الغرام يمَك غدا بقلبي مسموح

Part 28

وصلوا للبر ولقموا شويه تهزيئ على تأخرهم لكن اخذوا الموضوع مزح وطقطقه ، بدأوا العيال يسوون القهوه والشاهي وابائهم ذبحوا الذبيحه والجد مشرف عليهم ، فيصل وذياب كانوا يسوون القهوه ونواف يوزع التمر والتحضيرات و نايف ينظف الخيمه ، ذياب ناظر فيصل ونطق: ورع
فيصل: شتبي
ذياب: نواف راعي العزيمه وابلشنا معه
فيصل: صادق
نواف: اسمعكم ترا
فيصل: طيب م قلنا شي
نواف: اسكت انت وياه وسووا القهوه
ذياب: شفيه ذا يكلمنا من طرف خشمه
فيصل: مدري شفيه
نواف ابتسم ونطق: مافيني شي بس مصدع شوي
الجد من وراهم: بسرعه كملوا
ذياب ضحك بخفه وهو يناظر نواف
فيصل: يالله نكمل وبعدها اذا جا مطلق نروح نطعس
حصه وهي حامله صحن الفناجين: فيصل طلع معنا بس عشان يطعس ، ضحك نواف وذياب ولفوا على هواش نايف
وهو يقول: ليش تضحكون بدوني
حصه: كمل تنظيف الخيمه
نايف: ابشري
رجعوا العيال يضحكون على نايف وكملت حصه تضحك معهم
-
ندى وريم مشوا بعيد عن الخيمه وكانوا يسولفون ، تنهدت ريم ونطقت: ندى
ندى: لبيه
ريم: احس اني احب
ندى: لاتحسين ! تأكدي
ريم: كل م جابوا طاريه يفز قلبي
ندى: مين هو
ريم: مطلق
ندى شهقت وضحكت بخفه ونطقت: وانا اقول وشو له التوتر
ريم: هذا الي حاصل
ندى: كم عمره؟
ريم: عمره 24 اصغر من اخوي نواف بسنه
ندى: بينكم 6 سنوت
ريم: ندى احس غرقت ف بحر حبه منجد !
ندى فجاءه جا ببالها الوليد وابتسمت بخفه وكملت تسمع ل ريم
-
بعد دقايق وصلوا اهل مطلق ورحبوا فيهم ، وبدأوا ياخذون اخبار بعض، اهل مطلق كانت عائلتهم مختصره جدا الام والاب ومطلق و سمر الي كان عمرها 13 وكانت هي ضي عائلتهم والعوض الي جاهم بعد الانتضار من بعد مطلق ،
-
نواف: ي هلا بالعشير
مطلق: يبعد عيني ي نواف
ذياب: اسحبوا علينا و روحوا سولفوا لحالكم
مطلق ضحك وابتسم نواف ونطق: هيا نطعس
نايف: شف من يتكلم !
فيصل: م هقيت
مطلق: دشرات نواف اعرفها كلها
ذياب: سربوت زينا
ضحك نايف ونطق: يالله طيب
فيصل سوا حبيتن وتلطم بالشماغ ونطق: واحلى تطعسيه
ذياب ضربه بخفه على راسه
ونطق: معوق انت ؟ تبي يسمعنا جدي !
فيصل: لا كلني احسن !
نايف: نقولهم رايحين ناخذ اغراض واذا قال ليش كلكم قولوا نغير جو ومن ذا الكلام
نواف: لا يشيخ حاشر كلشي بظهورنا؟
نايف: جدي م يسمع مني
نواف: امشوا وراي والله يصبرني عليكم
العيال كانوا يمشون وراه وميتين ضحك ،
الجد وافق حتى بدون م يسأل لوين رايحين ، تلطموا العيال وربطوا ثيابهم على خصورهم وركبوا بسياره فيصل كلهم
ذياب السواق والمعزز فيصل و ورا نواف ومطلق ونايف ،
-
بدأوا البنات يساعدون ويجهزون للطبخ وهم كلهم سعاده ،
حصه بخبث: ها ي لين وافقتي على فيصل؟
لين: استخرت واحس اني مرتاحه الحمدالله
الاء: ي عمه وربي تكذب انها موافقه بدون استخاره
ضحكت حصه ومُلاذ ونطقت لين: وربي كذابه استخرت
مُلاذ: عيونها فاضحتها وبقوه
لين: انقلعوا
ومشت تطلع من الخيمه
ضحكوا عليها وكملوا شغلهم . .
لين راحت للدبابات مع ريم وندى وكملت لعب معهم ،
ريم نزلت من الدباب ونطقت: بروح اجيب مويه
لين: تمام
مشت ريم ووصلت للخيمه الي الحريم جالسين يمها واخذت نفس طويل ونطقت: وين المويه
ضحكت ام ذياب ونطقت: شوفيه ورا ام فيصل ،
تقدمت ريم واخذت المويه وشربت وناظرت ام مطلق وبنتها سمر وابتسمت بخفه ونطقت: سمر تعالي اللعبي معنا
سمر ناظرت امها ونطقت: اروح؟
ابتسمت ام مطلق وهي تناظر ريم ورجعت تناظر سمر
ونطقت: روحي وانتبهي لها ي ريوم
ابتسمت ريم واخذت سمر ومشوا متوجهين للبنات
-
فيصل: عزز ي ذياب
نايف: انا بين نواف ومطلق قتلوني
ذياب بخبث: مرته كامله لي
نايف: اهخ انا الي انحشرت بين نواف ومطلق يجماعه تخيلوا نواف رجله اليمين عند باب الراكب ورجله الثانيه عند باب السواق ومطلق مثل
ضحكوا العيال ونطق نواف: وانت رجولك شوي وتطلع من القزاز
مطلق: ذياب فيه محطه قريبه من هنا بالله وقف عندها منها تعبي بنزين ل باقي التطعيس وبرضوا ابي دخان
نايف: الااا ي السربوت !
فيصل: لاتدخن يمي وربي بنجلد
مطلق ضحك ونطق: لا بدخن بعيد
نواف: يالله ي ذياب
ذياب: صرت سواق
مطلق: انا بسوق
تبادلوا ذياب ومطلق الامكان وصار مطلق السواق ومسك الطاره والمسجل وبدأ يشغل لهم اغاني عزازي وتلطم ب شماغه وبدأ يصفق ويعزز لنفسه
فيصل: الله يشفيه
نايف: عزازي هذا مو ايي احد !
مطلق: انشهد
بعد دقايق وصلوا العيال للمحطه واخذوا احتياجاتهم ومشوا راجعين للخيام
-
ابو مطلق: لاتتكلفون ي ابو خالد
الجد زايد: مابه كلام وانا اخوك انتوا عزيزين وغالين علينا
ابو مطلق: الله يكرمكم
ابتسم الجد ولف على ابو فيصل ونطق: عاد ردت لكم لين خبر
ابوفيصل: يمكن انها علمت الي عندها لكن انا م جاني اي كلام
الجد: الله يوفقهم يارب
ابوفيصل: امين
-
الاء: بنات كيف شكلي تمام؟
لين: بيرفكت
مُلاذ من وراهم: شسالفه ليه تسألين عن شكلك
لين: ذياب بعد شوي يجي وتعرفين الصدف ذي الي تجي فجاءه ؟ لازم البنت تكون ب احسن حال
مُلاذ: اي اي فهمتك
وابتسمت بخبث وكملت: مدري احس بعض الصدف مخطط لها
ضحكت الاء ونطقت: لاوالله مو مخطط ل شي
لين: علينا
ريم من وراهم : بنات لاتروحون بعيد لان العيال جو وبيكشفونا
الاء: تمام يالله نرجع
مشوا متوجهين للخيام ودخلت الاء الخيمه وفتحت جوالها ، لفت على صوت عمتها حصه ونطقت: لبيه؟
حصه: وين لين؟
الاء: مدري يمكن ترجع الدباب
حصه: ذياب ينادي
الاء: بشوفله
حصه بخبث: لاتتاخرين
ضحكت الاء وطلعت مشت ل ورا الخيمه ونطقت: لبيه
ذياب: ملايينن
ابتسمت الاء وتقدم ذياب يعطيها الاغراض
ونطق: بالليل لاتنامين
الاء طارت عيونها من فهمت نيته غلط ونطقت: ذيابب !
ذياب ضحك ونطق: فهمتيني غلط ، قصدي نسولف والله
الاء انحرجت وكمل ذياب: شفتي ان نيتك وصخه؟
الاء : ذياب بلا احراجات
لين من وراهم: هلا ذياب وش بغيت وبعدين انتي وش احراجاته
ذياب: سوالف متزوجين
لين: يشينكم بس
الاء: مسويه قدامنا الي اوهه انا ماني فالحب وانتي م صدقتي على الله خطبك فيصل
ذياب: ايوه صدق م رجعتي لنا خبر موافقه ولالا؟
لين: ايه موافقه
الاء: الا ي الخفيفه
لين: الاء اسكتي
ذياب: لولي بعد صلاه المغرب قابليني هنا ابيك
لين: ي الليل الليل
الاء: تمام وبعدين انتي ي لين م تبينا نقول كلام حلو تبين نتهاوش
ذياب: يالله ادخلوا
-
ذياب جلس يم فيصل ونطق: ولد
فيصل: سم
ذياب: لين موافقه عليك
فيصل بأبتسامه ومشاعر فرح: الحمدالله
ذياب: متى تبي الشوفه
فيصل: اذا رجعنا
ذياب ابتسم بخبث ونطق: طيب
فيصل لف على مطلق ونطق: مطلق
مطلق: لبيه
فيصل: بتباتون هنا الليله؟
مطلق: ايه نجلس معكم وبكره نمشي كلنا سوا
نايف: وناسههه
ذياب: اقول قم غسل الفناجين
نايف: الله ياخذكم
نواف: اصغر القوم خادمهم
مطلق: وربي رحمته احسه مكروف
ذياب: خليناه يغسل بس
مطلق: انا بغسل عنه
فيصل: حلو تساعدوا وكملوا واحنا بنكمل سوالف
ضحك مطلق ومشى رفع ثوبه واكمام ثوبه وبدأ يغسل الفناجين
لفت انتباهه صوت ريم وهي جالسه بالخيمه تسولف مع البنات
ابتسم بخفه وهو يسمع ضحكتها وصوتها وبعدها نشف الفناجين ورجع للجلسه وهو مبتسم ،
-
بعد صلاه المغرب طلعت ل الاء ل ورا الخيمه ودقت على ذياب وماهي الا ثواني وجاها
ذياب: تعالي بعيد عن الخيمه
الاء: ذياب شفيك خوفتني
ذياب: لاتخافين وانتي معي
ابتسمت الاء وكملت تمشي معه الين وقف ونطق: هنا
الاء: وشو
ذياب: فيصل ولين ماقد صارت شوفتهم الشريعه صح
الاء: صح
ذياب: اجل اسمعي . . . . . .
-
ريم طلعت من الخيمه وكان البر ظلام ، مشت الين وصلت للسيارات وكانت تراقب خيمه الرجال ، ارتبكت من شمت ريحه دخان ولفت بسرعه الا ومطلق وراها ،
مطلق عرفها من قصرها وحركتها ونطق: ريم؟
ريم: وش تسوي هنا؟
مطلق: ادخن ، وانتي وش تسوين؟
ريم ارتبكت ورجعت خطواتها ل ورا وهي مو شايفه مطلق الا على ضوء القمر ، ابتسم مطلق بخفه وحط الزقاره بين شفايفه ونطق: كنتي تدورين علي بينهم بعيونك وانا وراك
ريم توترت وابعدت عنه قبل تصير ريحتها دخان ومشت رجعت للخيمه ، ابتسم مطلق بخفه وهو يناظرها لحد م دخلت وبعدها طفى زيقارته ورجع للعيال ،
-
الاء ابتسمت ونطقت: م توقعت الفكره
ذياب: اصدمك بحبي وافكاري
ابتسمت الاء وفزت من سمعت صوت امها تناديها ونطقت: الخطه بنسويها بعد العشا ويالله احبك
مشت تركض وضحك ذياب بخفه ومشى يرجع للعيال
-
بعد العشا بدأوا ينظفون ويرفعون وكل احد ب شغله
بعد نص ساعه تقريبا سووا شاهي وبدأوا يسمرون ويسولفون على ضوء القمر ، كانت الاء جالسه تتقهوى وتسولف ام ذياب وحصه ، نزلت عيونها ل جوالها من عرفت ان فيه رساله ، تنهدت وفتحت جوالها دخلت الواتس
وشافت ذياب مرسل:( يالله الحين)
ابتسمت بخبث ووقفت على رجولها وقامت جلست يم لين ونطقت: ليني
لين: لبيه
تعالي الخيمه بقولك حاجه
لين هزت راسها ب الايجاب وقامت مع الاء ودخلوا الخيمه . .
الاء: اجلسي هنا بجيب جوالي واجي
لين: طيب انتظرك
طلعت الاء وهي مبتسمه واخذت جوالها ترسل ل ذياب
-
ذياب: فصولي
فيصل: ها
ذياب: تعال ابيك ب الخيمه الي تفصل بينا احنا والنسوان
فيصل: اكيد فيها حريم
ذياب: لا كلمت امي تقول مافيها احد
فيصل: طيب وش موضوعك
ذياب: الحقني
قام ذياب وبعده فيصل ومشوا متوجهين للخيمه وصلوا لمكان الدخول حق الخيمه ووقف فيصل يناظر ذياب
ابتسم ذياب بخبث ودف فيصل للخيمه وقفلها ومشى ل ورا الخيمه وكانت الاء هناك . . . .
-
لين انفجعت من شافته داخل عليها بسرعه
فيصل ابتسم من عرف خطه ذياب ونطق: ليت كل الناس ذياب
لين وهي صاده: فيصل اطلع م احل لك ! لسى م صار شي
فيصل: اعتبريها نظره شرعيه بدون علم اهالينا وبعد م نرجع تصير الشوفه الاساسيه
ضحكت لين بخفه ولفت تناظره
ونطقت: الحين فهمت ليه الاء مدخلتني هنا
فيصل: طلعوا متفقين علينا
ابتسمت لين وتقدم فيصل يمسك يدنيها وقبل يتكلم داهمهم ذياب الي يضحك ويقول: جويي التخريب يالله ابعد عنها
انحرجت لين وضحك فيصل ونطق: كان تأخرت دقيقه زياده !
ذياب: اذا صرتوا زيي انا ولولوي وقتها بكيفكم
لين طلعت من الخيمه وهي متوعده ف الاء
-
الاء كانت جالسه تسولف مع الحريم ولفت على صوت لين وضحكت بخوف ونطقت: بشوف وش تبي واجي
قامت ووصلت عند لين ونطقت: مو انا خطهه ذياب !
لين: وجع انتي وذياب ! فوق ذا داهمنا ذياب الزفت يعني يبي يحرجنا بس !
الاء: داهمكم وانتوا وش جالسين تسوون !
لين ضحكت بصدمه ونطقت: الاء ! من متى صار تفكيرك وصخ كذا
الاء: من يوم عرفت ذياب
ضحكت لين ومشت تغسل وجهها عشان تخفف توترها
-
دخلوا الخيام وبدأوا العيال يجهزون الفرش عشان ينامون
خلصوا وكل واحد ارتمى على فراشه
نايف: ذياب وفيصل خلاص من الهدره وناموا
فيصل : لايشيخ ماغير ذياب وفيصل ! م تسمع نواف ومطلق ؟
نايف: نواف ومطلق اسكتوا خلونا ننام
مطلق: شويه اقوله سالفه
نواف: اصبر انت وسالفتك بروح اشوف زوجتي احس اشتقت لها
مطلق: شيتت والخيانه
نايف: تستاهل
مطلق: ذياب وفيصل تستقبلوني؟
ذياب: تعال تعال
نواف: دقايق وجاي
فيصل بخبث: الله يستر لاتجلس ساعات مو دقايق
نواف: ي الزفت اسكت لايسمعك جدي والباقي تراهم بالخيمه الي يمنا
فيصل: خلاص سكتنا
ضحكوا العيال وطلع نواف دق على ريتاج وجاته ،
ابتسم من شافها مقبله له ونطق: وحشتينيي
ابتسمت ريتاج وتقدمت وضمته ونطقت: شوف بطني بدأ يطلع
نواف: اذا رجعنا الرياض بنسوي اشاعه ل جنس الجنين
ريتاج: اذا ولد وش نسميه؟
نواف ابتسم وهو يمسح على شعرها ونطق: هايف واذا بنت ف انتي الي تختارين الاسم
ريتاج: يجنن اسم هايف
نواف:وانتي احلى ي ام هايف
ريتاج ضحكت ونطقت: طيب يمكن بنت
نواف: بتطلع حلوه على امها
ابتسمت ريتاج وتقدمت تُقبل نواف
ابتسم نواف ونزل راسه لها يقبلها ويحاوط خصرها
بعد ثواني رجعت ريتاج للبنات ونواف رجع للعيال
-
فيصل: ليله قمرا ي نايف مين الي ينام
نايف: نواف
مطلق: نفسيه
نواف: اسمعكم ترا !
ذياب: والله مصدع انا بنام
فيصل: وانا معك ويمك بعد
مطلق: الحين كل واحد يتخيل الثاني زوجته
ذياب: فيصل قاسي كانه صبار مستحيل اقارنه ب زوجتي
فيصل: انت الصبار والله
نايف: نواف ساكت شكله مر ب عاصفه عند زوجته
مطلق: اكيد عواصف مو عاصفه
ذياب: لعبت ب عقل ولدنا
نواف: انشهد
ضحكوا العيال وبعد ساعه كلهم ناموا الا ذياب الي دق على الاء عشان تطلع له ،
طلع ذياب وجلس بعيد عن الخيام وماهي الا ثواني وجته الاء
ابتسم ونطق: ملايين
ابتسمت الاء وجلست يم ذياب وسندت راسها على كتفه
ذياب: متى تبين الملكه؟
الاء: بعد 15 يوم كذا
ذياب: مافيه مجال تستعجلين زياده
ضحكت الاء وابتسم ذياب ونطق: وجودك حولي يزيدني حياه وحب انا كل يوم اغرق ف غرامك
ابتسمت الاء وسندت راسها على قلبه وابتسم ذياب وضم يدينها له
-
يوم جديد ومليان ايجابيه وتفائل عليهم
الكبار قاموا من الفجر اما البنات والعيال كملوا نومتهم للعصر
دخل الجد على العيال الخيمه ونطق: نواف ذياب نايف فيصل مطلق يالله قوموا جهزوا الاغراض اليوم الرجعه
م جاه اي رد من العيال ، تقدم الجد وبدأ يضربهم بخفه ، فز ذياب وقام صحى العيال وقاموا العيال ميتين تعب
الجد: يالله جهزوا العزبه اليوم راجعين وانت ي مطلق ترا اهلك قد مشوا قالوا يصحونك لكن رفضت قلت خلوه يرتاح واذا صحى جاكم بسيارته
ابتسم مطلق ونطق: تسلم
الجد: لكن م بتسلم من الكرف الحين ساعد العيال ب الفرش والخيام
ابتسم مطلق ونطق: ابشر
نايف: تستاهل
نواف: ابو روقانكم
ذياب: يالله عشان م يجي المغرب الا واحنا طالعين من البر
نايف: يالله
-
مشوا الكبار ولحقوهم العيال والبنات على حزه المغرب ،
مطلق شاف العيال وقفوا عند المحطه لكن هو م وقف كمل طريقه ،
نزلوا البنات والعيال والي راح يصلي المغرب والي بالبقاله والي يعبي بنزين ،
البنات صلوا وبعدها دخلوا البقاله يشترون اكل
ريتاج: ريم بسرعه
ريم: شوي في اغراض كثيره ببالي
ريتاج: نواف ينتظر
مُلاذ: انا برجع السياره
ريم: ريتاج ارجعي مع مُلاذ انا بمشي مع لين والاء
ريتاج: تم يالله
بدات ريم تتسوق وهي ساهيه عن الي مشوا وم يعرفون انها بالبقاله كل واحد يفكرها عند الثاني
-
نواف كان يسوق ومشغل اغاني ، نزل صوت الاغاني ونطق: ريم مشت مع مين؟
ريتاج: قالت بتمشي مع ذياب
نواف: تمام
مُلاذ: حظها ليتني الحين مع الاء ولين
نواف: مو عاجبها جونا
ريتاج ضحكت ونطقت: ايهه
-
ريم حاسبت حطت الاغراض عند الكاشير وضربت راسها بخفه من تذكرت انها خلت شنطتها ل السياره ، رجعت خطواتها ل ورا على اساس تروح ل لين تعطيها فلوس لكن انصدمت من طلعت ولا شافت لهم اثر ، تسارعت نبضات قلبها وبدأت تدمع عيونها ،
مشت للشارع العام تناظر هم يمقلبونها ولا لكن للاسف محد يعلم بوجودها ف المحطه ، بدأت تبكي ورجعت دخلت البقاله
العامل لاحظ ونطق: مدام فيه شي؟
ريم: اهلي راحوا
العامل: يبغى يتصل؟
ريم: ايهه
العامل عطاها جواله واخذته ريم لكن زاد بكائها من تذكرت انها م تحفظ ارقام اهلها ،
دب الخوف ف جسمها وجلست تفكر ل ثواني لكن ابتسمت بين دموعها من تذكرت انها تحفظ رقم مطلق
بدأت تكتب الرقم واتصلت  . . . . . .

( وحشتوني هالمره صدق🥹! طبعا بعطيكم عذري ف الغيبه ذي ، . . اول شي ختمت المسلسل الي كان كل وقتي عليه وجلست ايام الينن م طلعت من هواجيسه وبعد م طلعت من هواجيس المسلسل بدأت اكتب لكم ويوم جيت انزل الا والواتباد مسجل خروج🥲! وكلمه السر م اعرفها ، المهم حاولت فيه الينن امس فتح لي وختمت البارت اليوم ، اذا فيه اخطاء سكبوا لان حرفيا ماعندي وقت اراجعه ، قراءه مُمتعه واعطوا البارت حقه عشان اكمل لكم قبل الاختبارات🫦💘💘؟