الغرام يمَك غدا بقلبي مسموح

part 2

<العصر في بيوت آل زايد>
الجد: يابو ذياب تعال وانا ابوك
ابو ذياب: سم يبه
الجد: الحين وراك م تزوج عيالك؟
ابو ذياب: بزوجهم اذا قالوا انهم يبون يتزوجون غير كذا م بجبرهم
الجد: ي ولدي بيروح الزمن وهم يقولون مو مستعدين
ابو فيصل: الا اقول ليه م نزوج نواف ولد حصه
الجد: بمين ؟
ابو فيصل: والله نكلمه نشوف مين البنت الي بخاطره ويبشر بها مسكين راح عمره وهو قايم ب اخواته وامه
ابو الاء: ايوالله صادق
___________________

<عند العيال برا>
نايف: عيال عندي فكره
ذياب: قول وش عندك
نايف: يجماعه طفشنا من جو البيوت شرايكم ناخذ مخيم بالطعوس ونجلس هناك ٣ او ٤ ايام بعيد عن جو المدينه
نواف: ايوالله بس اشغالنا وش نسوي فيها؟
فيصل: ناخذ اجازه اسبوع
ذياب: احلف؟ والله م يعطوني توني امس مخلص اجازه اسبوع
نايف: متى دوامك؟
ذياب: داومي ف النهار بس تبادلت انا وواحد من الملازمين هناك وبصير انا بالليل وهو النهار
فيصل: متى يبدا ومتى ينتهي؟
ذياب: يبدا ١٠ المساء واخلص الساعه ٢ اخر الليل
نايف: خلاص مو مشكله داوم بعد م نتعشى ونسمر وترجع يكون الكل نايم
ذياب تنهد بضيق وهو مافيه حيل لان المسافه بين دوامه والبر شوي بعيده
فيصل: يالله ندخل نكلم جدي والباقين
نواف: هيا
دخلوا كلموا الاباء واقتنعوا وخلاص اتفقوا يمشون اليوم الثاني العصر بحكم انهم ذاليوم خلاص جا المغرب وحل المساء اتفقوا يتجهزون الصباح ويخلصون اشغالهم والعصر يطلعون متجهين للبر هم وعيالهم وحريمهم
الفرحه مو سايعتهم لانهم فعلا طشفوا من جو البيوت
__

<عند الاء الساعه١١>
كانت تجهز شطنتها متحمسه ل اجواء البر ومشغله اغنيه ومروقه
دخلت ام الاء الغرفه : الاء قفلي الاغنيه بكلمك؟
الاء: هلا يمه
ام الاء:عندك خبر ان مدرستك اليوم متصلين ف ابوك!
الاء تنهدت بضيق وهي عرفت ان مستحيل يمر الموضوع عند امها مرور الكرام
الاء:يمه الماده صعبه وكان بعد العزيمه رجعت تعبانه ونمت!
ام الاء: لو عارفه ان عندك اختبار م خليتك تروحين العزيمه!
قامت متوجهه للباب وهي صاده عن الاء وكملت:اجازه ال٤ ايام ذي م بتتهنين فيها يلا ذاكري مادتك الصعبه قربت الاختبارات النهائيه سريع ابدأي من الحين لو شفتك عاندي بمنع طلعه البر الي فالحه تجهزين لها وساحبه على دروسك
طلعت امها وقفلت الباب بقوه قامت الاء بضيق فتحت الكتاب وجلست تذاكر

<في الاسطبل الساعه ١>
كان الاسطبل ورا بيوت ال زايد مباشره وكان لهم
طلع وكان الكل نايم راح عند خيله المُفضل (الفهد)
كان كل ليله يطلع للاسطبل يحب الهدوء هناك و اذا تضايق يروح لخيله (للفهد) جلس يم خيله و متكي ويفكر بالببنت الي هو شافها يوم العزيمه كان يبي بسس يعرف مين هي
يفكر في تفاصيل جسمها وفستانها الاحمر الي راسم جسمها وخصرها وشعرها المنسدل على ظهرها تنهد بضيق وهو يقنع نفسه ويحاول م يفكر فيها كان فيهه فضول كبير يعرف مينن هي
_____________________
كانت بغرفتها تذاكر تنهدت بضيق وشافت الساعه بجوالها ٢:١٥
قفلت كتابها قامت متوجهه للبلكونه وهي متضايقه شافت ان الاسطبل مافيه احد وهدوء نزلت جوالها لسريرها وطلعت متوجهه للاسطبل دخلت طلعت واحد من الخيل وطلعت عليه م كانت تدري ان هذا الخيل هايج وم يطلعونه كثير لان م يوقفه شي بدات تضرب ظهر الخيل ممداها تطلع من مقصوره الخيول وتتوجه لساحه ركض الخيل الا وهاج فيها وبدا يسرع متوجهه للساحه
_____________________
كان قاعد ويفكر وجنبه الفهد التفت من سمع صوت الخيل وصياح بنت فجاءه يطلع الخيل الهايج اسمه (الابهر)
فز بسرعه عرف ان الابهر م بيوقف ويمكن يطلع البنت من سور الاسطبل اخذ الفهد وطلع عليه ومتوجهه للابهر والبنت
وصل يم الاء والخيول تركض مد يده يسحبها لها وهي كانت تصيح:ذيابب ساعدني
ذياب: قربي واذا رفعتك تحركي بسرعه
مد يده لخصرها وسحبها وهي ساعدته بنفسها لين م صارت راكبه قدامه على الفهد وهو وراها ويدينه محاوطه خصرها انتثر شعرها على وجهه وشم ريحه عطرها الي تشق الصدر
كان بمشي بالخيل بشويش ويده محاوطه خصرها متوجهه لمقصوره الخيول(بيت الخيول)
هي كانت ترتجف من الخوف ومتوتره تمنت انها سمعت كلام امها وجلست تذاكر
وقف الخيل ونزل هو مد يده لها ونزلت كانت لابسه بدي يكشف اكتافها وعنقها وبطنها ونبطلون راسم جسمها
نزلها وهي يتاملها وصد ب نظره اول م شاف شامه ب عنقها وكانت ريحه عطرها وشامتها وجمالها يحرك فيه الفف شعور صد عنها وهو يقول: وش مطلعك الوقت ذا!!
الاء م ردت وهي تتصدد بنظرها عنه
احتدت نظره ذياب من تجاهلها ولف عليها:اكلمك انااا جاوبييني!! وش مطلعك ذا الوقت افترضي ماني موجود وطلعع فيك الابهر ل براا السسسور؟؟؟
كانت متضايقه من كلام امها وخايفه بعد الي صار ورفعت عيونها له والدمعه بعينها من رفع صوته عليها
بردت ملامحه من شافها شوي وتبكي:شفيك!
الاء:مو مهم خلاص وخر مني
طلعت من الاسطبل وهو يراقبها بعيونه لين م اختفت عن انظاره
تنهد بضيق وهو يبي يعرف مين البنت الحلوه ذي معقوله تكون بنت عمته حصه؟ ولا اخت فيصل؟ ولا بنت ابو الاء؟
طلع لساحه ركوض الخيل ياخذ الابهر ويرجعه للمقصوره وهو من داخله حرب من شكلها وجسمها وشامتها وصوتها الي يعذب
__
دخلت غرفتها وقفلت الانوار طلعت متوجهه للبلكونه وهي تشوفه طالع من الاسطبل ويمشي بهدوء تأملته لينن م دخل البيت، دخلت وتمددت بضيق قفلت عيونها تبي تنام وم تفكر بشي