الغرام يمَك غدا بقلبي مسموح

Part 5

<ظهر يوم الاحد ف الخيام>
الجد:ي فصيل
فيصل:سم
الجد: سو قهوه وخل الحريم يسوون الغدا
فيصل:محنا قلنا نحرك للشاليه الظهر؟
الجد: لا خلاص بنروح العصر الحين شمس
فيصل: طيب انا بسوي القهوه وانت ي نايف ادخل قول لهم يسوون الغدا
نايف: طيب بس بروح ابدل ملابسي واجي
_
دخل نايف خيمه فاضيه م فيها الا شناطهم واغراضهم
فصخ ثوبه وداهمه صوت مُلاذ وهي داخله الخيمه وم انتبهت انه موجود وكانت تقول ل ساره باخذ شاحني واجي
توسطت الخيمه وهي للحين م منتبهه انه فيها رفعت عينها وانصدمت من شافته قدامها جت بتطلع من الخيمه بس من سوء حظها سبقها نايف وقفل الخيمه عليهم
مُلاذ وهي تحط الشال على خشمها وفمها وبقي عيونها مكشوفه: وجع غض البصر!
تقدم نايف لها وصار قريب منها:
"وم دام النظر مسموح اشوفك كل يوم واروح؟"
مُلاذ بتوتر: ازعجتنا ترا
نايف وهو يسحب الشال عن وجهها: ترا عيونك فاضحتك خلاص اعترفي
مُلاذ ب استغباء: اعترف ب ايش؟
نايف: انك تحبيني؟
مُلاذ ابتسمت: اخر حبه
نايف بصوته الرخيم:
"وضحكت لي بشفتةً مثل الشفق
حسها قلبي وحن إلها وخفق"
ملاذ وهي تخفي ابتسامتها:انت م ترد الا ب اغاني؟
نايف:مدري المهم اني اهيم فيك
قطع حكيهم صوت ساره من برا الخيمه وهي تنادي مُلاذ
مُلاذ:ابعد ساره جت روح تخبى
نايف تنهد وابعد من مُلاذ:الله ياخذ ذي الساره
ضحكت مُلاذ وطلعت من الخيمه بسرعه قبل تدخل ساره وتشوف نايف معها
ساره:ساعه تاخذين شاحن؟
مُلاذ بكذب:جيت وشنطتي مفتوحه واغراضي طالعه ف تاخرت ارجعها
ساره: طيب نشاهد فلم؟
ريم:خلو الفلم عليا انا بختار
مُلاذ: م نبي رعب اخاف يبنات
نايف سمعها تقولهم انها تخاف من افلام الرعب
ودخل الواتس على اسمها (كان زارف رقمها من عند لين وحافظه بجواله وم كان يرسل)
دخل على اسمها وكتب
"لاتخافين انا يمك"
قفل جواله وطلع متوجه ل عند الرجال بعد م قال امه يسوون غدا
--
ناظرت جوالها وشافت ان في رقم غريب مرسل لها
فتحت الواتس وشافت رسالته عرفت انه نايف بس حبت تتاكد عشان م تجيب العيد بنفسها وكتبت"مين"؟
طلعت من الواتس وراحت تشاهد فلم مع البنات
____________
<في الشاليه>
كانت لين والاء بالصاله يسولفون بعد م جهزوا اجواء الشاليه
دخل ذياب قسم الحريم كان يبي المطبخ بس استوقفه نقاش لين والاء
لين:الاء قد جربتي الحب؟
الاء:لا واحسه نكد
لين:ذياب واضح طايح بالحب
الاء: بحب مين؟
لين: انتي
الاء وهي تشوف امها تدق:دقايق وارجع
رجع ل ورا ع طول وطلع متوجه ل قسم الرجال كان منصدم من كلام لين
جلس وقال بنفسه: انا احبها؟ الي اعرفه اني ارتاح يمها م وصل الموضوع للحب؟ ولا انا صدق حبيتها؟
استوقف افكاره صوت لين وهي داخله عنده
لين: تفكر بمين
ذياب: محد
لين غمزت له:علينا؟
ذياب: الا غصب تشبكيني انا والاء؟
لين: بس انا م قلت الاء؟
طاحت على الارض وهي ميته ضحك
وتقوله: الاء اجل؟تستاهل فضحت نفسك بنفسك
ذياب: قومي لا اتصفقك
لين: بروح اقولها
ذياب: م يهمني ماني بواديكم الثنتين
لين: خلاص انا بسكت واشاهد بصمت
طلعت لين من عند ذياب وراحت قعدت مع الاء
___________
<ف الخيام العصر>
فتح جواله وشاف رسالتها وهي كاتبه "مين؟"
رد عليها وكتب "نايف ي بعدهم كلهم"
بعدها كتب"يالله تجهزوا بنروح الشاليه"
_
شافت رسالته وم ردت راحت للبنات وهو قاعدين
مُلاذ:يالله يبنات بنروح الشاليه
ساره بفرح م صدقت على الله يروحون عشان الاء:امانهه؟
مُلاذ ب استغراب: وييي شفيك والله لو اننا رايحين لندن
الكل ضحك وعصبت ساره وقالت: طفشت من اجواء الخيام بس!
ريم:هيا نتجهز لايفصلون علينا
قاموا البنات يلمون اغراضهم بحماس
__
جهه ثانيه من المخيم عند الجد و نواف ولد حصه
الجد: ولدي ي نواف
نواف:لبيه ي جد
الجد: م ودك تعرس ي ولدي؟
نواف: الي كاتبه ربي هو بيصير
الجد: مين الي في خاطرك؟
نواف بحزن: بنت عمي بس مادري هي تزوجت ولا اخر مره اذكرها ب عزا ابوي قبل ٤ سنوات
الجد: ماعد تواصلتوا معهم؟
نواف: الا نتواصل بس بالجوال
الجد: وين ساكنين هم؟
نواف: هنا بالرياض
الجد: ولايحز بخاطرك انا بشوف لك بنفسي اذا تزوجت ولالا بس م قلت لي وش اسمها؟
نواف: اسمها ريتاج
الجد: يصير خير
كان نواف يحب ريتاج حب كبير وعظيم حب نظيف ونادر
يفكر فيها بكل حواسه يدعي كل يوم انها تكون نصيبه م كان يبي يكلمها الا ب الحلال وبس حس ب فرحه يوم تكلم ل جده عنها وارتاح من الشي الي كان مخفيه عن الكل وهو حبه ل ريتاج
_____
اذن المغرب ووصلوا الشاليه
ونزلوا الاغراض وصلوا
<عند الرجال>
فيصل :ياخي فقدتك
ذياب: والله اني اكثر
فيصل:المهم كيفك؟
ذياب:طحت فيه
فيصل: الحب؟
ذياب: ايه
فيصل: منهي؟
ذياب:الاء
فيصل: اعترفت؟
ذياب: انت محقق على راسي؟ لا م اعترفت ولا افكر
فيصل: طيب بكيفك
__________
<عند الحريم>
ساره كانت ناويه على الاء وتحوم حوالينها
الاء: ساره انزلي معهم المسبح
ساره: لا مابي انزلي انتي
الاء: ذكرتينيي اقولكم حاجه
البنات بصوت واحد :وشش؟
قالت لهم عن الموقف الي صارلها بالمسبح وان ذياب انقذها بس م قالت لهم عن لبسها وان ذياب شافها بملابس مو متستره
ساره هنا شوي وتموت من الغيره من عرفت ان ذياب شاف وجهه الاء وتقدمت ل الاء الي كانت واقفه شوي بعيد من المسبح وكان عند رجولها مويه
قربت لها وجت الاء بتمشي بس ساره حطت رجلها قدامها وطاحت الاء على رجلها التفتوا البنات على طيحه الاء وطلعوا كلهم من المسبح
ام الاء جت تركض على صياح الاء:وشفيها؟
مُلاذ: طاحت
ام الاء: مين طيحها ؟
لين اللتفت ل ساره الي كان بوجهها ابتسامه الانتصار
العمه حصه: خلو احد ينقلها المستشفى بسرعه؟
لين دقت على ذياب بحكم انه هو الي وفيصل ونايف ونواف الي كانوا بالشاليه الاباء طلعوا معزومين
ذياب بصوته الرخيم: هلا
لين: ذياب شغل السياره بسرعه الاء طاحت واتوقع انكسرت رجلها
فز ذياب واحس ان قلبه بيطلع من مكانه اخذ مفتاح سيارته وشغله ووقفها قدام باب قسم الحريم نزل وشالها بسرعه ركبها ورا وركبت معها لين
التفت على ام الاء وامه وقال:انتوا تعالو مع نايف ولا فيصل
ركب السياره وهو يحس بخوف الدنيا فيه
رجع يده ورا ومسك يدها بقوه وقال: لاتخافين انا ولين معك
طار فيها للمستشفى واخذوها من انظاره
جلس بالسيب هو ولين وهم ينتظرون ودخلت ام ذياب وفيصل وام الاء
ام الاء:هاه وش قالكم الدكتور
ذياب: للحين م عطونا خبر
فيصل تقدم ل ذياب وهمس ب اذنه:حاول تخفف توتر وجهك قالب لونه تراك واضح وبينتبهون عليك
ذياب: مو وقتك
طلع الدكتور وتقدموا له:شفيها الاء؟
الدكتور:عندها كسر ب احد اصابع رجولها يبي لها عنايه وراح
تكون عندنا لمده يوم وممنوع الزياره تقدرون تشوفونها الحين وتطلعون
دخلوا عندها لين وام الاء وام ذياب يتطنون عليها
وذياب راح دوامه وفيصل رجع الشاليه
__________
<الساعه ٢ تحديداً قدام باب المستشفى>
كان خايف يدخل عندها وتهزمه مشاعره ويضعف قدامها
التفت على الورد الي ينباع قدام المستشفى وراح هناك اخذ باقه ورد ٤٠ ورده شبه كبيره
ورد احمر وعليه كرت مكتوب فيه "الحمدالله على سلامتك م تشوفين شر"
دخل المستشفى وقابل الاستقبال قالو وقت الزياره ممنوع
ورفضوا يدخلونه
لف بضيق وكان متوجه لباب المستشفى بيطلع بس استوقفه صوت يعرفه: ذياب؟
ذياب:سعيد؟
(سعيد كان صديق ذياب ايام الثانوي وتخرج دكتور)
سعيد: واضح رافضين يدخلونك
ذياب: ايوالله
سعيد: معليك انا بكلمهم يدخلونك الحين مستعجل عندي موعد برا
ذياب: م تقصر
النيرس: غرفه الاء عبدالله رقم ١٦٥
مشى ذياب متوجهه ل غرفتها
__
كان كل تفكيرها في كلام ذياب يوم قال لها
"تمنيتك وقلت فخاطري ليته تمناني
وانا م كل واحد شافته عيني تمنيته"
قطع صوت افكارها دق الباب
همست بهدوء: تفضل
دخل ذياب وانصدمت يوم شافته متقدم ناحيتها جت بتغطي وجهها الا انه منعها وحط يده على يدها
حط الورد جمبها وعم السكوت لين همس هو: م تشوفين شر ي بعدهم
الاء: م يجيك
ذياب: توجعك؟
الاء: اي
ذياب بصوت غير مسموع: بعمري
سمعته الاء وابتسمت: شكرا على الورد
ابتسم وقام متوجه للباب وقف ورجع يناظرها وقال: انتبهيلك
طلع وقفل الباب م كان يدي وش ترك وراه
حست انها طاحت وغرقت اكثر غمضت عيونها وهي مبتسمه
__
طلع هو متوجهه لبيتهم م راح الشاليه كل الي كان يحتاجه في هذا الوقت وهو خيله الفهد
دخل الاسطبل ودخل مقصوره الفهد وجلس جنبه وكان ساهي ب افكار لمده ساعه
حس بالنوم وقام طلع من الاسطبل راح تروش بعد م صلى الفجر

(اكتب بعين واتناعس بعين😭😭
عطوه حقوه وقراءه مُمتعه🫶)