<عصر يوم الاثنين في بيت الجد>
الجد: ترى بكره فيه عزيمه تجهزوا
ابو ذياب: بمناسبه ايش؟
الجد: جيه ذياب من الحد
ذياب: لاتتكلف ياجد
الجد: مابه كلافه وانا بوك
ذياب: ماتقصر
الجد بأبتسامه:لازم تكرف حتى لو كانت العزيمه لك
ضحك ذياب: ابد تحت امرك
الجد: اجل روح انت ونايف ونواف وفيصل طلعوا الفرش من البدروم حطوه قريب عشان بكره تفرشونه بس
فيصل: على خشمي
طعلوا العيال متوجهين للبدروم وهم يسولفون ويضحكون
دخلوا البدروم واخذ نواف وفيصل فرشه وطلعوها بقي ذياب ونايف
ذياب: شفيك تطالعني شيل الفرشه
نايف بأبتسامه: طلعت سربوت
ذياب ناظره بحده: اعقب
نايف: ايه اجحد
ذياب: وش تقول انت؟
نايف: تحب؟
ذياب: من قال؟
نايف: لين
ذياب: لين هذي لازم اقص لسانها
نايف: يعني صح؟
ذياب: ايه
نايف: م عرفتك
ذياب: ليه حلال لك الحب وانا حرام عليا؟
نايف: مين علمك عني؟
ذياب: الكل يدري الا انت
نايف: صدق ابو نوره يوم قال
"ترى راعي الهوى مفضوح"
ذياب: انشهد
فيصل وهو داخل: ابو المبزره انت وياه مكرفيني انا ونواف وانتوا هنا تسولفون
ذياب: جايين
نايف: لاتبكي ي فيصل
فيصل: على شحمه
ذياب وهو يضحك بعلو صوته: فيصل خلاص على اعصابه
فيصل: امش انت وياه
نايف: طيب بس لاتاكلني
فيصل: والله انه كف لو ما تمشي زي الخلق
نايف: طيب خلاص
_______
<عند البنات>
كانوا كلهم قاعدين بغرفه وحده
الاء ومُلاذ ولين كانوا يذاكرون
ندى كانت نايمه
ريم تشاهد مسلسل
ساره كانت على جوالها وكل شوي تخز الاء
مُلاذ: يجماعه طفشت من جو المذاكره شرايكم نسوي حلا ونروق بعدين نكمل مذاكره
الاء: الحريم بالمطبخ يجهزون للعشا م اتوقع يمدينا نسوي حلا
لين: هيا نروح بيتنا مافيه احد نسوي الحلا ونرجع
مُلاذ: والله فكره
الاء: ساره وريم تروحون معنا؟
ريم: والله مافيني ابي اكمل المسلسل قبل تجي امي وتشوفني م ذاكرت
الاء: وانتي ي ساره؟
ساره بحده: انا بروح اساعد امي والباقي
مُلاذ: طيب يالله بنات نروح قبل يأذن المغرب
لين: يالله
طلعوا متوجهين ل بيت ابو ذياب الي م كان فيه احد كانوا الكل عند الجد
دخلوا المطبخ وبدأو يسوون شويات واذن المغرب صلوا ورجعوا يسوون الحلا
لين: الاء امسكي الخلطه زين
الاء:طيب
مُلاذ وهي مركبه سماعاتها ورجعت ورا وانكبت خلطه الحلا على الاء من صدرها ل فخوذها
الاء: لاااا ي مُلاذ!!!
لين: اوففف
مُلاذ: والله م انتبهت!
لين: خلاص مو مشكله اطلعي تروشي فوق
الاء: في حمامك؟
لين: لا السخان حقي خربان بيطلع لك مويه بارد مره م بتتحملين روحي غرفه ذياب لان غرفه نايف يقفلها م يخليها مفتوحه *قالت كذا بس عشان تبي الاء تدخل غرفه ذياب ولا هي كانت تكذب بخصوص السخان وغرفه نايف*
الاء: طيب اعطيني ملابس حطيها عند باب الحمام
لين: طيب بس وانتي طالعه خذي منشفتي الثانيه الي م استخدمها شوفيها ورا باب غرفتي
الاء: طيب
لين: يالله سريع انا ومُلاذ بنرجع نسوي الخلطه ترا بنخلص كلشي ف نص ساعه
الاء: تمام ماني مطوله
طلعت فوق ومرت على غرفه لين واخذت المنشفه وراحت ل غرفه ذياب
فتحت باب الغرفه وجلست تتامل غرفته الي كانت ريحتها كلها عطر ذياب المعروف والي يميزه دايم
دخلت دوره المياه وبدأت تتروش
_______
<عند العيال ف الاسطبل>
ذياب كان راكب على الفهد ويدربه لانه من يوم م راح الحد محد درب الفهد
نايف: ي ذياب انت تبيها دفعه وحده شوي عليه المسكين
ذياب: مره ياخيي مدري شفيه كل م شاف السور لف عنه
نايف: طبيعي كم صارلك م دربته
ذياب: حوالي اسبوعين
فيصل وهو يضحك: ويقول اشفيه
نايف وهو يناظر الفهد بدأ يستجيب ل ذياب: شفه بدأ الموضوع يبي له صبر
ذياب وهو يهدي الفهد: والله خفت يكون معد يستجيب
فيصل: دخله المقصوره وهيا نصلي راح وقت الصلاه
ذياب: انا بروح اتروش واصلي هناك لاني بتاخر م اقدر اطلع الهوا وانا تو متروش
فيصل: طيب يالله رح
دخل البيت وسمع صوت لين ووحده معها ف المطبخ طلع فوق بدون صوت ودخل غرفته قفل الباب وراه واستغرب من سمع صوت الدش ووحده تغني ب حمامه رجع انظاره لسريره وكان عليه ملابس بنت
شك من الصوت انها الاء وابتسم بخفوت
انتظر لينن م خلصت وطلعت وهي لافه المنشفه على جسمها
كانت المنشفه ل فوق ركبتها وكاشفه رجولها من تحت
فتحت باب الحمام وطلعت وانصعقت من شافته قاعد على السرير
الاء: ذياب! خير اطلع
ذياب قام وقرب لها وابتسم بخبث: مو انتي الي جيتي ل غرفتي
الاء توسعت عيونها من فهمت نيته:انقلع من قدامي
ذياب حاوط خصرها وتقدم لها وهي ترجع ل ورا لينن م استوقفها الجدار وزاد قرب ذياب لها
الاء: ذياب مو منجدك ابعد!
ذياب: لاصرتي حلالي م ترديني صح؟
الاء: ترى للحين زعلانه من حركتك ف الاسطبل؟ قسم بالله حركات مالها داعي ولا لك حق حتى
ذياب ابتسم ونزل راسه ل مستوى وجهها وقرب يبوس شامتها الاء توسعت عيونها من قرب ذياب لها وحطت يدها على صدره تبعده قبل م تطبع بوسته فيها
ذياب بعد عنها وهمس: قريب لقانا
فصخ تيشرتيه قدامها ودخل الحمام تحت صدمتها ونظراتها له
خذت ملابسها وطلعت راحت غرفه لين ولبست هناك وهي فيها الفف شعور خايفهه من جرآه ذياب معها وايش بيصير لو تركت نفسها له وجته على وجهها من كثر م انها تهزم مشاعرها
قطع صوت افكارها صوت لين وهي تناديها
طلعت متوجهه للمطبخ
لين: ساعه؟
الاء: ترا نص ساعه بس؟
مُلاذ: باقي م سوينا القهوه قلنا ننتظر شوي عشان يبرد الحلا
لين: الاء لون وجهك مخطوف وش صاير؟
الاء: ابد ولاشي بس برد
لين: روحي اقعدي ف غرفتي عند الدفايه
الاء: ايوالله هذا الي احتاجه
طلعت متوجهه ل غرفه لين وشغلت الدفايه وجلست يمها ونست الباب مفتوح
_____
<عند العيال>
نايف:تأخر ذياب
فيصل: تموت لو تأخر؟
نايف: لاوالله بس نبي نطلع نفرفر شوي
فيصل: وانا معك اجل
نايف: احلف؟
فيصل: اذا الوضع فيه طلعه والله رجلي على رجلك يشيخ
نايف: بس المشكله جدي والله بيلعن خيرنا يقول سرابيت
ضحك فيصل بعلو صوته: معليك نخلي نواف يقنعه لانه اكبرنا وجدي يسمع له لانه اول حفيد له
نواف: احلف؟ بيقول حتى المعرس انظم ل مجموعه السرابيت
نايف وفيصل مالوا على بعض من الضحك
نواف وهو يضحك على اشكالهم: وربي صادق
نايف وهو يمسح دموعه من الضحك: معليك نقول له نروح نجيب اغراض للعزيمه بكره
فيصل: ايولله جبتها
نايف: شف العقل المفكر
نواف: انا اقول عقلك عقل مدمر مو مفكر
نايف: افا ليش
نواف: اذا قلنا لهم كذا وقتها بيخلونا صدق نشتريها يعني يكلمون امي وهي ترسل لنا الاشياء الناقصه
فيصل: كل م خيطناها من جهه انفتحت من جهه
نايف: خلاص ناخذها وش ورانا يعيال صدق اننا سرابيت
نواف: انطم اقول
فيصل هوا من طوله على الارض من كثر الضحك على مناقرات نايف ونواف
______
طلع من الحمام ولبس وصلى وهو مبتسم يتذكر ردود فعل الاء
طلع من غرفته بعد م لبس بنطلون ابيض وتيشرت ازرق وحط من عطره الي يميزه عن الكل
ناظر غرفه لين وانتبه ان فيه احد هناك كان يفكرها لين وتقدم دخل الغرفه شغل النور وانصدم من شاف الاء نايمه ف سبات عميق
من شغلت الدفايه ودفت على طول نامت لانها بعد الدوام م نامت
تقدم لها وهو مبتسم ونزل راسه لها وباس جبينها وجلس يتأملها
وهمس: كيف سرقتيني ي الاء وكيف اني كنت اجهل درب المحبه الي كان عندي ممنوع وم كنت أؤمن بالحب والحين صرت اخبره وعرفت ان الغرام يَمك غدا بقلبي مسموح
-
كانت لين تناظره وسمعت كلامه الي يقوله ل الاء وعرفت انه فعلا طاح بالحب
ابتسمت ورجعت للمطبخ بدون صوت
-
دق جوال و طلعه من جيبه ورد على نايف
نايف: ساعتين؟!!
ذياب: لا خلها ٣
نايف: اعجل بسرعه احنا تحت بنمشي ونخليك
ذياب: على وين
نايف: نفرفر قبل العشا
ذياب: طيب جاي
قفل جواله ونزل عيونه لها وغطاها
طلع من الغرفه متوجهه للعيال تحت
----
<عند لين ومُلاذ>
مُلاذ: وينها لولوي شفتيها؟
لين: طلعت ولقيتها نايمه
مُلاذ: صحيها يالله جهزت القهوه
لين: طيب
طلعت لين عند الاء وصحتها
قامت وهي فيها تعب الدنيا ، نزلت مع لين واخذوا الحلا والقهوه وطلعوا متوجهين ل بيت الجد
___
<في المجلس عند الحريم>
ام الاء: الاء اذا مره فيك نوم روحي نامي
الاء: لا بتعشى بعدها بنام هذا اذا م طار النوم
ام الاء: طيب
لين: شرايكم ناكل الحلا الحين؟
الاء: لا خليه بعد العشا نحلي وكذا
مُلاذ: ايه صادقه
لين: معليش م اقدر اقاوم حلاي
مُلاذ: ادعي لانتسمم بس
لين: شرايكم نروح الاسطبل العيال طلعوا
الاء: والله نفسي من زمان اركب الخيل بس م جت لي فرصه
مُلاذ: هيا بسرعه قبل تصيدنا جدتي
دخلوا مقصوره الخيل وطلعت الاء الفهد اكثر خيل تحبه لانه هادي ويستجيب للكل ركبت وبدأت تضرب على ظهره وبدأ يركض وينط فيها من على الحواجز كان عندها خبره في ركوب الخيل
كانوا البنات يناظرونها ويعززون لها
___
<عند العيال>
نايف: بنمشي ب سيارتك ي ذياب
ذياب: انقلع خذ سيارتك
نايف: سيارتي مخلصه بنزين
ذياب: طيب ثواني اجيب المفتاح واجي
دخل الحوش ولفت انتباهه صوت تعزيز البنات وصوت لين وهي تقول" ايه ي بنت عبدالله شدي"
تقدم للاسطبل وانصدم من شافها تنط ب الفهد من على الحواجز وكأن لها خبره سنوات في ركوب الخيل
ظل يتأملها ويتأملها بدون طفش
قطع تأمله صوت جواله وهو يدق
رجع ل ورا ورد
نايف: تستهبل انت؟
ذياب: خلاص اسكت جاي
قفل منه ودخل البيت اخذ مفتاح سيارته وطلع متوجهه للعيال
ركبوا العيال معه وطلعوا من بيوت ال زايد
_______
رجعوا العيال وتعشوا ولقموا شويه تهزيئ من الجد بسبب تأخرهم
الاء تعشت وحلت شوي مع لين ومُلاذ من الحلا الي سووه بعدها رجعت البيت نامت على طول
الكل رجع بيته وانطفت الانوار في بيوت ال زايد معلنين انتهاء ليلتهم
-
<عند ذياب الساعه ٢>
كان جالس بغرفته وهو يفكر ب الاء
الاء وبس الي مستحله تفكيره
دخل الواتس وشاف ظهورها قبل ساعتين
ارسل لها"كيفك" انتظر دقيقه ودقيقتين وثلاث ولا وصله رد عرف انها نايمه وقفل جواله حطه جنبه وهو يفكر فيها وبس
--
<عند الاء>
فتحت عيونها بهدوء وناظرت الساعه قامت تغسل وجهها وفتحت شنطتها على اساس تجهز للدوام
التفتت ل جوالها ودخلت الواتس شافت رسالته وردت عليه" بخير"
-
كان جالس يقلب ب جواله من طفش وفز قلبه من شافها ارسلت له
رد عليها:صحيتي؟
الاء: ايه
ذياب وهو يتذكر شكلها على الخيل كتب
"وانا بحب الخيل ومن عليه مفتون"
الاء ابتسمت من عرفت انه يقصدها وقفلت جوالها وخلت رسالته بدون رد وكملت مذاكرتها
--
(الويكند ذا مرهه م امداني اكتب
عطوها حقها وبنكمل انشاءالله)
أنت تقرأ
الغرام يمَك غدا بقلبي مسموح
General Fictionتعلقت بك ولا ودي بيوم تروح لقيتك بك الزين وجميع امالي.
