الغرام يمَك غدا بقلبي مسموح

Part 8

<صباح يوم السبت>
يوم جديد على ابطالنا الي ناموا والمشاعر تغمر قلوبهم والفرحه والاعتراف الي حرك ولعب ب مشاعرهم
يوم جديد يتجدد ويزيد حبهم
يوم جديد يمنحون انفسهم فرصه ل بعض اكثر
ذياب الي قام من الصباح فيه نشاط يحس انه ماعند مشكله يكرف يحس ب الطاقه والايجابيه
قام من الصباح يجهز اغراضه بيطلع يمسك خط للرياض بدون يعلم اهله كان متحمس كان يبي يلقى الاء وبسس يبي يمحي الشوق وهو يتجدد شعوره من يشوف شامتها ويشم عطرها
وينفتن في ملامحها الهاديه وطولها المتوسط وخصرها المرسوم وصوتها الناعم وعيونها الوسيعه وشعرها الطويل الي يفتن من جماله
كل تفصيل فيها كان يحيي فيه الفف شعور
_
الاء كانت في سُبات عميققق من النومم لاول مره من اسبوع تنام نومهه عميق وحلوه نامت والابتسامه مرسومه على وجهها والراحه تغمر قلبها
_______________
<العصر بيت الجد زايد>
العمه حصه:احس متوتره ل عرس نواف
ام الاء:باقي شهر يمدينا بعدين معليك الزواج بيقومون به الرجال احنا بس نختار ومن ذا الكلام
ام فيصل:اي والله صادقه ام الاء
الجده:وين بيسكن نواف وحرمته
حصه: والله مدري وين يبي هو
الجده: زايد م بيرضى يبعدون احفاده عنه
ام فيصل :احسن شي اننا كلنا حوالين بعض
دخلت لين المطبخ وسمعت اخر حكيهم
لين:نبي نهايه الاسبوع نطلع المخيم
الجده: احنا بعالم ولين بعالم
لين:طشفت من اجواء البيت
ام ذياب: لين ارجعي ذاكري
ام الاء: اي حتى الاء بكره بتدوام خذي شنطتك وروحي عندها صحيها من النوم وذاكروا سوا
لين:مافيني اشرح لها دروس اسبوع المفروض اعطوها اجازه يومين لانها مشت من ثالث يوم
الجده بضحكه:خلاص اذلفي
لين:سمي ي جده
طلعت لين متوجهه لبيت عمها ابو الاء بعد م مرت بيتهم واخذت شنطتها
طلعت متوجهه لغرفه الاء الي نايمه وتحلم ب ذياب ولا درت عن العالم الخارجي
لين وهي ترفع الستاره: وجع قومي
الاء م ردت عليها وانقلبت للجهه الثانيه
لين: اكلمك انا
الاء:انقلعي ابي انام
لين بكذب بس عشان تبي الاء تقوم:ذياب جاي قومي اجهزي!
الاء قعدت ومسحت بيدها على وجهها:قال يجي؟
لين: ايه
فتحت جوالها تشوفه مرسل لها :"صباح الخير ،كيفك؟"
ابتسمت وقفلت جوالها ودخلت دوره المياه[يكرم القارئ]
وطلعت قعدت مع لين على السرير
لين شافتها مصحصحه خلاص وقالت لها:اكذب ذياب م يجي بس ابيك تقومين
الاء ناظرتها بحده:انقلعي ترى حركات مال امها داعي
لين تقدمت تبوس الاء: خلاص اسف
الاء:اعترفنا ل بعض
لين شهقت وتوسعت عيونها: كذااببهه؟؟
الاء: هو اعترف لي قبل يترقى بس انا رفضت والبارح قررت اعترف
لين: امانه ولاتكذبين!
الاء: شفيك وربي صادقه شوفي المحادثات
لين شافت رسالته الاخيره وقالت: ردي عليه
الاء: وش اقول؟
لين:هات الجوال
لين اخذت جوال الاء وقفت عن الاء عشان الاء م تشوفها وكتبت له "بخير انت كيفك؟، وحشتني ابي اشوفك"
حذفت "وحشتني" حذف لدي بس ورجعت الجوال ل الاء
الاء ناظرت المحادثه م شافت الا "بخير انت كيفك؟"
الاء: يعني ساحبه الجوال ومسويه هيصه وف النهايه هذا ردك ؟
لين ب ابتسامه خبيثه: اي بس
الاء: تعالي نذاكر ولايكثر
لين: هيا
______
كان ماسك الخط للرياض وسمع صوت رساله ف جواله
ودخل الواتس شاف كلامها له وابتسم وقفل جواله
وهو يحس ب مشاععر محد يقدر يوصفها
كان وقتها باقي شوي ويدخل وقت المغرب وقف عند مسجد يصلي ويدعي من كل قلبه انها تكون نصيبه
طلع سيارته وهو وقتها كان باقي له ٢٠٠ كيلو
_____
<بيوت ال زايد الساعه ١>
الكل قد نام الا الاء ولين ومُلاذ الي يسولفون ب قروبهم
كانت لين تسجل لهم فويس وهي تحكي موقفها هي و فيصل
___
كان باقي له ١٠ دقايق ويوصل الحاره الي فيها بيوت ال زايد
فتح جواله ودخل الواتس كتب" في الاسطبل الساعه ٢:٥ دقيقه"
-
كانت تضحك على موقف لين مع فيصل وفز قلبها من شافته مرسل استغربت وهي تشوف رسالته
ناظرت الساعه وكانت ١:٥٥ دقيقه
قعدت تفكر شوي بتوتر بعدها نزلت ودخلت الاسطبل راحت عند اخر السور بعيد عن انظار الكل
__
وصل ودخل الاسطبل شافها وكانت بعيده شوي بحكم ان الاسطبل كبير
مشى بشويش وبقي له شوي ويوصل لها
__
ناظرت جوالها بترسله بس حاوطتها يدينه من ورا كان عارف انها بتصيح ف حط يده على فمها اول م قرب لها
داهمت قلبه ريحه عطرها الي هيضتت مشاعره اكثر
لفت عليه بسرعه وبردت ملامحها من شافته
تلاشت من وجهها ملامح الخوف
الاء: ذياب؟ منت كنت ف الحد!
ذياب بصوته الرخيم
"على الموعد الي بيننا
جيت لك ملهوف
اسابق عقارب ساعتك
قبل موعدنا
وانا داري ان قلبك!
على شوفتي مشغوف
لو انه يجور الوقت فينا ويتعبنا"
الاء ناظرته ب استغراب من بدا يتكلم عن الموعد
ذياب فهمها وفتح جواله لانه شك انها لين
دخل الواتس ووراها محادثتها يوم تقوله"وحشتني ابي اشوفك"
بردت ملامحها ورجعت تناظره
قرب لها ونزل راسه ل مستواه وتقدم يبوس شامتها جمدت مكانها ل ثواني واستوعبت على نفسها وبعدت منه
ذياب: اشتقت لك
الاء وهي تحاول تتهرب :برجع البيت
جت بتمشي من عنده الا انه مسكها ورجعها قدامه وهالمره كان ناوي يبوس خدها بس نزل شفايفه ل شايفها وباسها لاشعورياً
كانت ثابته ولاتحركت من كثر الرعب
استوعب على نفسه وبدا يبعد عنها
مشت الاء ورجعت البيت وهي تتمنى انها م طلعت
حرب مشاعر في داخلها كبر بعد قبلته لها
دخلت غرفتها ووقفت قدام المرايه وتوسعت عيونها من شافت ان بوسته الاولى طبعت على عنقها تحديداً على شامتها
كانت خفيفه مو مره واضحه
طلعت الكونسيلر تشوف اذا بيخفيها ولالا
حطت على عنقها واختفت اثار البوسه ب تدريج
تقدمت ل سريرها وتمددت عليه وهي تقول ف نفسها كيف بتطلع قدامه مره ثانيه !
غمضت عيونها مُحاوله النوم لكن كانت محاوله فاشله
___
طلع من الاسطبل ودخل البيت طلع متوجهه ل غرفته
وهو يفكر كيف انه باسها مرتين بدون لا يحس على نفس
دخل دوره المياه[يكرم القارئ] غسل وجهه وطلع يبدل ملابسه وتمدد على سريره يفكر في خمر شفايفها
________________________
<يوم الاحد الساعه ٦>
قامت قبل تجي تصحيها امها وتشوف الي برقبتها
جهزت وكانت شبه مروقه بس كان تفكيرها ب بوسته وجرأته معها
ناظرت جوالها وهي تشوف لين مرسله لها انهم بيروحون مع ذياب
الاء كتبت لها"انا بروح مع ملاذ"
لين:اقول انكتمي بتمشين معي مُلاذ م بتدوام
الاء م كان عندها خيار الا انها توافق
لبست عبايتها ونزلت شافته هو ولين ينتظرونها
تقدمت وركبت
لين شكت من نظاراتهم ل بعض وسكتت
كان يناظر الاء وهي تحس ب نظراته بس صاده
وصل عند مدرسه الاء ولين
لين نزلت بس الاء تاخرت عشان رجلها
ناظر ورا شاف ان لين نزلت
التفت ل الاء ومسك يدها
الاء من توترها مسكت يده وشدت عليها
حست ب الامان بين كفوفه
رفعت عيونها تناظر لين الي جايه تساعدها فكت يدها من يده بسرعه و جت لين واستندت عليها الاء ودخلوا المدرسه
__
كان يناظرها لين م دخلت طلع متوجه ل دوامه وهو كله مشاااععر ادرك انه طاح بالغرام
_
<عند الاء ولين بالمدرسه الظهر>
كان عندهم الرياضه السادسه وكانوا قاعدين بالساحه وكان الجو حار شوي
الاء: شفيها مُلاذ م داومت
لين من انتبهت على اثر البوسه الي بعنق الاء كان واضح انها مخفيته ب كونسيلر بس راح
صدت وهي تقول: مُلاذ مزكمه عشان كذا م جت
رجعت ناظرت الاء وكملت: وش الي بعنقك؟
الاء حطت يدها على عنقها وحاولت تغطي
لين: ذياب؟
الاء: البارح ارسل لي اجيه بالاسطبل
استغربت م طرا ببالي انه جا ولما جيت ابعد على طول نزل راسه وباسني ولما صديت ابي ارجع البيت مسكني من يدس وباس مبسمي!
لين ابتسمت بخبث من عرفت ان خطتها تجحت
الاء: شعندك تتبسمين؟
لين: خطتي انا
الاء: حسبي الله عليك
ضحكت لين وضحكت بعدها الاء ولين جلست تتخيل شكل الاء يوم قرب لها ذياب
انتهت الحصه السادسه وذياب اخذ اذن عشان يرجعهم
كان طولل الطريق يناظرها
________

(امس م نزلت لكم كنت مشغوله
يالله نشوفكم على خير🫡🫡)
عطوها حقها🫶