<يوم جديد>
اذن الفجر وهي للحين م نامت كانت تنتظر ذياب يرسل لها انه وصل بس م ارسل
قامت تصلي ورجعت فتحت جوالها وارسلت له "ذياب؟"
قفلت جوالها وتنهدت بضيق وقامت تستشور شعرها وتتجهز للدوام وهي كل تفكيرها في ذياب الي ماله حس من امس المغرب
-
<عند ذياب>
اذن وصلوا الفجر وجلسوا ينتظرون امر توجهم للاحساء
التفت على خويه ناصر
ناصر:يسحبون بنا من امس على اساس نحرك المغرب بس فجاءه يأجلون! طيب كان خلونا نرجع البيت
ذياب: ناوين يختبرون صبرنا
ناصر: يرجال م لقوا الا احنا يخلونا ننقل ذا المساجين قسم انهم داهيه انا شغال ف العنابر
ذياب: وشفيهم؟
ناصر: م يخلون احد بحاله لازم كل يوم مضاربات لدرجه ننقلهم للمستشفى
ذياب: ياساتر انا ماني حول الخويش ذا انا ف المباني الثانيه مريح ف المكتب
ناصر:ي حظكم
دخل عليهم الفريق احمد واعطاهم جوالاتهم عشان يطمنون اهلهم
ناظرهم الفريق احمد ونطق: المفروض انا الي اقودكم للاحساء لكن طلع لي ظرف والي بيكون قائدكم هو النقيب ذياب بن خالد
الكل: والنعم
الفريق احمد: الظهر انشاءالله بتطلعون من هنا تتوجهون للاحساء
ذياب: انشاءالله
تمدد ذياب وفتح جواله وشاف رسالتها تنهد بضيق
ورد عليها"عيون ذياب"
ابتسم وقفل جواله وغمض عيونه وماهي الا ثواني وغفى
-
<في بيوت ال زايد>
كانوا لين ومُلاذ مع السواق ينتظرون الاء تنزل عشان يروحون المدرسه
-
<عند الاء>
لبست شوزها وعبايتها وفتحت جواله شافت انه ارسل
قرت رسالته وابتسمت بخفوت وكتبت"قد وصلت؟"
عضت شفايفها وهي تنتظره يرد
دقت عليها لين وردت
لين:ساعه تجهزين
الاء: اوهه نسيت انكم تنتظروني تحت
لين: بسرعه
الاء: طيب
قفلت من لين وطلعت من غرفتها نازله تحت
طلعت للحوش وشافتهم بالسياره،ركبت والتفتت عليها مُلاذ
الاء:شفيكم تخزوني؟
مُلاذ:وش مأخرك
الاء:بقولكم ف المدرسه
الاء ناظرت السواق ونطقت:وقف عند ستاربكس
السواق:اوكيه
لين ناظرتها وابتسمت: وش ذا الروقان مع الصباح
الاء ضحكت: بعدين اقولكم
مُلاذ: خلاص عرفنا
الاء غمزت لها عشان تسكت وضحكوا كلهم سوا
-
<في بيت الجد زايد>
كانوا الحريم مجتمعين مع الجده وكلهم يسولفون
الجده ناظرت حصه وهمست: متى زواج نواف؟
حصه:بعد اسبوعين ونص
الجده:حلو معنا وقت
ام ذياب: سمعت ابو ذياب امس يكلم ابو فيصل يتفقون على حجز القاعه
ام فيصل:بكره بنروح القاعه نشوف حلوه ولا نغيرها
ام الاء:بنروح كلنا اذا عجبتنا بنكلم شركه يجون ينظفونها
حصه: الله يعين
الجده: الله يوفقه يارب
الكل: امين
-
<الظهر عند ذياب>
وصلهم خبر نقل السجناء وجهزوا كلشي
ركبوا ٤ مساجين ومعروف في العنابر انهم خطيرين مره والكل م صدق على الله انهم بينقلونهم بعيد
الملازم ناصر: ركبنا المساجين
النقيب ذياب: يالله تقسموا انا وناصر مع المساجين والملازم فهد وسعد انتوا ف السياره الثانيه وكل واحد يكون سلاحه بخصره
ولازم تكونون منتبهين هذولي خطيرين يمكن ب اي حركه يسحبون السلاح ويطلقون علينا
الكل: امرك حظره النقيب
النقيب ذياب: يالله توكلنا على الله
ركبوا السيارات وطلعوا من الرياض
طلع من جيبه جواله ودخل الواتس
شاف رسالتها وكتب" طالع من الرياض"
قفل جواله وناظر ناصر الي يسوق
ناصر: بيأذن الظهر بعد شوي ولازم نصلي يبي لنا اثنين يقعدون مع المساجين على بال م نصلي
النقيب ذياب:انا وفهد نجلس معهم وانتوا تصلون بعدها نروح نصلي وتجلس انت وسعد
ناصر: طيب بنوقف عند اقرب محطه
ذياب:تمام انا ببلغ فهد وسعد
_
<الظهر في المدرسه>
الاء: اوفف السواق تأخر مره سقى الله زمن ذياب ٥ دقايق وهو عندنا
لين: مسرعع فقدتيه
مُلاذ: شكلنا بنقفل المدرسه معنا
الاء ضحكت: ولا شكلنا بنتغدى مع الحارس
لين: وربي
الاء نزلت عيونها ل جوالها وفتحت الواتس دخلت على اسمه صورت الساحه فاضيه م كان فيها الا هم ينتظرون
شافته يكتب وطلعت من الواتس وهي مبتسه
جلست ثواني ورجعت دخلت وشافت رده كان كاتب"عمري الي ينتظرون لو بيدي اترك كلشي واجي اخذك"
ابتسمت بخفوت بس فزت من سمعت صياح وتصفيق لين ومُلاذ
كان يصيحون على شكلها وابتسامتها وهي تراسله
ضحكت وناظرتهم: انقلعوا
مُلاذ: وش يقول امانه
لين: اكيد كلام حبايب
الاء: لاوالله سوالف
مُلاذ: خلاص لين خليها تفكر وش ترد
ضحكت لين وسكتوا
نزلت عيونها ل جوالها وردت على رسالته
وكتبت"طمني عليك اذا وصلت"
همست لين: بنات السواق وصل يالله
مُلاذ: م بغى
الاء: يالله لاتطولينها هيا وربي ميته تعب ابي انام
مُلاذ غمزت لها ونطقت: وش مسهرك
لين: وربي وضعنا يضحك واحنا نحقق مع الاء كأننا امهات
الاء ضحكت: زين عرفتوا
طلعوا وركبوا مع السواق متوجهين ل بيوت آل زايد
-
<في المحطه>
وقفوا يصلون وجلس ناصر وسعد عند المساجين
السجين: ابي دوره المياه
ناصر التفت على سعد: انتبه للباقي على بال م يخلصون ذياب وفهد الصلاه وانا بودي ذا واجي
سعد: طيب
نزل ناصر والسجين من السياره كانت يدين السجين مكلبشه
وصل للحمام وناظره ناصر: ادخل؟
السجين: فك الكلبشه
ناصر: اوكيه بس اخلص
دخل الحمام وناصر حط رجله عشان م يقفل الباب
السجين شغل المويه وكان صوتها عالي وقرب للباب وكان ناصر معطيه ظهره وكان يتكلم ب جواله
مد يده بخفه وسحب السلاح من خصر ناصر وحطه ب خصره وطلع من الحمام
ناصر م انتبه لانه كان يكلم
التفت على السجين ونطق: خلصت؟
السجين: ايه
ناصر مسكه من يده ووداه للسياره ولما وصل ل باب السياره ناظر السجين ونطق: مد يدك بكلبشها
السجين كان رافض وكانت خطواتها ترجع ل ورا لين م اصتدم في ذياب الي خلص الصلاه وكان راجع للسياره
التفت ورا كان ذياب وقدامه ناصر
طلع السلاح ووجهه بينهم مره على ناصر ومره على ذياب
ناصر استغرب السلاح الي مع السجين وحط يده بجيبه وهنا كانت الصدمه
ناظر ذياب واشر له ان السلاح الي مع السجين له
ذياب طلع السلاح ووجهه على السجين
السجين: لا احد يقرب منكم ولا والله ل افجر ذا السلاح بروسكم جميع
ذياب بحده وهو يتقدم: نزل السلاح احسن لك
السجين بعد م حصرهم ب زاويه وبدأ يرجع ل ورا وهو موجه السلاح لهم: لا احد يتقدم
فهد: ذياب لاتتقدم
ذياب ناظر فهد ورجع يناظر السجين الا وصوت السلاح
وهوى ذياب من طوله مغشي عليه على الارض
ناصر التفت للسجين الي كان يركض وسدد له رصاص في رجله وطاح السجين على الارض
سعد دق على الاسعاف ورجع ل ذياب الي اصابته الرصاصه ب كتفه
-
<في بيوت آل زايد الساعه٣>
كانوا كلهم عند الجد زايد ويتغدون هناك الجد كان اسعد شخص لانه م يبي يشوف عيال واحفاده الا وهم سوا مجتمعين
الجد ناظرهم ونطق:قرب زواج نواف من بكره نبدأ نجهز
ابو ذياب: تحت امرك يستاهل نواف كل خير
نواف ابتسم بهدوء وهو كله مشاعر لانهم معوضينه ومو كأنهم اهل امه وبس الا انهم كانوا اهله
فيصل ناظر نايف وهمس: اشتقت ل ذياب
نايف:انا اشتقت ل زعله
نواف: قريب راجع
فيصل: انشاءالله
-
<عند الحريم>
ريم: بنات مره متحمسه ل زواج نواف
ندى:والله منزمان م حضرنا زواجات
لين: فستاني طلبته من الانستا خايفه م يجي على مقاسي
الاء ضحكت:عادي اذا م جا على مقاسك بنطلع المول وتشترين غيره
لين: بس وين الاقي زيه!
مُلاذ: فستاني الي في بالي يقفل ملفكم
ساره وهي داخله: يالله يبنات الغدا جاهز
-
<عند ذياب>
جا الاسعاف ونقلوه للمستشفى وسعد رجع المساجين وفهد ركب مع السجين المصاب في سياره اسعاف ثانيه وناصر جلس مع ذياب
دخلوه غرفه العمليات وقفلوا الباب وجلس ناصر ينتظر على احر من الجمر
___________
< عند الاء>
كانت مستغربه من ذياب الي صارله من الظهر م رد على رسالتها والحين قرب المغرب ولا طمنها انه وصل؟
تنهدت بضيق وفتحت على رقمه وبعد تفكير طويل دقت على رقمه
وتنهدت بضيق ووصلها صوت غريبه وهو يقول:اهلين؟
الاء:ذياب؟
ناصر:لا
الاء بخوف: وينه ذياب؟
ناصر:ذياب انصاب بكتفه وم قدرت اني اعلم اهله لاني م اعرف رمز جواله وكويس انك اتصلتي شكلك اخته ياليت تبلغين الباقي
الاء انصعقت من الخبر وبردت كل اطرافها
حست بالرعشه ب جسمها ونزلت دموعها
ناظرت الجوال وشافت انه باقي على الخط
رجعت الجوال ل اذنها وهمست:وينه الحين؟ وهو بخير؟؟؟
ناصر: في غرفه العمليات من العصر للحين
الاء قفلت بعد م اعطاها اسم المستشفى الي فيه ذياب ورمت جوالها للارض ولمت رجولها ل صدرها وبكت بحرقه ل درجه تحس بحراره دموعها تحرقها
كانت تدعي من كل قلبها ان م يصير له شي ويرجع عشان تترك المكابر وتكمل معه الي ناقص منها
تنهدت ببكاء واخذت جوالها ودقت على لين وهي تشهق من كثر البكاء
لين:الاء؟
الاء سكتت وبان صوتها وهي تبكي
لين:شفيك تبكين؟؟ ذياب فيه شي!!!
الاء:ذياب ي لين ذيابب انصصاابب
لين شهقت وتجمعت الدموع بعيونها:ايش؟ منجدك؟ وينه طيب الاء علمتها ب اسم المستشفى
لين ببكاء:بروح اعلم ابوي
الاء: تكفففينن بروح معكم
لين: بيشكون خليك
الاء بقهر: طيب تكفين طمنيني تكفين
لين وهي تمسح دموعها: طيب
قفلت من الاء ونزلت تحت بكل سرعتها
كان امها وابوها ونايف جالسين بالصاله يتقهوون
ابو ذياب:شفيك امشي بشويش
لين:يبه ذياب انصاب يبههه تكفى اخوي انصاب
ابو ذياب فز بخوف ونطق:تستهبلين شدراك؟
لين حست انها في موقف صعب وقالت:دقيت عليه بس رد عليا واحد ويقول انه في المستشفى مصاب
نايف حس بكل اطرافه ترتعش من سمع كلام لين
التفت على ابوه ونطق: يالله نروح
ام ذياب وهي تبكي م قدرت تعطي رده فعل غير البكاء: ودوني عند ولدي
نايف: لين خذي عبايتك انتي وامي والحقونا احنا بالسياره
طلعت لين واخذت عبايتها هي وامها
_
<عند ذياب>
كان ناصر ينتظر ورجع ظهره ل ورا من كثر التعب وفز اول م طلع الدكتور من غرفه العمليات
تقدم له ناصر بسرعه ونطق:دكتور ليش تأخرتوا ذياب فيه شي؟
الدكتور: كان مكان الرصاصه شوي صعب بس الحمدالله طلعناها ولكن بيبقى منوم عندنا لين م يقدر يحرك يده
ناصر: طيب نقدر نشوفه؟
الدكتور: الحين لا بس اذا طلعناه غرفه التنويم تقدر تشوفه
التفت على صوت ابو ذياب وهو جاي
ابو ذياب: انت خوي ذياب؟
ناصر: ايه
ابو ذياب: وينه ولدي واشفيه؟ ووين انصاب؟ ومين اطلق عليه؟
ناصر:انصاب من احدى المساجين والاصابه كانت بكتفه وكان بغرفه العمليات من العصر والحين توهم خلصوا وطلعوه
نايف: الحمدالله
ام ذياب: ابي اشوف ولدي م اتطمن الا اذا شفته
ناصر:م نقدر نشوفه الا اذا طلعوه غرفه العمليات ووده التنويم
لين تنهدت بضيق ودخلت الواتس تكتب ل الاء كلشي
-
<عند الاء>
كانت تدعي من كل قلبها ان ذيابها م يجيه شي
تدعي ان قصتهم م تقعد ناقصه ومليانه مشاعر كل الي تبيه انه يقوم بسلامه ويكملون قصه حبهم الي توها بدأت
نزلت عيونها وفزت من شافت لين مرسله لها
فتحت رسالتها ونزلت دمعتها من عرفت انه طلع من غرفه العمليات
ناظرت الاسطبل وهي تتذكر كل مواقفهم سوا من ذيك العزيمه ل يوم راحت تودعه
بكت بحرقه ودخلت على اسم لين وكتبت" تكفين صوريه لي"
قفلت جوالها ودخلت الحمام غسلت وجهها وطلعت على صوت امها وهي تناديها
ام الاء وهي ف المطبخ: الاء يالله العشاء جاهز
الاء وهي فوق م كانت تبي احد يشوف وجهها الي كان احمر من كثر البكاء: يمه مابيه بطني يوجعني
ام الاء: معليه تعالي
الاء: والله مقدر يمه انا بنام
ام الاء: نوم العوافي
دخلت الاء غرفتها وتمدت بحزن
غمضت عينها محاوله النوم بس كانت محاوله فاشله
اخذت جوالها وجلست تراسل لين وتسالها كل شوي عن ذياب
______________
(البارح صارت اقوى جحفله في التاريخ
على اساس انزل لكم بارت وادلعكم بس نمت بالغلط🥲
المهم عوضتكم وطولت لكم بارت اليوم🤌🏻)
اذا م شفت تفاعل م بكمل😭😭😭😭😭
أنت تقرأ
الغرام يمَك غدا بقلبي مسموح
General Fictionتعلقت بك ولا ودي بيوم تروح لقيتك بك الزين وجميع امالي.
