دخلت الاء وسلمت على عماتها وجدتها وطلعت متوجهه ل بيتهم عشان تتجهز وماهي الا دقايق ولحقوها لين ومُلاذ عشان يتجهزون سوا
تجهزت الاء ولبست فستان مخصر كساه اللون العنابي وكعب ابيض وخلت شعرها منسدل على ظهرها المكشوف وحطت مكياج خفيف يرسم ملامحها الهاديه وحطت من عطرها المميز
-
لين لبست فستان ميد ومخصر كساه اللون الاسود وخلت شعرها ويفي ولبست كعب قصير لونه ابيض وحطت مكياج
-
مُلاذ لبست فستان كساه اللون البني وحطت مكياج خفيف يرسم جمالها
,
جهزوا البنات وطلعوا متوجهين ل بيت الجد ودخلوا وسلموا على المعازيم وجلسوا
تقدموا البنات وسلموا على الاء وتحمدوا لها بسلامتها ماعدا ساره الي كانت تخز الاء
مُلاذ: شفيها م تسلم
لين: اخر حبه
ضحكوا البنات والتفتت لين على صوت امها وهي تناديها قامت لين ودخلت المطبخ وجلست تسوي السلطه والكل طلع وبقت هي
______
<عند الرجال>
نواف:يولد قم صب
فيصل:مافيني
نايف:جب الدله وجع
نواف:قربت تخلص رح خل الحريم يسوون ي فيصل
فيصل:العزيمه ماهي ل ذياب؟ اجل خله هو يقوم
نواف التفت على ذياب الي كان يسولف مع جده
رجع ناظر فيصل ونطق:بكيفك تبي تقومه من عند جدي روح م بمنعك
فيصل:جدي يتمردغني لو قومت ذياب
نايف وهو ينزل الدله:اجل قوم
قام فيصل بقله حيله ودخل من الباب الخلفي متوجهه للمطبخ واستوقفه البنت الي مقفيه وكانت مفاتناها واضحه ف الفستان الاسود الي كان راسم جسمها
تقدم اكثر وناظرها وهي كانت منزله راسها وتسوي سلطه
تنحنح من ورا الباب وفزت لين ونطقت:وجع خرشتني
فيصل انصعق من سمع صوتها وعرف انها لين
ونطق: لين؟
لين:هلا؟
فيصل:امسكي الدله سووا قهوه
تقدمت لين وطلعت يدها واخذت الدله من يد فيصل الي كان يناظر يدها الناعمه واظافرها الطويله وجمال يدها وجمالها الي يأسر الواحد
طلع من هناك وهو ماسك على قلبه ومبتسم وطلع وجلس مع العيال
___
<جهه الحريم>
دخلت لين وجلست مع البنات وكانوا يسولفون اليين م جهز العشا وقاموا الكل وبقي الثُلاثي م قاموا الاء ومُلاذ ولين
الاء:ميته جوع!
مُلاذ: اصبري قربوا يسرون المعازيم بعدها نطلب
لين:شكلي برجع البيت يبنات مو طبيعي التعب والنوم
الاء: لا يبنات باقي ورانا مذاكره، امشوا نروح للاسطبل
لين:العيال يمكن هناك؟
مُلاذ تقدمت وضربت راس لين بخفه ونطقت:اكيد يتعشون
الاء:يالله بنات
طلعوا متوجهين للاسطبل
دخلوا الاسطبل وتوجهت الاء ل مقصوره الفهد ودخلت عنده وجلست تمسح على راسه
لين:ترى ماهو ذياب
الاء: امانه اسكتي شدخل ذياب
لين بضحكه:خلاص انسي
مُلاذ:احس ساره تحب ذياب
لين:اي حتنى احس
الاء فز قلبها ونطقت:حبّها عفريت
لين:شف الغيوره
الاء:توكلي
مُلاذ: مدري ليه احسها بتخرب عليكم
الاء: معليك انا بلعن جدفها
لين: كفو
مُلاذ:جوعع!!
الاء:بقوم اجيب لنا حلا
لين ومُلاذ: يالله استعجلي
-
<عند الرجال>
ذياب: يعيال موزعين عصير للكل الا انا !
نواف: روح جيب وخذلي معك
ذياب: الله لايوفق الي وزع العصير حاط على كل سفره ٤ عصير!
نايف: وجع ي كلب لاتدعي انا الي حاطها بعدين كم تبي احط الف!
ذياب:ايه مو مشكله
فيصل:خلاص اسكتوا معنا اولاد صغار على السفره!
ذياب:بقوم اجيب وحسبي الله عليكم
قام ذياب متوجهه للمطبخ من الباب الخلفي
-
ساره حست انها فقدت الثلاثي مُلاذ والاء ولين
التفتت يمين ويسار تدور عليهم بعيونها لكن م شافتهم
تنهدت بعصبيه وقامت راحت للمغاسل تغسل وغسلت وكملت وكانت تجدد روجها
بس استوقفها صوت ذياب وهو يقول"فيه احد؟، يولد طريق!"
فكت الربطه عن شعرها وحطت عطر ودخلت المطبخ وكان فيه ذياب الي م جاه رد ودخل لانه عارف انهم مو داخل بس حب يتأكد
كان هو مقفي وتقدمت شوي من وراه ومثلت انها تعثرت وطاحت بالكعب
لف عليها بكل قوته وانخرش من شافها تتألم تقدم لها وهو صاد ونطق: جاك شي؟
ساره: اوههه رجليي ي ذيابب!! بمموت !
ذياب بحده: مدي رجلك اشششوف هو كسر ولا شعب!
ساره مدت رجلها وناظرها ذياب ونطق: لا جرح مافيه كسر ولاشي!
كان هذا كله تحت انظار الاء الي تناظر ومصدومه من حركات ساره محاولاتها في جذب ذياب!
رفع راسه وشافها تناظر والدموع بعيونها جا يتقدم لها الا انها صدت وطلعت
زفر بعصيبه واخذ العصير واستوقفه صوت ساره وهي تتصنع الالم:ابي اروح المستشفى!
ذياب شوي و ينفجر عليها من حركاتها الي تقهر وتغنجها ومن عرف ان الاء زعلت حقد على ساره اكثر
ناظرها بحده ونطق: انقلعي من وجههي!
وطلع وهو مسرعع ومعه العصير
-
الاء طلعت للاسطبل ويدينها فاضيه م جابت شي
جلست بقهر وناطرتها لين
لين:وشفيك؟ وين الحلا
الاء بحده:شعرفني؟
مُلاذ:شفيك؟
الاء:الزففتت سسساره!
لين: وش سوت؟
الاء: بنات ابي اجلس لحالي ب الاسطبل لانه اكثر مكان هدوء ومحد يجيه كثير بالله خلوني
مُلاذ: تمام ي روحي
التفتت على لين وكملت: يالله ي لين
مشوا وخلوا الاء بقهرها وهي شوي وتنفجر من الغيره
تنهدت بضيق و الدموع بعيونها ضمت رجولها ل صدرها وسندت راسها على سور الاسطبل
-
كان ذياب يرفع الصحون مع العيال وينظفون وتقدم فيصل ونطق:ذياب خلها انت تعبان من يدك لاتشيل شي ثقيل بتنفتح الخياطه!
نواف:نايف م يقصر يغطي على شغلك
نايف: نعم حبيبي؟ دز امها!
فيصل: ساعدني طيب
نايف: مافيني
فيصل: وين الي يقول اليوم ابشر ب الفزعه ولد عمي!
نايف: مات من كرف اليوم
نواف: عيال! بلا سماجه
ذياب: خلاص اهجد ي نايف انا بكمل الشغل!
نايف فز وقام وباس راس ذياب ونطق: خلاص اجلس انا بكمل
نواف: بعد ايش
نايف: تشوف والله في زواجك م اسوي شي
ذياب ضحك ونطق: ام النذاله يشيخ
فيصل:سرت الليله واحنا على موضوع الشغل!
نايف: شيل الصحون وانا الكراتين
فيصل: يالله وانت ي نواف نظف الجلسه
انتشروا ف اشغالهم ودخل نايف وفيصل
فيصل: شف فيه احد بالمطبخ؟
نايف وهو يحط الكراتين قدام الباب: بكيفك وبرضوا لاتنسى تقولهم يجيبون اغراض الشاهي بنسوي احنا
فيصل: ورع تعال!
نايف وهو مقفي وطالع من الباب: تصرف
فيصل: قسم انه ورع
نزل راسه واخذ الصحون ونطق:ولد طريقق!
ماجاه رد وكرر مره ثانيه ونفس الوضع م جاه رد
دخل المطبخ ونزل الصحون وماكان فيه احد وجلس يدور ب الدولايب على اغراض الشاهي
لف للمخزن يدور فيه وفتح الباب وجلس يحوس
في هذي اللحظه دخلت لين المطبخ وهي بكامل زينتها
فتحت الثلاجه وطلعت صينيه الحلا ونطقت: شكل الاء م شافت الصينيه
تقدمت وفتحت الدرج واخذت ملعقه وصحن وجلست تقسم الحلا وتحط لها
طلع فيصل وشافها مقفيه وجلس يطالع اليين هي م لفت وصاحت ورجعت تصد: اطلع!
فيصل عرف انها لين ورجع صد وطلع من باب المطبخ وشاف نواف جاي للمطبخ
رجع دخل ومسك يدها ودخلها المخزن ونطق:نواف جاي خليك هنا لايشوفك!
لين بخوف: وانت حلال عليك!!
فيصل استوعب وابعد منها وصد وطلع وقابل نواف عند الباب
نواف:شفيك مختبص منت على بعضك
فيصل: هاه! مافيني شي
نواف:جبت اغراض الشاهي؟
فيصل:لا
نواف:تقلع لا اهفك بكف
دخل نواف واخذ الاغراض وكان فيصل ينتظره وطلع نواف ومشوا متوجهين للرجال
-
انتظرت لين بالمخزن ليننن م اختفت الاصوات وطلعت راسها وم شافت احد ،زفرت براحه ولفت ل صينيه الحلا
دخلت ندى المطبخ ولمحت لين ونطقت:ليني
لين:لبيه
ندى: باقي حلا؟
لين: ايه
ندى: تكفين ابي ابقي ل فيصل يحب الحلا ذا مره
لين اختبصت من جا طاريه ونطقت: تمام بقي له
ندى: جالسه ارففعع معهم العشا، بقي له انتي وحطيه ب الثلاجه
لين: تمام
طلعت ندى وبقت لين الي ضحكت ف نفسها على دباشه فيصل الي يغطيها من نواف وم غطاها منه
ابتسمت بخفوت واخذت صحن وجلست تحط له
-
الاء لازالت ب الاسطبل جالسه هناك بقهرها ولفت على صوت ريم وهي تقول: لولو؟
الاء: لبيه
ريم: شفيك جالسه هنا تعالي نجلس داخل
الاء: مالي خلق الكرف داخل
ريم: خلصنا تنظيف والحين الحريم برا سامرين والبنات ف المجلس يسولفون تعالي الجلسه م تحلا بدونك؟
الاء: طيب يالله
قاموا طلعوا من الاسطبل ودخلوا المجلس
جلست الاء، فتحت جوالها وخلت عيونها عليه م تبي تناظر ساره
ساره ناظرت الاء بهدوء وابتسمت بخبث ونطقت:بنات تخيلوا !
ريم وندى ولين ومُلاذ بصوت واحد: وش صار؟
ساره اخذت نفس وناظرت الاء ونطقت بكذب: تخيلوا كنت ب المطبخ وجا واحد يقول يولد طريق! المهم تكلمت انا وقلت فيه بنات!! م سمع لي ودخل ! وتخيلوا من طلع!!!
البنات: مين طلع؟؟
ساره بأبتسامه: ذياب ! متخيلين؟ ولا غض البصر و جلس يناظر وانا صديت ابي اطلع وتعثرت ب الكعب وطحت وترني !
ندى: شكله خق
لين بحده: بنت!
ندى: آسفه
ساره ناظرت الاء وابتسمت بخبث ونطقت: والله هذا الي صار!
الاء ابتسمت وسط قهرها ونطقت: بس الي تقولينه شي والي شفته انا شي ثاني تماماً ؟
مُلاذ: وش شفتي؟
ندى: بنات!! قفلوا الموضوع!
لين: شوفي حبيبي اعرف اخوي ذياب هو من صلب رجال ومو ف الحركات ذي الي انتي تشوفينها تليق لك!!
ساره: لاتسوين تعرفينه
ريم: بنات اشفيهه؟ خلاص
مُلاذ: خلاص بيجون الحريم!
لين: مُلاذ والاء الحقوني تذاكرون عندي
الاء: تمام بس بمر البيت اخذ كتابي واعلم امي واجي
مُلاذ: وانا مثلها
لين: يالله
-
نواف: نطلع للاسطبل؟
نايف: ماعندك حياه؟ انقلع كلم زوجتك
نواف: فاضيه لي؟ لا طبعا تجهز م بقي شي على الزواج
فيصل: يحظك ي الكلب
ذياب: الكلاب قامت حظوظهم واحنا لا
نواف: توكل بس ولايكثر م الكلاب الا انتوا محد يقبل فيكم
نايف: الله يعينها على بجاحتك
ذياب: انشهد الله يعينها
نواف: تعاملي معها غير عنكم
فيصل: ايه دلعها وعيال عمك الي من نفس دمك م دلعتهم!
نواف: وش اسوي لكم يعني ازوجكم مثلا؟
نايف: لاتحسدونه يعيال
ذياب: يرجال على شحمه
نايف: سم ياخوي
فيصل: يهوه هياا نطلع الاسطبل!
ذياب: هيا والله اني مشتاق للفهد
طلعوا متوجهين للاسطبل وفيصل وذياب تقدموا للمقصوره وطلعوا الفهد والابهر
نواف ونايف كانوا يناظرونهم وجالسين يتقهوون شاهي
تقدم ذياب للفهد ولف على فيصل ونطق: انتبه لا يهيج بك
فيصل: ازهله
ذياب: تسابق؟
فيصل: قدام
تقدموا ووقفوا عند خط البدايه وعدوا ل ثلاثه وبدأو الاثنين ينطون من على الحواجز ويسابقون بعض
كان هذا كله تحت انظار الاء الي كانت بغرفتها تلم اغراضها وسمعت صوتهم وطلعت تشوف
جلست تتأمله وهي كلها قهر من موقفه هو وساره
تنهدت بضيق وابتسمت من سمعت ذياب يقول: عز ي الفهد
نايف: انتهى السباق وفاز ذياب
ابتسمت ورجعت دخلت واخذت اغراضها متوجهه ل عند لين
-
فيصل: الابهر صارله فتره محد دربه!
نواف: شكله
ذياب: نواف دربه
نواف تقدم للابهر وبدأ يدربه
فيصل: ذياب تبي شاهي؟
ذياب: ايه صب لي
نايف: انا بقوم اخذ فره ب الفهد
ذياب: انتبه طيب
طلع نايف وركب على الفهد وبدأ ينط به من على الحواجز
ابتسم ذياب ونطق: ايههه ي نايف
فيصل:ولد
ذياب: سم
فيصل: بتخطب الاء؟
ذياب: عمي م بيوافق البنت باقي تدرس
فيصل: كم تدرس هي؟
ذياب: هي ولين ومُلاذ كلهم سوا يدرسون ثالث ثانوي
فيصل ابتسم من طاري لين وهو يتذكر شكلها ونطق: ربك يفرجها ي ولد خالد
ذياب: ايوالله
-
تقدمت الاء وشافت الباب مفتوح ودخلت ونطقت بهدوء: لين؟ انتي موجوده؟
لين طلعت من المطبخ ونطقت: ايه الاء تعالي بسرعه نجهز البساكيت والقهوه قبل يجون اخواني
الاء وهي تنزل عبايتها: طيب
لين: حظك غيرتي ملابسك انا باقي
كانت الاء لابسه بنطلون ابيض وبلوفر ازرق ولامه شعرها فوق
الاء: ايه والله الفستان والكعب تعبت منها
لين: حطي القهوه ف الثلاجتين وخذيها لغرفتي
الاء: مستحيل نخلص ثلاجتين قهوه!
لين: الا والله
الاء: بنخليها اذا انتهت الي معنا بنزل اجيب ذي
لين: يالله شيلي القهوه وانا باخذ السله واشوف ل مُلاذ
الاء: تمام بسرعه
طلعت الاء الدرج ومشت من جنب غرفه ذياب
وقفت وتقدمت للباب بهدوء وفتحته وشغلت الانوار وتقدمت لسريره وجلست
ناظرت غرفته شوي وقامت طلعت للبلكونه وكانت بلكونته مقابله بلكونتها ابتسمت بعز ضيقتها وطفت الانوار وطلعت كملت طريقها متوجهه ل غرفه لين
-
مُلاذ كانت تجهز اغراضها ولفت على صوت ريم وهي تقول: مُلاذي وين تروحين؟
مُلاذ : بروح اذاكر عند لين
ريم: علمتي امي؟
مُلاذ: ايه، ذاكرتي انتي؟
ريم: ايه بس باقي اراجع وبعدها اشاهد فلم
مُلاذ: طيب بمشي انا
جمعت اغراضها وطلعت متوجهه ل عند لين ودقت الباب
فزت اول م نطق احد من وراها: مُلاذي؟
ابتسمت اول م شافت نايف نطقت: سم
نايف: تجلسين مع لين؟
مُلاذ: ايه، انت شتبي
نايف: اتروش واطلع مع اخوياي
لين فتحت الباب ونطقت: مُلاذ تأخرتي؟ وانت الثاني شتبي تقلع
نايف: بتروش واطلع
لين: اعجل
دخلت مُلاذ مع لين متوجهين ل غرفه لين
الاء: م بغيتي؟
مُلاذ: هذاني جيت
لين: قبل نذاكر لازم اول شي جلسه الاستديوا التحليلي ل اشكال المعازيم
مُلاذ: نسيت اشكال المعازيم من كثر قهري من حركات ساره
لين: وش تحس فيه؟
الاء: شفتها الكذابه كانت تمثل انها طاحت! ابو البجاحه عاد
مُلاذ: طق عرق الغيره في الاء
لين ضحكت: اي والله
الاء: كنت بكذبها واقول الصدق بس سكت عشان اختها ندى
مُلاذ: واضح تبي فتنه
لين: احسها بتسوي عواصف على ذياب والاء
الاء: جعلني امسكها والله م يفكني منها الا الموت هي وحركاتها
مُلاذ ولين مالوا على بعض من الضحك وقامت لين ومسحت دموعها ونطقت: مُلاذي امسكي صبي لي قهوه
الاء: شكلنا بنجلس نسولف ونسحب على المذاكره
مُلاذ: اخر سالفه بعدها نذاكر
لين: يالله
تجمعوا وقربوا ل بعض وكملوا سوالف وتحليل ل اشكال المعازيم........
-
نواف: بكمل تدريب الابهر بكره
ذياب وهو ينزل من على الفهد: م قصرت اشوفه بدأ يستجيب
فيصل: لو النافل قايم كان قفل ملف الفهد
"كان يقصد خيله النافل"
ذياب ضحك ونطق:مافيه مثلي فههدي!
نواف جلس بنص التراب ونطق: تعالوا نسولف
فيصل: ينقصنا نايف
ذياب: طالع مع اخوياه حظه لاشغل ولاهم
نواف: اذكر الله
ذياب: مشاءالله
فيصل: تتذكرون ذيك المره..............
وكملوا سوالف وهم مندمجين مع بعض
-
مرت ساعات والكل رجع بيته والعيال لا زالوا بالاسطبل والبنات يذاكرون مع لينن
____
<الساعه ٢ عند البنات>
الاء: مُلاذ ركزي شوفي السالب مع الموجب ناخذ اشاره العدد الاكبر ونطرح.......
قاطعهم صوت لين وهي تقول: الاء
الاء: لبيه
لين: خلصت القهوه روحي جيبي
الاء: خلينا نكمل مذاكره بعدها اجيب ونجلس نسولف للفجر بعدها نتجهز للدوام
لين: تمام
____
<في الاسطبل>
فيصل: ذياب شف نواف شكله نام
ذياب لف وناظر نواف ونطق: ايه نايم واضح كرف اليوم كثير
فيصل: قومه يرجع البيت انا بروح اتروش
ذياب قوم نواف ودق على نايف يتطمن عليه بعدها دخل البيت
وقف بيدخل غرفته بس استوقفه الاصوات الي طالعه من غرفه لين، تقدم وقرب للباب وقرب راسه يسمع
الاء: لين وربي اخر مره اشرح اذا شفتي احد الطرفين معاه متغير لازم تتخلصين منه عن طريق الجمع او الطرح......
ابتسم بخفوت ورجع خطواته ورا ودخل غرفته ياخذ شاور
-
<بعد ساعه>
لينن: اهههه اخيراً خلصنا مذاكره
الاء: بغيتوا تجلطوني
مُلاذ: جوع يبنات
لين: الاء جيبي القهوه الي خليتها بالمطبخ
الاء: ذياب ونايف هنا؟
لين: نايف قال انه بيطلع اكيد ذياب معه عاد هم اذا طلعوا م يرجعهم للبيت الا اتصال من ابوي
الاء ضحكت وطلعت نازله للمطبخ ودخلت تعبي السله بساكيت
مدت يدها واخذت ثلاجه القهوه ولفت وشافت احد واقف قدامها م قدرت تشوف وجهه بحكم ان الانوار المطبخ طافيه ومافيه الا نور خفيف من الصاله صاحت الاء وانخرش ذياب الي م كان يدري بوجودها وشغل النور
ذياب: ابوي وامي نايمين ليه تصايحين
الاء: شدخلك
ذياب عقد حواجبه من تغير اسلوبها معه ونطق: شفيك
الاء وهي صاده: ولاشي
ذياب طفى النور عشان اذا جت لين يشوفها هو ويتصرف قبل تشوفه، طفى النور وتقدم وحاوط الاء الي كانت نقطه معاه
الاء: اببععد!
ذياب: وشفيك زعلانه؟
الاء: لا احلف! مسوي م تعرف وحركاتك اليوم مع ساره!!
ذياب: والله م سويت شي هي طاحت وجلست تتغنج عشان اناظرها!
الاء: شدخلك تكشف على جرحها؟؟
ذياب سكت ل ثواني وابتسم ونطق:
"لاصرت واثق في حبيبٍ توده
م همك الي ينقل العلم منه
وهو يدري انه غايتي والمرادي
وهو يدري اني ف هواه اتعنى"
الاء ابتسمت وابعد يدينه الي محاوطه يدينها
ولفت له ونطقت: علم العواذل اننا على درب المحبه مستمرين ومن ينغز دربنا بالشوك تخطيناه وكأنه كان تراب!
ذياب ابتسم ونطق: الآئي !
الاء ابسمت ونطقت: مستعجله البنات ينتظروني
تقدمت واخذت الدله والسله وهي ترجف من التوتر والفرح وطلعت تركت ذياب ورارها في موجه المشاعر
دخلت الغرفه والابتسامه شاقه وجهها ونطقت: امسكي السله
لين: شعندك تضحكين
الاء: ولاشي بس تذكرت حاجه
مُلاذ: صبوا لي من القهوه والكيف!
الاء: الكككيف
لين: اقول اسكتوا لايسمعكم خلف! مو كذا!
الاء: اجل كيف
لين:
"سوولي الكيف من القهوه وأرهولي من الدله !
البن الاشقّر يداويّ الراس فنجاله"
الاء: ايهه كذا بس مُلاذ عكستها
مُلاذ ضحكت ونطقت:انا اذكر ان الموضوع فيه قهوه والكيف
لين:دباشه على دباشه
ضحكوا ورجعوا يكملون سوالف ......
(وحشتونيي وربي واسف على التأخير بس كنت تعبانه وتو اقدر اكتب لكم، طولت لكم البارت وخليته مليان احداث، اعطوا البارت حقه واذا شفت فيه تفاعل بنكمل ولاتحرموني من كومنتاتكم الحلوه🫣؟)
قراءه مُمتعه💘.
أنت تقرأ
الغرام يمَك غدا بقلبي مسموح
General Fictionتعلقت بك ولا ودي بيوم تروح لقيتك بك الزين وجميع امالي.
