للحين محاوط خصرها وقريب لدرجه تحس ب نبضات قلبه
ابعد عنها وصار جنبها بس لازلت يده محاوطه خصرها عشان يسندها وم تطيح لبست غطوتها واخذ شنطتها بيده الثانيه
همست له بصوت شبه مسموع:خذ الورد
ذياب: الي انا جبته؟
الاء بتوتر:هو فيه غيره؟
ذياب ابتسم واخذ باقه الورد وطلع فيها من المستشفى وهو لازال يسندها عليه
فتح لها الباب وركبت قدام وحط اغراضها ورا وشغل سيارته وطلع من بوابه المستشفى
كان الوضع هدوء لين م مسك يدها وحطها على القير ورفع جواله يحطه بيده الثانيه ورجع يحط كف يده على ظاهر يدها
وشغل بيده الثانيه اغنيه
"تمسك يدينك يديني
ي بدر ي نور ذا الكون!
ي كامله كل زيني
مالومهم لو يعذلون
مالومهم لو يعذلون"
رفعت عيونها تناظره بهدوء وتوتر
ناظرها ورجع يناظر الخط سحبت يدها بهدوء وهي فيها توتر وتتمنى الارض تنشق وتبلعها
عم الصمت بينهم لينن م دخلوا بيوت ال زايد ونزلت ونزل اغراضها استقبلتها لين وسندتها عليها ودخلتها غرفتها
كان طالع الدرج ووصل عند باب غرفه الاء واستوقفه حكي الاء ولين
الاء:تخيلي قال للدكتور انه زوجي!
لين شهقت :امانههه؟
الاء: وربي
لين: ليه قال للدكتور انه زوجك؟
الاء: مدري كان الدكتور قريب ويساعدني اقوم بس فجاءه جا ذياب
لين: اها فهمت
الاء:وش؟
لين: غار من الدكتور يوم انه قريب منك
الاء:مدري يبنت
حط الاغراض بهدوء بعد م سمع نقاشهم كامل وطلع متوجه لبيتهم
________
<المغرب في بيوت ال زايد>
الجد كان مسوي عزيمه ل سلامه الاء وكانو مستنفرين من العزومه الي تكشخ والي تنظف والي تتحلطم والي جهزت وخلصت تتطقطق على الباقي
__
<عند الرجال>
سوو القهوه وجهزوا كلشي وقعدوا
فيصل:الحسنه الوحيده في ذا اليوم هي ان جدي حط العشا بالمطعم
نايف:ايوالله مافينا نطبخ
ذياب: اسكت انت من متى وانت تكرف
الكل ضحك على ذياب وتزبيده ل نايف
نايف:شكرا ياخوي على التزبيد
ذياب :لاشكر على واجب
_______
تعشوا والكل راح بيته الي وانتهت ليلتهم بس م انتها ليل العشاق
____
<الساعه ١>
قامت الاء بضيق وهي تبي تسولف ودخلت الواتس وفتحت اسم (ليني) وكتبت لها"طفش تعالي انا بطلع الاسطبل الحقيني"
*هي ف الحقيقه ارسلت ل رقم ذياب وهي م تدري وهذا كله من خطه لين*
___
كان قاعد ف الاسطبل يفكر ف جمالها وفي مواقفه معها وكيف كان انسان يشوفها زي اي بنت ف الحياه والحين صار يميزها ويبي يمها كيف انه صار يخاف ويغار بدون م يحس كيف كان الحب عنده شي تافهه وكيف غدا الغرام بقلبه مسموح
كيف مال لها بدون لايحس تنهد بضيق من سمع صوت رساله بجوال فتح الواتس وشاف رساله من رقم غريب محتواها"طفش تعالي انا بطلع الاسطبل الحقيني"
عرف ان ذا كله من تخطيط لين وابتسم وهو ف قلبه يشكر لينن كيف انها فاهمته بدون لايتكلم
شافها داخله الاسطبل وهي بالغصب تمشي تقدم لها وجلس يمها
الاء ب استغراب: ذياب؟ شتسوي هنا و وين لين؟
ذياب: انتي مرسله على رقمي!
الاء: لا انا ارسلت ل رقم لين
ذياب مده يده لجيبه وطلع جواله يوريها رسالتها
الاء قامت:يعني ذا كله من تخطيط لين؟
ذياب: ايه
الاء: طيب انا برجع
لفت وكانت بتمشي بس استوقفها ذياب الي مسك يدها وقربها منها وجلسها على فخذه
الاء وهي تحس برجفه في رجولها ومو قادره تتحرك:خير؟
ذياب:ريحي رجولك شوي م ينفع تمشين وانتي توك جايه
الاء قامت عنه وجلست قباله وقالت: ليه قلت اليوم انك زوجي؟
ذياب وهو يصد عنها:حشرني الدكتور م عرفت وش اقول
الاء: كان قلت اخوها؟
ذياب: وانتي تشوفينا اخوان؟
الاء بكذب: طبعا
حس بضيقه وانكسر من قالت له انها تشوفه كأخ قام على طول وطلع تاركها بالاسطبل
دخل البيت وراح ل غرفته تمدد على سريره وهو يحس بقهر يتآكل قلبه كيف انه يشوفها بعينه شي وهي تشوفه شي دخل ياخذ شاور عشان يبعد الافكار هذي من راسه
___
دخلت غرفتها بقهر وهي تتمنى انها م قالت انها تشوفهم كأخوان
ف الحقيقه هي تشوفه شي بععيد جدا عن الاخوه
تشوفه حب حياتها ايقنت انها تحبه بس سكتت بقهر وغمضت عيونها من تجمعت الدموع بعيونها وفتحت جوالها تغير اسمه وتحطه "ذياب" وتمدتت بقهرها ونامت
(عطوها حقها🫶)
أنت تقرأ
الغرام يمَك غدا بقلبي مسموح
General Fictionتعلقت بك ولا ودي بيوم تروح لقيتك بك الزين وجميع امالي.
