الغرام يمَك غدا بقلبي مسموح

Part 11

صباح يوم الاربعاء يوم جديد على ابطالنا وعلى آل زايد
-
<في بيت ابو ذياب الساعه٦>
قام ذياب واخذ شاور بعد النوم ولبس بدلته وحط من عطره ونزل
لقى امه وابوه جالسين يفطرون، تقدم وجلس معهم
ذياب:صباح الخير
ابوذياب: صباح النور
ام ذياب: ذياب تبي حليب؟
ذياب: لايمه مستعجل وينها لين اوديها المدرسه؟
ام ذياب: صحيتها وقالت انها تعبانه بعد العزيمه وم بتداوم
ذياب: طيب مُلاذ والاء يمشون مع السواق؟
ام ذياب: م اتوقع لان السواق بيكون مشغول عمتك حصه عندها مشاوير ل عرس نواف
ذياب: يعني اخذهم؟
ابو ذياب: ايه خذهم وسوق بشويش لاتسرع بهم
ذياب: ابشر
ابوذياب: استودعناك الله
قام ذياب وشغل سيارته فتح الواتس ودخل على اسم الاء وكتب لها"انا تحت بوديك المدرسه" قفل جواله وناظر عمه ابو الاء جاي له، نزل من سيارته وتقدم يسلم عليه
ابو الاء: والله اتعبانك ب مشاوير المدارس
ذياب: ابد والله على طريقي مابه تعب
ابو الاء: مستعجل انا عندي اجتماعين لازم تكون موجود في الاجتماع الثاني
ذياب: ابشر ساعه بالكثير وانا عندك
_______
<عند الاء>
تجهزت من بدري وسوت لها قهوه وجلست ترتب اغراضها
التفتت على جوالها وشافته مرسل لها
فتحت رسالته وكتبت"تمام"
لبست عبايتها ونزلت وشافته منزل راسه على جواله وتقدمت فتحت الباب وركبت وراه
تنحنحت بخفوت وهمست: وينها لين؟
ذياب: م بتدوام
الاء: غريبه م علمتني
ذياب وهو يشحن جواله: مُلاذ تجي؟
الاء بتوتر من عرفت ان مُلاذ قالت لها م بتداوم: لا
ذياب ابتسم وحرك سيارته طالع من بوابات آل زايد: اجل ليش مداومه
الاء:اختبر الاختبارات الي فاتتني وانا غايبه
ذياب رفع عيونه لها واخذ جواله وشغل ابو نوره وهو يقول
"انا حبيبي بسمته تخجل الضي
يكسف سنا بدر الدجى من جبينه
راعي العيون الناعسه رمشها في
لا سلهمت ذاب الهوى من حنينه"
كان يقصد بها ابتسامتها يوم عطاها الورده
كانت تسمع الابيات بكل حُب ناظرته بالمرايه ورجعت تناظر جوالها
طفى الاغنيه ووقف عند الاشاره
ناظرها بهدوء
وهمس بصوته الرخيم: ليه انا عيني تشوف وم تشوف الا بهاكِ؟
ناظرته بكل توتر وم ردت م كان عندها رد لانها بكل مره يقول لها كلام حلو تذوبب وتنسى كل الردود
ابتسم من شاف عيونها وهمس: خلاص اخذت ردي
فتحت الاشاره وطلع وقف عندي كوفي وطلب قهوه
كانت على جوالها ورفعت راسها شافت يده وهو يمد لها كوب القهوه ابتسمت بهدوء واخذته
ناظر وجهها وهي ترفع النقاب وبان مبسمها وقال: روقي
رجع انظاره للطريق وكمل: ليت لين ومُلاذ دايم غايبين
الاء: الساعه ٧ تاخرت على الطابور وانت تاخرت على دوامك
ذياب: عادي وقتي كله لك يفداك
الاء ضحكت ورجعت تشرب القهوه
-
وقف عند المدرسه ونزلت ونزل الدريشه وناظرها
الاء:شفيك
ذياب:استودعتك الله
الاء بدون م تحس على نفسها: طيب، وانت انتبهلك
ذياب ضحك وناظرها ليينن م دخلت المدرسه
حرك متوجه على داومه والمشاعر تغمرهه م كان يبي يطول الوضع كان يبيها حلاله بس كان عارف لو خطب م بيوافق ابوها وهي باقي تدرس
-
<في بيت الجد زايد>
حصه: ام ذياب قومتي لين تجي تفطر؟
ام ذياب:ايه
لين: السلام عليكم
الكل: وعليكم السلام
تقدمت وجلست يم مُلاذ وهمست لها: ليش م داومتي؟
مُلاذ: مافيني
لين: الاء داومت؟
مُلاذ: ايه
لين ابتسمت: مع ذياب؟
مُلاذ فهمت لين وضحكت:ايه معه
لين:الحمدالله اننا غبنا
مُلاذ: تتوقعين يتواصلون مع بعض
لين:مدري والله
مُلاذ:مره يهبلون معع بعض التناسق بينهم رهيب
لين:ساره ناويه لهم شر
مُلاذ: مهما سوت م بتقدر تبعدهم عن بعض ترى الحب غلاب
لين: اخس اخس صار عندك خلفيه في ذي الامور يحظ نايف
مُلاذ: اسكتي لا تسمعك امي
لين:اخواني طايحين بالحب وانا لازلت وحدانيه
مُلاذ: فيصل احس بتطلعون حلوين سوا
لين: احلفي؟ توكلي بس مو كل من هب ودب قلتي مناسبين ل بعض
مُلاذ: بروح اجيب اكل
لين: طيب
-
<الظهر عند الاء بمدرستها>
طلعت جوالها وارسلت له "خلص دوامي"
قفلت جوالها وسندت ظهرها على الجدار تنتظره
-
شاف رسالتها واستأذن وطلع متوجه ل مدرستها ارسل لها انه وصل بس م شافت رسالته
نزل من سيارته وكلم الحارس
كانت سانده نفسها على الجدار وتتناعس بس طار النوم من سمعت الحارس يقول" الي مع ذياب خالد يالله سيارتكم برا"
توترت وقامت بسرعه لبست عبايتها وطلعت جت بتركب ورا الا انه كان مقفل الباب من عنده
ناظرها بهدوء وهمس: تعالي قدام
الاء: لا ابي هنا
ذياب: معليك اذا قربنا للبيت بخليك تركبين ورا
تقدمت الاء وركبت قدام وناظرته يناظرها
شغل سيارته ومشى
ناظرها وتقدم يمسك يدها
جمدت ملامحها وجت بتسحب يدها الا انه شد عليها
حط يدها على صدره وهمس: احبك الاء
اختلط في قلبها مشاعر الخوف والحب والتوتر
حست ان قلبها طاح من كلمته وسحبت يدها من تحت يده وناظرت الطريق
رجع يناظرها وهمس
"الود ودي في ضلوعي اخبيك
لا حَي يدري بك ولا حَي يلقاك"
ناظرته ب هدوء وابتسمت وهي كلها مشاعر
ابتسم وكمل الطرق
لما قرب من بيوت آل زايد وقف ونزلت الاء تركب ورا
-
دخل الحوش وكانو موجودين وقاعدين
نزلت الاء ودخلت البيت تبدل
دخلت غرفتها وهي تحس بحراره في جسمها من كلامه
ابتسمت بخفوت ودخلت تاخذ شاور عشان يخف توترها
-
وقف سيارته ونزل متوجهه ل جده وعمانه وابوه
دخل الجلسه وقال: السلام عليكم
الكل: وعليكم السلام
ذياب: م بطول عليكم بروح انام للعصر بعدها عندي مهمه لازم اطلع
ابو ذياب: مهمه ايش؟
ذياب: نقل سجناء ل عنابر ثانيه
الجد: م ودك تتغدا
ذياب: لا الحمدالله تغدوا انتوا بالعافيه
-
دخل البيت وطلع ل غرفته بدل ملابسه وتمدد بهدوء
ابتسم وهو يتذكر مواقفه معها وكيف كانت بدايتهم ف البدروم
كيف كانو وكيف صاروا
كيف الحب غيره خلا منه ذياب المبتسم الي صار زعله قليل عكس قبل
غمض عيونه وماهي الا ثواني ونام
_______
<العصر عند الاء>
كانت قاعده مع لين ف الاسطبل ويسولفون
لين:ذياب بعد شوي بيروح الدوام
الاء: غريبه م خلص اليوم؟
لين: عنده مهمه
الاء: الله يعينه
لين: ترا يمكن يطول
الاء: كم ايام؟
لين: يمكن يومين او ٣ لانه ينقلون سجناء من هنا ل مدينه ثانيه وبيطولون على بال م يخلصون اوراقهم
الاء تنهدت بضيق
ناظرتها لين وكملت: م ودك تودعينه؟
الاء: وييين! مستحيل وبعدين مافيه فرصه
لين :بدبرها لك بس بتصملين ولالا؟
الاء: مدري
لين: امشي معي البيت على اساس نذاكر
الاء: طيب ثواني اخذ شنطتي عشان م يشكون
لين: يالله
اخذت شنطتها وراحت مع لين
دخلوا البيت وكان فاضي مافيه الا ذياب يتجهز الباقي كانوا عند الجد
دخلت غرفه لين وناظرت لين
لين: شفيك يالله روحي
الاء: ابي شال اغطي وجهي
لين: خذي حقي
الاء اخذت شال الصلاه وغطت جسمها ووجهها م كان طالع منها الا جبينها و عيونها وحواجبها
دقت باب غرفته ووصلها صوته وهو يقول "تعال"
حطت يدها على مسكه الباب وترددت
كانت ناويه ترجع بس ذياب فتح الباب وجمد وجهه من شافها قدامه
ناظر الصاله م كان فيها احد مسك يدها وسحبها معه ل داخل غرفته وقفل الباب
ناظرها وهمس بهدوء: احد شافك؟
الاء: لين معي
ذياب:جيتي تودعيني
الاء م ردت وتقدم لها وفك الشال عن وجهها
كان يتأمل ملامحها بكل حُب
رجعت خطواتها ورا وقالت: بتطول
ذياب: مدري
الاء: انتبهلك
ذياب: ابشري
تقدم لها وباس جبينها
رجع خطواته ورا وفتح دولابه وطلع كتاب
مده لها وهمس: كل م قريتيه تذكريني
اخذته منه ونزلت عيونها للارض وطلعت من عنده متوجهه ل غرفه لين
لين: ها بشري؟
الاء:اخاف يطول
لين: لا معليك م بيطول
الاء: برجع البيت
لين: يالله وانا معك
-
بعد م طلعت من عنده حزن على حاله وعرف انه بيشتاق لها
لم شنطته وحط من عطره وطلع برا 
ودع اهله وركب سيارته ومشى

(عطوها حقها وقراءه مُمتعه🫶🏻)