كانت تمشي وهي منزله راسها لجوالها ، شافها ذياب وابتسم وسحبها ل غرفته وقفل الباب ، الاء فزت ونطقت: ذياب خير !!
ذياب ضحك ونطق: مالي نصيب من الكشخه !
الاء م ردت وكمل ذياب: وافقتي؟
الاء وهي صاده: ايه
ذياب: اخيرا بتصيرين حلالي !
الاء ابتسمت وطلعت وضحك ذياب ورجع يجهز ملابسه وكشخته . .
بعد ثواني فتح الواتس ودخل على رقم الاء وكتب
"حسبت الي بيننا ضحك ومزوح
وغديت يمَك في جميع الليالي
تعلقت بك ولا ودي بيوم تروح
لقيت بك الزين وجميع آمالي
اثرك العوض بالدنيا ودوا الروح
احب قربك واهوجس بك ببالي
الغرام يمَك غدا بقلبي مسموح
طحت بغرام قلبك ليتك حلالي"
_
وصلوا المعازيم وبدأوا يحطون لهم القهوه واعتلت اصوات التضاحيك والسوالف ،
الاء تنهدت وتوجهت ل امها وجلست يمها ونطقت: يمه
ام الاء: سمي
الاء بتوتر: يمه استخرت واحس اني مرتاحه وموافقه على ذياب
ام الاء بأبتسامه: مشاءالله الله يكتب الي فيه خير
ابتسمت الاء وناظرت امها
ناظرت لين الي تضحك ونطقت: وشفيك؟
لين: اغسل يدي بكلور اذا استخرتي
ضحكت الاء ونطقت: استغفرالله !
ناظروا ام مطلق وهي تدخل وتسلم عليهم
تنهدت ريم ونطقت: ذي ام مطلق ؟
مُلاذ: ايه
ريم ارتبكت وناظرت ام مطلق وابتسمت ونطقت: بنات بفسخ الكعب واجي ، طلعت ووقفت برا وهي منزله راسها على جوالها ولفت على صوت مطلق عند البوابه ، ارتبكت وناظرته ثواني واشرت له ب معنى وشفيك؟ ابتسم مطلق وجلس يتمايل على الباب بمعنى انه داخ من جمالها ، ضحكت ريم ودخلت بسرعه من سمعت صوت ريتاج
-
فيصل تنهد وناظر ذياب وهمس: ولد
ذياب: ها شتبي ؟
فيصل: شرايك اخطب ذي الليله؟
ذياب: ليني؟
فيصل: مسوي خوي !
ذياب: انت الي مسوي خوي ! دز بس لا يطق براسي م تاخذها
فيصل: ي الليل الليل
ذياب: المهم كلم عمي لكن خله يتكلم بعد م يمشون الضيوف
نايف من وراهم: وش السالفه؟
فيصل: ولاشي اذلف صب للرجال
-
تنهدت ريتاج ودخلت المطبخ تناظر التوزيعات والسلطات
حصه: ريتاج يبنتي
ريتاج: لبيه ي عمه
حصه: بالله دقي على نواف قولي له يمشي السوبر ماركت لان تنقصنا كراتين عصير
ريتاج: ابشري وترى بمشي معه اختار وكذا
ضحكت حصه ونطقت: يالله مو مشكله
طلعت ريتاج ودقت على نواف وعلمته وبعدها دخلت المجلس تناظر البنات
مُلاذ: شفيك
ريتاج: بطلع انا ونواف ناخذ اشياء تنقص
مُلاذ: وناسهه خيرر والله امشي معاكم
ندى: وانا معكم
ريتاج: يالله اكيد هو برا الحين
قامت ندى تعلم امها وبعدها لبست عباتها وطلعت الحوش مع ريتاج ومُلاذ ، ناظرت لكزس الوليد من وقف قبالها واشر لهم يركبون ، ركبت ريتاج قدام وندى ورا الوليد ومُلاذ ورا ريتاج ، ريتاج ب استغراب: وين نواف ؟ ليه مو هو
الوليد تسارعت نبضات قلبه من شاف ندى راكبه ورا ، اخذ نفس ونطق: نواف موصيني اوصلكم هو مبتلش مع جده والضيوف
ريتاج سندت ظهرها ونطقت: طيب يالله مشينا
تنهد الوليد وناظر ندى لحد م لاحظت نظراته وبعدها نزل عيونه وشغل سيارته وطلع من بوابات آل زايد ..
-
تنهدت الاء وطلعت من المطبخ غسلت يدينها واخذت جوالها وسندت ظهرها بتعب ودخلت الواتس وشافت رساله ذياب ، ابتسمت بخفه وهي تقرا بكل حُب ، اخذت نفس وردت . . .
"ف بدايتنا قلت عابر ولا بميل له وحفظت ضحكنا ومزوحنا بوسط صدري ، كنت اقول عابر واثاريني بالخفا عشقته ، واثر عيونه وحُبه جابتني من اقصاي ، يلي لك القلب موطن وامان ، قلي وين بألاقي مثل غرامك ! "
قفلت جوالها وقامت جلست يم ساره ولين وريم ،
-
نزلوا كلهم السوبر ماركت وتوجهوا لقسم العصير وبدأوا يختارون ، الوليد رجع خطواته ورا وكانت عينه على ندى ،
ندى كانت تتمشى بين الرفوف وتشتري اشياء ثانيهه بعيده عن الي راحوا عشانها ، بدأت تمشي وهي سرحانه ومتوتره من وجود الوليد ، بعد ربع ساعه تقابلوا عند الكاشير وبدأوا يحطون الاغراض ، ريتاج ناظرت ندى ونطقت: منجدك ؟
ندى: ايه
ريتاج: اجل حتنى بروح اخذ لي مثلك
مُلاذ: وانا معك
ندى ناظرتهم وهم مشوا بعيد ووقفت تناظر الوليد ونزلت عيونها وهي تنتظر البنات ، ناظرت الاغراض وضحكت بغباء
ونطقت: تذكرت !
الوليد ناظرها ب استغراب ونطق: وش تذكرتي
ندى وهي ماده يدها على الاغراض ترجعها السله ونطقت: صرافتي بالبيت
الوليد تقدم ومسك كفوفها وناظر عيونها ثواني ونطق: انا بدفع
ندى توترت من نظراته ونطقت: لا خلاص خلها مره ثانيه
الوليد شد على كفوفها ونطق: بدفعها الحين وانتي حولي بعدين
ندى بتوتر: ماعرف رقم حسابك
الوليد حس ان هذا هو الوقت المناسب للي ف باله
ونطق: اعطيني رقمك عشان ارسلك رقم حسابي
ندى سحبت كفوفها من بين يدينه ونطقت: طيب يالله سجل
ابتسم الوليد واخيرا حصل على رقمها الي منزمان يبيه ، سجل الرقم وبعدها ناظر ريتاج ومُلاذ وهم جايين ونزلوا الاغراض ودفع هو الحساب وطلعوا متوجهين للسياره ،
_
ابو ذياب: نواف ومطلق تأخروا م جابوا الصحون !
ذياب: كلمته قال انه قريب
نايف: قد رجع الوليد؟
فيصل ناظر سياره الوليد وهي داخله الحوش ونطق: جا على طاريه ،
ضحك الوليد وهو فاتح الدريشه ونطق: بنزل الحريم واجيكم تنزلون الكراتين
فيصل: تخسى
نايف: انت جبتها؟ نزلها
ذياب ضحك ونطق: ابو النذاله يعيال
ابو فيصل: جا نواف ومطلق يالله ننزل الصحون
. . .
بدأوا ينزلون الصحون والكراتين ، كانوا ذياب ومطلق وفيصل ينزلون عند الحريم ونواف ونايف والوليد عند الرجال
تقدم مطلق وهو متلطم بشماغه ودخل الصحن من ورا الباب وبعدها رجع للسياره ياخذ الصحن الثاني ولف وهو يشوف ريم واقفه عند الباب وتحرس الصغار م يطلعون ، ابتسم ونزل راسه وقرب للباب ونطق: ريمي !
ريم فزت ونطقت: خرشتني !!
مطلق ناظر ذياب وفيصل الي كانوا ينزلون الصحون،
تنهد ونطق بهدوء: خذي الصحن
ريم فتحت الباب اكثر وكان مطلق واقف قبالها كانت تشوفه قريب جدا منها ويحمل الصحن ، جلست تناظر عيونه ونست تصد ، مطلق لاحظ نظراتها وضحك ونطق: الصحن بيدي مو وجهي ، ريم استوعبت وصدت ورا الباب وهي ميته ضحك على نفسها ومدت يدينها اخذت الصحن ودخلت ، قابلت الاء عند الباب وهي طالعه ،
ريم: باقي فيه كراتين العصير خذيها
الاء مشت وعرفت يدين ذياب وهو يدخل الكراتين ابتسمت وانتظرت لحد م خلصوا وقفلت الباب وبدأت تشيل
-
خلصوا العشا ورفعوا وبدأت الفقره المميزه عند الكل وهي السمره ، تنهد ناصر ونطق: ذياب
ذياب: اسكت ل اهفك بكف
فيصل ضحك: اوفف شدعوه
ذياب: جالس م ساعدنا !
ناصر: توي سلمت من الداوم قبل العشا ، وبعدين وراكم م كرفتوا ماهر؟
ذياب: م امون عليه
فيصل: شف من يتكلم
ذياب دق فيصل ونطق: كلمت عمي ؟
فيصل: لا انا بتكلم
ذياب ضحك: تخطب ل نفسك ؟
فيصل: تقدر تقول
نايف: شسالفه يعيال
نواف سحب نايف ونطق: اسكت بنعرف كلشي الحين
عم الهدوء بين العيال وهم ينتظرون متى يتكلم ذياب او فيصل،
فيصل اخذ نفس طويل وتنهد ووقف ونطق: باخذ من وقتكم دقايق بس . . سكتوا الرجال يناظرون فيصل ب استغراب
فيصل مسح على وجهه وكمل: انا اليوم وقدامكم جميعا قدام عيال زايد واحفاده وحتى احبابه وقرايبه وانا على سنه الله ورسوله ابي اتقدم ل بنت عمي خالد وجعلني عند حسن الظن وقد الهقوه الي تشوفونها فيني وجعلكم شاهدين لي لا عليّ وسلامتكم ، ابتسم ذياب يناظر وجه نايف ونواف وضحك
فز ابو ذياب ونطق: وهذي الساعه المباركه ي ولدي وانا من عندي موافق بس نأخذ رأي البنت وباقي الامور سهالات
ابتسم فيصل وتقدم يسلم على الجد زايد وبعدها ابو ذياب وبعدين ابوه ورجع يجلس يم العيال الي مسكوه طقطقه ومحتوى
ابو فيصل ناظر فيصل ونطق: صرت تاخذ قرارات بدون تعلمني؟
ضحك فيصل ونطق: جعلني فداك يأبوي بس حبيت افاجئك
ذياب بهمس: اقوى تصريفه
ضحكوا العيال ونطق مطلق: عقبالي
نواف: انشاءالله
ابو فيصل: دام الابتسامه شاقه وجهك ي فيصل يالله قم سو لنا شاهي ،
فيصل ضحك وقام دخل من الباب الخلفي لبيت الجد ودخل المطبخ وبدأ يسوي شاهي وهو يغني وفرحان لانه شعوره مختلف جدا اخيرا بيتحقق مناه وياخذ لين الي حبها وهو غافل عن حبه لها كان ساهي ف عتم الليالي ولقى نفسه مغرم بها ،
دخلت لين المطبخ وهي تناظر وراها وسحبها فيصل بسرعه وقفل الباب ، لين توترت وتسارعت نبضات قلبها وصدت عنه
فيصل ضحك ونطق : يويلك م توافقين !!
لين وهي صاده: على ايش؟
فيصل صد واخذ الشاهي ونطق وهو طالع: بتعرفين قريب ، لين تقدمت واخذت الحلويات وطلعت من المطبخ وهي مستغربه
-
بعد ساعات بدأ يفضى بيت الجد من المعازيم وانتشروا احفاد زايد ينظفون كالعاده ، الجد دخل ينام وبقي العيال بالحوش والبنات مثل لكن بالجهه الثانيه ، نايف جا للعيال ركض
ونطق: شرايكم نشغل السماعه ونرقص؟
فيصل: قدام
ذياب: وراي دوام بعد ساعتين ؟ اخلصوا
فز نايف ودخل البيت وجاب السماعات وشغلوها وبدأوا العيال يرقصون ، فز ذياب ودخل مجلس الجد واخذ السيوف ووزعها على العيال وبدأوا يتمايلون ،
البنات سمعوا صوت السماعات وفزوا بوسط شغلهم وطلعوا السطح يناظرونهم ،
طلعت العمه حصه من البيت وهي تتمايل وضحكوا العيال وهم قبالها ويرقصون معها وشوي الا وتطلع الجده وتتمايل بشالها ،
كانوا ميتين ضحك وصاملين يرقصون والبنات يصورون من فوق ، ابتسمت ريتاج ونطقت: نواف يهبل
ساره : جتكم المتزوجه
ضحكوا البنات ونطقت ريتاج: من يلومني؟
مُلاذ: انا م الومك دامك طايحه بحب اخوي نواف
لين: سبعاه
ضحكوا البنات ونزلوا اخذوا جلالاتهم وتغطوا وطلعوا للحوش يعززون للعيال ، وماهي الا ثواني وجوا ابو فيصل وابو ذياب وابو الاء الي كانوا يشيكون على امور الشركه ، وقفوا سيارتهم ونزلوا وانظموا للعيال يرقصون والعمه حصه والجده تحت تعزيز البنات وتصفيقهم ،
وبعد نص ساعه نظفوا العيال وكملوا ورجع الكل لبيته . .
-
الاء اخذت شاور ولبست بجامتها واخذت جوالها ونزلت للاسطبل ، جلست حول السور وهي مبتسمه وتعيد تقرا ب محادثات ذياب ، وبعد دقايق قفلت جوالها وضمت رجولها ل صدرها ، لفت من حست ب احد جلس يمها وناظرته وكان ذياب وببدلته كان متجهز يروح للدوام ، صدت الاء ونطقت: تدوام؟
ذياب: ايه
الاء: ابوي قالك ب موافقتي؟
ذياب: لا
الاء: شكل امي نست
ذياب مسك خصلات شعرها ونطق: وكنك ي ملاكي الفاتن جيتيني بوسط جهلي فالحب ، خليتني اسلك طريق انا اجهله كنت غافل ولقيت نفسي عاشق لك !
و زي م قال عبدالعزيز؟
" لو رجع عمري ابرجع وابتديك
انتِ اجمل شي عشته ي ملاك !"
الاء ابتسمت ونطقت: كل الطرق توديني ل ذياب الي غفت عيني بليلي وانا جاهله بالحب واصبحت بالصباح عاشقه ل بن خالد !
ذياب ضحك ونطق: ي عين ذياب انتي
ابتسمت الاء وكمل ذياب: يالله انا بستأذنك دوامي الحين
الاء ناظرته ورجعت تصد ونطقت: بحفظ الرحمن
ابتسم ذياب وتقدم يبوس راسها وقفى وهو يقول: معسلامه ي ملاكي ، ابتسمت الاء وناظرته طالع من الاسطبل ووقفت وهي وجهها احمر ، ضحكت بخفه وهي تتذكره وبعدها طلعت من الاسطبل ودخلت البيت ،
-
يوم جديد على آل زايد ، قاموا كلهم الظهر وكان الغداء عند العمه حصه ، توجهوا الحريم للعمه حصه واما الرجال كانوا كلهم بالداومات ماعدا الجد وفيصل الي لسى م بدأ داومه بالجامعه بدأت سوالفهم وريحه البخور والقهوه ، لين والاء ومُلاذ بالمطبخ يقطعون السلطه
دخلت ام ذياب وقفلت الباب ونطقت: لين
لين: سمي يمه
ام ذياب: فيه احد تقدم لك
لين توترت ونطقت: مين ؟
ام ذياب: فيصل ولد عمك
لين تسارعت نبضات قلبها وم ردت
ناظرتها امها ونطقت: استخيري وردي لنا خبر
لين: ابشري يمه
طلعت ام ذياب وفزت مُلاذ تقفل ووقفت الاء تنط وسحبت لين معها وبدأوا يرقصون ويغنون ، لين ضربت راسها بخفه وهي تتذكر كلامه لها بالمطبخ لما قال لها يويلك م توافقين
ضحكت بخفه ونطقت: حماسس
مُلاذ بتحلطم: لين خلي اخوك نايف يجي يخطب ترا خلاص تعبت انتظر !
الاء: شف بس
ضحكوا البنات ورجعوا يكملون تقطيع
-
ساره كانت تكنس المجالس وخلصت وراحت تجلس وفتحت جوالها ولقت فيه رساله من ماهر ، تنهدت وفتحت رسالته كان مصور لها بشركه آل زايد ، استغربت ساره
وكتبت: هذي شركه جدي؟
ماهر: ايه قدمت قبل اسبوع واليوم قبلوني اول دوام لي قابلت ابوك وعمك خالد ونايف ،
ابتسمت ساره وكتبت: مشاءالله الله يوفقك
ماهر: هانت كلها فتره بسيطه واجي اتقدم لك
ساره كانت جدا خايفه من ان الاء ترد فيها الحركه وتخرب كلشي ، تنهدت وتركت رسالته بدون رد ،
ندى كانت منسدحه وتشاهد مسلسلها وفجاءه رقم غريب يرسلها ، فزت بخوف وفتحت الواتس وكان الرقم الغريب كاتب لها: السلام عليكم
سندت ظهرها وكتبت: وعليكم السلام، مين؟
تسارعت نبضات قلبها من كتب لها الوليد ،
عضت شفتها بتفكير وكتبت: هات رقم حسابك
الوليد: لا خليها هالمره علي
ندى: لا اعطني حقك وبعطيك
الوليد: عادي انا حاسبت لكم كلكم سوا وترا لجل عين تكرم مدينه !
ابتسمت ندى بخفه واستوعبت على نفسها وكتبت: مشكور
قفلت جوالها وقامت غسلت وجهها الي تورد من الخجل
-
بدأوا يحضرون الغداء مُلاذ والاء ولين ، كانت لين تحضر بغرفه الضيافه ل الجد وفيصل ولذياب الي تو رجع من دوامه
كانت منزله راسها وتحط صحون السلطه وقامت وهي تناظر السفره وترجع خطواتها ل ورا لحد م ارتطمت بجسد كبير ، لفت الا وهو وفيصل مبتسم صدت بسرعه وجت بتمشي الا انه مسك يدها ونطق: ليني موافقه ؟
لين ارتبكت وخافت يجون البنات وهي معه ناظرته ونطقت: اطلع وانا بجيك العصر بالاسطبل
ابتسم فيصل وفك يدها وطلع ينادي الجد زايد وذياب للغدا
-
خلصوا الغدا ووصل ابو الاء من دوامه وجلسوا يتقهوون شاهي
تنهد ابو الاء ونطق: البنت موافقه ي ذياب والشوفه الشرعيه اليوم بعد المغرب ،
ابتسم الجد زايد ونطق: مشاءالله الله يبارك لهم
ذياب: امين
ابو الاء وقف على رجوله ونادى ل الاء
الاء: سم يبه
ابو الاء: يبنتي الشوفه الشرعيه اليوم بعد المغرب تجهزي
الاء ارتبكت ونطقت: تم يبه
طلعت من عنده وهي مشغول بالها
. . . . . . .
(هاي🫣، وحشتوني، رجعت لكم ببارت لذيذ ب معنى الكلمه🥹، اذا م اعطيتوا البارت حقه بنتزاعل ترا🤨،
اذا فيه اخطاء حاولوا تسوون سكب لاني اكتب بعين واذاكر بعين . . قراءه مُمتعه💘💘💘)
أنت تقرأ
الغرام يمَك غدا بقلبي مسموح
General Fictionتعلقت بك ولا ودي بيوم تروح لقيتك بك الزين وجميع امالي.
