الغرام يمَك غدا بقلبي مسموح

Part 30

م هان علي انتظاركم وكتبت لكم ذا البارت صح قصير لكن هذي قدرتي حاليا وبيكون ذا البارت وبعده بوقف واخذ فتره واسترجع افكاري والم نفسي وارجع لكم .

للتذكير**
وصلنا لعند مطلق لما اخذ ريم من المحطه ورجعها ل آل زايد وعزمه الجد . . . .

صباح يوم جديد وقاموا ريتاج ونواف يتجهزون ل موعد كشف جنس الجنين ،
ريتاج وهي تناظر نواف وهو يسوق: نواف
نواف: عيونه
ريتاج: متوتره
نواف: عادي حبيبي انا يمك انتي والبيبي
ابتسمت ريتاج ومسكت يد نواف وهم يوقفون عند المستشفى، نزلوا واخذوا ينتظرون دورهم وبعدها بدقايق جا دورهم ودخلوا
الدكتوره: اهلين ماما ريتاج تفضلي اجلسي وابعد العبايه و الملابس عن بطنك
نواف بدا يساعدها في نزع العبايه وبعدين تمدتت ريتاج وبدات الدكتوره تمرر الجهاز على بطنها
ريتاج كانت تناظر حركه البيبي والدموع بعيونها وماسكه يد نواف
الدكتوره: مبروك ماما ريتاج انتي حامل ب ولد
ضحك نواف بخفه وتقدم يحضن ريتاج
الدكتوره: انتبهي وكلي زين
ريتاج: ولايهمك
نواف: شكرا دكتوره
مد نواف يده ل ريتاج وبدا يلبسها العبايه وبعدها طلعوا من المستشفى وركبوا
نواف: ريتاجي
ريتاج: عيوني
نواف: بنروح نفطر بعدين نروح المول ناخذ شويه اغراض ل هايف
ريتاج ابتسمت ونطقت: تم
-
"الساعه 2 الظهر في بيوت آل زايد"
الكل صحى ومستنفرين للعزيمه الي رايح الدوام والي يجهز والي يكشخ وعلى هذا الحال الى اذان العصر وكان ريحه البيت تفوح بالعود والقهوه العربيه ،
في غرفه لين . .
الاء: وربي شكلك مره يجنن يحظ فيصل
لين: شوفه شرعيه قد حللني من راسي ل ساسي
مُلاذ: انشهد
لين لبست فستان كحلي ناعم وفيه من تحت نفشه بسيطه وكانت مسويه شعرها استريت وحطت من عطرها المفضل ، اخذت تناظر البنات وتبتسم وهي فيها الف شعور ، شعور الفرح انها بتصير حلال ل الي تحبه وشعور توتر وشعور خوف ، اختلط في قلبها كل هذي المشاعر لكن لازالت فرحانه
مُلاذ: هي وين سرحتي
لين: متحمسه
الاء: ماعد به حياء
ضحكوا مع بعض بعدها لموا الاغراض ونزلوا متوجهين لبيت الجد
-
نواف جا داخل المطبخ وهو متلطم بشماغه و رابط ثوبه على خصره وكان حامل كراتين مويه وعصير ، كانت ريتاج بالمطبخ تاكل والتفتت من دخل نواف من الباب الخلفي ، ابتسمت ونطقت: يازين حبيبي
حصه: ي حظه فيك ي ريتاج
نواف: ايوالله ي حظي
ريتاج ضحكت بخفه ونطقت: عمتي
حصه: لبيه
ريتاج: اليوم كان كشف جنس البيبي وكان ولد
ابتسمت حصه بفرحه وتقدمت تحضن ريتاج
ونطقت: وش تسمونه؟
نواف: هايف
حصه: يازين الي كبروا وبيصير عندهم عيال
ابتسم نواف وابتسمت بعده ريتاج وكملوا شغلهم . 
-
وصلوا الضيوف ورحبوا فيهم وبدأت اصوات السوالف وتضاحيكهم تعلى
مطلق: بخاطري الاسطبل
ابو ذياب: روحوا اذا ودكم
ذياب: هيا
قاموا العيال ودخلوا الاسطبل وبدأ يرفعون ثيابهم ويركبون الخيول
نواف كان واقف عند مقصوره الجازي ويمسح على راس الجازي بخفه
مطلق: نواف
نواف: سم
مطلق توتر وناظر العيال الي يطارودن بعض ف ساحه الخيول
نواف: بخاطرك كلام ومتردد
مطلق: ايه
نواف: تكلم ي بعد حيي انا اسمعك ويمَك
مطلق اخذ نفس ونطق: صراحه ي نواف ماني عارف كيف اصارحك بس انا ف مره شفت اختك ريم وانا والله طحت ف حبها واشوفها مثل عيوني الثنيتن وانا ناوي ب الحلال وصح انها صغيره بس انا مستعد انتظر طول عمري
نواف اخذ نفس ونطق: الحب حلال للي نيتهم مثلك ي اخوي مطلق وانا والله عارف م القى مثلك اوصي فيه ريم وتبشر بها اذا حسيت انك مستعد اخطبها وانشاءالله م يصير الا كل الي فيه خير
ابتسم مطلق بخفه وتقدم يضم نواف
ذياب وهو على خيله ومتوجه لهم: شعندكم
نواف: احبه ويحبني
مطلق ضحك ونطق ذياب: سبعاه
فيصل دخل النافل المقصوره ونطق: حسبي الله
نايف: وجعاه شفيك
فيصل: بروح اتروش انا وراي نظره شرعيه
ضحك ذياب ونطق: وانا وراي ملكه
نايف: وانا وراي مسلسلات
نواف: وانا وراي هايف
مطلق: وانا وراي تأسيس حياه
نايف: انت وراك شي لكن بيطلع قريب
ضحكوا العيال وكملوا طقطقه على مطلق
-
" بعد المغرب "
لين: ريم شوفي الرجال جو من المسجد؟
ريم: لسى
لين: بنات متوتره
ندى: متوتره وهو قد شافك الف مره
ضحكت الاء ونطقت: كملي اذكارك وهم شوي ويجون
ابتسمت لين وتقدمت تحضن الاء وتخفف من توترها
مُلاذ دخلت وهي تشوفهم حاضنين بعض ونطقت: ايوه بدوني ؟؟
ابتسمت لين ومدت يدها ل مُلاذ وتحضنها
بعد ربع ساعه دخلت ساره الغرفه ونطقت: لين
لين: هلا
ساره : فيصل بالمجلس يالله انزلي
لين: يمهه يالرعب بنات ساعدوني
ضحكوا البنات وبدأوا يتكلمون ويخففون توترها
تقدمت لين وحطت من عطرها المفضل على عنقها ويدينها ،حطت اخر لمساتها ومسحت جبينها من التوتر وناظرت الاء ومُلاذ وابتسمت بخفه ونزلت
-
فيصل توتر من وقفه نايف عند الباب وهو ينتظر لين وتقدم ياخذ فنجان القهوه ويتقهوى بهدوء
نايف لف عليه ونطق: ورع
فيصل: نايف ترا مو وقتك
نايف: عيونك الزايغه ذي لااشوفها تتأمل كثير ف اختي لين ترا يمها اخوها
فيصل: يشيخ دز هي زوجتي
نايف: ورع والله لو اجي ..... قطع صوت نايف مسكه لين ل يده وهي لسى م دخلت ، ابتسم وتقدم يبوس راسها ونطق: تفضلي ادخلي
دخلت لين وجلست قبال فيصل وعم الصمت بينهم
نايف كان جالس على التكايه وياكل بسكوت ويناظرهم ونطق: وراكم م تكلمون مسوين ثقيلين وانتوا العن خلق الله
فيصل: نايف م ودك تتوكل برا ولا شي منا منا
نايف: اخاف اطلع عارف عيونك زايغه
ابتسم فيصل ونطق: لا معليك
نايف: 5 دقايق واجي اعلمكم من الحين عشان م يصير قله ادب
لين: يراسيي نايف خلاص وربي لو ذياب م سوا كل ذي الهيصه
نايف: خلاص انقلعنا ،
ولف يناظر فيصل ونطق: وانت الثاني لا اجي وانت يمها
طلع نايف وزفر فيصل بتوتر وقام جلس يم لين ونطق: ي هلا ب اعذب خلق ربي
ابتسمت لين بتوتر وسكتت
تقدم مطلق يمسك يدها ونطق: بخاطري احضنك قبل يجي المشفوح نايف
ضحكت لين ومدت يدينها له بتوتر وتقدم فيصل يضمها له ويشدها على صدره لدرجه حست هي بضلوعه
استنشق ريحه عطرها الي ف شعرها وعنقها ودفن وجهه ف عنقها وهو يستنشق عطرها الي اسر قلبه
بعد ثواني ابعدت لين وابتسمت له بخفه
كان فيصل يناظر لها بدون يرمش ويتأمل ولا يطفش
كان قريب منها ويناظرها ولين عيونها على يدينها
حس فيصل على نفسه ونطق: لا اله الا الله م قدرت استوعب جمال وجهك من قريب
لين شدت على يده وفيصل فهم انها متوتره وم تقدر ترد
داهمهم نايف ونطق: الا ي عيال اللذينا
فيصل انخرش وابعد عن لين ونطق: م تعرف تدق الباب ي المشفوح م تعرف !
نايف: لا معرف المهم خلصتوا
لين بتوتر: ايه
نايف: شفت واضح البنت تبي الفكه خرشتها انت وشنبك ذا
ضحك وفيصل وقام وقامت بعده لين وتقدم يبوس راسها
نايف : اهخخ ي حلم وش يضرك لو تحققت
فيصل: هيا خذلك شوفي المشفوح ذا طايح على وجهه
لين: الحلم هو م يبي يحققه خله يتأمل
نايف: اقول امشي بس عند البنات وانت الثاني ترا الفناجين تنتظرك تغسلها
فيصل: الله ياخذ عدوك قول امين
نايف: اخلص ذياب ينتظرك برا
طلع فيصل وطلعت بعده لين للبنات وكلهم فيهم كميه مشاعر كبيره مدفونه من وقت طويل لكن مو عارفين كيف يعبرون عنها او يطلعونها
-

اعذروني لو فيه اخطاء وودعتكم الله❤️.