تذكير . . . . "وصلنا ل يوم كانوا راجعين من البر بعد عزيمتهم ل اهل مطلق ووقفوا بالمحطه وخلو ريم هناك كل واحد يفكرها بالسياره الثانيه "
ريم حاسبت حطت الاغراض عند الكاشير وضربت راسها بخفه من تذكرت انها خلت شنطتها ل السياره ، رجعت خطواتها ل ورا على اساس تروح ل لين تعطيها فلوس لكن انصدمت من طلعت ولا شافت لهم اثر ، تسارعت نبضات قلبها وبدأت تدمع عيونها ،
مشت للشارع العام تناظر هم يمقلبونها ولا لكن للاسف محد يعلم بوجودها ف المحطه ، بدأت تبكي ورجعت دخلت البقاله
العامل لاحظ ونطق: مدام فيه شي؟
ريم: اهلي راحوا
العامل: يبغى يتصل؟
ريم: ايهه
العامل عطاها جواله واخذته ريم لكن زاد بكائها من تذكرت انها م تحفظ ارقام اهلها ،
دب الخوف ف جسمها وجلست تفكر ل ثواني لكن ابتسمت بين دموعها من تذكرت انها تحفظ رقم مطلق
بدأت تكتب الرقم واتصلت . . . . . .
-
مطلق كان يسوق ومشغل اغنيه ومتلطم بشماغه ويتمايل لكن تنهد من طفت الاغنيه و ارتفع صوت جواله وهو يدق ، ناظر الرقم وكان رقم غريب ، اخذ نفس و رد ونطق: يهلا !
ريم بصوت باكي: مططلق
مطلق استنكر الصوت لانها كانت تبكي اخذ نفس ونطق: مين؟
ريم: انا ريمم ريم
مطلق تسارعت نبضات قلبه وهو مستغرب من صوتها الباكي وليه اتصالها عليه وقف سيارته ونطق: ريمي ! وشفيك وينك؟
ريم: نسوني ب المحطه كل واحد يفكرني مع الثاني
مطلق: جايك الحين لاتخافين ي عين مطلق ولا تتحركين
ريم ابتسمت بين دموعها وقفلت الخط ووقفت عند بابا البقاله تنتظر مطلق . .
-
لين: اخيرا نجد العذيه
الاء: ي اني ميتهه نوم
ذياب: لين متحمسه عشان الشوفه
الاء: قلبها شفقان على شوفه فيصل
لين: سامجين ترا
ذياب: تبون من البقاله شي
الاء: ايه
لين: الاء ناويه على سهره وهي تقول ميته نوم
ذياب: اذا هي معك انتي ومُلاذ بيطير النوم
الاء: سوالف م تتفوت والله
لين ضحكت ونطقت: ايوالله
ذياب: حش فينا
الاء: محور الكون
ضحكوا وكملوا طريقهم
-
وصل مطلق ووقف سيارته ونزل متوجه ل ريم ، تقدم وحضنها من كتوفها ونطق: خلاص انا موجود
ريم: الحين بيوصلون البيت ويفقدوني ويرجعون !
مطلق: معليك انا بكلم نواف
ريم شدت على كفوفه ومشت معه متوجهه للسياره ، فتح لها الباب وركبت قدام وركب هو بعدها ومشى وبدأ يسولف لها عشان يروح خوفها
ريم: توقعت مقلب
مطلق ابتسم من بدأت تتجواب معه ونطق: كيف تحفظين رقمي
ريم بهدوء: احفظه
مطلق: خذيتيه من جوال نواف؟
ريم: اي.. اءء لا
مطلق: خلاص خذيت اجابتي
ريم: صدفه دقيت وطلعت انت
مطلق ابتسم ونطق: خلاص لاتبررين تراك واضحه
ناظرها مطلق ونطق
"لو ما شفتك فذيك الله صدفه
كان لين الحين قلبي وسط صدري"
-
ابتسمت ريم بخفوت ونطقت
"اتذكر حكينا وابتسم واقول
ليت قلبي منزمان عنك درى"
-
ناظرها مطلق وابتسم وشغل عزازي المفضل عنده وبدأ يغني ويردد " الحب ي ناسس كايد !!"
ابتسمت ريم وهي تناظر انوار الرياض
-
دخلت سياراتهم ورا بعض ل حوش ال زايد وكان الرجال الكبار سامرين ورا بيت الجد والحريم ف بيت الجده ، وقفوا ونزلوا ونطقت ريتاج: وين ريم عسى استانست معكم
الاء: معكم هي مو معنا !
مُلاذ: منجدكم؟ وين ريم
فيصل: ماهي معي
نواف: ولا انا
ذياب: ولا انا
ناظروا نايف الي نطق: وانا معي الفرش وم كان معي احد
نواف: لايكون خليناها !!
بدأ الكل يتكلم مع الثاني لكن عم الصمت من تكلم الجد: وش له التأخير ؟
ابو ذياب: وجيهكم وشفيها منقلبه ؟
نواف: اءء ولاشي
ذياب: تأخرنا لان كان فيه تفتيش
ابو فيصل: طيب وشفيكم متوترين ؟
الجد: نواف ! تكلم
نواف: ي جد لما وصلنا ريم مو معنا كل واحد يفكرها مع الثاني
حصه من وراهم: ايش؟ وينن ريم!
مُلاذ: نسوها ب المحطه
حصه مسكت على قلبها ونطقت: ارجع.... قطع صوتها وعم الصمت من دق جوال نواف وكان المتصل مطلق
نواف: هلا مطلق وربي مشغول اكلمك بعدين
مطلق: لحظه لحظه
نواف: سم؟
مطلق: اختك معاي
نواف: كيف ! وش وصلها معاك؟
مطلق اوصل واقولك
نواف تنفس براحه وقفل وناظرهم ونطق: مع مطلق
الجد: كيف ؟
نواف: بيجي مطلق ويقول لنا
ابو الاء: تمام يالله ي بنات ادخلوا بيجي الرجال الحين
دخلوا البنات وبقا الرجال كلهم بالحوش واقفين . .
-
مطلق قرب من بيت آل زايد وشاف البوابه مفتوحه وبياض اثوابهم دليل ان كلهم مجتمعين وقف سيارته وناظر ريم بأبتسامه ونطق: نطي ورا
ريم: حسستني اني هاربه معك
ضحك مطلق ونطق: تبين تنزلين قدام اهلك وانتي كنتي يمي؟
ريم ضحكت ونطقت: والله حياتنا فيها اكشن
ضحك مطلق ونطق: يالله
نطت ريم ورا ولبس مطلق شماغه ونقص صوت الاغاني وقدم بسيارته ودخل حوش آل زايد تحت نظرات الكل له
نزلت ريم ووقفت يم نواف ونزل مطلق ونطق: السلام عليكم
ردوا كلهم السلام ونطق نواف: كيف لقيتها
مطلق اخذ نفس ونطق بكذب: انتوا وقفتوا عند المحطه وانا مشيت صليت على الخط وكملت طريقي لكن كان البنزين شوي ويخلص وم كان فيه اي محطه اقرب لي الا الي تعديتها ورجعت وشفتكم ماشين و وصلت المحطه عبيت بنزين الا شوي والتفت على صوت البنت الي تقول انت صديق نواف؟ قلت ايه قالت انا اخته وهم نسوني بالمحطه وعلى طول خذيتها ولحقتكم . . . .
ريم ابتسمت وهي تشوفه يجيب سالفه بعيده عن الي صار ،
الجد ابتسم ونطق: كفو والله ي مطلق والله لك من اسمك نصيب ، ابتسم نواف ونطق: تسلم وم قصرت انشهد انك الخوي الي ينشد به الظهر
مطلق ابتسم ونطق: اهمشي سلامتها والحمدالله جيت بالوقت المناسب
الجد : اجل بكره عشاك انت واهلك عندنا
مطلق: لا تتكلف وانا م سويت الا الواجب
نواف: اقول تعال ولا يكثر
ضحك مطلق ونطق: تسلمون وكثر خيركم وانا استأذنكم تأخر الوقت
الجد: خذ معنا كوب شاهي
مطلق: تسلمون والله وراي بكره دوام
نواف: اجل بحفظ الله
ودعهم مطلق وشغل سيارته وناظرته ريم لحد م طلع من البوابه ورجعت خطواتها ومشت دخلت للبنات وامها
-
ريم ناظرتهم وضحكت وتقدمت تسلم عليهم
الاء: تخيلي انخطفتي
حصه: بسم الله على بنتي
ضحكت الاء ونطقت لين: قولي السالفه من البدايه
بدأت ريم تقولهم نفس الكلام الي قاله مطلق
ساره: يمه يالرعب الحمدالله ان بنزينه كان بيخلص ورجع
مُلاذ: كيف كان الرعب
ريم ب كذب: كنت ابكي من استوعبت انه مو مقلب وشوي الا واشوفه وانا م كنت متأكده اذا هو خوي نواف ولالا ورحت سألته وطلع هو
الجده: الحمدالله يبنتي رجعتي سالمه
ريم: الحمدالله
الاء: بروح ابدل ونومههه
ريم: بروح اشرب مويه
حصه: روحي ي امي انتي
مشت ريم ولحقتها ندى المطبخ ونطقت: هي
ريم: هلا
ندى: السالفه نفس م قلتي؟
ضحكت ريم ونطقت: ايه
ندى: اعرفك اذا كنتي تكذبين
ريم: اصص بقولك بعدين
ندى بحماس: وش صار بالسياره سولفتوا؟
ريم: بنت اص لا يسمعك احد
ندى ضحكت ونطقت: طيب
-
ذياب: اخيراً حبيبي الفهد
نواف: الجازي وبس
نايف: الابهر م عليه كلام
فيصل ابتسم ورفع صوته ينادي النافل وجاه النافل يركض ابتسم فيصل وتقدم يبوس خد النافل
ابتسم ذياب ونطق: وفر بوساتك ل يوم الشوفه
نواف: شكله يفكر النافل لين
ضحك نايف ونطق: شكلها
فيصل انحرج ونطق: سامجين ترا
ذياب: ابوي حدد يوم الشوفه؟
فيصل: لا
ذياب: اجل بكره
نواف: ميت نوم
نايف: ذياب رجع الخيول والحقنا
ذياب: يشيخ انا اخوك الكبير احترمني ورجعها انت
فيصل: خلاص انا برجعها وانتوا روحوا سووا شاهي
نواف: تم
-
ريم بعد تفكير طويل قررت تدخل الواتس وتسجل رقم مطلق وترسل له ، اخذت نفس عميق وسجلت رقمه وبدأت تكتب . . . .
-
مطلق وصل البيت وعلم اهله وقال لهم نفس الكلام الي قاله ل آل زايد وبعدها علمهم عن العزيمه وراح غرفته اخذ شاور وطلع ينشف شعره وهو مبتسم ويتذكر ريم ، لفت انتباهه صوت رساله ب جواله ، لف على جواله الا فيه رساله من رقم غريب وكان محتواها
" السلام عليكم كيفك؟ آسف على الازعاج بس حبيت اقول شكرا انك كنت قد الظن الي ظنيته فيك"
ابتسم مطلق وعرف انها ريم، اخذ نفس كتب . .
ي الله حي ريم
-
في الجهه الثانيه عند ريم . . زاد توترها من شافت رسالته لكن ابتسمت وسط توترها وكتبت البقى وبعدها طلعت من الواتس وقفلت الاشعارات ونامت
-
ذياب: الي سوا الشاهي تسلم رجله صراحه
نواف: انا بروح انام
نايف: كذاب بتروح تسولف مع حبيبه القلب
نواف: طيب زوجتي وحلالي انت وشدخلك
فيصل: تستاهل هذا هو قالها حلاله ح ل ا ل ه
ذياب ضحك بعلو صوته وناظر نايف
نايف: بس انا قصدي لايسوي انه الي ميت نوم
ذياب: الصدق بكره وراي دوام
نايف: حتنى والله ابوي وعمي لو اتأخر شوي عن الدوام بالشركه بلغوا جدي
فيصل ضحك بخبث ونطق: الحمدالله على نعمه الجامعه تو متخرج قبل شهر وفي اجازه
ذياب: وقصدك ان جدي بيخليك تجلس بالبيت طول الوقت؟
نايف: توظف بالشركه
فيصل: لا انا مع بدايه السنه بأبدا اطبق بالمستشفى
نواف: حسبتك تبي شهاده بس
فيصل ضحك ونطق: احسبك قد روحت
نواف: يالله تصبحون على خير
ذياب: وانا بقوم وراي دوام
وقام ذياب مشى ورا نواف
فيصل ناظر نايف ونطق: الخوي نايف الي م يسحب على ولد عمه
نايف ناظره ونطق: هيا نروح نسوي حلا
فيصل: منجدك انت الساعه 2 بالليل
نايف: وين المشكله
فيصل: بيقومون علينا
نايف: صدقني لو تسكر فمك وم تتكلم والله محد يدري وش احنا مسوين
فيصل: من الحين بقولك م بنسوي الحلا ف بيتنا تبي ف بيتكم يالله
نايف: الله ياخذك طيب يالله قم
-
ريتاج ناظرت نواف وهو داخل الغرفه ونطقت: تأخرت
نواف: العيال اشغلوني والله
ريتاج: لاتنسى بكره موعد كشف جنس البيبي
نواف: م نسيت ي بعد ناسي واهلي
ريتاج ابتسمت ونطقت:يالله نام عشان تقدر تقوم للموعد
نواف: من عيوني كم عندي ريتاج انا؟
ابتسمت ريتاج وخلخلت اصابعها بين شعره
-
فيصل: ي متخلف بالله عليك هذا حلا؟
نايف: اجل وش
فيصل: ناد لين تجي تصلحه
نايف وقف الشغل الي بيده وناظر فيصل ونطق: بالله عليك يعني انت جاي معاي عشان لين؟ اساساً توقعت من يوم قلت ولد العم وم يسحب والخوي ومدري وش بس مشيتها لك
فيصل: ي مسلم اسكت و ناد لين تجي تصلح عصيدتك ذي ولا بروح انام
نايف: يالله انلقع المجلس لا اشوفك تجي اذا جت لين
فيصل: يولد زوجتي
نايف ضحك ونطق: مستعجل على وش؟ باقي حتى الشوفه م تمت
فيصل: خلاص بطلع وانت قولها تكمل فضيحتك ذي
طلع فيصل للمجلس وطلع نايف الدور الثاني ل غرفه لين ، دق الباب وانتظر الين م نطقت لين: ادخل
نايف: ي هلا ب اجمل اخت
لين: اخلص وش تبي
نايف: حرام الواحد يسولف مع اخته؟
لين: عارفه ان عندك فضيحه ف قول
نايف: سويت حلا وم عرفت له تعالي رقعي فضيحتي ويمكن يطلع حلو
لين: اقول دز بس
نايف: واذا قلت لك ان فيصل معي وجالس بالمجلس ينظر الحلا؟
لين م قدرت تمسك الضحكه من نظرات نايف
ونطقت: طيب يالله قم قبل ادزك برا
نايف ابتسم ونطق وهو طالع: م يجيب راسها غير هالفيصل
ابتسمت لين واخذت جوالها ونزلت للمطبخ
-
نايف: لين بالمطبخ ترقع بالحلا انشاءالله يصلح
فيصل: لايكون قومتها من نومها؟
نايف: كانت صاحيه وبرضو رفضت الين م قلت اسمك
فيصل: وش صار يوم قلت اسمي
نايف: عارف انك تستغبي ، معوق صدق
فيصل ضحك ونطق: بالله وش قالت
نايف:وافقت من سمعت انك معي
ابو ذياب دخل عليهم المجلس ونطق: ولد انت وياه
نايف فز من الخرشه ونط جلس يم فيصل
نايف: اءء يبه لين بالمطبخ تسوي لنا حلا لاننا جيعانين
ابو ذياب: قومت اختك من نومها ي نايف؟
نايف: لاوالله يبه جيت عليها كانت تذاكر
فيصل ضحك بعلو صوته ونطق: مافيه مدرسه عشان تذاكر !
ضحك ابو ذياب ونطق: اكبر دليل ان تكذب
نايف: يبه والله م اكذب هي كانت ماسكه كتاب وتقرا قصه مدري وشهي
فيصل: القصه صارت مذاكره؟
نايف: ايه
تقدم ابو ذياب وجلس قبالهم ونطق: وين ذياب
نايف: قد نام
ابو ذياب: ومتى يجهز ذا الحلا
نايف: مدري عن لين
فيصل: على اذنك ي عم بروح دوره المياه واجي
نايف: وانا معك
ابو ذياب: نايف اجلس ابيك بشغله بكره تكملها بالشركه
نايف: سم يبه
طلع فيصل وهو يضحك على نايف وبعدها راح لدوره المياه فتح باب الحمام وقفله على اساس يوهمهم انه بالحمام ، بعدها توجه للمطبخ دخل وكانت لين تجهز صحون الحلا ومقفيه ، ابتسم وطلع راقب الوضع ورجع يدخل ونطق : ليني
لين: يمه ، فيصل وش تبي؟
فيصل قرب منها اكثر وكان يتأمل كل انش ب وجهها لأول مره بحياته يتأملها من قريب ،
ابتسم ونطق: تبارك الرحمن
لين صدت ونطقت: فيصل لايجي ابوي قبل شوي سمعت صوته
فيصل: عادي احنا حلال بعض
لين: باقي م صار شي بس خطوبه
فيصل ابتسم قرب يبوس خدها وطلع بسرعه
لين ابتسمت ب رعب ومسكت خدها
-
جا نايف واخذ الحلا والقهوه وقدمها ل ابوه وفيصل وتقهووا وجلسوا سوالف الين م اذن الفجر وبعدها راحوا للمسجد سوا ، اما لين مر الوقت وهي تهوجس ومبتسمه ومو قادره تطلع فيصل من راسها وتنام
. .
( اعذروني حبايبي على الغيبه بس والله مشاغل الحياه وبرضو شفت ان الروايه م تاخذ حقها والي يعرفونها قليل ف قررت اوقف فتره وابشركم رجعت واحبكم🥹🩷🩷🩷، قراءه مُمتعه)
أنت تقرأ
الغرام يمَك غدا بقلبي مسموح
General Fictionتعلقت بك ولا ودي بيوم تروح لقيتك بك الزين وجميع امالي.
