<يوم جديد على معاريسنا>
فتح نواف عيونه بتعب وفز من شاف الساعه ٩ ونطق: ريتاج
ريتاج كانت في سُبات عميقق من النوم
رجع نواف يهمس ب اسمها الين م صحت ونطقت: هلا نواف
نواف: طيارتنا الساعه ١١ يالله باقي ساعه
ريتاج فزت وقامت رتبت الاغراض واخذت شاور عشان تصحصح ولبست عبايتها وطلعت وهي للحين مجتاحتها مشاعر الخوف والتوتر وخصوصا انه للحين م صار بينهم شي
طلعوا من الفندق متوجهين للمطار
______
طقوس يوم الجمعه معروفه في بيت الجد زايد وهو الكل يقوم الساعه ٩ ويجلسون يفطرون ويسولفون وبعدها يتجهزون ويطلعون كل الرجال يصلون الجمعه
__
كانوا جالسين بالمجلس الاحفاد وابائهم والجد ويسولفون
الجد: مكان نواف كبير
ابو ذياب: ايوالله الله يحفظه
ابو فيصل التفت وناظر الثلاثه الجالسين بزاويه ذياب وفيصل ونايف وكانوا شغالين حش
ابتسم ونطق: وانتوا ي الثلاثه متى ناوين تعرسون ونفرح فيكم
فيصل: باقي مطولين
نايف: ايه
ابو ذياب: انت ي نايف دور لك وظيفه ب الاول بعدين تكلم
نايف: سماجه ي يبه جلسه البيت زينه
ابو ذياب: ذياب؟
ذياب: سم يبه
ابو ذياب: شف ل اخوك وظيفه
ذياب: ابشر
نايف: ابي اشتغل ف الشركه حقت جدي لان القطاع الععسكري مره ماني قده
الجد ضحك ونطق: اهمشي انك معترف
ابو فيصل : مرنا بكره وبنكمل اوراقك انا وابو ذياب
*كان ابو فيصل وابو ذياب شغالين ف الشركه حقت ابوهم وابو الاء ف القطاع العسكري*
ابو ذياب: كمل اوراقه ي ابو فيصل وحطه تحت ف قسم المحاسبه والمراجعه واذا شفته انجز وكان قدها وقتها نخليه يمسك مشاريع واقسام
نايف: والله ماني مستعد
فيصل: قلت لك خلص الجامعه بس م سمعت لي
نايف: م صدقت على الله اني خلصت الثانوي تبيني اكمل الجامعه؟
ذياب: انت طول عمرك كسول مدري متى يجي اليوم الي اشوفك فيه نشيط
نايف بهمس: اذا تزوجت ب محبوبتي
فيصل: الله يصبر قلبها
ضحكوا العيال بصوت عالي وطردهم الجد برا المجلس
م كان عندهم حل الا انهم يدخلون ويجلسون مع الجده
__
كانوا الحريم جالسين بالمجلس ومستمعين ل سوالف الجده وبنص الحكي وصلهم صوت فيصل وهو يقول: يولد طريق نبي جدتي
ام ذياب لفت على البنات ونطقت: اطلعوا بيدخلون
ريم: ي انهم نشبه
لين: ايوربي
الاء:تعالوا نجلس بالمطبخ
مُلاذ: يالله
قاموا البنات ودخلوا المطبخ
وبعدهم دخلوا العيال وحاوطوا الجده ونطق نايف: اححلى من الف حضن
فيصل غمز له بمعنى" يعني حتى احلى من حضن محبوبتك؟"
نايف ضحك وضحك بعد ذياب واعتلت اصواتهم
حصه: صدقوني علومهم م تعجبني
ذياب: افا ي عمه
نايف: احنا طايحين من عيون الكل
فيصل: انت يمكن بس احنا لا
الجده : كلكم والله
نايف بصياح: اللققققممم!
تعالت اصوات ضحكاتهم وكان ذياب يضحك بدون توقف وصوت ضحكته وصل البنات ف المطبخ وابتسمت الاء وصدت وهي تصب شاهي
قربت لين وهمست: تضحكين وانتي م تدرين وش السالفه
الاء بهمس: اكيد دام ذيابي ضحك اكيد انها تضحك
مُلاذ من وراهم: ععشنا
_
طلعوا العيال وكل واحد توجه لبيتهم وجهزوا وطلعوا لصلاه الجمعه
_________
<في ألمانيا عند ريتاج ونواف>
نزلوا من الطائره متوجهين للفندق وبعد ساعه وصلوا
دخلوا الجناح الخاص فيهم ونزلت ريتاج عبايتها بتعب ولفت على نواف وهو يقول: تبين نطلع نتمشى الحين؟
ريتاج بهمس: لا تعبانه والله
نواف قرب لها وهو يحاوطها بكل مافيها: تبين المستشفى؟
ريتاج بتوتر: لا بس تعبانه بعد الطائره
نواف ابتسم وقرب وقُبلها بهدوء وابتعد ونطق: بعمري
ابتسمت ريتاج ورفعت يدينها وحاوطت رقبته
ورجع نواف يقبلها مره ثانيه وحاوط خصرها وو......
وانكتب على اراضي ألمانيا ان
"ريتاج اصبحت حُرم نواف بن سعيد"
___
<العصر في بيوت آل زايد>
كانوا كلهم متجمعين الرجال بالحوش والحريم بالمجلس
لف ذياب على نايف ونطق: طفش
نايف: ي حظ نواف اعرس وانشغل بحياته
فيصل: محظوظ
ذياب: باقي شوي وتحسدون ولد عمتكم! وجع اذكروا الله
فيصل: طيب طفش
نايف: شرايكم نطلع البر
فيصل: الحين؟ باقي ساعه ويأذن المغرب والبر بعيد
ذياب: نشاورهم الحين ونمشي بكره
نايف: من الحين انا م بكلمهم ولا بقول شي يكفي اني عطيتكم فكره البر
فيصل: خلاص انا بكلم جدي وعماني
ذياب: يالله
لفوا على جدهم ونطق فيصل: ي جد
الجد زايد: سم ي فيصل
فيصل: والله تونا مأجزين من الدراسه والوضع طفش نبي نطلع البر يومين ثلاثه وبعدها نرجع
ابو ذياب: الوقت ماش
ابو فيصل: بكره تمام الحين لا
الجد بأبستامه: طيب ي فيصل م يصير خاطرك الا طيب، بلغوا الحريم عشان يجهزون الاغراض وبكره نمشي
نايف قرب ل ذياب ونطق: شف فيصل جايب روسهم
ذياب: ايه كفو مو زيك
فيصل: خلك كفو
نايف: اقول اسكت ولايكثر الحكي ي بعّدي
ذياب: باقي ساعه على دوامي استأذنكم
الكل : الله معك
_________
<ف الليل الساعه ١٠ بعد م تعشوا>
كانوا الثُلاثي جالسين بالاسطبل ويسولفون
مُلاذ: احسد اخوي نواف
لين: ي مسلمه اعتقيه لوجه الله
مُلاذ: ماعد ابي ادرس ابي اتزوج
الاء بضحكه: نايف؟
مُلاذ بحيا: تراكم رابطين اسمي ب اسمه م تدرون يمكن اتزوج واحد ثاني
لين: ي حبيبي من الحين اقولك الله يعينك عليه
الاء: واضح لين حايمه كبدها من نيوف!
مُلاذ: انا الي يحق لي اقول نيوف؟
لين:وجعاه عليكم الاثنين
الاء: بروح اجيب قهوه
لين: مُلاذ ساعديها انا مافيني اقوم
مُلاذ: طيب
قاموا الاء ومُلاذ وطلعوا من الاسطبل وبقت لين تمددت على التراب واخذت نفس عميق
_
فيصل كان مع العيال وطلع من جاه اتصال ودخل الاسطبل لانه اكثر مكان فيه هدوء ومافيه ازعاج ، كمل المكالمه ولمح زول بنت وفكرها ساره اخته او ريم، تقدم من وراها ونطق: ساره؟
لين فزت وهي تناظره: وجعاه
فيصل كان يتأمل كل أنش فيها ابتسم بخفه وصد بعيونه
لين استوعبت وصدت عنه ونطقت: ماني ساره
فيصل بأبتسامه: شفيك هنا
لين بتوتر: الجو مطر وهوا بارد وتبيني اجلس بالبيت؟
فيصل: لين
لين كانت متعوده تقول للكل لبيه، نطقت وهي صاده : لبيه
فيصل فز قلبه من الكلمه ونطق: يويل حالي ي ليني!
لين: ايش؟
فيصل استوعب على نفسه وقام بدون لايرد عليها وطلع من الاسطبل، لين تنهدت وابتسمت بخفه ونطقت: ليني؟ انا لينه! لايكون طاح؟ بس ي للامانه حلو و.... قاطع صوت افكارها البنات وهم داخلين ومعهم ساره وندى وريم
تقدموا البنات وحطوا القهوه والاغراض وتقدمت لين وشربت قهوه وهي متجاهله شعور قلبها الي بدأ يميل ل فيصل من فتره بس كانت متجاهله شعورها ولا زالت تتجاهل
______
نايف: يعيال طفش
ذياب: وربي صدق
نايف: هيا نطلع نفرفر
فيصل: والله م يخلينا جدي انت شايف الجو كيف امطار؟ م اتوقع يخلينا
ذياب: ايوالله
نايف: هيا الاسطبل ندرب الخيول؟ انا الابهر وذياب الفهد وانت ي فيصل النافل
فيصل: البنات جالسين هناك
نايف: شدراك
فيصل: سمعت اصواتهم يوم كنت اكلم
ذياب: بدق على لين تقولهم يرجعون نبي نطلع احنا
نايف: يالله
ذياب طلع جواله من جيبه ودق على لين ووصله صوتها وهي تقول: هلا ذياب
ذياب: انتوا ب الاسطبل؟
لين: ايه ،ليه؟
ذياب: ارجعوا البيت نبي ندرب الخيول
لين: شويه خلك على الخط
حطته ميوت ولفت للبنات ونطقت: بنات يبون يدربون الخيول
مُلاذ: والله م اقوم
الاء: حتنى معليش يعني بس جوا طفش!
ريم: بنات نجيب جلالتنا حقت الصلاه ونجلس هنا ونناظرهم كيف يدربونها!
ندى: ياععيني على الفكره
ضحكت ريم ونطقت: بروح انا وندى نجيب الجلالات انتظروا هنا
لين : تمام، مدت جوالها ل اذنها ونطقت: ذياب
ذياب: سمي
لين: بنجيب جلالاتنا ونجلس نطالعكم كيف تدربونها
ذياب ابتسم ونطق: تمام ارسلي لي اذا خلاص صرتوا جاهزين عشان ندخل
-
بعد دقايق لبسوا البنات جلالاتهم ودخلوا نايف وذياب وفيصل وكل واحد طلع خيله وبدأ يدربه
بععد ٣٠ دقيقه من التدريب نزلوا بتعب ونطق ذياب: يالله مسابقه ؟ عشان نشوف مين الي استجاب للتدريب
فيصل ابتسم ونطق: يالله
نايف: الابهر الي يفوز
ذياب: الفهد م عليه كلام!
تقدموا وكل واحد ركب خيله وصفرت صافره البدايه من ععند لين، بدأوا يتسابقون لين كانت مبتسمه وهي تناظر فيصل الي كان لابس ثوب اسود ورافعه ورابطه على بطنه ومتلطم بشماغ ابيض وكان على النافل يسابق ذياب ويضحك بعلو صوته كل م تعدا ذياب وحشره، ابتسمت بخفه ونطقت ف قلبها: يويل ققلبي ي فيصل !
بععد دقايق صفرت لين معلنه انتهاء الشوط ونزلوا من على الخيول وانتهى الشوط ب فوز ذياب كالعاده
ابتسم ذياب من تعزيز العيال ورفع نظره ل الاء وابتسم بخفه ونطق: ماهي جديده عليي !
فيصل: انشهد
نايف: الابهر وبس!
فيصل: اذكرك يحبيبي انك المركز الثالث ولا م يحتاج؟
نايف وهو يدخل الابهر للمقصوره: اسكت ي فيصل
-
ساره ابتسمت ونطقت: صدق ماهي جديده على ذياب !
ندى: من صغره يحب الخيل ودي اصير مثله
ساره: يبيلك فتره
لين: طبعا ماهي جديده على ذيابي
الاء ضحكت ونطقت: فععلاً
لين: ي نوم ععيني ي لولوي !
ساره ناظرتهم بحده ونطقت: الاء انتي بفريق مين؟
الاء ابتسمت بخبث ونطقت : ذياب طبعا
مُلاذ: ععشنا
ساره: وليه ذياب
لين بضحكه: والله لو انه تحقيق ، طبعا بتتضامن معي وتشجع ذياب
الاء: ايه م اخليك ي ليني
لين ارتبكت من قالت الاء ليني وتذكرت فيصل حست
ان اسم " ليني" متعلقق فيه لانها اول مره تسمع فيصل يقولها كذا ، صدت وابتسمت وناظرت العيال وهم طالعين من الاسطبل
لفت للبنات ونطقت: خلاص افصخوا الجلالات طلعوا العيال
ساره: بقوم انا
ندى: ليه
ساره: مصدعه بنام ،
وقامت طلعت من الاسطبل
ريم: وانا والله بقوم بروح اكلم نواف وريتاج و انشب لهم اخليهم يجيبون لي هدايا من ألمانيا
ندى: كيف كانت علاقتك فيها قبل يخطبها نواف
ريم: هي بنت عمي قبل يخطبها نواف ف كنا نتواصل معها دايم ونتقابل بعض الاحيان في كوفي
ندى: يزينها مره تهبل
الاء: ايه هاديه مره ماهي دبشه زينا مالت علينا
لين: ايوربي
مُلاذ: بنهكرها نخليها زينا
ضحكوا البنات ونطقت ريم: والله يبنات م تعرفونها ترا ذاك اليوم كانت مستحيه منكم خلوها تتعود وتمون والله انها نفس دباشتنا بالضبط
الاء: عضو جديد ينظم لشلتنا
لين: وناسهه!
ندى: خلصت القهوه
ريم: صدقوني م خلصها الا مُلاذ
مُلاذ وهي تتقهوى : كذابه
الاء بضحكه: اوفف والجحده
لين: طيب خلاص بقوم بجيب انا
قامت لين متوجهه للمطبخ الجده ودخلت من الباب الخلفي ودخلت المطبخ وهي تناظر ورها خايفه يجي احد من العيال
تقدمت اكثر وارتطمت بجسد فيصل و تعثرت وكانت بتطيح ل ورا، الا انه مسكها فيصل من خصرها وشدها له اكثر كانت قريبه منه لدرجه ان فيصل مسك نفسه عنها بصعوبه بعد م داهمه ريحه عطرها العععذب الي يأسر القلب !
بعدها عنه بهدوء ووقف من نشبت احد خصل شعرها ب زرار ثوبه ، ارتبكت لين اكثر وهي تقول بنفسها ليتني م فصخت الجلال !، ابعدت بسرعه وانقطع بعض من شعرها وجلس ناشب ب زرار ثوب فيصل، صدت وطلعت من المطبخ دخلت الصاله،
فيصل ابتسم وابعد شعرها من ثوبه واخذ كاس مويه وهو مو بوععيه بعد منظر لينن المُغغري الي كانت فيه لابسه بلوزه تكشف يدينها وشوي من صدرها وبنطلون كان راسم خصرها وضيق ، تنهد واخذ اغراض الشاهي وطلع من المطبخ
__
لين دخلت احد الغرفه ببيت الجده ومسكت على قلبها وكانت تتنفس بسرعه، رفعت شعرها ولمته وجلست شوي لحد م هدت وطلعت غسلت وجهها وجددت روجها وعطرها وطلعت اخذت القهوه ورجعت للبنات
____
<في ألمانيا>
نواف وريتاج كانوا جالسين على البحر جلسه كلها ححب ومشاععر، ابتسم نواف وهو يناظر ريتاح ونطق: ريتاجي !
ريتاج: لبيه
نواف: يويل قلبي
ريتاج ضحكت ونطقت: بسم الله عليه
نواف ابتسم وتقدم يبوس عيونها ونطق: ي اول اسباب طيحتي!
ريتاج: كيف؟ عيوني الي خلتك تحبني؟
نواف ابتسم واخذ نفس ونطق: اذكر بعزا ابوي كنت اشوفك كل م جيتي تعطينا الاكل والقهوه وكنتي متلثمه ب طرحتك ومو مبين الا عيونك كانت عععيونك تأسرني ! حبيتك بالخفا ودعيت بكل الليالي انك تكونين حلالي عشت الغغرام وانتي بعيده عني بس انه كان بقلبي مسموح
ريتاج ابتسمت برضا وتقدمت تحضن نواف ونطقت: اححبك منزمان بس من بعد عزا عمي سعيد ماعد شفتك حزنت كككثير وحوالت اتناسى لكنك كنت بصميم قلبي والله ي نواف م احكي لك فرحتي يوم قالت امي نواف ولد عمك خطبك
نواف وهو يقُبلها: ي قلب نواف انتي وعيونه
وقربها له واكثر ونزل راسها لصدره وضمها .
نواف وريتاج اككثر اثنين حبوا بالخفا وسمحوا ل غرامهم يستمر رغغم البعد! بعيدين عن ععيون بعض بس قلوبهم حول بعض كان نواف يدعي من كل قلبه انها نصيبه، وريتاج تدعي ربها انه يجيب لها نواف، جمعهم القدر وصاروا متزوجين ، صاروا حول بعض وفي احضان بععض وبالحلال وش احلا من كذا عندهم ! كل الي يهمهم الحين هو انهم يبقون مع بعض الدهر كله ♡!
(معليشش ادري تأخرت عليكم بس كتبت كثير وبعدها قفلت جوالي ويوم صحيت طار كل الي كتبته💀، المهم رجعت لكم ببارت حلو ولذيذ ، بنكمل انشاءالله الحين
اعطوها حقها وقراءه ممتعه💘)
أنت تقرأ
الغرام يمَك غدا بقلبي مسموح
General Fictionتعلقت بك ولا ودي بيوم تروح لقيتك بك الزين وجميع امالي.
