الغرام يمَك غدا بقلبي مسموح

Part 20

يوم جديد على ابطالنا، يوم مليان ايجابيه وحماس لكل فرد فيهم، قاموا كلهم العصر من جهة الرجال ذياب رتب كلشي وجلس ينتظر ناصر واهله، اما نايف وفيصل حالفين م يساعدونه، البنات قاموا وبدأوا يرتبون ويجهزون كلشي وكان اغلب الشغل على الاء وامها لان الضيوف جايين لهم،
رتبوا كلشي وجلسوا سووا قهوه وبعدها تجهزوا البنات
الاء لبست بنطلون ابيض وبلوزه كساها اللون البُني تكشف اكتافها وشوي من بطنها ،
____
ذياب لبس ثوب ابيض وتلطم بشماغه وطلع من الخيمه ولمح سياره ناصر ، ابتسم واعتلى صوته وهو يرحب فيه نزلت ام ناصر وتقدموا ناصر وماهر سلم عليهم ذياب وبعدها توجهوا للباقي يسلمون عليهم وارتفع صوت التضاحيك والسوالف..
-
تقدمت الاء وسلمت على خالتها وجلسوا يسولفون ويسترجعون الاحداث وياخذون اخبار بعض بحكم انهم كانوا بعيدين عن بعض، التفتت الاء ولمحت لين تناديها، ابتسمت وقامت متوجهه للين وهمست: ها شفيك
لين: طفش تعالي نسولف مُلاذ تنتظرنا
الاء: طيب يالله
طلعوا ومشوا ابتعدوا عن المخيم عشان محد يشوفهم وطلعوا الطعس ولقوا مُلاذ جالسه هناك
مُلاذ بتحلطم: ساعه تمشون ! خلاص ماعد لي نفس اسولف
ضحكت الاء وتقدمت باست خدها ونطقت: اسفين
لين جلست وناظرتهم ونطقت: فيني فضول اعرف قصه حبك انتي ونايف فجاءه كذا صرتوا تمونون وتحبون بعض
مُلاذ: م نحب بعض بينا ميانه بس
الاء ولين قطبوا حواجبهم وضحكوا ونطقت الاء: كل ذا النظرات والتغزل والدفاع عن بعض وتقولين لي م تحبون بعض؟ تكلمي بس ، ناظرتهم مُلاذ ونطقت: منزمان احبهه بس كنت اجهل مشاعره تجاهي وبرضوا حبيته بالخفا والسر خفت اني اعترف وتطلع مشاعره غغير ! ف ترردت وسكت ، وبعدين بدأت الاحظ كلامه معي غير يعني م كأنه يشوفني بنت عمته ! يشوفني اخته من كثر الميانه ويبي يفتح معي سوالف ، وقتها تأكدت من مشاعره وانشاءالله اذا ربي كتب لنا نصيب بنتزوج
لين: الللههه وددديي بقصه حب زي كذا
مُلاذ: فيصل موجود !
لين بتوتر: وش دخله ؟
الاء: فجريها ي مُلاذ
مُلاذ: شفتكم البارح على الساعه ٣ كذا كنتوا تتكلمون بس م سمعت الحكي لكن الزبده انكم تتكلمون وقصدك اننا نجهل ربكتك اذا جبنا طاريه ! كلشي واضح ي لين خلاص اعترفي
الاء بأبتسامه: م هقيتها
لين بخوف: م بينا شي !!
ُمُلاذ والاء بنفس الوقت: اععترفي
لين: تبون الصدق عاد؟ والله امس شفته مسمي نواف ععيوني وحاط قلب احمر وانا حسبت بنت طقت فيني مشاعر شينه الا واعرف مينن ذي البنت ! والبارح كنت ضايقه وطلعت اشم هوا فجاءه هو وراي قلت له لاتلعب علي بحكيك وروح راسل عيونك، عاد هو فهمها وضحك وقالي انه نواف، تصدقون عاد؟ والله ارتحت مع ان مالي دخل فيه
مُلاذ ابتسمت ونطقت: ي بدايااات المححبه !
الاء: تههبلوون !
لين: انجنيتوا؟ وش محبه وبدايات !!
الاء: هذي بدايه المحبه كذا ! مشاعر م تقدرين تصنفينها ابد
لين: تهقون يبنات احبه ! احس هو تمام ومافيه عيب بس احس لا انا وين وهو وين ، هو مو بدربي حتى !
مّلاذ: لو ماهو طايح م كان برر لك عن اسم نواف !
الاء: ايه صح
لين مسحت وجهها بيدينها ونطقت: مدري مدري
-
طلعوا العيال للجلسه عشان يسولفون على راحتهم
جلس ذياب ونطق: مشاءالله يعني خلاص بيستقرون اهلك هنا بالرياض؟
ناصر برضا: ايه الحمدالله
ماهر: اضيع بشوارعها
ذياب: معليك مع الايام بتعرفها
ناصر: امي تقول تبي تجلس عند خالتي لبكره
فيصل: طيب خلوكم معنا ذي الليله وبكره خلاص كلنا نرجع عشان نواف بيرجع
ناصر: اجل تم
نايف جا من ورا الخيمه ونطق: ذياب وفيصل جدي يبيكم
قاموا ذياب وفيصل وجلس نايف بتعب ولف على ماهر
ونطق: ماهر صح؟
ماهر: ايه
نايف: والنععم
ماهر: ونععم بحالك
ناصر: بقوم اشوف ذياب وفيصل
نايف: اقولك من الحين هم مكروفين
ناصر: بروح اساعدهم
ماهر: مصدع بروح ل امي تعطيني بندول
نايف: تمام
قام ماهر وارسل ل امه وجلس عند قسم الحريم ينتظر امه
الاء كانت طالعه للباب تبي تنادي نايف بس شهقت من حست بيد تمسكها لفت بسرعه له ونطق ماهر: الاء؟
الاء: ماهر؟
ماهر ابتسم ونطق: م توقعتك تتغيرين ي القشرا !طلعتي مزيونه يويل حالي صصدق !!
الاء سحبت يدها بسرعه ورجعت وهي معصبه وتتمالك نفسها ،
ابتسم من ورا الخيمه ونطق: م بخليها تروح مني
رجع سند ظهره ولف على صوت امه اخذ البندول وطلع للعيال
-
تنهدت الاء بضيق ونطقت: لين تخيلي !
لين: وش
الاء: ماهر ولد خالتي بجيح
ساره: عندها ولد غير ناصر
الاء: ايه ماهر
مُلاذ : وش صار طيب
الاء بعصبيه: يقولي اني طلعت حلوه ويويل حالي وكذاب !
ريم: حلال فيه الكف الي يعدل ملامح وجهه
ضحكوا البنات ونطقت لين: نايف كلمني قبل شوي وقال انهم بينامون عندنا
ندى: مين يسوي العشا
ريم: العيال
مُلاذ: هيا نصلي بعدها سسوالف
قاموا دخلوا الخيمه وبدأ يستعدون للصلاه
_____
<عند نواف وريتاج>
ابتسمت برضا ونطقت: حماس بكره نفس الوقت ذا واحنا بالسعوديه ، ابتسم نواف وسحبها من يدها وجلست جنبه مد ذراعه خلف ظهرها ونطق: بكره فيه عزيمه عند جدي
ريتاج: متحمسه
نواف قربها له اكثر وسند راسها على قلبه ونطق: ي بعدهم
ضحكت ريتاج وبجرأه منها رفعت راسه واعطته بوسه ، ضحك نواف وشدها له اكثر وغمض عيونه واستسلم للنوم ونام
-
<الليل في الخيام>
تعشا الكل وسمروا وبعدها كل واحد اتجهه للخيمه وينامون
كانت ساره تسولف مع صديقتها وفاء وجالسه قريب من الخيمه ، رفعت عيونها بهدوء من حست بحركه يمها، فزت بسرعه وصرخت ، تقدم ماهر بسرعه وشد على فمها وسكتها وبعدين نطق: مين انتي
ساره بحده:انت الي مين !
ماهر: انا ماهر
ساره: اوكييهه هذا انت !
ماهر بأستغراب: مين انتي ؟
ساره بهدوء: ساره اخت فيصل
ماهر تلقياً ابعد عنها ونطق: اها
ساره صدت ونطقت: انت غايتك الاء؟
ماهر: هي مو استايلي بس باخذها عناد فيها
ساره ضحكت ونطقت: بنلقتي كثير بعد هذا اليوم
ماهر استغرب حكيها ونطق: م فهمت
ساره: بتفهم مع الوقت
ماهر صد عنها وطلع للطعس وضحك وهو يتذكر ربكتها اول م شافته ، طلع زقاره وولعها ونفث دخانه بهدوء بين هواجيسه
_
يوم جديد الكل قام الظهر وكان الجو شوي ويمطر
كانوا مستنفرين للعزيمه بدأوا يلمون اغراضهم بيطلعون من المخيم ويرجعون بيوتهم ، كانوا البنات بالخيمه ويلمون اغراضهم بكل هدوء
ساره ناظرتهم ونطقت: ححماس !
مُلاذ بأنفعال: اهخخخ وربي
الاء: بنات امي وخالتي جهزوا يالله نمشي
ندى: يالله
طلعوا من الخيام وكانت السيارات واقفه ، تقدمت الاء وعلمت انها بتروح وبعدها اخذت اغراضها وفتحت شنطه سياره ذياب وبدأت هي ولين ومُلاذ يركبون الشناط
ركبوا مع ذياب وكانوا ٤ سيارات
ذياب معه لين والاء ومُلاذ
نايف معه عمته حصه وريم وامه
فيصل معه ساره وندى وامه
ناصر معه ماهر وامه وام الاء
-باقي الرجال تأخروا يسفطون الخيام-
طلعت الاربع سيارات ولف ذياب على نايف ودق بوري بمعنى تسابق؟ رجع نايف دق البوري وضحك ذياب وبدأوا يتسارعون ويطعسون تحت صياح البنات وتعزيز لين ،ناصر كمل طريقه وفيصل مثل، كانوا يطعسون ويضحكون كان م عندهم اشغال تنتظرهم وكرف ، بعد 10 دقايق من التطعيس وقف ذياب واخذ نفس وشرب مويه ونطق: ها كيف
لين: ععز ياخوي
مُلاذ: ها يجي منك
لين: اسكتي كلنا عارفين يعجبك تطعيس مين ؟
الاء: كنت بموت ! من الرعب
ذياب ضحك ونطق: براضيكم ب البقاله
لين: على حسابك ؟
ذياب ضحك وناظر الاء ونطق: تم
بعد 15 دقيقه من المشي وقف ذياب عند المحطه ونزلوا البنات اخذوا مفرحات وشويات ورجعوا ركبوا وكملوا طريقهم ......
______
<في مطار الرياض>
شدت ريتاح على يد نواف ونطقت: نواف
نواف بهدوء: لبيه
ريتاج: ابي ناخذ شقه عشان اتجهز هناك
نواف: من عيوني
ابتسمت برضا وطلعوا من المطار متوجهين للفندق تحت اتصالات جوال نواف والتباريك والعزايم ,
__
بعد مشوار ساعه ونص واخخيرا وصلوا ل بيوت آل زايد
نزلوا الكل البنات كل وحده ل غرفتها والعيال للشغل ، الي يغسل الحوش والي يرتب الجلسه الخارجيه والي يودي ذبايح
-
اما الاء دخلت غرفتها واخذت شاور ولبست منشفتها وناظرت من بلكونه غرفتها وكان ذياب يغسل الحوش وشعره طايح على جبينه ورافع الثوب ورابطه على خصره ومعقده حواجبه وينظف، ابتسمت وهي تتأمله لأكثر من 10 دقايق !
رجعت خطواتها وبدأت تتجهز، لبست فستان اسود مخصر فيه فتحت ظهر واسعه وكعب ابيض وحطت مكياج خفيف ابرز جمالها الهادئ وخلت شعرها منسدل على ظهرها
-
عند العيال كملوا اشغالهم وبدأوا يدقون ويعزمون
ذياب رفع جواله ونطق: دقوا على اخوياء نواف كلهم اعزمومهم
فيصل: عندي رقم مطلق بس بدق عليه واخليه يبلغ الباقين
ذياب: تم اجل
ناصر: قربت ملكتي وابيكم كلكم ي آل زايد موجودين
ذياب : تحت امرك ي ناصر
ناصر ابتسم بهدوء ونطق: م تقصرون
دقوا العيال وعزموا كل الي حسوا ان الجد دايم يعزمهم وبعدها كل واحد توجه لحمام وبدأ يتروشون ويتجهزون بعدها بدقايق وصل الجد زايد وابو الاء وابو فيصل وابو ذياب
رحبوا فيهم العيال وحطوا لهم قهوه وبعدها طلعوا للمسجد يصلون صلاه العصر ،
_______
بعد العصر بساعه اكتض بيت الجد بالضيفان وبدأ المجلس يمتلئ بالضيوف محبين آل زايد ومشاركينهم افراحهم واحزانهم بيكونون موجودين بكل مناسبه ، وصلت سياره نواف وتعالت صوت التراحيب والرمي بالاسلحه بالهوى، تقدمت سياره نواف ووقف عند مدخل الحريم ونزلت وهي متوتره وتقدمت لها اختها المتزوجه غلا، تقدمت لها ونطقت: ريتاجي ! اخخييرا
ابتسمت ريتاج بتوتر وحضنت اختها غلا ونطقت: كيف المعازيم كثير ولالا؟
غلا: والله كثثثير !
ريتاج: وين اخوي الوليد وححشني !
غلا: دقيت عليه يقول شوي يصرف الرجال ويجي
دخلت ريتاج واختها غرفه صغيره ولفت على صوت امها وحضنتها بكل حُب وشوق ونطقت: ماما ووحشتيني !
ام ريتاج: اكثر ي بنتي والله مدري كيف صبرت بدونك
ضحكت ريتاج ونطقت امها: مشغوله الضيوف ينتظروني برجع لك ، ريتاج ابتسمت ونطقت: تمام
نزلت اغراضها وفكت عبايتها وكانت لابسه فستان كساه اللون الاحمر ومخصر عليها تركت شعرها القصير يعانق اكتافها ولبست كعب ابيض ، لفت على صوت اخوها الوليد وتقدمت حضنته وهي كلها مششاعر حزن واشتياق ل اهلها
*تعريف بسيط*
ابو ريتاج(احمد) شخصيه حنونه على عياله كثثير يشوفهم نعمه ربي له
ام ريتاج(اثير) وحيده اهلها وتزوجت احمد عن حبب ومستمتعه معه بكل لحظه من عمرها
-(غلا) بِكر ابوها متزوجه من سنه ونص عندها ولد اسمه وسام وتتحب اختها ريتاج بشكلل تفضلها على اخوها الوليد عمرها ٢٤
-(ريتاج) جت بعد غلا وشخصيه اجتماعيه وتحب الخير لكل الي حولها، مجرد انها تسولف ل احد بتقلب موده للايجابيه عمرها ٢٢
-(الوليد) جا بعد ريتاج وهو اخر عنقود بالعائله شخص رزين وعاقل بس خفيف عمره ٢١
________
بعدت ريتاج من حضن الوليد ونطقت: وحشتني ي زفت
ابتسم الوليد وناظرها ونطق: يه يه الكشخه ذي كلها لنا ولا ل نواف !
غلا: اكيد نواف
الوليد: الا ي الخسيسه
ضحكت ريتاج ونطقت: بطلع اسلم
الوليد:جيبي لي النت مع امي
غلا: طيب بس انتظر
الوليد: يالله بسرعه
طلعوا ريتاج وغلا وقفلوا الباب وراهم ولف الوليد على الكنبه وجلس على جواله ،
كانوا البنات يصبون القهوه ولمحوا ريتاج داخله سلموا عليها وطلعوا دخلوا المطبخ ونطقت لين: يححلوها تهبل !
الاء: ايوالله
ندى: بنات ابي شاحن شاحني خليته بالبيت
ريم: شاحني بالغرفه الي قبل المجلس
ندى: بروح اشحن واجي
طلعت ندى من المطبخ وجاها اتصال وكان الوضع ازعاج دخلت الغرفه وقفلت الباب ورها ونطقت: هلا فيصل ؟
فيصل: علميهم يسوون قهوه الحين
ندى: ولايهمك ي اطلق اخ
ضحك فيصل وضحكت بعده ندى وقفلت وشحنت جوالها ووقفت قدام المرايه ولفت بسرعه وهو تشوف شخص غريب جالس وراها، كان هذا كله تحت انظار الوليد وهو منبهر تماماً من جمالها، زي م قلت لكم الوليد خفيففف ، كان يناظرها ويتأمل شكلها وهي لابسه فستان ضيق من عند صدرها ومن بعدها فيه نفشه بسيطه و كساه اللون الرمادي مع الابيض وكعب ابيض،
رجعت خطواتها  لورا وطلعت بسرعه، الوليد مسك قلبه
ونطق: تبارك الرحمن !!
بعد ثواني جت غلا ومعها النت ونطقت: امسك
الوليد: بسألك
غلا: سم
الوليد: تعرفين فيصل ولد خال نواف؟
غلا: ماعرفهم كثير اعرف البنات
الوليد: كبار؟
غلا: حسب خبرتي فيصل عنده اختين وحده بالجامعه ووحده بالثانوي
الوليد حس ان هيئه البنت الي شافها هيئه وحده بالثانوي مستحيل بالجامعه ونطق: وش اسمها الي بالثانوي !
غلا ب استغراب: اسمها ندى وبعدين شفيك تسأل؟
الوليد: لا بس ابي اعرف هذي العائله اكثر
غلا: ايه صدقتك يالله انقلع
الوليد : سمي
____
وقف نواف سيارته وتقدموا له العيال وحضنوه ونطق فيصل: اشتقت لك ي نواف ! ذول م يساعدوني
ضحكوا العيال ولفوا على صوت الوليد وهو يقول: ي هلا بالمعرس اسفرت وانورت
ضحك نواف ونطق: هلابك ي النسيب
ذياب: يالله ندخل ؟
نواف: دقيقه جا مطلق؟
نايف: بعتنا ي الكلب
ضحكوا العيال ونطق فيصل : ايه جا
دخل نواف المجلس ونطق بصوته الرخيم:السسلام ععليكم ارحبوا ي رجال حياكم الله جميعا
الكل: وعليكم السلام والله يسلمك
تقدم وسلم عليهم وبعدها طلع ومعه مطلق ل ورا الحوش
نواف: وحشتني
مطلق: عاد انت الساحب !
نواف: معذور انا
ضحك مطلق تحت انظار ريم وادركت ان الشخص الي شافها يوم زواج نواف هو نفسه الي مع نواف ! تنهدت ونطقت بخفوت: معقوله ذا مطلق خوي نواف ؟
مسحت وجهها ورجعت تناظر وابتسمت وضحكت بخفوت على ضحكه مطلق ورجعت خطواتها ل ورا وراحت للبنات
____
جا وقت العشا ودخل ذياب ونايف وفيصل ومطلق نواف قسم الحريم وبدأو ينزلون الصحون حطوها وطلعوا اخر اثنين مطلق ونواف لف مطلق على كراتين العصير ونطق : ولد باقي فيه كراتين عصير هذي لهم صح؟
نواف: ايه ودها انت انا لازم اكون يم جدي لانه بيتكلم ويقول العشا لي ومن ذا الكلام ولازم اكون موجود وارد
مطلق: تم يالله امش
راح نواف وتقدم مطلق وشال الكراتين ودخل فيها للحوش وم كان فيه احد، وقتها قد شالوا الحريم الصحون
تقدم اكثر وهو منزل راسه ووقف عند عتبه الباب وطيح الكرتون من ارتطم جسد انثى بصدره ! مطلق كان متجمد من ناظرها وعرف انها ريم ! نزل انظاره وابعدت ريم منه ونطقت: آسفه م شفتك والله
رجعت خطواتها ل ورا ومسك مطلق يدها ونطق: انتي ريم؟
ريم توترت ونطقت وهي صاده: اءء ايه
ابتسم مطلق وهو يستنشق عطرها الي اسر قلبه وجمالها الي ييعذب القلب كانت صغغيره مقارنه بحجم مطلق كانت ملاك قدامه، جلس يتأمل شكلها ب الفستان الاسود وفيه كرستال ابيض وكانت لابسه كعب م زادها الا اناقه وجمال
ابتسم مطلق بخفوت ونطق : انا مطلق
ريم سحبت يدها ونطقت: ايه عرفتك
ومشت تركت وراها حرب المششاعر في قلبب مطلق !
ابتسم بخفوت ورجع لم العصير وحطه قدام الباب وطلع ،
دخلت ريم الغرفه وكان وجهها احمر وهي تتذكر مطلق ، هي من ذيك الليله م شالت ملامحه من بالها والحين يطلع قدامها مره ثانيه ! كيف بتتخطاه الحين !!، ناظرت المرايه وجددت المكيب حقها وطلعت للبنات
______
بعدها بساعتين بالكثير سمروا الكل وانتهت سمرتهم وبدأوا يقلون المعازيم بتدريج وبدأوا العيال من جهه الرجال ينظفون والبنات مثل ، خلصوا اشغالهم وسووا شاهي وجلسوا يسولفون
العيال سوالف مع نواف والبنات مع ريتاج وكان عند البنات استديوا تحليلي ل اشكال المعازيم
-
ابتسم نواف ونطق: اعترفوا انكم فقدوتني ؟
نايف: ايه ولا
ذياب: والله اشتقنا
فيصل: ايوالله
نايف: ترا فيصل اشتاق لك عشان الشغل بس
فيصل: كذاب
نواف: يعيال مصدع نوم ! بروح البيت
ذياب: تشتري بيت ولا تجلس معنا هنا؟
نواف: جدي يبي يخلينا قريب من بعض م يبي احد يسكن بعيد عنه ف بجلس هنا لان ماغير فالبيت امي وندى وساره بس
نايف: صادق جدي خليك يمنا
نواف: م اقدر بدونكم
ضحكوا العيال وودعهم نواف وارسل ل ريتاج انه بيروح البيت
__
ابتسمت ريتاج ونطقت: يحلوكم بنات !
لين: توقعناك رسميه
ريتاج غمزت ونطقت: ام الميانه عندي !
ريم: ايه لاتغركم بدايتها
ضحكوا البنات ولفت ريتاج على صوت رسايل نواف وكان محتوى الرساله" انا راجع البيت انام اذا تبين تسمرين مع البنات ف اجلسي مع ريم ومُلاذ وارجعي معهم"
لين: جدتي بتطردنا الساعه ١٢
الاء: برجع انا
مُلاذ: حتى احنا
نزلت ريتاج عيونها ل جوالها وكتبت"جايه"
قفلت جوالها وساعدت البنات ف تنظيف المكان بعدهم وبعدها كل وحده على بيتهم
-
انتهت ليلتهم وكانت مختلفه وجميلههه على الكل حلوه وايجابيه فيها من الفرح والحب والشوق لقاء الاحبه حتى لو كان بسيط لكنه للروح شي كبير، نام الكل وانطفت انوار بيوت آل زايد معلنين انتهاء ليلتهم♡

(ادري تأخرت عليكم ب البارت بس كنت بالمستشفى وحقينن الانستا والسناب شاهدين🫵🏻، المهم رجعت لكم ببارت ححلو ولذيذذ عطوها حقها وبنكمل انشاءالله ولاتبخلون ب كومنتاتكم الحلوه🥹❤️❤️)