<يوم الاثنين الساعه ٦ تحديداً بيت ابو ذياب>
صحى بتعب بحكم انه م نام الا الساعه ٢ومجبور يقوم بدري لان فيه اجتماع مهم
قام اخذ شاور سريع عشان يصحصح ولبس بدلته العسكريه ونزل تحت يفطر مع لين
شافته نازل الدرج وجلس يمها التفتت عليه ب ابتسامه
ذياب: وراك توزعين ابتسامات مع الصباح
لين: حرام الواحد يبتسم؟
ذياب: تبيني اقتلك ولا اقتلك؟
لين ب استغراب: شسويت؟
ذياب: تستغبين؟ ليه مسجله رقمي ف جوال الاء وعلى اساس انها انتي !
لين ب ابتسامه: وش قالت يوم ارسلت؟
ذياب: قالت اطلعي للاسطبل
لين: الاسطبل هذا فائدته الوحيده يجمع الاحباب تالي الليل
ذياب وهو يصد عنها:الاء تدوام اليوم؟
لين: لا
ذياب: طيب اجهزي بوصلك المدرسه
قام وطلع برا وتكى بظهره على سيارته وكان يناظر بيت عمه ابو الاء رفع عيونه للبلكونه وشافها تناظره وم صدت
تنهد بقهر من كلامها ف الليل وصد
______
كانت تتأمله ب بدلته العسكريه وهي مقهوره من كلمتها يوم قالت انهم اخوان ناظرته ليين صد منها وطلعت لين وركبت معه وطلعوا من بيوت آل زايد تحت انظارها
سكرت البلكونه وجلست على سريرها ف راسها الف تساؤول
كيف انه غير مشاعرها بثواني وتتذكر اول موقف لهم بالبدروم تنهدت بضيق من حست انها فعلا طاحت ب الغرام وادركت ان مُحاربه المشاعر فعلا مُعاناه
مُعاناه من ناحيه انها تفكر هل هذا حب ولا اعجاب ؟
وهل هو مؤقت؟ وكيف انها مالت له بدون لاتحس كيف انه جاها وغير كلشي فيها حتى ربكتها من ينذكر اسمه لا صار ليلها ليل ولا نهارها نهار كل م حوالت تصد منه سحبتها مشاعرها له اكثر
كانت تكابر ومستحيل انها فكرت تقوله كلمه حلوه كانت خايفه يكسرها على خبرها انه شخص عصبي وم يخضع ل مشاعره بس ليه صار يتغزل فيها؟
قاطع صوت افكارها امها وهي تناديها
غسلت وجهها وطلعت نازله ل امها تحت
________
<عند ذياب>
وصل ل دوامه بعد م وصل لين مدرستها
دخل وكان فيه اجتماع كبير جدا
بدأ مديرهم يتكلم ب اسماء المترقين
ويطلعون ياخذ شاهيدهم كان يناظرهم بهدوء لينن م قال المدير: ذياب بن خالد بن زايد تمت اليوم ترقيته من ملازم اول الى نقيب
فز ذياب وناظر عمه ابو الاء بفرح وابتسم وكمل يلتفت على المدير وهو يقول: كل الي تمت ترقيتهم بكره ف الليل بتطلعون في مهمه وهي انكم تروحون على الحد لفتره للحين مانعرف كم الفتره الي بتجلسون هناك هذا القرار راجع للفريق احمد ينتظركم هناك
طلعوا متوجهين ل مكاتبهم الجديده ويكملون شغلهم
دخل مكتبه وتنهد بضيق من عرف انه بيروح الحد م كان يبي يبعد عن الاء كان يبي يكون يمها بدون لايقول عن مشاعره
_______
<في الليل في بيوت ال زايد بدون اي حدث مهم ف النهار>
كان راجع من الدوام ودخل سلم على جده وعمامه
ابو الاء:ابشركم ذياب ترقى صار نقيب
الجد:مشاءالله ي ذياب اجل بكره انشاءالله مكرمينك
ذياب:تسلم ي جدي وم تقصر بس انا بكره عندي مهمه وبروح الحد
فز ابو ذياب: وكم تقعد؟
ذياب: ماعرف والله ،انا بنام بكره بطلع من الرياض الصباح بتوجه للجنوب لازم الليل كلنا نكون موجودين
الجد: على خير انشاءالله ودعناك الله
___
طلع لغرفته ومرت الساعات ولا قدر ينام وهو يفكر كيف يقدر يبعد عن الاء وهل بيقدر يغلب مشاعره هناك ولا مشاعره تغلبه؟
هل يعترف ويبادر لها قبل ينام ؟ ولايصبر
كاننن خايفف من ردها ورفضها وهي قالت انها تشوفهم اخوان
تنهد بضيق ومسك جوالها يراسل فيصل
ذياب: ولد
فيصل: سم
ذياب: الصباح بسافر للحد
فيصل: بذمتك؟
ذياب: ايوالله بس ياخي احس اني مابي اروح واتركها
فيصل: انا م قلت لك اعترف؟
ذياب: البارح تقولي انها تشوفنا اخوان
فيصل:اذا جت تتاكد انك بتروح الحد معناتها تهتم لك واذا م ارسلت ف معوض ياخوي
تمدد بضيق وهو يراسل قروب الشعبه الي يتفقون عليه متى يطلعون
_____
<الساعه ٢>
عند الاء عرفت انه بيروح الحد وحست بشعور خوف مع ندم وقهر وحسره ليههه قالت انها تشوفهم اخوان تنهدت بضيق وفتحت جوالها واتصلت على لين تبي تطلع الي بقلبها وبس
حطت الجوال على اذنها ووصلوها صوت لين
لين: عرفتي؟
الاء: ايه
لين: وش بتسوين؟
الاء:ماعرفف ياخي احس مقهوره مابيه يروح !
لين: ارسلي له الحين
الاء: منجدك؟؟ وش اقول مثلا
لين: خليك طبيعيه اساليه متى يرجع ومن ذا الكلام طمني قلبك شوي!
الاء: مدري
لين: ردي لي خبر وش بيصير
الاء: طيب
قفلت منها ودخلت على اسم ذياب ف الواتس وبعد تردد طويل ارسلت "السلام عليكم"
قفلت جوالها توقعته نايم وطلعت للاسطبل لانه صار ملجأها الوحيد
__
شاف رسالتها ورد بس الاء نزلت الاسطبل وم شافت الرساله
طلع البلكونه وهو متضايق وشافها داخله الاسطبل
نزل جواله وطلع من غرفته نزل تحت ودخل الاسطبل شافها جالسه عند السور بعيده عن انظار الكل وقاعده على ضوء القمر
مشى بهدوء لناحيتها وجلس يمها ناظرته بهدوء وعمم السكوت بينهم لثواني
الاء: متى تروح؟
ذياب: الساعه ٦
الاء: بتطول؟
ذياب بكذب وهو يبي يشوف رده فعلها: يمكن شهرين
ناظرته بحده وابتسم لها وكمل: ماعرف كم المده بس انشاءالله م نطول
الا: تبي هناك ولا هنا؟
ذياب: ابي هنا مع قلبي
الاء ب استغراب: مع مين؟
ذياب تنهد بضيق: انا احبك الاء ومابي اروح ابي اكون يمك
الاء تسارعت نبضات قلبها وصارت تتنفس بسرعه وسكتت
كمل ذياب: يمكن شكلي م يوحي اني شخص يحب بس لأول مره احس ان مشاعري تغلبني
الاء بكذب: قفل الموضوع قلت لك البارح انا وش اشوفنا! مستحيل يكون بينا شي اكثر من كذا!!
ذياب قام بقهر من رفضها له وطلع من الاسطبل وتركها
نزلت دمعتها من عرفت انه راح تمنت انها اعترفت وخلصت نفسها من ذا العذاب قامت ودخلت غرفتها وشافت رسالته الي كان رده "وعليكم السلام"
شافت انه يكتب طلعت من الواتس وشافت رسالته من فوق وهو كاتب
"جعل ربي بالقهر ما يوجعك
كثر م اوجعتني وانا ابيك؟"
بكت بحرقه وكتبت له ودمعتها بخدها
"عساك بحفظ الرحمن وين ماتكون"
قفلت جوالها ونزلت وجهها لمخدتها وبكت بحرقه لدرجه تحس العبره خانقتها ومو قادره تنفجر
ندمانه من رفضها له ومقهوره على اسلوبها معه وهو يمكن يروح وم يرجع
______
شاف رسالتها وعرف ان مافيه امل تنهد بضيق من سمع اذان فجر يوم الثلاثاء
صلى وجهز اغراضه وطلع من البيت بعد م ودع اهله وقابل فيصل بالحوش سلم عليه وتكلم معه شوي و ركب سيارته ومشى
كان تحت انظارها من يوم طلع من البيت لينن ركب سيارته ومشى
رجعت ل سريرها وغمضت عيونها بضيقه تبي تنام لكن كانت محاولات فاشله
___________
<الظهر ف بيت الجد زايد>
كانت العمه حصه عند عند امهت وبوها ومعها نواف
دخلت المجلس تحط لهم القهوه وطلعت
الجد: نواف
نواف: سم ي جد
الجد: سألت لك عن ريتاج وطلعت باقي مو متزوجه ها وش قلت نخطبها لك بكره؟
نواف ابتسم: ايه اذا م كان عندك شغل
الجد: ابشر ، الحين قم بشر امك
قام بحماس ودخل ل امه وجدته بالمطبخ
حصه:شفيك الابتسامه شاقه وجهك
نواف: يمه بكره بخطب
الجده: مشاءالله
حصه: مين؟
نواف: ريتاج بنت عمي
حصه: مشاءالله الله يكتب لكم الي فيه الخير ي نواف
نواف بسعاده تغمر قلبه: امينن
__________
مر الثلاثاء والاربعاء بدون اي حدث مهم نواف خطب ووافقت ريتاج بحكم انها حتى هي كانت تحبه بالخفا
ذياب سمح له الفريق احمد ب استخدام جواله وكان يكلم فيصل ونايف ولين بس
لين كل شوي تروح عند الاء الي تدمرت نفسيتها وكانت تظهر ل اهلها عكس الحرب الي داخلها فضفضت ل لين بكل شي هي تحسه تجاهه بس هالمره لين م علمت ذياب سكتت وهي كلها قهر على حال صديقتها الي لا ليلها ليل ولا نهارها نهار
مُلاذ ونايف على وضعهم وبدأت مُلاذ تتكلم معه اكثر من قبل
-
ذياب قلبت شخصيته وصار غامض مع اخوياه كليوم يدخل على اسمها يبي يرسل بس كل م تذكر رفضها له يتراجع وم يرسل
____________________
<ليله يوم الخميس في بيت الجد زايد>
كانوا مجتمعين هناك بعد م كتبوا الكتاب بين نواف وريتاج بالعصر وحددو وقت الملكه بعد اسبوع
__
<عند البنات>
لين: بتنظم لنا ريتاج يونسس يبنات
ريم: وربي صدق نفسي اعرف كيف شخصيتها
ساره وهي تناظر الاء: يمكن نفس بعض الناس
لين ناظرت ساره وقالت: ذياب البارح كلمني وجلسنا نسولف سألني عن الاء يقول قدرت تمشي ولالا
ساره ناظرت الاء بحده وقالت: ليه يسال عنها شدخله؟
مُلاذ فهمت لين وقالت :ويي شفيك ماهو ولد عمها!
الاء:انا برجع البيت رجلي توجعني
لين:بنروح معك انا ومُلاذ
الاء:طيب
طلعوا من بيت الجد زايد وقابلهم نايف عند الباب
نايف: كلكم شمس الا وحده قمر
ضحكت مُلاذ:اقول لايكثر حكيك
نايف:م بكثر كلام لاني لو اتغزل من هنا ل بكره م بوفيك
الاء:مُلاذ خلاص اقعدي عنده احسن!
مُلاذ: من يلومني؟
لين ضحكت: اخوانيي عشاققق ي سعاده قلبي
نايف: ذياب يحب؟
مُلاذ:ايه
نايف: مين؟
مُلاذ وهي تناظر الاء الي تأشر لها لاتعلم:الاء
نايف التفت ل الاء: اخسس ي ذياب والاء م عرفتكم
الاء: برجع البيت
طلعت ومعها لين ومُلاذ
جت ساره وم سمعت الا اخر شي يوم قالت مُلاذ ان ذياب يحب الاء ،بس هذا الي سمعته وعلى طول دخلت عند البنات وهي تحس بقهر ياكل قلبها وكانت حالفه وناويتهم شر
___________
انتهت ليله الخميس بحزنها وفرحها
الاء وذياب الي يمر ليلهم وهم مقهورين
ذياب مقهور من رفضها والاء مقهوره من اسلوبها معه
ساره الي تغمرها الغيره من سمعت حكيهم وهي ناويتهم
نواف الي نام والسعاده تدب في عروقه من تحقق حلمه ومناه وهو انه يتزوج ريتاج
نايف ومُلاذ الي يتواصلون مع بعض ف الواتس تواصل شبه يومي وكانوا مبسوطين ببعض
___________________
<يوم الجمعه الظهر>
طلعوا كل الرجال ل صلاه الجمعه م بقي احد ف البيت
لين نامت مع الاء وقاموا الظهر مكسرين لانهم م ناموا الا بعد صلاه الفجر
الامهات كانوا ف بيت العمه حصه يسولفون
ساره وندى كانوا نايمين
ريم تشاهد مسلسل
_________________
وصلوا الرجال وكل واحد راح لبيته ينامون للعصر
لانهم كلهم كانوا معزومين عند زيد اخو الجد زايد
_
<في بيت ابو الاء الساعه ٢ الظهر>
كانوا قاعدين بالصاله
ابو الاء: والله ذياب له فقده ف الشغل والبيت
ام الاء: ونعم ذياب
الاء توترت من جابوا طاريه وحاولت تشتت انظارها بعيد عن امها وابوها
ابو الاء: يمكن يقعدون هناك شهرين
ام الاء:حسافه زواج نواف بعد شهر
ابو الاء:ايه م يقدرون يرجعون الا ب قرار الفريق احمد
ام الاء: الله يعينهم ويسدد رميهم يارب
ابو الاء: امين
_______
اذن العصر وقاموا كلهم يتجهزون للعزيمه
الي يتجهزون وهم مستانسين والي يتجهزون وهم مالهم رغبه ف العزيمه
جهزوا كلهم على المغرب وطلعوا مُلاذ وساره ولين وندى مع فيصل
الاء مشت مع امها وابوها
__
في سياره فيصل كانت لين راكبه وراه وكان يتأملها بكل هدوء لينن م وصلوا بيت الجد زيد
___
مرت ليلتهم عاديه جدا سوالف واسترجاع ذكريات وحنين للماضي كانوا يسولفون والكل مبسوط الا الاء الي حتى وهي بين كل م يصفى لها بتفكيرها غيره
تنهدت بضيق فتحت الواتس شافت ظهوره قبل ٦ ساعات قفلت جوالها وهي تستودع به ربي
--
طلعت لين لقسم الرجال عشان تاخذ الشاحن من نايف بس طلع بوجهها فيصل
فيصل عرف ملامحها الهاديه الي تشبه نايف
فيصل: لين؟
لين وهي تصد عنه وكان واضح له جسمها كانت لابسه فستان عنابي ماسك على خصرها ويكشف اكتافها ويدينها
لين: الشاحن وين؟
فيصل وهو منبهر من جمالها:هاه؟
لين: اقولك الشاحن الشاحن وينه؟
فيصل استوعب ودخل يده بجيبه يعطيها شاحنه وطلع لقسم الرجال وهو مو قادر يبعدها من تفكيره
_________
انتهت ليلتهم والكل راح لبيتهم وطفت انوار بيوت ال زايد معلنين انتها ليلتهم
<الساعه ٢ عند ذياب>
فتح جواله بتعب بعد يوم كان مرهق للكل حس انه يحتاج يفضفض وبسس كان يبي يعرف اخبارها ولايقدر يرسل
ضغط على كبريائه ودخل على اسمها وكتب
"مر الخميس ولا سمعنا طواريك
ودخلنا الجمعه واصبح الوضع مربك
ابسّئلك بالله من دون تشكيك
هو انت تحبني مثل ما أحبك؟
قفل جواله وهو مو مصدق انه ارسل الرساله الي كان مستثقلنها
----
كانت تراسل لين ومُلاذ وفز قلبها من شافت اسمه
ارتعشت كل حواسها من شافت رسالته
حست انها لامست قلبها وجت على جرحها تنهدت بضيق وبعد تردد وتفكير كتبت
"أحبك لو انك في ديار الخطر والخوف
لو ان الزمان الشين ودّه يخالفنا
سطى حبك بقلبي وحاف الجوارح حوف
ياليت المواصل بيننا كان حايفنا"
طلعت من الواتس وهي مبتسمه ب اعترافها الواضح والصريح
__
شاف رسالتها وابستم بخفوت وكمل الشيله الي هي كاتبتها وكتب
"لكن الامل لازال لو باعدتنا الظروف
مامات الامل من بيننا لو تباعدنا
فراق الولايف والله انه عذاب الجوف
وكيد العواذل يالله انك تخارجنا"
__
قرت رسالته وقفلت جوالها وعلى طول نامت براحه م ذاقتها من اسبوع حست انها كسبت الدنيا ب اعترافها
_
ذياب كان اسعد انسان ب اعترافها الصريح حس ان فيه طاقه ايجابيه وكل الي يبيه الحين انها تكون قباله
دخل الخيمه وشاف الكل نايم وتمدد جنب الفريق احمد
الفريق احمد: م نمت؟
ذياب وهو اساسا يمون على احمد: وليل العشاق به احد ينام؟
الفريق احمد: ابشرك خلاص انت بترجع يوم الاحد
ذياب لاول مره يحس انه فرحته تدبلت :بالله؟
الفريق احمد: هذا كان اختبار لكم نشوف انتوا تستاهلون الرتب ولالا والحمدالله طلعتوا قدها
قام ذياب وراح ينام وهو لاول مره من اسبوع يذوق طعم النوم
__
انتهت ليله ابطالنا كل واحد نام وفي قلبه كم هائل من المشاعر والسعاده بسبب اعتراف بسيط بس كبير بقلوب بعض
(المفروض اللعب ب مشاعركم واخلي بارت الاعتراف بكره بس م طاوعني قلبي😭😭)
عطوها حقها🫡
أنت تقرأ
الغرام يمَك غدا بقلبي مسموح
General Fictionتعلقت بك ولا ودي بيوم تروح لقيتك بك الزين وجميع امالي.
