<في المستشفى>
دخلوا الاء واعطوها مغذيه وسحبوا منها عينه من الدم وخلوها ترتاح
كانوا ابو الاء وام الاء كان بالسيب ينتظرون وشايلين هم وحيدتهم
ابو الاء التفت على ام الاء وهمس:ذياب ف المستشفى ذا؟
ام الاء: والله مدري دق على فيصل واسئله
ابو الاء طلع جواله
ودق على فيصل ووصله صوت فيصل وهو يقول: ارحب ي عم
ابو الاء: البقى، كيفك ي فيصل؟
فيصل: على م يسرك ي عم، آمرني؟
ابو الاء:بسألك عن ذياب وهو بالمستشفى التخصصي الي ب شرق الرياض؟ لاني ف المستشفى ولا ادري وينه ابي اتأكد منك
فيصل: الفف سلامه ي عم فيهه احد منكم تعبان؟
ابو الاء: والله الاء طاحت علينا والدكتور عندها للحين م ردو لنا علم
فيصل: م تشوف شر والله يقومها بالسلامه، وايه ذياب ب المستشفى الي انت فيه في الدور ٦غرفه ١٠٣
ابو الاء: تسلم م تقصر
فيصل: ابد تحت امرك ي عم واذا تبي شي انا موجود
ابوالاء: كثر الله خيرك
فيصل: ودعناك الله
قفل ابو الاء من فيصل والتفت على ام الاء ونطق: بروح ل ذياب تجين معي؟
ام الاء: لابقعد انتظر الدكتور واشوف وش يقول وبعدها اجلس مع الاء
ابو الاء: يالله ماني مطول تبون شي ؟
ام الاء: جيب مويه وشويه اكل ل الاء اكيد جيعانه لانها م تعشت
ابوالاء وهو يأشر على خشمه: على خشمي
طلع وهو متوجهه ل ذياب
___
<عند ذياب>
قام بتعب ودخل دوره المياه وزفر بتعب لان الم كتفه كل م تحرك يزيد اكثر
خلص وطلع وابتسم اول م شاف عمه ابو الاء
تقدم له وباس راسه ونطق:حياك ي عمي
ابو الاء: الحمدالله على سلامتك واعذرني م قدرت ازوك والله مغطي على شغلي وشغل واحد ماخذ اجازه
ذياب: ابد والله ي عمي داري انك مشغول
ابوالاء: والله جيت المستشفى عشان الاء طاحت علينا وشفت اني ب المستشفى قلت امرك ومستعجل والله ابي ارجع للدكتور
ذياب فز قلبه ب خوف من سمع ان الاء تعبانه وتنهد برعب ونطق: سلامتها وشفيها؟
ابو الاء: الله يسلمك، والله مدري للحين الدكتور عندها والي اخبره انها م تعشت البارح واليوم م افطرت كان وجهها شاحب,
زفر ابو الاء بضيق وكمل: الله يعين
ذياب بضيق: م تشوف شر وانشاءالله تقوم بالسلامه والله يخليها لكم
ابو الاء: امين، انا بستأذن وادري اني مقصر لكن اعذرني
ذياب تقدم وباس راس عمه: لاوالله عادي ولا جا بخاطري
ابو الاء: جعلني فداك ي بن خالد
ذياب:مجار
ابو الاء: ودعناك الله
طلع ابو الاء وبقي ذياب الضايق على حال الآئه
مسح وجهه بضيق وحس ان الدنيا قفلت بوجهه زفر بتعب وتمدد بضيق وهو ينتظر فيصل واخوياه بالعمل
______
<عند بطلتنا>
دخلت ام الاء الغرفه وكان الدكتور موجود
ناظرته وهمست: ها وشفيها بنتي؟
الدكتور:عندها سوء تغذيه ونقص في فيتامينD
بكتب لكم الادويه ف ورقه وجيبوها لازم تستمر عليها ليين م تحس انها تقدر تقاوم ويمر يوم بدون تعب
ام الاء:انشاءالله
طلع الدكتور والتفتت ل بنتها وحضنتها بهدوء
الاء وهي تحط يدها على راس امها:يابعد عمري ي يمه
ام الاء:خوفتينا عليك
الاء ب استغراب:وينه ابوي؟
ام الاء: راح ل ذياب يزوره فوق
الاء:ذياب هنا؟؟
ام الاء: ايه شويات وهو جاي
ابو الاء وهو داخل الغرفه: ايه جيتكم
تقدم وهو يبوس راس الاء وكمل: الحمدالله على سلامتك م تشوفين شر ي بعدهم كلهم
الاء:الله يسلمك ي ابوي والشر م يجيك
ام الاء: شفت ذياب؟ وشلونه؟
الاء توترت من طاريه وشتت انظاره ل للمغذيه الي ف يدها
ابو الاء وهو يمسح على راس الاء: ايه وبخير الحمدالله اتوقع يطلعونه بعد فتره قصيره
اندق الباب وتغطت ام الاء والاء وهمس ابو الاء: تفضل
دخل الدكتور وناظرهم بهدوء: السلام عليكم
ابو الاء: وعليكم السلام
الدكتور: بتنام الاء اليوم عندنا بالمستشفى لانه لازم لها ب تحاليل شامله والمختبر مقفل بيفتح بكره انشاءالله ف بنخليها ل بكره بعد م ناخذ العينات بنطلعها
ابو الاء: طيب يصير خير
ام الاء: عادي احد يكون مرافق معها
الدكتور: ايه عادي
طلع الدكتور والتفتوا ل الاء
الاء ناظرتهم وابتسمت: ابي لين تقعد معي لاني امون عليها واقدر اخليها تخدمني وانت ي يبه وي يمه ارجعوا البيت ارتاحوا وبكره تجوني
ام الاء:لا بقعد معك
الاء: يمه ابي لين انتوا ارتاحوا من الظهر وانتوا معي
ابو الاء: طيب يبنتي بنرجع واجيب لك لين وشويه اغراض
الاء: تسلم يابوي
ابو الاء ناظرها وابتسم وطلعوا من الغرفه وبقت الاء الي كل تفكيرها في ذياب الي موجود معها بنفس المستشفى، وهل هو يدري انها تعبانه؟
طلعت جوالها ودقت على لين تعلمها كل شي
_____
<في بيوت آل زايد قبل المغرب>
لين طلعت متوجهه ل بيت جدها لان امها كانت هناك
دخلت وفصخت غطوتها متوجهه للمطبخ وهي تطالع ورا لايكون احد من عيال عمها موجود
كانت تمشي وعيونها ورا للييين م ارتطمت في احد وشهقت اول م رفعت راسها وشافت فيصل
سحبها فيصل للمخزن لانه لمح زول جدته جايه وهو عارف لو شافتهم بتعلم الكل
لين بخفوت: ابعد
فيصل وهو يتأمل ملامحها: جدتي جايه للمطبخ لو شافتنا سوا سوت سالفه
لين وهي تصد عنه بوجهها:مستعجله انا ابعد عني!
فيصل طالع من الباب وم شاف فيه احد ورجع يناظرها
وهمس: خلاص اطلعي
طلعت لين راحت ل امها الي قاعده بالجهه الخلفيه من الحوش
شافتها جالسه وتقدمت لها وهمست:يمه بروح عند الاء المستشفى
الكل: وشفيها
سردت لهم لين كل الي صار وان الاء تبيها ومن ذا الكلام
ام ذياب: الله يقومها بالسلامه
الكل:امين
دق جوال العمه حصه وردت وهي تسمع صوت اخوها ابو الاء وهو ينطق:كيفك ي حصحوص
حصه:بخير ي اخوي
ابو الاء:بالله نادي لي لين عشان تطلع تروح عند الاء
حصه: ابشر
قفلت حصه من والتفتت على لين ونطقت:ابو الاء برا ينتظرك
لين:يالله ي يمه انا بروح
الجده:طمنينا على الاء
لين: ابشروا
طلعت واخذت اغراضها وكان ابو الاء يتكلم مع فيصل ويعلمه عن الاء وانه بيودي لين عندها
فيصل ناظر لين الي طالعه ومعها شنطه ورجع ناظر عمه ابو الاء
ابتسم فيصل ونطق: انا بوديها ي عم انت من الظهر وانت ب المستفشى خلها ارتاح
ابو الاء: لا انت ارجع ل ذياب اكيد مبتلش على اخوياه
فيصل:على طريقي ي عم بودي لين بعدها بروح ل ذياب
ابو الاء:طيب يالله
فيصل ابتسم وركب السياره وركبت لين
وطلع من بيوت آل زايد متوجه للمستشفى
ناظرها بهدوء وهمس: لين
لين: هلا
فيصل:تبين الكوفي؟
لين: ابي ماك عشان اخذ لي اكل انا والاء
فيصل: طيب
لين: مشكور
فيصل ابتسم وناظرها بهدوء
_________
<في المستشفى>
قامت الاء بهدوء وفكت المغذيه من يدها وفتحت جوالها وارسلت ل لين كتبت لها: لين
لبست عبايتها ولفت على صوت رسايل لين الي ردت عليها ب(لبيه)
ابتسمت الاء وكتبت: كم رقم غرفه ذياب؟
لين: الدور ٦ غرفه ١٠٣
الاء ابتسمت وقفلت جوالها ولبست نقابها وطلعت
وصلت الدور السادس ووقفت عند باب غرفه ذياب تناظر وفجاءه انفتح الباب وكان الدكتور
ناظرته الاء بخرعه ونطقت: فيه احد عند ذياب؟
الدكتور: لا، مين انتي؟
الاء: اءء اخته
الدكتور: تمام
راح الدكتور وتقدمت الاء وفتحت الباب وكان ذياب مقفي يحاول يلبس تشيرته بعد م كان الدكتور عنده يفحص يده
لف عليها وانصدم من شافها وسكت ل ثواني
تقدمت وقفلت الباب ونطقت: كيفك
ذياب وهو يحاول يلبس التشيرت بس كان صعب عليه: بخير كيفك انتي طمنيني عليك؟
الاء: الحمدالله تمام
ناظرته وهو يحاول يرفع يده لكن م يقدر
تقدمت له ب هدوء واخذت التيشرت من يده ومدتها له عشان يدخل يدينه
قربت له اكثر وهي تنزل التيشرت من عند رقبته وحاوطت يدينها رقبته
ابتسم بخفوت من حس ب رجفتها ونزل راسه من زادت رغبته فيها وصد يبعد الافكار الشيطانيه من راسه
الاء: خوفتنا عليك
ذياب ابتسم بخبث: خفتوا كلكم ولا بس انتي؟
الاء: كلنا
ناظرها ذياب ومد يده لها ومسك يدها عشان يخفف رجفتها
نزلت عيونها لجوالها ودخلت السناب شافت لين مصوره وهي داخله المستشفى
سحبت يدها بسرعه وصدت
ذياب ب استغراب: وشفيك؟
الاء بخوف: بطلع لين جايه واتوقع ابوي الي موصلها لازم اكون بالغرفه
ذياب ضحك ونطق: قولي انك كنتي عندي
ناظرته بحده وابتسم وكمل: امزح، خلاص روحي وانتبهيلك
الاء: طيب
طلعت بسرعه متوجهه ل غرفتها ودخلت شافت لين قاعده
لين ابتسمت ونطقت: وين كنتي؟
الاء: كنت تحت ف البوفيه
لين: اها
الاء: ابوي جابك؟
لين: فيصل الي جابني هنا
الاء: ووينه الحين؟
لين: يوقف سيارته وبعدها يروح ل ذياب
الاء م ردت وتقدمت ودخلت الدكتوره تركب لها المغذيه من جديد
__________
<في بيوت آل زايد العشاء>
الجده: ودوني ل الاء وذياب ابي اشوفهم
الجد:وانا معك
نايف: ابشروا
حصه وانا معكم
ابو ذياب: اجل كلنا
الكل ضحك ونطق نايف: بيروح جدي وجدتي وعمتي حصه
الجد: انا جاهز انتوا الباقي اجهزوا
___
<عند البنات>
دخل نايف وشاف مُلاذ ب المطبخ ابتسم ونطق: بنت
مُلاذ بخرعه: بسم الله
نايف: بودي جدي وجدتي وامك عند الاء وذياب تبين تمشين وتجلسين مع الاء ولين ل بكره؟
مُلاذ ابتسمت وهي صاده عنه: كيف اقنع امي
نايف: معليك عندي
مُلاذ ب خقه: يويليي ي نايف احبك
نايف ابتسم ونطق: ايش عيدي؟
مُلاذ استوعبت على نفسها وصدت
نايف:عيدي
مُلاذ ب استغباء: وش اعيد؟
نايف: الي قلتي
مُلاذ: م قلت شي
نايف: ترا والله م اكلم امك تاخذك
مُلاذ: بلا سماجه
نايف تقدم لها وابعد الشال عن وجهها ونطق:عيدي ي مُلاذي
مُلاذ بخجل: اتوقع سمعت م يحتاج اعيد
نايف: وانا بعد
سمعوا صوت العمه حصه وفزوا الاثنين وطلع نايف بسرعه من الباب الخلفي وبقت مُلاذ
دخلت حصه المطبخ وشافت ملاذ ونطقت: بنت
مُلاذ: لبيه
حصه: جيبي عبايتي
نايف من ورا الباب: يولد طريق
مُلاذ ابتسمت وطلعت وبقت حصه ونطقت: ادخل ي نايف
نايف: بطلبك ولاترديني
حصه: ابشر وانا عمتك
نايف بكذب: كلمتني لين وتقول طفشت هي والاء ويبون ملاذ
حصه: لا خلها تجلس مع ريم وبرضو عندها اختبارات
نايف: ي عمه تكفين وبعدين مُلاذ صديقه الاء لازم تزورها ولا الاء تشيل بخاطرها
حصه: لاتقول تكفين
نايف بضحكه: تكفين
ضحكت حصه وضربته على كتفه ونطقت: تم والله انه تم عشانك
نايف وهو طالع من المطبخ: اطلق عمه
ضحكت ولفت على مُلاذ الي داخله ومعها عبايه امها
حصه: اجهزي بتروحين عند الاء ولين
مُلاذ:امانهه؟
حصه: ايه
طلعت مُلاذ وهي مبتسمه وتقول ف نفسها ان نايف قد الكلمه
توجهت للصاله وكانوا البنات قاعدين هناك
ساره: وين تروحين؟
مُلاذ: بروح ل الاء ولين
ساره: ي ذي الاء حسستوني انها ملاك
مُلاذ: شدخلك طيب؟
ساره: ازعجتونا بها!
ندى: بنات اشفيه
ريم: مُلاذ امي تنادي تقول يالله
مُلاذ وهي تصلح نقابها: طيب طيب
طلعت مُلاذ وصدت ساره بقهر ونطقت: ازعجونا بها
ندى: احبها الاء تجنن
ريم: ايوالله
ساره بحده: اسكتي انتي وياها
ندى: ويي شفيها ذي؟
ريم: خليها يمكن تعبانه، تعالي نشاهد فلم
ندى: يالله
________
<في السياره مع نايف>
الجد كان قدام وورا حصه والجده ومُلاذ
نايف: ي جد ودك ب اغاني؟
الجد: لا امنعنا
حصه: شغل شيلات
نايف اخذ جواله وشغل شيله وانتظر لين م وصل للبارت المطلوب وناظر مُلاذ وكان المنشد يقول
"يدري ان حبه عمل فيني عمايل
وادري ان وده يغامر ويتجرا
حايلً من دونه سلوم القبايل
والوصل محذور والعالم تزرا "
مُلاذ كانت عينها بعينه وابتسمت ولفت على امها
الي ضحكت ونطقت: شكلك طحت ي نيوف
نايف بتوتر عشان يبعد الشبهات عنه: لاوالله م للقمر نجوم
الجد زايد: اقول ركز ب الطريق لا اهبدك بالعصا
نايف: على خشمي
دخل من بوابات المستشفى ووقف ونزل الكل
نايف مشى مع الجد والجده وحصه لعند ذياب
_____
<عند ذياب>
كان جالس على جواله والتفت من سمع صوت الباب
فز من شاف جده وجدته وعمته تقدموا له وسلموا عليه ونطق الجد:الحمدالله على ذياب واعذرني م قدرت اجيك من وقتها
الجده: م تشوف شر ي عين جدتك
حصه: خفنا عليك والله الله يقومك بسلامه
ذياب ابتسم ونطق: الله يسلمكم جميعاً والشر م يجيكم
الجد: اعطنا العلم من اول م حركت من البيت
حصه: جبت قهوه
ذياب بضحكه:جت القهوه ب وقتها
نايف: انا استأذن بودي مُلاذ عند البنات واجيكم
ذياب ناظره وابتسم بخبث: خلها هي تدل الطريق
نايف ناظره بحقد والتقت على عمته وهي تقول: لا روح معها ي نايف اخاف تضيع
نايف ناظر ذياب نظره انتصار ونطق: ابشري
طلع من عندهم ونطق الجد: اعطنا العلم ي ولد خالد
ذياب: والله ذاك اليوم يوم رحت من عندكم جا امر اننا نجلس بالمقر وناخذ المساجين اليوم الثاني......................
*وسرد عليهم الحدث كله*
____________
نايف طلع ومسك يد مُلاذ وابتسم
مُلاذ وهي تسحب يدها: وش كنت تقصد ب الشيله الي شغلتها
نايف: اقصدك
مُلاذ: ليش انكرت يوم سألتك امي؟
نايف: كذا مابيهم يدرون لينن اذا توظفت واستقريت وقتها بتقدم
مُلاذ: انت قدم و ادخل دوره عسكريه بعدها خلاص تتيسر
نايف: واذا جا تعييني ف منطقه بعيده؟
مُلاذ: عادي عمي عبدالله وذياب ينقلونك ويخلونك معهم
نايف: والله م فكرت فيها
مُلاذ: شفت
نايف ابتسم بخبث ونطق: وانتي جالسه تعطيني حلول شكلك مستعجله تبين اتوظف واتقدم؟
مُلاذ توسعت عيونها وظربته على كتفه ونطقت: انقلع
نايف: هذي غرفه البنات
مُلاذ: يالله معسلامه
نايف: معسلامه
مشى نايف وناظرته ليينن م اختفى بين الناس ورجعت ناظرت الباب وابتسمت وهي مخططه انها م تعلم البنات تبي تسوي لها مفاجأه
__
<عند البنات>
الاء: طفش
لين ب تعب:ليت مُلاذي معنا
مُلاذ فتحت الباب وصاحوا الثنتين وفزت لين حظنتها
ابتسمت مُلاذ ونطقت: هذاني موجوده
تقدمت ل الاء وسلمت عليها وجلست يمها
الاء: اطلق من يجي
مُلاذ: الحمدالله على سلامتك ي لولوي
الاء: الله يسلمك
لين: بروح اشتري قهوه لنا يويلكم تسولفون بدوني
مُلاذ: يالله استعجلي
لين: طيب
طلعت لين وبقت مُلاذ مع الاء
____
<عند ذياب>
الجد: صارت الساعه ١١ بنمشي احنا نمر الاء ونرجع
حصه: نايف دلنا على غرفتها
نايف يالله امشوا معي
طلعوا متوجهين ل غرفه الاء
ووقف نايف قدام الباب ونطق: انتظركم
لين وهي جايه ومعها القهوه: الله جيتوا مع مُلاذ؟
الجده: ايه بندخل الحين
دخلوا وفزت الاء على صوت جدها وهو يقول"السلام عليكم"
الاء قامت ونطقت: وعليكم السلام
سلمت عليهم وناظرت جدتها الي تقول: الحمدالله على السلامه
الجد: م تشوفين شر ي بنت عبدالله
حصه: اخر الاوجاع
الاء: كثر خيركم على عنوتكم ل عندي وابشركم اني صرت احسن والله يسلمكم والشر م يجيكم انشاءالله
الجده: جبنا لكم قهوه عربيه احلى من القهوه السودا الي جابتها لين
الكل ضحك ونطقت لين: تسلمين ي جده
مُلاذ تقدمت واخذت ثلاجه القهوه
الجد: مستعجلين والله تأخر الوقت نستأذنكم
الاء: تسلمون وم قصرتوا
حصه: انتبهوا ل انفسكم وانا بخلي نايف يرجع ويجلس مع ذياب ويمركم اذا احتجتوا شي
الاء: تسلمين ي عمه
الجد: ودعناكم الله
البنات: معسلامه
_________
انتهت ليله الجمعه ب جلوس البنات عند الاء
ونايف عند ذياب والكل رجع وناموا
وطفت انوار بيوت آل زايد معلنين انتهاء ليلتهم
(هاي رجعت لكم من جديد وببارت جديد🫡،
للامانه التفاعل مره ماش وفكرت م انزل لكم بس حسافه ف الي دعموا وانتظروا المهم اذا م جاب البارت ذا تفاعل مافيه بارتات ف اسبوع الاختبارات💀)
معليش على التأخير وعطوها حقها
وقراءه مُمتعه🫦🫶🏻.
أنت تقرأ
الغرام يمَك غدا بقلبي مسموح
قصص عامةتعلقت بك ولا ودي بيوم تروح لقيتك بك الزين وجميع امالي.
