<الصباح الساعه ٥>
صلى الفجر والتفتت ل فيصل الي قام من النوم وراح صلى وجلس جنبه
ذياب: عساك فللت نوم؟
فيصل: اي الحمدالله، وانت نمت؟
ذياب: نمت ساعه بس واذن
فيصل: الحين بعد م يطلعون يصلون ادخل نام م اتوقع بيرجعون ينامون
ذياب: انا بنام ف الخيمه الي فيها مكيف بعد شوي بتطلع الشمس والله ماني متحمل الحر
ضحك فيصل وقال: دام الوضع فيه مكيف اجل حتنى بنام معك
ذياب: دز بس لاتجلس تتريق علي من الصباح!
التفتوا على الرجال وهم طالعين من الخيمه رايحين يتوضون ويصلون
__
ذياب قام واخذ فراشه طلع متوجهه للخميه الثانيه شغل المكيف وقفل الخيمه وتمدد وماهي الا ثواني ودخل بنومه عميقه
__________
الجد: يافيصل ذياب قد رجع؟
فيصل: ايه ي جد رجع وراح الخيمه الثانيه ينام
الجد: اجل لاعد احد يرجع ينام وذياب خلوه ينام للظهر
طالعوا العيال ببعض وعرفوا انهم بينكرفون من فطور الى قهوه وتنظيف الجلسه
نايف: ي جد ليه م نرجع ننام؟
الجد: خلاص فللتوا نوم ولا م نمتوا ف الليل ي السرابيت؟
نواف: لا والله نمنا على طول
الجد: اجل قومو سوو القهوه وساعدو الحريم بالفطور لكم ساعه بالكثير وكلشي جاهز
فيصل: ابشر ي جد
قاموا يخلصون اشغالهم
فيصل ونايف ينظفون الخيمه ويرفعون الفرش
نواف يسوي القهوه والشاهي
__
داخل عند الحريم كانو يسوون الفطور ويجهزون ل اجواء الصباح
البنات نظفوا الخيمه والجلسه حقتهم وجلسوا يسولفون ماعدا الاء ولين كانو نايمين
__
اذن الظهر وقاموا الاء ولين يصلون وراحوا قعدو مع البنات يشاهدون فلم عشان م يحسون ب وقت الظهريه يبون العصر يجي بسرعه عشان يطلعون يلبعون ب الدبابات
<عند ذياب ف المخيم>
فتح عيونه على صوت اخوه نايف يغني
"كان حلمي ذا اللقاء
واليوم بالصدفه التقينا!
م ي هلابك يالصُصدف
شفتك وراح الشقى
وغردت الاشواق فينا"(كان يقصد لقاه هو ومُلاذ بعزيمه جده)
انتظره ذياب لين خلص
نايف التفت له وشافه جالسه ويطالعه
ذياب: صدف ايش يشيخ لايكون طاحت على راسك حجره بعدين وش ذا الصوت الخايس خربت علي نومتي قال ايش قال صدف
نايف:سري بس انت شعرفك ف الحب؟
ذياب:والله انها تعيسه حظ
نايف: اقول قم صل ولايكثر ترا الساعه ٢ قرب يأذن العصر
ذياب: جدي قال شي؟
نايف: قال الظهر قوموه وطلع هو والباقي يصلون الجمعه وانا جلست هنا مع الحريم
ذياب قام وراح توضى وصلى الظهر ودخل المطبخ ياكل وهو جالسه يفطر كان يسمع ويميز صوتها من بينهم كان يبتسم كل م ضحكت
دخلت العمه حصه المطبخ: ذياب ؟
ذياب:سمي ي عمه
حصه:رجعتوا من الصلاه؟ غريبه قال جدك انكم بتجون العصر
ذياب:م رحت معهم كنت نايم
حصه: تم كمل اكلك وتعال انت ونايف ابيكم تشيلون معي زوليات لان الجو يمكن يجي مطر
ذياب: ابشري
طلعت حصه من المبطخ وراحت للبنات وهم جالسين ف الجلسه يم المطبخ حق الخيام
حصه:بنات لا احد يدخل المطبخ ذياب هناك يفطر
البنات :تم
مُلاذ: علمينا اذا طلع
حصه: طيب
ساره طالعت ل الاء الي كانت على جوالها وقامت تبي تدخل المطبخ عند ذياب عشان يشوفها
دخلت وسوت نفسسها مو منتبهه
ذياب: بنت خير؟ اطلعي
التفت له وسوت نفسها تناظره بصدمه:ذياب! شتسوي هنا؟
شافها ونزل عيونه للارض هي كانت حلوه بس م كانت بجمال الاء ابدا
تنهد وقال:لاتطولين الحكي اطلعي
طلعت وهي تبتسم وتحس انها انتصرت بشوفته لها
كان هذا كله تحت انظار لين الي انتبهت لها من البدايه ولحقتها وانصدمت من تمثليها للصدمه يوم شفاته وهي كانت عارفه انه بالمطبخ وشافت ابتسامتها وهي طالعه
تخبت ورا الخيمه ورجعت جلست مع البنات
مُلاذ: وين كنتوا؟
لين: انا كنت ب دوره المياء
ساره: انا اخذ جوالي
انصدمت لين من كذب ساره عليهم وعرفت من نظارتها وتصارفاتها مع الاء انها غيرانه من الاء وتبي ذياب يلتفت لها
__
كمل اكله وطلع سمع اصوات البنات وقال: يولد طريق!
قامت لين عنده: هلا ذياب
ذياب خليهم يقومون ولا يتغطون ابي اطلع
لين: بنات ذياب يبي يطلع
مُلاذ: خلاص خليه يطلع تغطينا
طلع وهو م يطالع لهم ابدا وانتبهت الاء ل نظرات ساره له
اذن العصر وصلوا ووصل الجد وعياله
<عند الحريم>
الجده: ي ام الاء وام فيصل وحصه ترى يزيد جاب ذبيحه وعزم رجال
ام فيصل: بس فيه اغراض كثير ناقصتنا؟
على دخول لين من المطبخ سمعت العمه حصه تقول: نرسل لين مع ذياب يجيبون الاغراض الناقصه
لين: شسالفه؟
حصه: ابد جدك عازم وفيه اشياء كثير تنقصنا
لين: بنمشي انا والاء ومُلاذ
ملاذ ابيها تساعدني والاء تبي ملابس لها
حصه: تم لاتتاخرون
طلعت لين وهي تضحك لانها كذبت عليهم بخصوص الاء ومُلاذ بس كانت تبيهم يمشون معها
الاء: شفيك الضحكه شاقه وجهك
لين: الاء ومُلاذ قوموا بنروح نجيب اغراض من البيت
قاموا متحمسين لبسوا عباياتهم وطلعوا ذياب ونايف كانو ينتظرون لين بس طلعت معها الاء ومُلاذ
ركبوا والتفت نايف لهم:شسالفه؟
لين: ابدا والله نبي بعد م ناخذ الاغراض نطعس
الاء:لين منجدك؟ منتي قلتي ناخذها ونرجع م بنتأخر
نايف: والله جبتيها ي لين
التفت على ذياب وكمل: ذياب بيطعس بنا نجرب تطعيسه هو خبره ولالا
مُلاذ: لا اخاف
نايف: لاتخافين انا موجود
التفت له ذياب ولين وقالو سوا بصوت واحد: عشششنا ي الغزل عيني عينك
نايف: اقول لاتصرفها واضح م تعرف تطعس
ذياب: بتشوف مين الي م يعرف خل اول شي ناخذ الاغراض
___________________________
وصلوا بيوت ال زايد وكل واحد راح يجيب كل غرض من مكان
دخلت الاء البيت تتكشخ للعزيمه الي صايره بالمخيم لبست فستان كحلي ضيق من عند خصرها ويكشف اكتافها وفيه كسره من قدام مفتوح ل فخذها وسوت مكياج خفيف يبرز ملامحها
التفت ل جوالها الي يدق وكانت لين المتصله
لين:الاء تعالي عندي البيت ابيك تسوي لي حلق عي م يركب
الاء:شوي البس عبايتي واجي
لين: ياخي مو لازم العيال برا الحوش شيليها بيدك وتعالي بسرعه
قفلت من لين وتوجهت لأعطارها حطت من اكثر عطر تحبه وريحته حلو رشت منه واخذت عبايتها بيدها وطلعت متوجهه ل بيت عمها ابو ذياب عند لين
__
هو كان راكب بالسياره ينتظر نايف الي راح للاسطبل عشان يشيك على الخيول
شافها طالعه من بيت ابوها وكانت تمشي عكس اتجاه الهوا وتناثر شعرها ورا ظهرها وهي تمشي متجهه ل عند لين
شاف فستانها الي مفتوح ل فخذها وجمال شعرها وهدوء ملامحها ومشيتها الي تفتن
ناظرها لين دخلت عند لين وقفلت الباب
رجع المرتبه ل ورا وهو يحس ب نبضات قلبه تتسارع من جمالها ومشيتها وفستانها الي ابرز مفاتنها
___
دخلت عند لين الغرفه وقفلت وراها الباب
لين:ليتت ذياب يشوفك وانتي بكشختك ذي
الاء: والله مانتي صاحيه من يومين انا وذياب على لسانك
لين: التناسق بينكم رهههيب!!
الاء ضحكت وصدت عنها: تصدقين التقينا صدفه ف الاسطبل الساعه ٢
لينن شهقت وتوسعت عيونها : كذذذاببهههه!!
الاء: وربي زياده هاج فيني الابهر وهو نزلني من عليه وركبني معه على الفهد
لين ابتسمت: متى ليه توك تقولين؟
الاء: ليله ونطلع للمخيم كنت متضايقه وطلعت
طلعوا من الغرفه وهي تقولها الحديث الي دار بينهم والي صار بالطعس لين كانت فرحانه وكانها كسبت الدنيا
الاء وهي تلبس عبايتها: الحين انتي وراك فرحانه؟
لين: اخيرا تحقق منااايي
الاء: ترا مواقف عاديه وش تحقق وم تحقق
دخلت مُلاذ وهي لابسه عبايتها :بنات نايف يقول تاخرنا يالله
لين: هم ركبوا الاغراض الي مرسلينا عشانها؟
مُلاذ: ايهه يالله استعجلوا
_
طلعوا وركبوا السياره مع ذياب
كانت الاء ورا ذياب وتنهد من شم ريحه عطرها
مُلاذ كانت جهه الراكب ورا نايف
لين كانت بالوسط وهي الي كانت تشغل اغاني
كان الوضع هدوء وشغلت كانت متعمده تشغل الاغنيه ذي بذات
"فرس فرس
من حسنها الحسن انخرس
تتزاحم قلوب البشر بقبالها
وقفه فرس مشيه فرس
لفتة فرس من حقها تغتر حيل بحالها"
تنهد ذياب وهو يتذكر مشيتها بفستانها الكاشف له فخذها
رفع عينه عليها وهي ف نفس اللحظه رفعت عينها وتلاقت عيونهم ببعض نزلت عيونها وطالعت الشارع
هو تأملها شوي بعدها نزل انظاره
__
وصلوا البر وكان المخيم شوي بعيد
نايف:يالله ورنا تطعيسك يشيخ!
ذياب: تم شوي بس خلني ابعد عن الناس
مُلاذ: يجماعه فكونا بتحتاس اشكالنا
نايف: احس ذياب ماعنده ضربه
ذياب: اعقب
لينن:يالله نشوف
الاء ساكته وهي تتامله بالمرايه وهو انتبه انها تطالع بس م رفع عينه عشان م تنزل عيونها
ابعد بهم عن المخيمات الي فيها ناس وبدا يسرع ويطعس فيهم
كان نايف يضحك ولين تشغل شيلات تعزيز وتصفق والاء تضحك على شكل مُلاذ الي تصايح
الاء قالت وهي مو منتبهه على نفسها: عزز ي ذياب شد اكثر
رفع عيونه لها وعرف انها م انتبهت على نفسها يوم قالتها ابتسم وشد زياده والكل يعزز ويضحك ومُلاذ تصايح وتضحك
نايف: والله منت بهين !!
لين: م توقعت والله
مُلاذ: كلنا والله
ذياب: توقعوا مني كلشي
نايف التفت له وقال: حتى الحب نتوقعه منك؟
ذياب حس بنظراتها يوم تكلم نايف ابتسم
وقال: يمكن م ندري
نايف: طلعت سربوت ياخوي
ضحكت لين وعرفت انه بدا ينجذب ل الاء وكانت ملاحظه نظراته ل الاء وعرفت
لين: سعيدة الحظ
ذياب: ايوالله
الاء تنهدت بضيق من جابوا طاري الحب وشككهم ف وضعه م كانت تدري انه يقصدها م تعرف ليش تضايقت وتحس انها غارت
_
وصلوا المخيم وهم يتذكرون اشكالهم وميتين ضحك
دخلوا البنات وكانت اجواء المخيم تفوح ب ريحه العود
والقهوه وكانو البنات جالسين ينتظرون الضيوف
لين وهي تمسك ضحكتها: بناتت تخيلوا شصار
ساره وندى وريم بنفس الوقت: وش صار؟
مُلاذ: ذياب طعس فينا حسيت اني شوي واموت
الاء: توبه اركب معه كنت بطلع من الدريشه
ساره طق فيها عرق الغيره وقالت: انتوا طالعين تجيبون الاغراض ولا تطعسون؟
لين عرفت ان ساره غيرانه من الاء يوم ركبت مع ذياب وطعس وهي معهم
كانت لين متنرفزه من حركه ساره الظهر يوم دخلت على ذياب المطبخ ولفت ل ساره وقالت: شدخلك؟ نطعس نسوي الي نبي محد يتحكم فينا
الاء ابتسمت من رده فعل لين وقاطعهم وصول الضيوف
رحبوا فيهم وجلسوا معاهم وكان العشا على الرجال هم الي يسوونه
انتهت ليلتهم ومشوا الضيوف ودخل الكل ينام ماعدا فيصل وذياب كانوا شابين النار وجالسين يفضفضون ل بعض
فيصل: ذياب لايكون طحت بالحب؟
ذياب: من قال؟
فيصل: اخوك نايف قال لي ان وضعك مشكوك فيه
تنهد ذياب بضيق وهو يتذكر شكلها وشامتها ومفاتنها وخصرها وقال
"سحر البياانن
اشهد انها صدقق سحر البيان
ماهوب بسحر البراقع
واللثم والعبي!
فتحت قلبي لها صادق بكل امتناننن
قلت اقلطلي يابعدهم كلهم وارححببي؟"
فيصل: اخسس ي ذياب م عرفتك
ذياب: حتنى م عرفتني وانا اهوجس بها
فيصل: طيب اعترفت لها؟
ذياب: مستحيل وسابع المستحيلات
فيصل: بتندم اذا انخطبت وراحت من يدك
ذياب: هيا نقوم نرقد بكره ورانا كرف
قاموا متوجهين للخيمه وماهي الا ثواني وناموا
__
<عند الاء>
كانت منسدحه ومتغطيه ببطانيتها تمثل النوم وهي ف الحقيقه تفكر ب ذياب مو قادره تشيله من تفكيرها غمضت عيونها بتعب وحاولت تنام، شويات وغفت
(ادري تاخرت عليكم بس عوضتكم نزلت لكم بارتين جمعتها ونزلتها اشوفكم بكره🫀)
أنت تقرأ
الغرام يمَك غدا بقلبي مسموح
قصص عامةتعلقت بك ولا ودي بيوم تروح لقيتك بك الزين وجميع امالي.
