بعد م طلعت الاء من الاسطبل توجهت للبنات وهي فيها الف شعور ، خايفه تروح وتشوفهم ساره وخايفه تبقى ويروح ذياب من بين يدينها و... قطع صوت افكارها نداء لين لها
ناظرت وراها وابتسمت وهي تشوف لين حامله سله العيديات حقتها ، ابتسمت ونطقت: متحمسه للعيد ؟
لين: ايوربي، بعدين تعالي ! وشفيك مضيمه؟
الاء تنهدت وناظرت مُلاذ الي جلست يمها، اخذت نفس عميق ونطقت: ذياب كلمني
لين: وش قال لك ؟
مُلاذ: قولي
الاء: قال اذا انا لساتني احبه ف بروح له بكره صباح العيد ف الاسطبل وان م جيت وقتها هذا يعتبره رفض نهائي وكلن يشوف حياته وطريقه
لين: طيب روحي !
الاء: خايفه تشوفنا ساره ووقتها تفضحنا صدق !
مُلاذ: يشيخه معليك انتي روحي وانا وليني نشغل ساره الين م ترجعين !
لين: مع انها قالت ندمانه وكذا بس م بصدقها، وتم بنشغلها وانتي روحي ل ذياب
الاء ضحكت ونطقت: بالله وين بلاقي زيكم !
ابتسمت مُلاذ وتقدمت تحضن الاء وبعدها لين ناظرتهم وحضنت الاء ومُلاذ سوا
-
اذن الفجر ولبسوا آل زايد وطلعوا يصلون صلاه العيد،
البنات لبسوا وتجهزوا واجتمعوا ببيت الجد الي تفوح فيه ريحه العوده والقهوه ، ريتاج ناظرت البنات ونطقت: كل وحده تقول الزين عندي ! ،، ابتسمت الاء وناظرت نفسها بالمرايه وهي لابسه فستان ابيض مكشوف ظهره ومخصر عليها ويرسم جسمها ، وشعرها سوته ويفي وسوت مكيب خفيف يبرز ملامحها الهاديه ،
طبطبت بالروج على شفايفها وابتسمت تناظر لين ومُلاذ
تقدمت لين ونطقت: ترا قربوا يجون الرجال من الصلاه !
الاء: متوتره
مُلاذ: معليك احنا بنصرف ساره وانتي روحي انقذي غرامكم الي بقى ناقص !
الاء ابتسمت واخذت شنطتها وطلعت برا تتصور
-
وصلوا الرجال ودخلوا كلهم المجلس الا ذياب الي على طول راح للاسطبل، وقف عند مقصوره الفهد وهو منزل راسه على جواله ،
الاء لمحته يوم دخل الاسطبل، تنهدت واخذت عبايتها ولبستها وطلعت ،
ذياب رفع راسه وتجمد بمكانه من شافها جايه له وعبايتها مفتوحه من قدام وفستانها وخصرها واضحه له
ابتسم وتقدمت له الاء ومسك يدها
ونطق:"
ياويل حالي جيتني واليوم عيد
عقب البطى يامرحبا ياغلى الوجيه
العيد بعد اعياد ربي شوفتك
بد الوصال في العيد للي يحتريه
فنانه عيونك ليا لديتها صوبي
وقلبي لي لك من اشواقي لبيه
واذ لمحت احد يلد لك النظر
اقول ويش ذا يبغي منك لعن بيه
..
الاء ابتسمت وشدت على يده ونطقت: من العايدين
ذياب ناظرها ونطق: العايدين ان قلتها لي قلت لك الععيد خدك حظ من عيد عليه !
الاء ضحكت وناظرته، ذياب تنهد ونطق: انتي اول وحده اعايدك ! ، مد يده يسحب يدها ووقف قدام مقصوره الابهر وناظر الابهر ثواني ونطق : ي اول اسباب طيحتي !
الاء تذكرت يوم هاج فيها الابهر وضحكت بفشله
ذياب ابتسم ووقف عند الفهد ووقفت هي معه والفهد قدامهم
الفهد ابيض وذياب لون ثوبه ابيض والاء لون فستانها ابيض !
كان منظرهم مختلف تمام بعيون لين الي كانت تصور كلشي
الاء ابتسمت ونطقت: برجع جوا
ذياب: قلت ابشري ب مبتغاك صح؟
الاء بأستغراب: ايه
ذياب: ابرجع وتقدم لك مره ومرتين وثلاث الين م تجيني انتي وتقولين موافقه عليك ي ذياب !
الاء: موافقه عليك ي بن خالد !
ذياب اخذ نفس عميق وتقدم يبوس خدها ومشى يضحك
ابتسمت الاء وطلعت من الاسطبل وشهقت من شافت لين
لين ضحكت ونطقت: رومنسيه زايده !!
الاء: خلاص اسكتي لاتفضحينا
لين: م توقعت اخوي خفيف كذا
الاء بثقه: انا الاء ! مين الي م يطيح لي !
مُلاذ من وراهم: اقول بسرعه ادخلوا ساره بتداهمنا
ضحكوا البنات ودخلوا داخل وكل وحده بفرحتها
-
ابتداء عيدهم وكل مستانس بدون استثناء احد، عيد مختلف على آل زايد ، حلو ومليان ايجابيه مثل حياتهم ،
اذن الظهر والكل رجع بيته وبدأت غيبوبه العيد عند الكل
مرت الساعات وجت الساعه 4 العصر ، قاموا العيال وعلى طول لبسوا وطلعوا ، الي يرتب الفرش للرجال والي يودي الذبايح والي يبخر ، اما البنات قاموا وتكشخوا وبعدها طلعوا متوجهين لبيت الجد زايد وهم بكامل زينتهم ،
دخلت لين وسلمت على جدتها وكأنها م سلمت عليها الصباح ،
الجده: غبيه
ضحكت لين ونطقت: فيه حلا ؟
ام ذياب: ايه فيه شوفيه بالمطبخ بس لاتاكلينه كله بقي للضيوف
لين هزت راسها ودخلت المطبخ وهي بكامل زينتها ، كانت لابسه فستان كساه اللون البنفسجي الفاتح وكعب ابيض ورافعه خصلتين من شعرها ل فوق والباقي تركته منسدل على ظهرها وحطت ميكب خفيف م زادها الا جمال ،،
تقدمت للثلاجه وطلعت كاسات الحلا واخذت كاسه صغيره وملعقه وبدأت تاكل ،
فيصل رجع من المسلخ هو معه اكياس وكراتين العصير ، ودخل من الباب الخلفي للمطبخ ووقف بمكانه من شافها على جنب وهي كأنها ملاك قدامه !
لين فزت من شافته واقف عند الباب ويطالع لها وماسك الكرتون ، كان لابس ثوب ابيض ورابطه على خصره ولابس مسدس على ظهره ومتلطم ب شماغه ، وقفت مكانها وهي تتأمل شكله وطوله وجمال عيونه وكأنها اول مره تشوف فيصل ! ، فيصل شاف انها طالت النظر له
وابتسم بخبث ونطق: معشوقتي !
لين استوعب وصدت وجهها عنه وطلعت من المطبخ وهي مبتسمه ، فيصل ضحك بخفه ونزل الكراتين وهو مبتسم ويتذكر شكلها ،
طلعت لين ورجعت للبنات وارتمت على رجول الاء بفشله
الاء ضحكت ونطقت: شفيك !
لين بهمس: شافني فيصل
مُلاذ:صار عيده عيدين
ضحكت لين ونطقت: اوفف يبنات لو شفتوا شكله !!
مُلاذ رفعت حواجبها ونطقت: طحتي !
لين: معليش بس يههبلل
الاء: ترا منزمان طايحه بس م تبي تصارح نفسها !
ابتسمت لين ونطقت: يمكن
ضحكوا البنات وقاموا يطلعون برا
-
دخل نواف للعيال واشر لهم يجونه، قاموا العيال ذياب وفيصل ونايف مشوا وراه ودخلوا الاسطبل وهم مستغربين،
نواف ابتسم ونطق: العيد ذا فيه شخصيه جديده
نايف بصراخ: شريت خخيلل ؟؟؟
نواف: ايه
ذياب: وينه ؟
نواف ناظر المقصوره الي طلع منها خيله الجديد "الجازي"
ذياب: تبارك الله
فيصل: وش اسمه؟
ابتسم نواف وهو يناظر الخيل ونطق: الجازي
نايف: غدا عيدك عيدين
ضحك نواف وهو يتذكر ريتاج وغمز: ثلاثه
فيصل: عقبالنا
ذياب ناظر فيصل ونطق: عندي انت
نايف: وش علمكم
ذياب بضحكه: سلامتك
تقدموا العيال للجازي وهم يمسحون على ظهره ومستانسين فيه بعد دقايق نواف رجع الجازي للمقصوره والتفت على العيال ونطق: نرجع؟
فيصل: يالله
-
بعد م الكل تعشى بدأت سمرتهم والكل مستانس حرفيا
ذياب ناظر ابوه ونطق: يبه
ابو ذياب: سم
ذياب: بخطب
ابو ذياب: ابشر بس مين؟
ذياب بهدوء:بنت عمي عبدالله
ابو ذياب ضحك ونطق: توها رفضتك ف بدايه رمضان !
ذياب: يبه تكفى بحاول ذي المره بعدها خلاص
ابو ذياب: كلم عمك عبدالله على جنب واذا وافقت عليك وقتها علم الكل،
ذياب ناظر عمه عبدالله ورجع يناظر العيال وقام توجه جلس يم عبدالله ونطق: ي عم
ابو الاء: سم ي ذياب
ذياب: ب اكلمك ف موضوع
ابو الاء: تم
-
الجده كانت تناظر البنات وهم يرقصون ويضحكون ابتسمت ونطقت: يارب اشوفكم عرايس
ندى: لا ي جده عادنا باقي صغار
ريم ضحكت وهي تتذكر اعتراف مطلق لها ونطقت: القلب لا حب حب !
لين بصراخ: ععاااش !
ضحكوا البنات بعلوا صوتهم ونطقت مُلاذ: اتفق
الجده: علومكم م تطمن
الاء: معليك ي جده كلشي تمام
لين تقدمت و همست ل الاء: ذياب بيتقدم لك ؟
الاء: ايه بس مو الحين
مُلاذ:وناسهه
-
ابو الاء: بس ي ذياب البنت تو رفضت ف بدايه رمضان !
ذياب: ي عم تكفى حاول هالمره بعدها خلاص
ابو الاء: واضح نيتك زينه لذلك م بردك ي عين عمك وابشر
ذياب ابتسم ونطق:اطلق عم !
ضحك ابو الاء وطلع متوجه لقسم الحريم ونطق: الاء
الاء كانت تسولف مع لين ومُلاذ ولفت على صوت ابوها ونطقت:جايه
مشت ودخلت المجلس، ولين ومُلاذ جلسوا واقفين عند الباب يتسمعون
الاء تقدمت ل ابوها ونطقت: سم يبه
ابو الاء بهدوء: سم الله عدوينك ي بنتي
الاء ابتسمت: آمرني
ابو الاء: والله ي بنتي مدري اذا الموضوع يضايقك او لا لكن انشاءالله خير
الاء بتوتر: انشاءالله خير يبه
ابو الاء: ذياب ولد عمك خالد متقدم لك وشوفي انا م بضغط عليك القرار قرارك وانتي بكيفك لكن هذي المره النهائيه ي رفض نهائي او خلاص كلن يشوف طريقه ،
الاء ارتبكت اكثر ونطقت: بستخير وبردلك
ابو الاء بهدوء: متأكد م بلاقي مثل ذياب
الاء ابتسمت بهدوء ونطقت: اذا استخرت علمت امي
ابوالاء ابتسم وباس راس بنته وطلع
لين ومُلاذ دخلوا المجلس وهم يضحكون
ونطقت لين: ي انه خفيف !!
مُلاذ ضحكت ونطقت: من يلومه؟
لين: اتوقع بتوافقين بدون استخاره
مُلاذ: ايه كانت تقول استخاره ويعنني تبعد الشبهات عنها
الاء ضحكت ونطقت: برد لهم بكره يعنني ثقل ومحتاره وكذا
ضحكوا البنات ورجعوا كملوا طقطقه وسوالف . .
-
ريتاج لفت على صوت نواف ونطقت: لبيه
نواف من ورا الباب: فاضيه ريتاجي ؟
ريتاج ابتسمت ونطقت: ايه
نواف: تعالي الاسطبل
ريتاج رجعت خطواتها ورا واخذت جلال الصلاه ولبسته وطلعت متوجهه للاسطبل دخلت وكان نواف واقف ومبتسم، ابتسمت وقربت له ونطقت: سم
نواف ناظر مقصوره الجازي ومسك يد ريتاج ووقف عند الباب
ريتاج ناظرت الجازي ب استغراب ونطقت: خيل مين؟
نواف: اخبرك تحبين ركوب الخيل؟
ريتاج: ايه
نواف: كل واحد من العيال له خيل وانا اليوم جبت هذا الخيل لي انا وانتي ،
ريتاج قربت وحضنته ونطقت: اخيرا امنيتي تحققت
نواف ابتسم وكملت ريتاج: وش اسمه
نواف بهدوء: الجازي
ريتاج ابتسمت ونطقت: صار عيدنا عيدين
نواف: وجودك يمي عيد !
ريتاج: والبيبي ؟
نواف ضحك وباس راس ريتاج ونطق: حتى هو عيد
ابتسمت ريتاج ب رضا وهي تناظر الجازي
-
الجد: نايف شيل البيلات واغسلها وجيبها بسرعه و سو شاهي
نايف: ي جد كثيره خل فيصل يساعدني
فيصل: يشيخ دز امها
الجد: نايف شيلها بالصحن ولا يكثر
ابو ذياب ضحك ونطق: يالله قبل يستلمك
نايف تنهد واخذ الصحن وجمع فيه البيلات ودخل من الباب الخلفي للمطبخ ، كان رابط الثوب على خصره وسلاحه على ظهره وهو يغني ، لف على صوت الباب ودخلت مُلاذ وهي منزله راسها للجوال، ابتسم نايف ونطق: انشهد انك العيد بنفسه !
فزت مُلاذ وصدت وهي مبتسمه، قرب نايف لها وهو صاد
ونطق: مُلاذي
مُلاذ: سم
نايف: احبك
مُلاذ: البشريه درت
نايف ضحك وطلع من جيبه 200 ريال ومد يدها وحطها بين كفوفها وابتسم ونطق: هذي عيديتك
شدت مُلاذ على يده وفزت من سمعت صوت واخذت العيديه وحطتها بصدرها وطلعت
ضحك نايف ورجع يحط سكر على الشاهي
-
انتهت ليلتهم وكانت جدا مختلفه للجميع ليله حلوه ومليانه ايجابيه ، انتهت ليلتهم ب خطبه ذياب ل الاء بنت عبدالله . .
ناموا الكل ب تعبهم وصحوا الساعه 10 ،
"ثاني ايام العيد"
كان يوم مختلف بكل تفاصليه ، الجد عازم اهل ريتاج والجيران ب أكملهم وبرضوا قال للعيال يعزمون الي يبون ذياب عزم ناصر واهله ونواف عزم مطلق واهله ، عزيمه كبيره والكل محتاس لها وريحه البيت عوده وقهوه عربيه ، البنات تجمعوا كلهم عند لين يتجهزون هناك وكان الوضع حوسه بما تعنيه الكلمه ، تنهدت لين ونطقت: بناتت ! الي جهزت تروح تساعد امي والبقيه
ساره: انا خلصت
ندى: وانا خلصت
مُلاذ: انا بروح اخذ شاور
البنات طاحوا يضحكون على برودها
ونطقت الاء: انتي عالم ثاني
مُلاذ ضحكت ونطقت: ريم خلصتي
ريم: ايه
مُلاذ: جيبي فستاني من البيت
ريم تنهدت: طيب
طلعوا ريم وساره وندى ومُلاذ دخلت تاخذ شاور ولين والاء كملوا يتجهزون
-
الجد: ي نواف ود الذبايح المطعم وانت ي فيصل وذياب عليكم الزوليات وانت ي نايف نظف المجلس وبخره
انتشروا العيال ف شغلهم وهم ميتين نوم
ذياب: شيل الزوليه ي حمار اخلص احرقتنا الشمس
فيصل: يشيخ اسكت زوليه وش كبرها وتبيني اشيلها لحالي !
ذياب: اخلص
نواف من وراهم: احمدوا ربكم مو عليكم الذبايح
فيصل ابتسم: تتخطى
ذياب: احرقتنا الشمس ي مسلم
فيصل ضحك وشال الزوليه مع ذياب وطلعوها للحوش
بعد ساعه خلصوا العيال شغلهم ودخل ذياب ياخذ شاور ونايف جلس يسولف مع عماته ،
الاء تنهدت ونطقت: اخيرا خلصتت !
لين: وناسه حتنى
الاء: البسي فستانك ويالله تأخرنا عليهم
لين: بلبس واجي
مُلاذ: انتظروني طيب
لين: بسرعه
الاء تقدمت واخذت عبايتها وطلعت ،
كانت تمشي وهي منزله راسها لجوالها ، شافها ذياب وابتسم وسحبها ل غرفته وقفل الباب ، الاء فزت ونطقت: ذياب خير !!
ذياب ضحك ونطق: مالي نصيب من الكشخه !
الاء م ردت وكمل ذياب: وافقتي؟
الاء وهي صاده: ايه
ذياب: اخيرا بتصيرين حلالي !
ابتسمت الاء وكمل ذياب: العيد بعد اعياد ربي شوفتك !
الاء ابتسمت وطلعت وضحك ذياب ورجع يجهز ملابسه وكشخته . .
(وححشششتتتونيي😔! ادري تأخرت عليكم بس م كانت ظروفي تسمح لي اني اكتب لكم ابد🫣 والبارت شوي قصير لكن شسوي ماقد تجهزت ولا سويت شي والوضع حوسه، اكتب لكم والماسك بوجهي😭😭
المهم كل ععام وانتوا بخير يارب ومن العايدين ي اجمل قُراء💘. و تعالوا يبنات انستا وروني كشختكم رابط حسابي تلاقونه ف ملفي التعريفي هنا بالواتباد وقراءه مُمتعه🫶🏻💘💘💘)
أنت تقرأ
الغرام يمَك غدا بقلبي مسموح
General Fictionتعلقت بك ولا ودي بيوم تروح لقيتك بك الزين وجميع امالي.
