الغرام يمَك غدا بقلبي مسموح

Part 19

قاموا الصباح كلهم والكل كان مشغول يجهزون لانهم طالعين للبر ، ذياب كان يرتب الاغراض بسياره نايف ولف على صوت عمه ابو الاء وهو يقول: ذياب
ذياب: سم ي عم
ابو الاء: انا طالع للدوام اذا م عليك امر تقدر تاخذ زوجتي وبنتي
ذياب: ابشر ولايهمك ي عمي
ابو الاء: بس يكون زحمه عليكم صح؟
ذياب: لا ابد امي وام الاء بيكونون مع نايف وانا معي لين وبنات عمتي حصه وبنتك
ابو الاء: تسلم ي ذياب، ويالله استأذنكم بتأخر على الداوم
ابو ذياب: وانا بتأخر على الشركه، راجع على العصر انشاءالله
الكل: الله معكم
تقسموا على السيارات
ابو فيصل معه ام فيصل والجد زايد والجده
فيصل معه اخواته ندى وساره واغراض العزبه
نايف معه امه وام الاء والعمه حصه
ذياب معه لين قدام ووراه الاء وفالنص مُلاذ والباب الثاني ريم
طلعت سيارتهم وتقفلت بوابات آل زايد وطلعوا متوجهين للبر وسيارتهم ورا بعضها كان قدامهم مشوار ساعه ونص
ذياب لف على جواله الي يدق ورفعه ل اذنه ونطق: هلا ناصر
*ناصر هو نفسه الي كان مع ذياب بالمهمه يوم تصاوب*
ناصر: هلابك، كيفك
ذياب: والله بخير شحالك انت
ناصر: على مايسرك، وتوي صحيت لقيت لك مكالمه امرني؟
ذياب: يولد طالع البر مع اهلي تقدر تمسك استلاماتي؟
*مُلاحظه ناصر ترقى ونقلوه من العنابر وصار في المباني مع ذياب*
ناصر: اذا استلامك الحين ف اعذرني مقدر والله اهلي بينقلون خلاص يستقرون هنا وهم جايين اليوم لازم ارتب الوضع
ذياب: لا داومي ف الليل
ناصر: تمام ولايهمك
ذياب: كثر خيرك
___
<في تبوك عند ام ناصر>
صحت عيالها بهدوء ولفت تناظر الاغراض وكلشي خلاص بينقلون نقل نهائي للرياض بحكم ان ناصر دوامه هناك والبنت الي هو خاطبها سكانه هناك وم بقى لهم حل الا انهم بيكونون قريبين من ولدهم، زفرت بتعب واخذت جوالها ودقت على ام الاء ووصلها صوتها وهي ترحب فيها
ام ناصر: جايينكم الرياض ي وخيتي
ام الاء: حياكم الله بتنور الرياض بيجتكم ي ام ناصر
ام ناصر: م بطول طيارتنا بعد ساعه ودعتك الله لقائنا قريب
مُلاحظه"ام ناصر وام الاء اخوات"
تقدمت ام ناصر ولفت على ماهر
ونطقت:ماهر اذا وصلنا المطار كلم ابوك يشحن سيارتك للرياض
ماهر وهو ميت نوم: ابشري يمه
ام ناصر : ناصر بيكون في استقبالنا بالمطار
ماهر: يمه ابوي متى يلحقنا الرياض؟
ام ناصر: يجي اذا خلص اشغاله وبرضو بيشحن الاغراض ذي للرياض ويسلم البيت ويجي
*تعريف بسيط*
-ام ناصر(وعد) كانت اكبر من اختها فاطمه ام الاء وتحب عيالها ماهر وناصر تشوفهم عوض ربي عن فقدها ل امها وابوها
-ابو ناصر(فارس) يهتم ل شغله كثير ويحب عياله بس دايم يعصب على ماهر بسبب حركاته الطايشه
-(ناصر) بكر ابوه ومنزمان ساكن ف الرياض عشان وظيفته ساكن لحاله ووحداني طول عمره وفي يوم شاف غدي
بنت جاره الي ساكن جنبه وصار ينجذب لها كثير ورجع تبوك يعلم اهله وجابهم خطبوها وبعدها رجعهم وكان ناصر ييححبب غغدي بكل شععور صادق يشوفها النور الي جته بعز وحدته، عمره ٢٤
-(ماهر) انسان طايش وخفيفف مرات تغمره مشاعر الاعجاب ويفكرها مشاعر حب ! مشاعره مؤقته ولا عمره جرب مشاعر الحب الحقيقه ، خلص الثانوي وجلس بالبيت م حب يكمل الجامعه عمره ٢٠
_________
وقفوا سيارتهم ونزلوا وبنوا خيامهم وبدأو يسوون القهوه والشاهي وتجمعوا العيال يسولفون طلع نايف جواله وصور كلشي ونطق: بقهر نواف
فيصل: تقهره بتراب العطوس ولا ايش
نايف: جلستنا اكيد بيشتاق
ذياب: ميت نوم انا
الجد: سوو الفطور
ذياب: ابشر ي جد
قاموا العيال سوو الفطور واعطوا الحريم وافطروا الكل وتقدم ذياب ونطق: بنام للظهر
الجد: نوم العوافي
فيصل: وانا بنام
نايف: وانا
الجد: مامنكم فايده ي عيال اللذينا
التفت على ابو فيصل وكمل حكيه: قم ودني ل مكان فيه رعي بشتري ذبيحه
ابو فيصل: ابشر
__
كانوا البنات حاطين فرشهم يم بعض ويسولفون والي غفى منهم والي باقي صاحي، الاء وهي تدف مُلاذ: هي قومي
مُلاذ همهمت لها: هممم شتبين ابي انام
الاء: افف بشوف ل لين، لفت على لين ونفس الحركه لين نايمه
تنهدت بضيق ولفت على ساره وهي تقول: الاء
الاء بأستغراب: هلا
ساره ب استفزاز: انتي غايتك ذياب؟
الاء ابتسمت بخبث ونطقت: والله ماندري مين الي غايته ذياب
ساره: شدخل؟ انا قلت اني ابي ذياب!!
الاء: تصرفاتك تقول
ساره ابتسمت بخبث ونطقت: تتوقعين ذياب يلتفت ل بنت الثانوي البزر!! مستحيل تراه يشوفك بحسبه اخته لين لاتاخذين الوضع بجديه!
الاء عرفت غايه ساره ومدت ظهرها بدون لاترد ونامت
___
وصلوا مطار الرياض واستقبلهم ناصر بكل حب وهو يقبل راس امه ونطق: نورت الرياض
ام ناصر: ي بعّدي ي ناصر
تقدم ناصر وحضن ماهر ونطق: عساك عقلت؟
ماهر ابتسم ونطق: يعني مره ههه ومره هيهي
ضحك ناصر ورجع يحضنه مره ثانيه ونطق:يالله تعالوا ارتاحوا باقي الاغراض بستلمها انشاءالله اذا وصلت
ابتسمت ام ناصر برضا ومشوا طالعين من المطار متوجهين ل بيت ناصر، بععد نص ساعه وصلوا ونزلوا وتقدمت ام ناصر وجلست بالصاله ونطقت: بنمر خالتك فاطمه بكره
ناصر: وينها ؟ فالبيت ؟
ام ناصر: لا هم بالبر
ناصر: يمه زوج خالتي فاطمه هو مدير القسم الي احنا فيه واعرف ولد اخوه هو صديقي والله ينشد فيه الظهر
ام ناصر ابتسمت بأندهاش ونطقت: حلو دامك تعرف احد من العايله وانت ي ماهر اذا رحنا لهم خلك عاقل
ماهر: ازهلي يمه
ابتسم ناصر ودخل غرفته وفتح جواله يرد على رسايل غدي
غدي: ناصر وينك مختفي!
ناصر: والله رحت اجيب امي واخوي من المطار وبرضوا اداوم عن خويي ومضغوط ي قلبي
غدي: وحشتني متى تزورني؟
ناصر: العصر من ععيوني ي يعّدهم كلهم
كملوا محادثتهم وشويات ونام ناصر بالمحادثه وغدي مثل
______
<العصر ف البر>
فتح ذياب عيونه بتعب وشاف الساعه، توسعت عيونه ولف يناظر جنبه كان نايم نايف وفيصل ، رفسهم برجله ونطق: راحت علينا نومه!! غريبه جدي م قومنا الظهر
فيصل: اوفف تعب
نايف: ذياب بس لاعد ترفس باقي ابي ظهري
ذياب قام وطلع من الخيمه م شاف جده وعمه ابو فيصل ورجع دخل و نطق:ماهم موجودين هيا نرتب قبل يجون ويفصل علينا جدي
قاموا العيال وبقي نايف نايم بوسط الخيمه الي عثر حركه العيال ف الترتيب ، تقدم فيصل وسحب نايف من رجوله لحد م طلعه من الخيمه، قام نايف وهو يسب العيال
كان صوته واصل للحريم ، ضحكت ام ذياب ونطقت: نايف كذا كل م قومناه
الجده: يحبهم للنوم، قوموا البنات الجو شوي ويمطر
دخلت حصه وقومت البنات ، طلعوا من الخيمه على هواء حلو وجو يجبر الخاطر، اجتاحتهم مشاعر الايجابيه
شويات ووصل الجد وابو فيصل وبعدهم وصل ابو ذياب وابو الاء وبدأوا يقسمون الذبيحه ويشبون النار تحت رشات المطر الخفيف، كان فيصل رافع ثوبه على بطنه ولف على ذياب ونطق: ولد قسم زين!
ذياب: اسكت لايسمعك جدي يقول رفلين
نايف:طيب انك انت وياه كذا
ذياب: مسوي الطالع منها !!
فيصل وهو ياخذ الصحن من عند ذياب: اسمع الحقني بباقي الاغراض
ذياب: مالي دخل تصرف
نايف: حتنى
فيصل: ابو النذاله! لو نواف هنا كان م التفت في وجيهكم
وطلع اخذ الصحن والاغراض ووداهم للمطبخ ، تربع بوسط المطبخ وجلس يسولف مع عمته حصه وهي تقسم اللحم
ابتسمت حصه ونطقت: وين الباقي
فيصل: سرابيت ي عمه خلوني اكرف لحالي
حصه ضحكت وكمل فيصل: ي حسرتي على ايام نواف
حصه: معليك راجع نواف كلمته قبل ساعه يقول يجي بعد بكره
فيصل: والله وححشني !
حصه: انتظرني هنا بغسل القدر واجي
فيصل : تمام
طلعت حصه وتنهد فيصل بتعب وقام يحوس بالغراض يدور اكل، تقدمت لين ودخلت المطبخ وهي حامله صحون ومغطيه فيها على وجهها وم كانت تشوف الي قدامها تقدمت واعطت فيصل ظهرها وهي تجهل وجوده نزلت الصحون وشافته يناظر ولف على صوت الجده وهي جايه، مسك يد لين بسرعه وسحبها ل ناحيته وغطاها بالاغراض عشان لو شافتهم الجده بتسوي سالفه، سكتت لين وهي تسمع نقاش الجده وفيصل
الجده: وش تسوي هنا؟
فيصل: انتظر عمتي حصه تبيني اساعدها
الجده: البنات يساعدونها
فيصل: تبيني اشيل سطل المويه البنات م بيقدرونه
الجده طلعت من الباب الخلفي بدون م ترد عليه
فيصل راقب الوضع وتقدم يحوس بالاغراض ومسك بيد لين وسحبها لناحيته لدرجه ارتطمت بصدره وهي مو متغطيه عنه ولا شي كان يشوف كل اننشش في وجهها ويتأمل زين عشان م يندم بعدين، رجعت لين ل ورا ونطقت: غض البصر !
فيصل استوعب وصد بسرعه ونطق: فيه شي اكله؟
لين مدت يدها واخذت جلال صلاه مرمي ولبسته وتخصرت وجلست تناظره شوي ونطقت: فيه كيك وقهوه تبي؟
فيصل: ايه والله ميت جوع
لين: اوكيه انتظرني هنا ، طلعت لين ومسك فيصل على قلبه ورفع راسه وابتسم ابتسامه عريضه وتلاشت ابتسامته من نطقت عمته حصه وهي تضحك: شكلك طحت ي الكلب!
فيصل: خرشتيني !
حصه غمزت وتقدمت له: طحت هاه؟
فيصل: مدري ي عمه بس ي انهاا تقلب ب موازيني ننذر !!
حصه ضربته بخفه وتلفتت يمين يسار ونطقت: اسكت لايسمعك احد ! المهم انا بطلع اودي الاغراض ذي ل ابوي وبراقب لك الوضع عبال م تجيب لك لين الاكل
فيصل ابتسم بذهول ونطق: سمعتي حكينا؟
حصه: ايه
طلعت حصه وضحك فيصل وفتح جواله وكان يراسل نواف ويبتسم ، دخلت لين المطبخ وهي متلثمه ب طرحتها واستغربت من الابتسامه الي شاقه وجهه وهو منزل عيونه للجوال ، تقدمت ونطقت : خذ
فيصل نزل جواله واخذها ، لين نزلت عيونها ل جواله وشافت رساله من " ععيوني❤️" ، عقدت حواجبها ب استغراب وطلعت جلست تفكر مين البنت ذي، وفي الحقيقه هو نواف، فيصل كان مسميه كذا ، تنهدت بضيق ونطقت بخفوت: وشدخلني افكر مين هي البنت الي يراسلها ! استغفرالله بس، وقامت على نداء امها لها وطلعت
_____
<الساعه ١٠>
دخل الكل نام ماعدا البنات والعيال الي كانوا مفللين نوم للعصر وعشان كذا م جاهم نوم ، كانوا البنات يسولفون بكل اندماج وقطع صوت سوالفهم صوت نايف وهو يقول: ليني!
تنهدت لين ونطقت : هاه شتبي؟
نايف: تعالي
لين: يارب صبرني ، قامت ووصلت ل عند نايف ونطقت: شفيك
نايف: نمتوا؟
لين: ناموا الكبار بس احنا باقي
نايف: تعالوا عندنا نسولف سوا
لين: نعمم؟ خير ترنا بالسعوديه مو امريكا عشان نجلس معكم!
نايف: يغبيه اقصد اللبسوا جلالاتكم وكل وحده بغطوتها ونسولف
لين: اوكيه بشوف للبنات، راحت لين من عنده وعلمت البنات وقاموا لبسوا جلالاتهم وطلعوا جلسوا مع العيال
ذياب كان من جهه يمينه لين ويساره نايف وبعده فيصل وبعد فيصل مُلاذ بعدين ندى بعدين ساره بعدين ريم واخر شي الاء بين ريم ولين، نايف صب لهم قهوه وجلسوا يسولفون
نايف: عندي فعاليه
ذياب: وش
نايف: بعد والي يجي عليه العشره ينسأل ٤ اسأله!
الكل: تمام
عد نايف وجات العشره على فيصل وابتسم برعب ونطق: اسألوا
ذياب ابتسم بخبث ونطق: قد حبيت ؟
فيصل: تقريباً
ناظرته لين وعقدت حواجبها وانتبه لها ورجع يناظر نايف
نايف: الحين الحين فيه وحده ببالك؟
فيصل: ايه
ذياب: تعسيه حظ قسم بالله!
ندى: طيب قول اسمها؟
فيصل: مجهوله محد يعرفها الا انا
ذياب: طيب نعرفها احنا؟
فيصل وهو يبعد الشُبهات عنه: لا، وبعدين خلاص سألتوني ٤ اسأله يالله الي بععدي !
لين عقدت حواجبها وناظرته ب استغراب ولفت على الاء ونطقت: مين ذي الي م نعرفها احنا
الاء ابتسمت ونطقت: تحصلينها من الجامعه
لين: وجع تافه
نايف: الدور على ذياب
فيصل: معليهه ي ذياب تشوف برد لك الصاع صاعين
ذياب ابتسم ونطق: هات
فيصل: تحب؟
ذياب: ايه
العيال ومُلاذ ولين والاء م كان منهم اي رده فعل لانهم يعرفون مين الي يحبها وهي الاء اما ندى وريم وساره استغربوا ونطقت ريم: طيب كم عدد حروف اسمها؟
ذياب: ٤
ساره نزلت عيونها ونطقت بقلبها: انا اكيد مستحيل يلتفت ل الاء بنت الثانوي !!
ذياب: باقي سؤالين يالله
نايف: متى ناوي تتزوجها؟
ذياب: ماني مطول
الاء ارتبكت وشدت على يد لين ونطقت لين: سععيده الحظ !
نايف: م اتوقع
ساره: اخر سؤال عندي
ذياب: قولي
ناظرته الاء بحده ولفت على ساره
ساره: طيب متأكد من مشاعرها
ذياب رفع نظره ل الاء ورجع ناظر ساره ونطق: الععيون تحكي المشاعر !
ساره كانت تظنه يقصد نظراتها له وابتسمت بخفوت ونطقت: خلاص انتهى دور ذياب الي بعده.... وماهي الا ساعتين ورجعوا الخيام بعد ليله كانت شبه حلوه ل بعضهم وشبه حزينه للبعض
ساره نامت وهي تظن ان ذياب يحبها ،
الاء نامت وهي ف صدرها حريقق من حركات ساره
لين وضعت راسها على وسادتها وهي تفكيرها يتمحور على البنت الي قال فيصل انه يحبها ! ومين ممكن تكون !
تنهدت بضيق وطلعت جلست بالجلسه وجلست تاكل بسكوت
-
فيصل كان بالجهه الثانيه وجالس لحاله ومبتسم لانه فععلا ايقن انه كل يوم ينجذب ل لين اكثر من اليوم الي قبله !
لف من سمع صوت وتقدم ل خيمه الحريم وشافها جالسه وسرحانه ، تقدم ل ناحيتها ونطق: ليني
لين فزت بسرعه وتقدم فيصل بحركه سريعه حط يده على فمها ونطق: بنت ! اشفيك انا فيصل
لين كانت تناظر داخل عيونه وابعدت يده عن وجهها ونطقت خرشتني طيب ! بعدين وش الي ليني ! دلع حبيبتك لاتدلعني
فيصل عقد حواجبه ونطق: حبيبتي؟
لين : ايه الي مسميها ععيوني؟ توكل عندها لاتجي عندي وتفكر انك تقدر تخدعني بكلماتك المُعتاده؟ ليني ويويل قلبي !
فيصل ضحك ونطق: يويل ققلبي صدق ! اول شي الي حاطه اسمه "ععيوني" هو نواف وثاني شي م اللعب عليك، ولا انتي تشوفيني اقلب موازينك !
لين بتوتر: مو مهتمه ترا بس مسويه فيها العاقل وعلومك من تحت ل تحت
فيصل: علومي الي من تحت ل تحت م تطلع الا عندك ي ليني بعدين شفيك صاده ! خليني اناظرك
لين: فيصل ابعد لو يشوفنا احد بيفكرنا حبيا... ،سكتت بتوتر
فيصل ابتسم ونطق: كملي بيفكرونا ايش؟
لين: ح.. حبايب !
فيصل بتهور: واحنا وش ؟
لين فهمت قصده وابتسمت بخبث عشان تنرفزه ونطقت: عيال عم !
فيصل مسح على وجهه بهدوه ونطق: ليني !
لين: هلا
فيصل بتهور: يويل قلبي عليك والله انك غايه قلبي !
خافت لين وقامت دخلت الخيمه وضحك فيصل وقام دخل الخيمه ونام وهو يضحك على تصرفات لين
انتهت ليلتهم ونام الكل ، البعض نام سسعيد والبعض نام بتفكير وحيره....

(وحشتوني🥲، شوفو حبايبي الدعم مو عاجبني عدلوه قبل نتهابد وخلوني اسمع وحده تقول البارت قصير ، امهد لكم الوضع فيه عاصفه ماعرف متى تجي🤷🏼‍♀️، قراءه مُمتعه واعطوها حقها❤️)