<ظهر يوم السبت بالمخيم>
الكل قام وجهزوا الغدا والقهوه والطبخ وكلشي كانو متفقين انهم الاحد بيطلعون ل شاليه
<عند الرجال>
ذياب: ي جد
الجد: سم ي ذياب
ذياب: انا بودي الحريم والاغراض وترا بنبات ذي الليله هناك
الجد:بكره نلحقكم انشاءالله
طلع ذياب متوجه لسيارته يشغلها وينتظر لين
__
<عند الحريم>
لين:عمتي ام الاء؟
ام الاء:سمي ي لين
لين:باخذ الاء معي الشاليه نجهز وانتوا الحقونا بكره
ام الاء:بتقعدون لحالكم هناك؟
لين:لا معنا ذياب بيكون برا الشاليه
ام الاء:تمام مو مشكله اهمشي بكره تكون الاجواء احسن شي
لين:ابشري م طلبتي شي
_
طلعت لين متوجهه للبنات
لين:الاء خذي اغراضك بسرعه
الاء:وين؟
لين: بسرعه مابي اسأله
قامت الاء واخذت اغراضها ومشت مع لين وركبوا سياره ذياب
الاء ناظرت لين ب استغراب: وين بنروح؟
لين: الشاليه بنقعد هناك ذي الليله ونجهز لاجواء بكره
الاء: طيب م علمت امي؟
لين: معليك انا اقنعتها
_
تنهد ذياب من سمع صوتها وشاف عيونها تناظره بتوتر
طلعوا متوجهين للشاليه وشغلت لين اغنيه :
"ترى راعيي الهوى مفضووح
صحيح النظره م تكفيي!
من الآلام م تشففي
ولالكككن عذرنا الحاظر!
نراعي الوقت والخاطر
وم دام النظر مسموح اشوفك كل يوم وارورح
عسى النظره ترد الررروحح"
الاء وذياب كانو طول الاغنيه يتبادلون النظرات بهدوء والكل ساكت ليين وصلوا الشاليه
لين: بنت الاء اسمعي باقي شنطتي جيبيها بسرعه من السياره
الاء:طيب شوي
طلعت الاء متوجهه لسياره ذياب عشان تنزل شطنه لين وباقي الاغراض
ناظرها ذياب وهي طالعه
ذياب:شتبين؟
الاء:ابي شنطه لين وباقي الاغراض
ذياب: تمام تعالي نزلي الشنطه وانا بنزل الباقي
مد يده وهي بنفس اللحظه مدت يدها ولامست كفوفهم بعض
ناظرته بحده من شد على يدها
الاء:اشفيه؟ فك يدك
ذياب ناظرها وم رد استوعب على نفسه وابعد يده عنها وشالت الشنطه وهي تتمنى الارض تنشق وتبلعها
دخل وراها وهو منصدم من نفسه كيف مسك يدها بدون لا يصحى على نفسه وليه تصرافاته معها اختلفت
حط الاغراض وطلع متوجه لقسم الرجال وجلس هناك
<عند الاء ولين>
لين: الاء تعالي اسبحي معي
الاء:معرف اسبح
لين:م تعرفين؟
الاء: لا معرف، مره وحده سبحت وغرقت وبعدها توبت
لين كانت بالمسبح وطشطشت المويه عند رجول الاء وطلعت من المسبح وقالت:تم انا بروح اغير ملابسي
طلعت لين وبقت الاء وجت بتلف تبي تطلع من غرفه بالمسبح بس من سوء حظها زلقت رجلها وطاحت بالمسبح
صاحت على لين بس لين م سمعتها كانت تحاول وتقاوم بس م تعرف تسبح
_
طلعت لين من الغرفه بعد م بدلت ملابسها دخلت غرفهه المسبح وشهقت من شافت الاء فوق المويه فاقده الوعي
صاحت وطلعت متوجهه لقسم الرجال تنادي ذياب
______
<عند ذياب>
كان جالس يفكر بكل مواقفه هو والاء وف جمالها وكل شي يخصها وليه انه تغير بعدها ليه صار يفكر فيها؟ ليه بدأ ينجذب لها؟
تنهد بضيق وهو يقول ف نفسه: معقوله حبيتها؟ لالا مستحيل اصحى على نفسك ي ذياب انت اولوياتك ف الحياه الفهد وشغلك
فز على صوت لين وهي جايه تركض له ودموعها اخذت مجراها
لين: ذيابب الحقق الاءء
ذياب: شفيها؟؟؟
الاء: غرقت بالمسبح
قام بسرعه وهو يركض و يحس رجوله مو شايلته ويحس برجفه فيها وصل غرفه المسبح وانصعق من شافها طفت فوق المويه وكأنها ميته
رمى بنفسه بالمسبح وشالها
انصعق اول م حس بيده تلامس افخاذها
كانت لابسه شورت وبلوزه تكشف شوي من بطنها وصدرها من فوق واكتافها
طلعها وهو فيه الف شعورر
شعور الخوف والمسؤوليه والتوتر
ذياب: لينن الاء تحتاج تنفس صناعي سريع تعالي!
لين كانت مذعوره وخايفه: معرف ي ذياب!!
ذياب: حاولي
تقدمت لين وانهارت بكاء من شافت الاء صديقه عمرها شوي وبتروح من بين يدينها شهقت ببكاء وحطت راسها على صدر الاء وتبكي
بعدها ذياب وتقدم ل الاء ونزل وجهه لوجهها وقرب شفايفه ل شفايفها بيسوي لها تنفس صناعي
لامست شفايفه شفايفها وهو متوتر ويرجف
بدا يسوي لها التنفس وهو يدعي ف قلبه انها تصحى وهو ويعيد ويكرر التنفس
شهقت من حست النفس رجع لها وفتحت وهي تشوفه قبال وجهها ومغمض عيونه يسوي لها تنفس وهي تحس بشفايفه على شفايفها
رفع راسه بسرعه من حس بحركتها
ذياب: لين الاء صحت جيبي لها شي يغطيها لاتبرد
قامت لين تجيب لها منشفه
الاء كانت تتنفس بسرعه وكانت في حاله هلع
رفعها ذياب عشان تقعد
ذياب: تنفسي بشويش يالله خذي شهيق بعده زفير
سمعت الاء كلامه واخذت نفس طويل وطلعته
تركها ذياب وطلع لقسم الرجال ييدل ملابسه
وهو مو قادر يشيل تفكيره عنها وكيف انها كانت بتروح بين يدينه وايش بيصير له لو ماتت
دخل تحت الدش وهو يحاول يوقف تفكير ويشيل الظنون الشينه من راسه
<الجهه الثانيه في الشاليه>
لين وهي تسمح دموعها:اههه ي لولوي خوفتينا عليك
الاء: الحمدالله عدت على خير
لين والدموع بعيونها ابتسمت بخبث:م قدرت اتخطى خوف ذياب عليك والادهى بعد لحظه سوا لك التنفس
الاء: انا كنت اموت وانتي همك خوف ذياب طبيعي اي احد ف الحياه بيخاف اذا شاف شخص شوي وبيموت قدامه
لين: بس انا شفت وجهه كيف انقلب واضح طاح بحبك
الاء:سامجه انقلعي وبعدين اناديك م تسمعين لي تخيلي مت؟
لين: والله م سمعتك بعدين الحسنه الوحيده في ذا الحدث المُرعب خوف ذياب
الاء:شافني بلبسي ذا
لين: هيضتي مشاعره
الاء: شغلي الدفايه ميته برد
لين: م ينفع ل برد الشتاء الا حضن الاحباب(تقصد ذياب)
الاء ابتسمت: زودتيها ترا
لين: اشوفك مبتسمه لايكون حبيتيه!
الاء:انا بوادي والحب بوادي
لين:والله احس عندك مشاعر بس م تبين تقولين
الاء:ياخي صايره افكر فيه واجد
لين:اووهه سأسكت هُنا
الاء:اهدري لاتخليني اندم اني فضفضت لك
لين: ي بدايات المححبهه
الاء:تهيقن؟
لين:تفكرين فيه مره ولا مره مره
الاء ضحكت:مره مره
لين:تبين رقمه
الاء:لا يالحبيبه م توصل
لين:يمكن تحتاجينه بعدين
الاء:مدري تصرفي انا بروح انشف شعري
دخلت الاء الغرفه تنشف شعرها ولفت على جوال الاء وابستمت بخبث من جا براسها فكره جهنميه
فتحت جوال الاء وسجلت رقم ذياب وحطت الاسم ليني
(الاء كانت مسميه لين *ليني*)
خطه لين هي انها تبي الاء تدخل على اسم ذياب الي هي سمته ليني وتتكلم عنه على اساس انها لين
قفلت جوال الاء وانسدحت وهي تفكر بخطتها الخطيره
_____
<عند ذياب>
كان جالس ويهوجس ولاهو حول احد مو قادر يشيل منظر الاء من تفكيره كان وده بهالحظه يضمها ويعلمها انه معها
كان خايف تغلبه مشاعره كان خايف انه يطيح بالحب
فيه شعور يقوله اعترف انك تبي يمها
وفيه شعور يقوله لا انت تضرها
وفيه شعور يقوله هي م تحبك
كانن خايف من شعوره الاخير كان خايف انها م تحبه وهو حتى تفكير فيها مو قادر يوقف
<عند الاء ولين>
طلعت الاء بعد م نشف شعرها
لين: يبنت حذفت محادثاتنا بالواتس بالغلط
الاء:تستهبلين؟ وريني اشوف
(لين قالت لها كذا عشان الاء م تشك اذا جت بترسل لها وم تشوف محادثات على رقم ذياب الي لين سمته ليني والاء تفكره رقم لين)
لين: والله بالغلط
الاء:خلاص مو مشكله، سجلتي رقم ذياب؟
لين بكذب:لا
الاء: تمام تعالي ننام
_________
<ف مكان ثاني بعيدد في الخيام>
سارهه كانت ميته غيره من عرفت ان ذياب بيقعد مع الاء ولين دخلت الواتس على اسم صديقتها وفاء وقالت لها بكلشي
وفاء:سوي لها مشكله!
ساره: زي ايش مثلاً؟
وفاء:منتوا بكره بتلحقونهم هناك الشاليه؟
ساره: ايه
وفاء:طيب ضريها بس بدون م تحس انك انتي
ساره: مادري بفكر واشوف والله م تسلم مني
دخلت ام فيصل الخيمه وهي تشوف ساره للحين م نامت
ام فيصل:وراك م نمتي؟
ساره:بواصل للصباح بعدها نروح الشاليه متحمسه مره
ام فيصل: لا ماعد بنمشي الصباح بنمشي العصر
ساره وهي مقهوره:طيب
ام فيصل: قربت الساعه تصير ٢ يلا نامي
تمددت بضيق وهي تتوعد في الاء
_______
<في الشاليه>
اللتفت على لين اللي ف سُبات عميق من النومم
قامت وفتحت الباب طلعت لحديقه الشاليه تفكر ف ذياب هل معقوله انها حبته؟ طيب ذياب يحس نفس م تحس هي؟ هو يفكر فيها؟...
انقطعت افكارها من حست بحركه وراها
الاء وهي تحط فروتها على خشمها وفمها بقي عيونها برا: ذياب؟
ذياب: كيفك الحين؟
الاء وهي تتمنى انها نامت ولا طلعت:بخير
ذياب:خوفتينا عليك
م ردت الاء وهي تناظر داخل عيونه وهو مثلها يناظر عيونها
الاء:شكرا انك انقذتني اليوم
ذياب: حق وواجب
الاء: م تحس الفتره ذي صارت مواقفنا كثير
ذياب ابتسم: القدر
الاء بكذب:اتمنى ماعد تطلع قدامي مره ثانيه
قامت بس مسكها ذياب من يدها وقعدها
تنهد بضيق وقال بصوته الرخيم
"تمنيتك وقلت ف خخاطري
ليته تمناني!
وانا ما كل واحد شافته
عيني تمنيته"
ترك يدها وقام دخل وترك حرب المشاعر وراه
قامت بعده ودخلت الغرفه حطت راسها جمب لين وغمضت عيونها تفكر كانت تبي تشيله من تفكيرها وبس
__
ذياب تنهد بضيق من استوعب على نفسه وكيف انه قال الكلام لها بدون م يحس
غمض عيونه وهو يحارب مشاعره
__
انتهت ليله السبت بحزنها وفرحها ومشاعرها
لين الي نامت مبسوطه في الاء وذياب
ساره الي نامت بقهر وحزن وهي م تبي ذياب ينام بالشاليه
الاء وذياب الي م ناموا يصارعون حرب المشاعر داخلهم
(ادري امس سحبت عليكم كنت تعبانه واليوم كنت مشغوله تو خلصت الجزئيه الاخيره من البارت وآسف😔❤️🔥)
أنت تقرأ
الغرام يمَك غدا بقلبي مسموح
General Fictionتعلقت بك ولا ودي بيوم تروح لقيتك بك الزين وجميع امالي.
