قاموا الظهر وكان يوم جديد عليهم واكيد بيكون ايجابي وحلو وفيه احداث تترك اثر فيهم،كانت ام الاء عازمه اختها ام ناصر ، قامت هي والاء من قبل الظهر بساعه بدأوا يرتبون ويجهزون وانظمت لهم ام ذياب ولين ومُلاذ يساعدونهم كانوا البنات عليهم تنظيف البيت وام الاء وام ذياب بالمطبخ،
مر الوقت والبنات ينظفون وخلصوا ودخلوا غرفه الاء وتنهدت لين بتعب ونطقت: الاء اجهزي باقي نص ساعه ويأذن العصر
الاء: والله ابد اليوم مو وقت خالتي لاني للحين مكسره من كرف امسس !
مُلاذ ضحكت ونطقت: احنا بنخليك تتحلطمين مع نفسك
لين: بنجيك اذا جوا عشان نساعدك
الاء: تم وانا بروح اتروش واللبس
لين: لاتنسين ترسلين الكشخه على القروب
مُلاذ بضحك: لين ترا ساعه ونرجع عندها !
لين: عادي تصور ابي احتفظ ب صورها
الاء: ولايهمك ي ليني
طلعوا البنات وبقت الاء، تنهدت بتعب وفتحت جوالها كان ذياب مرسل لها فتحت رسالته وكان محتواها :
(ي صدفه جتني بعز وحدتي ويا نجمه نورت ليلي المعتم ي ضي قلبي جعل الخلايق يفدونك جعلني اشوفك بكل ايامي ، بكره اول يوم رمضان وهو اول رمضان اعيشه وانا مغرم وتايه في بحر ععيونك اول رمضان يجي وانا اكبر امنايتي وطموحاتي انتي ! الله يعيده عليك ي بععدهم وكل ععام وانتي بخير💘)
ابتسمت الاء وتسارعت نبضات قلبها، مسكت قلبها وتنهدت بفرح ونزلت عيونها ل جوالها وردت" وانت بصحه وسلامه يارب وجعله ينعاد علينا واحنا وقتها مكتوبين ل بعض ويم بعض ف كل الليالي♡!"،
قفلت جوالها ووقفت قدام المرايه وهي مبتسه جلست تناظر شكلها بعدها لفت اخذت منشفتها ودخلت دوره المياه
___
"ف المجلس عند الجد"
رجع ابو الاء من الدوام ودخل وسلم عليهم وجلس بضيق
لاحظه الجد زايد ونطق: عبدالله !
ابو الاء: سَم يبه
الجد زايد: وراك ي ولدي ضايق !
ابو الاء ناظر الكل وتنهد بضيق ونطق: والله جاني شغل ب حايل لمده شهر الا ايام بسيطه
ناظره ذياب بهدوء ونطق: متى ي عم؟
ابو الاء: بعد يومين يعني بمشي من هنا ثاني ايام رمضان
الجد سكت بضيق ورجع ناظره ونطق: تاخذ عيالك معك ؟
ابو الاء: ايه والله باخذهم قد كلمت واحد هناك وجهز لي امور الشقه وكلشي
ذياب فز قلبه حس انه حز بخاطره وكثير ! يعني نجمته م بتكون حوله بتعبد لفتره حز بخاطره لانه بيفقدها ويفقد صوتها وحسها وضحكتها واصغغر تفاصيلها !!
تنهد بضيق ونزل راسه ولف على ابوه وهو يقول: اهمشي يجي العيد وانت وقتها موجود
ابو الاء: ايه الحمدالله
ابو فيصل: قد كلمت عيالك؟
ابو الاء: لاوالله بكلمهم بعد شوي
نايف وفيصل لاحظوا وجه ذياب الي انقلب من سمع الخبر
قاموا وجلسوا جنبه ونطق فيصل: تضايقت؟
ذياب: اكيد !
نواف من وراهم: وشفيه !
نايف سحب نواف وصار قدامهم ونطق نواف: شسالفه
فيصل بهمس: ذياب يحب بنت عمي عبدالله وتضايق يوم درا انهم بينقلون فتره !
نواف: يعيال اللذينا ! تدرون وم تعلموني
ذياب: بطلع انا
قام ولحقوه العيال وركب سيارته ولف على العيال ونطق: اذا قالوا وين راح ذياب قولوا داوم
فيصل تقدم وفتح الباب ونطق: بخاويك
ذياب سكت ثواني ونطق: تمام
حرك ذياب سيارته ومعه فيصل وطلع متوجهه للبر لانه اكثر مكان فيه هدوء ويقدر يتسجمع افكاره هناك
___
طلعت بعد م اخذت شاور حلو وععميق ومليان ايجابيه نشفت شعرها ولبست بنطلون اسود وبلوزه كساها اللون الابيض وشوز ابيض ، جففت شعرها ورفعت نصه وخلت الباقي منسدل على ظهرها وحطت من عطرها المميز وحطت روج خفيف ومسكره وبعدها سمعت صوت ابوها ونزلت للصاله تسلم عليه بعد الدوام وجلست تناظره ، ناظرته ام الاء ب استغراب ونطقت: شفيك؟
ابو الاء بضيق: جاني شغل ل حايل ف باخذكم معي ونجلس هناك شهر ينقص ب ايام، يعني نرجع قبل العيد بيومين او يوم
الاء ناظرت ابوها وتغورقت الدموع بعيونها ونطقت: بس يبه ابي اصوم رمضان هنا مع بنات عمي !
ام الاء: م تقدر تأجله؟
ابو الاء: لا ماقدر لانه اجباري وبعدين ي لولوي ادري تبين مع بنات عمك بس برضو شغلي مهم
الاء تنهدت بضيق وقامت دخلت غرفتها قفلت الباب وجلست ضمت رجولها ل صدرها وبكت بحرقه لان مشاعرها تهزمها وتغلب عليها لدرجه تحس ان البعد عن ذياب شي يعذب القلب ! صح م يشوفون بعض دايم ولا يراسلون بعض دايم الا انه قربهم يخليهم مبسوطين رغم انهم مرات م يشوفون بعض لكن الحب غلاب ! يغلبهم لدرجه كبيره لدرجه الحزن !،
لفت على صوت الباب ودخلت امها ونطقت: الاء
الاء مسحت دموعها ونطقت : سمي يمه
ام الاء وهي تمسح على راس الاء: بنصوم اول ايام رمضان هنا وبعدها نمشي ثاني يوم وابوك كمل اوراق مدرستك ونقلك هناك بس ٢٧ يوم ونرجع ولين ومُلاذ تتواصلين معهم بالجوال خلاص لاتبكين ياعين امك
الاء بضيق: متى تجي خالتي؟
ام الاء: ف الطريق يالله جددي مكياجك وانزلي لي تحت
ابتسمت الاء وهي كلها حزن وطلعت امها من الغرفه،
رجعت الاء فتحت جوالها م شافت اي رساله من ذياب ،
تنهدت بضيق وقامت تجدد مكياجها ونزلت ل امها تحت ،
وصلت ام ناصر ونزلوا ماهر وناصر استقبلوهم نايف ونواف
وام ناصر دخلت ل ام الاء وبدأوا يسلمون على بعض ويسولفون ، تنهدت الاء ونطقت: عن اذنكم
طلعت وشافت لين ومُلاذ داخلين من الباب ، تقدمت لهم بضيق ونطقت: تعالوا غرفتي
لحقوها لين ومُلاذ ب استغراب ودخلوا وناظرتهم الاء ونطقت: ابوي جاه شغل ب حايل وبننقل معه
لين شهقت ونطقت: اييش؟؟
مُلاذ بصدمه: منجدك الاء
الاء: والله صدق بنجلس هناك ل قبل العيد بيوم وبعدين خلاص نرجع شغله بس ٢٧ يوم
لين: اوففف كان براسي خطط كثير!
مُلاذ: طيب لولوي شفيك حزينه
الاء بضيق: مابي ابعد عنكم وعن ذياب اخاف بالبعد تبرد المشاعر !
لين: لامستحيل لاتفكرين كذا
الاء: تتوقعين عنده خبر ؟
لين: مادري والله م شفته
مُلاذ: بتمر الايام معليك لاتشيلين بخاطرك كثير
تنهدت الاء وابتسمت ونطقت لين: ابي حلا
ضحكت الاء وقاموا الثُلاثي نازلين للمطبخ
__
وقف ذياب سيارته ونزل هو وفيصل وطلع ذياب فرشه صغيره وجلس عليها وتقدم فيصل وجلس معه ونطق: ذياب بسألك
ذياب بضيق: سَم
فيصل: ليش م تخطبها دامك تحبها؟
ذياب: تتوقع عمي يوافق ! مستحيل
فيصل: ليش مستحيل؟ وشفيك انت؟ كامل والكامل الله ولاينقصك شي وبعدين صدقني عمي عبدالله م يبي يعطيها ل اي احد يجي يبي يسلم بنته ف ايدي امينه ويثق فيها ! وانت عاد قد الثقه والهقوه ! وين بيلاقي مثلك؟
ذياب: يعني اخطب؟
فيصل: ايهه والليله بعد !
ذياب: احس ماقدر اواجهه
فيصل: الا تقدر معليك انا يمك !
ذياب ابتسم بعز ضيقته ونطق: جعلني م انحرم منك
__
كانوا يسولفون وياخذون ويعطون مع ناصر عكس ماهر الي كان ساكت ، نزل ماهر عيونه ل جواله الي كان يدق ونطق: عن اذنكم
طلع ورا بيت الجد وكان يكلم احد اخوياه الجدد ،
كمل اتصاله ومشى متوجه للمجلس لكن وقف من شاف ساره منزله عيونها ل جواله وتمشي ناحيته، وقف مكانه وانتظر لحد م ارتطمت ساره بجسده ولوله كانت تطيح الا انه مسكها وشد عليها، ناظرته ساره بخوف ونطقت: ماهر !
استغرب ماهر ونطق : انتي ساره؟ الي قلتي لي بالخيام بنشوف بعض كثير بعد ذي المره !
ابتسمت ساره بخبث ونطقت: ايه
جلس ماهر يتأمل تفاصيلها ونطق: م فهمت عليك وش قصدك بنشوف بعض كثير !
ساره: انت غايتك الاء ! وانا غايتي ذياب !
ماهر عقد حواجبه ونطق: شدخل ذياب !
ساره: هم يحبون بعض لذلك انا وانت بنخطط سوا ونفرقهم وبعدها انت تكون خذيت مبتغاك وانا مثل !
ماهر: اها اوكييه طلع كذا الموضوع
ساره وهي تناظر عيونه: ايه
ماهر بخبث: ليه مو انا مبتغاك !
دفته ساره ومشت متاجهلته وضحك ماهر ورجع للمجلس
______
<بعد المغغرب في بيوت آل زايد>
لف ناصر على نايف ونطق: متى يجي ذياب ؟
نايف: كلمته الحين وقال دقايق وهو موجود
ماهر: ليه وينه
نايف: كان عنده شغل
نواف: تبون قهوه ولا شاهي ؟
ناصر: شاهي
ماهر: مثله
تقدم نواف وصب لهم
_
طلعت الاء للاسطبل ودخلت مقصوره الفهد وتقدمت له ومسحت على راسه بخفه ونطقت: صعب عليي البُعد !
فزت من حاوطها ذياب ولفت له بسرعه وارتجفت من شافت ذياب، حطيت يدينها على صدره وابعدت عنه ، مسك يدها وقربها له ونطق: حتى انا صعب علييي البُعد !
سكتت الاء بضيق ونطقت: مجبورين
ذياب: لو اتقدم لك توافقين ؟
الاء فز قلبها ونطقت: وش جاب الطاري
ذياب: جاوبي
الاء: ماعندي مشكله كلم ابوي
ذياب: انشاءالله م تسافرون الا وانا خاطبك
ابتسمت الاء بخفوت وكانت قريبه منه، تقدم ذياب وبحركه سريعه منه تقدم باس خدها وابعد بسرعه طالع من الاسطبل
انصدمت الاء وحطت يدها على خدها وابتسمت بخوف وطلعت من الباب الخلفي للاسطبل ،
كان هذا كله تحت انظار ساره الي شافت كلشي وسمعت حكيهم ! م كانت تحس ب شي تجاه ذياب بس كذا كانت تبيه ،
ابتسمت بخبث ونطقت: تشوفين ي الاء
_____
طلع ذياب من الاسطبل وتقدم للمجلس سلم على ماهر وناصر وهو مستغرب من نظرات ماهر له لكنه تجاهل وجلس ياخذ ويعطي مع ناصر وبعدها ب ساعه جهز العشاء وتعشوا وكملوا سمره بعد العشاء
_
كانت الاء مستغربه نظرات ساره لها لكن تجاهلت ونطقت: ريتاج
ريتاج: لبيه
الاء: قد جربتي ركوب الخيل؟
مُلاذ: عاد ريتاجي خخبره فيه !
ريتاج بأبتسامه: ايه اعرف وعندي خيل
الاء: طيب نطلع الاسطبل ونتسابق انا وانتي !
لين : اوففف حماس
ريم: احس ريتاج تفوز
ضحكت ريتاج ونطقت: يالله نطلع
طلعوا البنات وتقدمت الاء ركبت على الفهد وريتاج ركبت على النافل وتمسكوا الثنتين ب اللجام وصفرت لين معلنه بدايه السباق ، بدأ بتسابقون الاء وريتاج والبنات يناظرونهم
كانت ساره طول الوقت منزله عيونها على جوالها وتراسل صديقتها وفاء وتعلمها عن خطتها الي ممكن تخرب كلشي وتقلب اجواء العائله !! لكن رغم ذالك عاجبها الوضع
بعد مرور ٧ دقايق من السباق تعبت ريتاج ووقفت عكس الاء الي لازالت متمسكه باللجام وتنط الحواجز ، صفرت لين معلنه نهايه السباق ووصلت الاء للبنات وهي باقي على الخيل ونطقت لين: المركز الاول الاء والثاني ريتاج
ريتاج:تعبت طوالي لاني منزمان م تدربت
الاء: لين انتي منظمه السباق ! معقوله مافيه كأس !!
ضحكوا والبنات وطلعت لين على النافل وتمسكت ب اللجام ونطقت: بنودي انا والاء الخيول للمقصوره ونجي
مُلاذ: يالله بسرعه لان الشاهي بيبرد
مشت لين بالنافل وهي مبتسمه لانها عارفه ان النافل ل فيصل وهو اكثر خخيل يفضله ، ابتسمت بخفوت ولفت على الاء ونطقت: الابتسامه شاقه وجهك !
الاء كانت تتذكر بوسه ذياب لها وحكيه وضحكت على حكي لين ونطقت: تخيلي
لين : ايش
الاء: ذيابي قال بيخطبني !!
لين: اوففف !! كذذاابهه!
الاء: وربي قالها لي بالاسطبل قبل ساعتين كذا
لين: يلعنممم الحماسس !
الاء: متوتره انا مو متحمسه !
لين: طلع ذياب خفيف
ضحكت الاء وضحكت بعدها لين ونزلوا من على الخيول ونطقت الاء: وش عاد صار على موضوعك انتي وفيصل ؟ قدرتي تحددين مشاعرك ولالا
لين: مادري مرات احس اني احبه ومرات اقول لا وش ذا الحب الي يجي بدون مقدمات !
الاء: تفزين اذا جابوا طاريه ؟ تفكرين فيه بدون م تحسين بنفسك؟ اذا شفتيه يفز قلبك ؟
لين: ايه
الاء: اجل خلاص
لين: ايش
الاء بأبتسامه: انتي طايحهه بالحب ومو صاحيه على نفسك !
لين بتوتر: تهقين؟
الاء: متأكده بعد
لفت لين ودخلت النافل للمقصوره والاء مثل وطلعوا متوجهين للبنات وعمم الصمت في قلب لين
__
كان الكل سهران ليله ويصبح رمضان ليله مختلفه للكل مليانه مشاعر وحماس وكلشي! مشت ام ناصر وعيالها وبقوا العيال سوالف وماخذين راحتهم لان الجد وابآهم في عزيمه، والبنات كانوا بالحوش ويسولفون وياخذون ويعطون مع ريتاج الي تأقلمت على الوضع بسرعه ومستمتعه بكل لحظه هناك لان الحياه مع آل زايد فععلا حياه مليانه ايجابيه وضحك وسوالف وميانه، كانت تقول بنفسها انا محظوظه اني خذيت نواف لانه فعلا كان مختلف عن كل الي قابلتهم بحياتها وبعده اهله كلهم لطيفين من ناحيه التعامل والكلام والرقه وكلشي! تأقلمت مع البنات لدرجه كأنها ساكنه معهم من سنوات طويله !
_
تسحروا الكل وبعدها ب ربع ساعه اذن الفجر وبدأ صومهم والكل توجهه لبيته الي راح ينام والي راح يقرا ف القرآن
والي لا زالوا يسولفون.وانتهى يومهم بخيره وشره ♡.
(مبارك عليكم الششهر والله يعيده علينا وعليكم بالصحه والعافيه❤️،بارت اليوم قيصر شوي لان بكره فيه بارت، المهم ب كذا تقدرون تقولون بدأت العاصفه🥹،
قراءه مُمتعه واعطوها حقها❤️❤️)
أنت تقرأ
الغرام يمَك غدا بقلبي مسموح
General Fictionتعلقت بك ولا ودي بيوم تروح لقيتك بك الزين وجميع امالي.
