الغرام يمَك غدا بقلبي مسموح

Part 27

خلصوا الغدا ووصل ابو الاء من دوامه وجلسوا يتقهوون شاهي
تنهد ابو الاء ونطق: البنت موافقه ي ذياب والشوفه الشرعيه اليوم بعد المغرب ،
ابتسم الجد زايد ونطق: مشاءالله الله يبارك لهم
ذياب: امين
ابو الاء وقف على رجوله ونادى ل الاء
الاء: سم يبه
ابو الاء: يبنتي الشوفه الشرعيه اليوم بعد المغرب تجهزي
الاء ارتبكت ونطقت: تم يبه
طلعت من عنده وهي مشغول بالها
. . . . . . .
نظفوا لين ومُلاذ والاء المطبخ وبعدها راحوا بيت ابو الاء وبدأوا يجهزون الاء ويختارون المكياج والفستان بكل حُب
لين كانت تحتار هي والاء ومُلاذ كانت تصور وتوثق كلشي
ابتسمت الاء بربكه ونطقت: متوتره
لين: شف شف من يتكلم وانتي تتكلمين معه اكثر مننا
ضحكت مُلاذ ونطقت: وربي صدق
الاء: بنات قصدي خلاص الوضع صار رسمي والكل يدري
لين: كلن على همه سرا
الاء: يالله نصلي العصر وبعدها نبدا ب الميكب
مُلاذ: بنات انتظروا ثواني بطلب اكل
لين: وش اكله تونا متغدين؟
مُلاذ: جوعانه
الاء: حتنى
لين: طيب عندك فلوس الطلب؟
مُلاذ: ايه نايف اعطاني عيديه
الاء ضحكت بعلو صوتها ونطقت: طلع مو هين ذا النايف
لين: كم معطيك ؟
مُلاذ: 200
لين: نذل معطيني 100 !
مُلاذ: الحب غلابي
الاء: اقول انتي اطلبي بسرعه عشان نصلي سوا
مُلاذ هزت راسها بالأيجاب وكملت تطلب
-
كان نواف جالس بالصاله مع امه حصه وريم وريتاج
نواف بأستغراب: وين مُلاذ؟
حصه: راحت عند الاء يجهزونها المغرب الشوفه
نواف: مشاءالله الله يبارك لهم
حصه: نواف
نواف: سمي يمه
حصه: وش رايك نعزم خويك مطلق واهله عزومه خاصه
ريم فز قلبها من طاري مطلق، اخذت بياله الشاهي وسندت ظهرها للكنبه وتسمع حكيهم بصمت
نواف: ودي والله
ريتاج: صدق كم صارلكم اخويا و لا مره عزمته هو اهله عزيمه خاصه
نواف تنهد ونطق: انشاءالله الاسبوع الجاي
ريتاج: بروح اصلي
حصه: وانا معك
نواف: وانا بطلع المسجد لو يلتفت جدي وم بيلاقيني كفخني
ضحكت ريتاج وناظرته الين م طلع من الباب وبعدها اخذت نفس ومسكت على بطنها وطلعت الدرج متوجهه لغرفتها ،
ريم ناظرت امها الي دخلت غرفتها تصلي وريتاج الي طلعت فوق ، وقفت على رجولها ولمحت جوال نواف على الطاوله ،
ابتسمت واخذت جواله وطلعت فوق دخلت غرفتها وسكرت الباب ، فتحت جوال نواف لكن من سوء حظها كان عليه رمز ، اخذت نفس عميق وجلست تفكر وماهي الا ثواني وابتسمت بخبث ونطقت: يمكن يكون رمزه يوم ميلاد ريتاج !
جربت وطلع فعلا يوم ميلاد ريتاج ، ابتسمت ودخلت الواتس وكان مطلق اخر واحد راسله نواف ، دخلت المحادثه وكانت مليانه صور ل مطلق ونواف وسوالف وضحك وفويسات وكل شي ، شافت فويس ل مطلق طوله 52 ثانيه ، بدون اي تردد حددت الفويس ومعه صور ل مطلق وحولتها على اسمها بالواتس وبعدها دخلت رقمه بجوالها وحذفت الرسايل المحوله وقفلت جوال نواف وحطته بصدرها ورتبت شعرها ونزلت ل تحت ولا كأنها سوت شوي ، رجعت الجوال ورجعت تطلع ل غرفتها ولبست عبايتها ونزلت متوجهه ل عند الاء ،
-
نايف طلع من المسجد واستلم الطلب وتوجه لبيت عمه عبدالله ودق الباب وماهي الا ثواني وفتحت لين الباب
نايف بتنهيده: شتبين انتي ؟
لين بخبث: كنت تبي تطلع لك مُلاذ !
نايف: وش متوقعه يعني
لين: ممنوع وبعدين يصير خير
نايف: على وش؟
لين: تعطيها 200 وانا معطيني 100؟
نايف: ي ليل البلشه
ابتسمت لين وهي تشوفه يطلع من جيبه 150 ويعطيها
لين: ايه كذا الاخوه
نايف: اسري
ضحكت لين واخذت الاكل وناظرت ريم الي جايه وبعدها دخلت ريم وطلعوا ل الاء
-
ذياب خلص الصلاه وبعدها طلع هو وفيصل عشان ذياب يحلق ويتجهز للشوفه ،
ذياب : باقي ساعه ونص
فيصل: فيه احد يتجهز قبل الشوفه ب ساعه ونص؟
ذياب: ياخي عمي عبدالله لخمني ! فجاءه قال المغرب
وقف ذياب سيارته عند الحلاق ،
ولف على فيصل ونطق: تنزل معي؟
فيصل: لا بجلس هنا بالسياره اشاهد كلاسات اونلاين
ذياب: جوالي لاينفصل من الشاحن
فيصل: طيب خلاص يالله راح الوقت
قفل ذياب باب السياره ودخل للحلاق . . .
-
حصه: امي قررنا نعزم اهل مطلق صديق نواف
الجده: يحليلها ام مطلق على نياتها وتنحب صدق
حصه: نبي نعزمهم عزيمه خاصه
ام ذياب: نبي نخليها بالبر عشان نغير جو
ام فيصل: ايه نجلس خميس وجمعه هناك ونستانس احنا وياهم وبعدها نرجع
الجده: خلاص انا بكلم زايد
حصه: مافيه وقت بس مو مشكله
-
الاء: بنات شرايكم بشكلي ؟
ريم: واو يحظظ ذياب صدق ! تبارك الله
لين: تهبلين ي لولوي اهه محظوظ اخوي السربوت
ضحكت مُلاذ ونطقت: تهبلين يزينك صدق !
الاء ابتسمت وتوردت خدودها وبعدها لفت للمرايه وهي تحط اخر لمساتها وهي ترش عطرها على شامتها الي مستوطنه وسط عنقها ، كانت لابسه فستان ابيض مخصر وتركت شعرها الواصل ل خصرها منسدل على ظهرها وحطت ميكب خفيف م زادها الا جمال واخيرا لبست اكسسواراتها وحطت من عطرها المفضل ،
اخذت جوالها وبدأت تتصور هي والبنات بكل حُب  ،
لين: بنات شرايكم بعد الشوفه وكذا نسوي صواني اكل ونروق ونسولف ؟
الاء: تم
مُلاذ: شوفي من الحين اقولك القشطه مخلصه
ريم: ذياب طالع الحين دقي عليه يجيبها
لين: تم ثواني
اخذت جوالها واتصلت على ذياب
-
فيصل كان بالسياره وجالس على جواله ولف على جوال ذياب الي كان يدق وكان الاتصال من "لين❤️" ، ابتسم فيصل وناظر ذياب الي عند الحلاق وبعدها نزل عيونه للجوال و رد بدون يتكلم ،
لين: م بغيت ترد ؟ المهم اسمع
فيصل ابتسم وكمل يسمع
لين: ورع اكلمك ؟
فيصل ضحك بخفه ونطق: عيوني !
لين عقدت حواجبها ونطقت: فيصل؟
فيصل: يعيونه
لين ارتبكت وسكتت لثواني وبعدها نطقت: وين ذياب؟
فيصل: عند الحلاق ، آمري ؟
لين: ولا شي بس وانتوا راجعين جيبوا معكم قشطه
فيصل: ابشري كم عندي لين ؟
لين توردت ملامحها من الخجل وابتسمت بخفه وقفلت الخط ،
ضحك فيصل ورجع جوال ذياب يشحن وكمل يستمع للمحاظره والابتسامه شاقه وجهه . .
-
اذن المغرب وراحوا الكل يصلون وبعدها طلعوا من المسجد والتفت ابو الاء على ذياب ونطق: ذياب
ذياب بتوتر: لبيه
ابو الاء: جاهز؟
ذياب: توكلنا على الله
ابتسم ابو ذياب وابو الاء طلعوا من المسجد متوجهين لبيت عبدالله ابو الاء ، ماهي الا ثواني ووصلوا كان الكل متواجد عند الاء ،
ريم كانت تناظر من النافذه ولمحتهم جايين ولفت على البنات ونطقت: بنات جو
الاء تسارعت نبضات قلبها وناظرت لين بربكه
لين: كلها دقايق وتطلعين من عنده
ابتسمت الاء بتوتر ووقفت على رجولها من سمعت صوت ابوها يناديها ، تنهدت بخوف ونزلت ل تحت سلمت على ابوها ودخلت المجلس ، ناظرها ابوها وبعدها قفل الباب وخلاهم بروحهم ،
ذياب رفع راسه وابتسم من شافها قباله بكامل زينتها واناقتها ، وقف على رجوله وتقدم لها يمسك يدها وخلها تجلس يمه
سكت ذياب لدقايق وهو يتأملها بكل هدوء ، هالمره يتأملها ويتأمل كل تفصيل دقيق فيها ، يتأملها وهي حلاله وبدون م يحس ب اي ذنب مثل المرات الي راحت ،
ناظرته الاء وابتسم ذياب ونطق: كتب الكتاب الحين
الاء: اليوم الشوفه بس؟
ذياب: كلمت عمي وقال تم وساعه بالكثير ويوصل الشيخ وبعدها تصيرين حلالي صدق
الاء ابتسمت بخفه ووقفت على رجولها ونطقت: بطلع
ذياب: م خذيت نصيبي من الكشخه
الاء ناظرته بأستغراب وتقدم ذياب يبوسها على شامتها، الاء توسعت عيونها بصدمه وضحك ذياب وطلع . .
-
ندى: مشاءالله ي الاء عقبالنا
الاء: امين ياربب
لين: عقبالي معكم
مُلاذ: انتي خلاص بصيرين قريب حُرم فيصل
ساره: الله يتمم لهم يارب
ريم: ساره انتي اكبر وحده فينا ولسا م تزوجتي
الاء ناظرت ساره تنتظر اجابتها
ساره: نصيب
حصه: بنات تعالوا سوو الحلا باقي ساعه ويجي الشيخ
ندى: الاء تسويه
ضحكت الاء ودخلت المطبخ ومعاها لين ومُلاذ . .
-
الجد: بكره انشاءالله نتجهز بنروح البر وبنسوي هناك عزيمه خاصه ل اهل مطلق
ابو ذياب: ابشر
ابو فيصل: نطول ولا لا
الجد: يومين ونرجع
فيصل: بيجي احلى جدول
ابو فيصل: قصدك تطعيس
ذياب: لا يعمم م قصده كذا
فيصل: ايوه يبه قصدي الجو هناك حلو
نايف بهمس: كلنا ندري ان قصدك التطعيس
نواف: سرابيت
ذياب: شفف من يتكلم
فيصل: نواف تراك مسوي عاقل وانت من جنبها
نواف: خلاص سكتنا
نايف ضحك ونطق: ايه كذا
-
وصل الشيخ ووقع ذياب وبعده الاء وانكتبت الاء حلال ل ذياب بن خالد ، طلع الشيخ وابتسمت الاء وتقدم ذياب يحاوطها ويضمها بكل حُب ، اول مره يكون قريب لها وهو فعلا يرجف لانها صارت له ، الائه نور ليله وشمس نهاره انكتب اسمها تحت اسمه، . . الاء حاوطت يدينها رقبته وبادلته الحضن وهي كلها سعاده . . . .
-
فيصل: ذياب طلع من قائمه العزوبيه
نايف: حتى انت
نواف: ترا الزواج م يغير
فيصل: يقول الزواج م يغير وهو اذا سولف معنا يشوفنا ريتاج
نواف: اشدخلك انت
نايف: كلكم طلعتوا من العزوبيه باقي انا والبقاء للأقوى
فيصل: صدقوني بيقول ابي اتزوج بعد زواج ذياب
نواف: اكيد
نايف: اقول دز انت وياه بروح اصب لهم شاهي
ضحكوا العيال ولفوا على صوت ذياب من وراهم
فيصل: ولد وجهك فيه روج
نواف: فيصل ي تافه
ذياب: عارف انه كذاب
فيصل: بشر طيب
ذياب: يعيال لاتمسكوني تحقيق
نواف: لا معليش بنسوي تحقيق نفس يوم خطبت وتزوجت
نايف جلس يمهم ونطق: ايوه وش صار
ذياب: م صار شي
فيصل: مسوي ثقيل عندنا
ذياب وقف على رجوله ونطق: بجلس مع ابوي واخطط لحياتي الجايه ،
نايف: سبعاه
ابتسم ذياب ومشى .
-
ماهر: ي امي متى تخطبين لي قلت ابي من آل زايد
ام ناصر: خله مو الحين اذا جا زواج ناصر
ماهر: قرب زواجه؟
ناصر: اخوه وم يدري عني
ام ناصر: ايه بعد اسبوعين
ماهر : لاتنسين ي امي
ام ناصر: ماهر خلاص
ماهر: ابشري
ام ناصر: انا بروح عند ام غدي اسمر عندها
ناصر ناظر اتصال من غدي وقام دخل غرفته ورد على غدي ونطق: لبيه عيوني ي بعدهم
غدي: مره متوتره زواجنا قرب ولسى فيه اشياء كثيره تنقص
ناصر: ياعيوني ي غدي اذا تبين اجي اخذك تكملين كل الناقص عادي والله تأمرين ي بعد حيي
غدي: لا ابوي م يقصر انشاءالله
ناصر: بجي اخذك انتي وعمتي ولاتقولين ابوك يخلصها لاني ادري انه مشغول كثير ودوامه بعيد
غدي: اذا م عليك تعب يعني
ناصر: ي ععيوني ي غدوي والله لأجل عين تكرم مدينه !
غدي بأبتسامه: محظوظه جدا !
ناصر: انا بالبلكونه اطلعي
غدي: انا بالمطبخ تحت
ناصر: تصدقينن جدا محظوظ اني اخترت اعيش بالبيت ذا لانه خلاني اكون يم القمر الي كنت اجهل وجوده وفي ليله 15 لمحتك وقلت ي بخت من انتي له ، ومرت ليالينا والقمر ضل يطلع في كل الليالي وصدقت عمري وقلت انها غدي الي سرقت القلب بضيها وجمالها وابتسامتها الي اسرت روح ناصر ، ناصر الي غرقان من سنين لكن اختار يكتم حبه ويكتفي بالنظر وبس ! كنت اردد واقول حدي نظر م بغيت اكثر ! ، اكتفيت بالنظر لك واناظرك بدون ملل ، انا الي حالفني الحظ وجا بابنا على بابكم ، واهلنا حبايب !
غدي دمعت عيونها من جمال كلامه ، ابتسمت بوسط دموعها ونطقت: ناصر جدا محظوظه فيك ! م توقعت بيوم اني بغرق ف حبك توقعتك عابر حسبتك نظراتك لي مجرد نظر ولاهقيت اني اذا شفت عيونك اغرم شخص اجهل حبه ونيته !
ابتسم ناصر وبدأ يسولف لها . . .
-
يوم جديد على آل زايد يوم مليان فعاليات واجواءه جدا مختلفه ، قاموا الظهر صلوا وبدأوا يجهزون اغراضهم متوجهين للبر ، نايف شغل السياره وقدمها لعند باب البيت ونام هناك ، ذياب وفيصل كانوا يركبون الفرش ، نواف كان ب الاسطبل يعطي الخيول اكل ، البنات بالمطبخ يجهزون العزبه ، الاء شلت الكرتون وحطته قدام الباب ورفعت راسها الا وذياب قدامها ، ابتسمت بخفه ونطقت: الحين صرت تاخذ راحتك بالنظر
ذياب: من يلومني
لين طلعت ووقفت يم الاء ونطقت: انا الومك ؟ جدي يقول لا يأذن العصر الا واحنا هناك ! اهو وعماني وامي وعماتي ماشين من ساعه ! اخلص نبي نلحق المشوار طويل
الاء: لا تهاوشينه
لين: اقول اسكتي لا اهفك انتي وياه
ذياب: لاتهاوشينها
ضحكت الاء وضحك بعدها ذياب ،
ناظرت لين ونطقت: وجع
الاء بضحكه: خلاص ذيابي يالله حمل الاغراض صدق تأخرنا
ذياب: هاه؟ ذيابي؟
لين: يالليل الخفيف
ضحك ذياب ورجعت لين خطواتها وسحبت الاء للمطبخ و
دخلتها ورجعت ل ذياب ونطقت: يالله الحين تشيلها ي ذيابي
ذياب: اوهه نشاز من صوتك انتي
لين : اص
ذياب: الله يعين فيصل
لين ابتسمت وضحك ذياب وشال الكرتون بسرعه وطلع الحوش قبل تضربه لين ،
-
توزعوا على السيارات وكان فيصل معاه ندى وساره ،
ونايف معاه لين ومُلاذ ، نواف معاه ريتاج وريم ،
ذياب معاه الاء بس . .
الاء كانت راكبه قدام مع ذياب ومبتسمه وهي تسمع سوالفه ،
ذياب: وعاد عمي عبدالله توسط لي وخذيت اجازه ذا الاسبوع
الاء: عشان كتب الكتاب؟
ذياب: ايه م يبي اشيل هم الدوام بعد الخطوبه وكذا
الاء: ياعمري بابا
ذياب: يحلوك الائي !
الاء ابتسمت وبدأ ذياب يشغل ابو نوره ويرفع الصوت ويأشر ل سياره نايف ويتسابقون ، الاء ناظرت جنونهم وضحكت بخفه ونزلت القزاز وبدأت تأشر ل لين ومُلاذ بمعنى ذياب بيفوز ،
كانوا وراهم فيصل وبعدين نواف الي كان مو مسرع عشان ريتاج ، ناظرها نواف ونطق: تبين اسرع
ريتاج: اي عادي
نواف: م يأثر على البيبي
ريتاج: لا
ندى: اسرع شوي
نواف: خلاص نسرع شوي
ضحكت ريتاج وندى وساره وهم كلهم حماس للفعاليات الي بتصير هناك ،
-
فاز ذياب ب السباق وبعدها مروا المحطه ونزلوا كلهم ، الي راحوا دوره المياه والي دخلوا السوبر ماركت يشترون اكل والي يعبون بنزين  ، ذياب ناظر نايف وضحك ضحكه الشماته ،
نايف: خليتك تفوز عشان الاء معك
ذياب: كيف وشدخل يعني ؟
نايف: م ابي اخيب ضنها فيك
ضحك نايف وفيصل بعلوا صوتهم وضحك بعدهم ذياب
نواف: وربي مجانين
نايف: والله مشيتها له ذا المره عشان الاء فهمت توهم جدد وكذا
فيصل: اي فهمت معليك
ذياب ضحك ونطق: كفو انك مشيتها لكن لو م مشيتها برضوا انا الفايز وانتهى الكلام
نواف: خلوه مسكين مستانس والثقه عنده مليون
نايف: انا بدخل السوبر ماركت اكيد البنات شالوا كلشي
فيصل: كلنا ندخل وكل واحد يحاسب عن زوجته واخته
ذياب: الكلام فيه دق لنا ي نواف
نواف: ايه خبيث هالفيصل
ضحكوا العيال ودخلوا السوبر ماركت وبدأوا يشترون اغراض ويحاسبون ، وماهي الا دقايق ورجعوا توزعوا على السيارات وكملوا طريقهم ،
-
نايف: لين عاد وافقتي على فيصل ؟
لين: لسى م استخرت
مُلاذ: مسويه ثقيله وهي بتوافق بدون استخاره
نايف ضحك ونطق: اتفق معك ي مُلاذي
لين: هربت من رومنسيه الاء وذياب تجوني انتوا؟
نايف: اهربي وخلينا وروحي ل فيصل
لين ب تسرع: ودي والله
نايف توسعت عيونه وضحك هو ومُلاذ وبعلوا صوتهم
لين بفشله: قصدي يمكن يكون الوضع عنده هدوء مو زيكم
نايف: لاتحاولين تبررين !
مُلاذ: صدق راعي الهوى مفضوح
نايف: انشهد
ابتسمت لين بفشله وناظرت الطريق وكملوا نايف ومُلاذ طقطقه عليها . . .

(وحشتوني😔، اول شي سبب القطعه هو اني غرقانه بعالم المسلسلات وبرضوا اختبارات وضغط مو طبيعي لكن يالله المسامح كريم🥲، اذا فيه اخطاء حاولوا تتجاهلون، وقراءه مُمتعه وهات كومنتات حلوه🥹💘.