<يوم الثلاثاء في بيوت آل زايد>
الكل كان مستنفر من العزيمه الي سوها الجد ب مناسبه رجوع ذياب من الحد
جالسين يجهزون والكل مشغول
<عند ذياب ب دوامه>
كان يكمل شغله بكل هدوء وروقان والتفت ل جواله الي يدق وكان الاتصال من لين رد ووصله صوتها
ذياب: سمي
لين: اسمع تعال خذني انا والاء ومُلاذ باقي حصتين وكلها مراجعات مافيه شي مهم نبي نطلع عشان يمدينا نتجهز للعزيمه
ذياب: اهجدي وكملي حصصك
لين:يارب تمزح اقولك نبي نجهز؟
الاء شافت رده فعل لين وقالت:اوفف يعني م بيجي؟
ذياب سمعها وابتسم وقال ل لين: خلاص نص ساعه وانا عندكم
لين: صدق انك خفيف
ذياب: اسكتي لا اكنسل
لين: خلاص بس اعجل
قفل منها وطلع من مكتبه متوجه ل مكتب ابو الاء
دق الباب ووصله صوت ابو الاء وهو يقوله تفضل
ابو الاء: سم ي ذياب
ذياب: ي عم انا بستأذن فيه احد يغطي مكاني
ابو الاء: م اتوقع بس خلاص اطلع وانا بتصرف اساسا م بقي الا شوي ويخلص دوامك
ذياب: حي عينك ي عمي
ابو الاء ضحك: حي نباك، يالله تقدر تطلع انا بكمل اوراقك
طلع ذياب وركب سيارته متوجه لمدرسه لين وكان يسمع ل ابو نوره
_______
<في بيت الجد زايد>
الجده:حصه وين ام الاء؟
حصه: تنظف المجلس
الجده: خليها تجي تسولف معنا باقي الشغل خلوه على الشغاله
ام الاء وهي داخله المطبخ: ابد مابه تعب ي عمه خلاص خلصت
ام فيصل: السواق موجود ولا ياخذ البنات ؟
ام ذياب: لا موجود
ام فيصل: طيب يالله نطلع نشتري باقي الاغراض الناقصه للعزيمه؟
ام الاء: يالله
ام فيصل: تمشين معنا ي عمه؟
الجده: لا والله مالي حيله
ام ذياب: بتصل على السواق وانتوا ي ام فيصل وام الاء وحصه اجهزوا
حصه: ترا انا ابي امر الخياط بشوف فستاني قرب زواج نواف واحنا مو مجهزين شي
ام ذياب: طيب
__________
<عند البنات في المدرسه>
الاء: بنات وش تلبسون اليوم؟
مُلاذ: انا بلبس فستان اسود مخصر والاكتاف تجي مكشوفه ويجي ميد
لين: انا بلبس فستان سكري ماسك على جسمي وبرضو ميد
الاء: متحمسه مره احب العزايم
لين: طيب وش تلبسين
الاء: مفاجأه
مُلاذ: دايم تقفلين ملف الكل ب جمالك ي لولوي
الاء:بنات م تلاحظون شي؟
لين ومُلاذ: وش؟
الاء: ساره صايره ٢٤ ساعه تخزني وتتكلم معي بطرف خشمها
مُلاذ: يمكن نفسيه الاختبارات
الاء: معاكم تتكلم عادي وتسولف وتضحك بس انا لا؟ شسويت لها
لين: غيرانه منك لانك احلى منها وبكل عزيمه يتكلمون عن جمالك
الاء: مدري ليه احس وراها شي
جت الاداريه تكلمهم تقول انهم خلاص بيطلعون
جهزوا وطلعوا ركبوا مع ذياب
لين قدام والاء ورا ذياب ومُلاذ ورا لين جهه الراكب
حرك من عند المدرسه وناظر لين الي تناظره
ذياب: شفيك تناظريني؟
لين: نبي المول
ذياب: الحين؟
لين: ايه ابي كعب والبنات يبون شويه اشياء للعزيمه اليوم
ذياب رفع عينه وناظر الاء بالمرايه: طيب
-
دخلوا المول وافترقوا عن بعض كل وحده راحت تاخذ الشي الي يلزمها
الاء كانت تكلم امها ودخلت محل كان تحت الترميم والشغل
العامل: ايش يبي؟
الاء: ولاشي وين البوابات الخارجيه
العامل: تعال تعال فيه طريق مختصر
الاء سمعت الكلام ومشت وراه لين وداها للمستودعات
ذياب شافها يوم كانت تمشي ورا العامل وكانها مضيعه
لحقها بدون تحس
الاء شكت بالوضع وجت بتطلع الا ان العامل مسك يدها بقوه
حاولت تفك يدها منه بس كان اقوى
سحبها العامل عشان تقرب له اكثر بس سدد له ذياب كف وفك يدها على طول
العامل: ايش تبغى انت؟
ذياب وهو يرجع يسدد له لكمه ثانيه: هذي زوجتي
العامل رجع ل ورا وهرب
التفت عليها ذياب وكانت عيونه حمرا من قوه العصبيه
الاء: والله م دريت
ذياب بحده: كيف م تدرين! غبيه انتي
الاء بدون م تحس على نفسها تقدمت وحضنته لانه جا فاللحظه الاخيره
بكت على صدره من شده الرعب كان العامل قريب منها ل درجه مرعبه
بردت ملامحه من حضنته وشم ريحه عطرها الي تأسر القلب
ذياب: طيب خلاص روحي عند البنات اكيد يدورونك
الاء وهي تمسح دموعها: خلاص ابي ارجع السياره
ذياب: طيب تعالي يمي وانا بدق على لين بقول انك معي لايدورون
مشت معه وفتح لها الباب وركبت وكان الصمت سيد الموقف
ناظرت عيونه وكان يناظرها
همس بهدوء: خايفه؟
الاء: لا خلاص
ذياب: انتبهي مره ثانيه
الاء م ردت وفتحت جوالها تشغل نفسها فيه
كان فيه بائع ورد ب مواقف السيارات واشر له ذياب يجي
شرا منه ورده وحده وكان لونها احمر واخذ كرت صغير من درج سيارته وكتب"تبسمي♡"
حط الكرت ب الورده ومد يده ورا عطاها وكان يناظرها بالمرايه
اخذت الورده وقرت الكرت وابتسم من شافها ابتسمت ونزل عيونه ل لين ومُلاذ الي طالعين من المول
قرت الكلمه مره ومرتين وثلاث وفكل مره تقرها تحس كانها اول مره دخلت الكرت بشنطتها
ركبوا لين ومُلاذ وطلعوا من مواقف المول
لين ناظرت ورا ل الاء وهمست: شفيك رجعتي
الاء: جاني صداع ورجعت السياره
رفعت انظارها ل ذياب الي كان مبتسم ويناظر الطريق
مُلاذ: م خذيتي اغراضك؟
الاء: بس باخذ كريم من الصيدليه
ذياب:الحين؟
الاء بتوتر من سمعت صوت ذياب: ايه
ذياب: طيب
-
وقف عند الصيدليه وناظرها بالمرايه: اعطيني اسم الكريم بنزل انا اخذه
الاء: لا خله انا بنزل
ذياب: لا انتي مصدعه خليك
الاء: لين ارسلي له اسمه
لين وهي تخزهم وتتبسم: طيب
نزل الصيدليه واخذ الكريم وشاف حبوب الصداع وضحك واخذه وهو كان عارف انها كانت تكذب على لين بخصوص الصداع
حاسب واخذ الكيس وطلع
ركب السياره ومد الكيس لها
رفعت يدها تاخذ الكيس ولامست يدها اطراف اصابعه
ف نفس اللحظه رفعوا عيونهم للمرايه يناظرون بعض
ابتسم ونزل عيونه وشغل سيارته وحرك متوجه ل بيوت ال زايد
__________
العصر الكل جهز بدون استثناء وبدأوا يوصلون المعازيم ل بيت الجد زايد
-
الاء لبست فستان احمر فيه فتحه من قدام لعند فخذها
كان مخصر عليها ويكشف اكتافها ولبست كعب ابيض
خلت شعرها منسدل على ظهرها وحطت مكياج خفيف يبرز ملامحها الهاديه
_
ذياب لبس ثوب ابيض جاي على جسمه بالضبط
ولبس كبكه المفضل وحط من عطره المميز
_____
<عند الرجال>
نايف: هذي اخر دله قهوه نط للحريم ي فيصل خلهم يسوون
فيصل: خل نواف يمشي
نواف كان مشغول ومعصب:تقلع
ذياب: تستهبلون قوموا؟
فيصل: قم انت مو يعني اذا العزيمه لك تكون ضيف شرف
ذياب: والله م اقوم
الجد التفت عليهم:قم انت وياه لا اتسطركم قدام الرجال
ضحك فيصل ونايف على تهديدات الجد
الجد:فيصل قم بسرعه
فيصل: سم ي جد
التفت ل ذياب الي كان جالس يضحك عليه وابتسم
ذياب: منت قد الكلمه
فيصل: مردوده
-
دخل المطبخ واستوقفه جمال لين الي كان يأسر القلب كانت ملامح لين مميزه وبرضو هذي ثاني مره يشوفها
عرف انها لين وهمس: بنت
لين التفتت له وتوسعت عيونها من شافته واقف قدامها وبان فرق الطول بينهم
صدت عنه بحكم انها تتغطى منه
فيصل كان يتأملها ويتأمل كل شي فيها
لين: غض البصر!
فيصل: سوو قهوه
لين: طيب خلاص بس اطلع
رجع ل ورا وهو من لحظه م دخل المطبخ م فك عينه عنها لينننن م طلع
طلع وفي صدره نار من جمالها كان يقول بنفسه:سبحان من خلقها
__
طلعت من المطبخ وهي تتذكر كل تفاصيله
ثوبه الاسود وشماغه الابيض الي كان عاصبه على راسه وعيونه الوساع الي كانت تناظرها
قطع تفكيرها صوت امها وهي تناديها
ام ذياب: الرجال يبون شي؟
لين: ايه يبون قهوه
ام ذياب: طيب خلاص روحي اقعدي مع البنات وانا بكلم الشغاله تسويها
طلعت وقعدت مع البنات
____
بعد العشا كانوا الرجال جايبين فرقه يطبلون ويغنون
كانوا يطبلون والكل جالس
قام ذياب واخذ سيفه وبدأ يتمايل وقام معه فيصل وبدأوا الرجال يقومون يرقصون بالتدريج
-
كانوا البنات يناظرونهم من الدريشه وكانت الانوار طافيه ف ذيك الغرفه عشان يطالعون الرجال بدون محد ينتبه
كانت الاء تناظر ذياب الي يتمايل بسيفه وحاط يد على صدره ويده الثانيه تمسك السيف
عضت شفايفها وهي تتأمله بكل حُب
كان كل البنات يطالعون وهمست ساره: بنات شوفو ذياب يجنن
التفتت لها بقوه ورجعت تناظر لين الي تاشر لها تهدا
تنهدت بضيق ورجعت تناظر
ساره وهي تبي تستفز الاء: يارب اجعله من نصيبي مرهه يهبل
لين ناظرتها بحده: خير؟ ترا انا اخته باقي موجوده وش ذي البجاحه تتكلمين عنه كذا وانا موجوده!
الاء ابتسمت من كلام لين وناظرت ساره
ساره: ويي شفيك! اعصابك م قلنا شي
الاء: بنات انا بطلع كتمه هنا
-
طلعت وهي مقهوره من كلام ساره وف نفس الوقت تضحك على تهزيئ لين
بدأ بيت الجد يفضى من المعازيم وبدأوا ينظفون
كانت جالسه في الاسطبل متضايقه من كلام ساره
-
<عند العيال>
فيصل: يالله رفعوا الفرش
ذياب: ارفع انت
نواف: كل واحد يشيل وحده عشان نخلص بسرعه
ذياب بكذب: عندي اتصال بكلم واجي
نايف: تروا يكذب
ذياب: تقلع
نواف: طيب كلم وتعال
طلع من عند العيال وهو يتهرب من الشغل
دخل الاسطبل وكان نواي يجري اتصال بس شاف بنت قاعده ومقفيه معطيته ظهرها
تقدم لها شوي وشم ريحه عطرها عرف انها الاء
تقدم اكثر ليين م حست بحركته والتفتت عليه
ذياب:الاء؟
الاء: هلا
ذياب وهو يجلس يمها: شفيك قاعده هنا؟
الاء: مصدعه
ذياب م رد ونزل عيونه ل فخذها الي كان مكشوف من فتحت فستانها صد عنها وهو يشتت انظاره بعيد
الاء قامت ورفع راسه يناظرنها وقام معها
ذياب: مالي نصيب من الكشخه ذي؟
الاء وهي ترجع ورا كانت خايفه احد يشوفهم: ذياب اشفيه
ذياب: أسرني جمالك!
الاء وهي تخفي ابتسامتها: برجع البيت
تقدمت ومشت من عنده وكان واقف يتأملها ليننن م اختفت عن انظاره ودخلت بيت الجد زايد
تنهد بضيق وهو كان عارف من ملامحها انها متضايقه بس م حب يتكلم ويطول الوضع ويطبون عليهم العيال
طلع من الاسطبل رايح للعيال يساعدهم
نواف: زين م نسيتنا
ذياب: مسرعع رفعتوا كلشي
نايف: معك قوات الشغل الخاصه
فيصل: انا اقول اسكت
ذياب وهو يصب شاهي: ربي سلمني من الكرف
نايف: يحظك ي نواف باقي لك اسابيع وتعرس
نواف: وجع قول مشاءالله!
نايف: تف تف مشاءالله
فيصل:يشين العزوبيه
نايف: انا م ابي اتزوج الا عن حب
ابتسم ذياب وناظر نايف: والله انها تعسيه حظ
نواف: انا بتزوج عن حب
فيصل: كذاب!
نواف: والله، بس م كنت اعلم احد ولا كنت اتواصل معها حتى
نايف: شفتوا م قلت لكم لاتثقون فيه حتى لو سوا انه الطالع منها
ذياب ضحك وضحك معه فيصل
نايف: والله نواف طلع سربوت يعيال
الجد وهو داخل: كلكم سرابيت
كلهم مالو على بعض من الضحك واستوقف ضحكهم عصا الجد وهي تضرب على الباب
نواف: سم ي جد
الجد: الساعه ١٢ م ودكم تتقلعون؟
نايف: افا طرده ي جد؟
الجد: انت بذات يحق لي اطردك
ذياب بضحك: تستاهل
الجد : ابي انام يالله تقلعوا
فيصل: والله الجلسه ببيتك ي جد م تنمل
الجد وهو يطفي النور: يالله يالله
طلع كل واحد متوجه لبيته رايح ينام
--
<عند الاء الساعه ٢>
كانت تذاكر وحست ب صداع راحت شربت مويه ورجعت
شافت كيس الصيدليه الي جابه لها ذياب
تقدمت تبي تطلع الكريم وشاف حبوب الصداع
ابتسمت ب خفوت من عرفت انه اخذ الحبوب عشان يطقطق على كذبتها على البنات
دخلت الواتس على اسمه وكتبت"الحبوب جت بوقتها"
اخذت حبه لجل يخف صداعها وتمددت بتنام
-
كان يتروش بعد تعب العزيمه وطلع لبس واخذ جواله وشافها مرسله
شاف رسالتها وابتسم وكتب"عندي بعد نظر"
قفل جواله وتمدد وهو كله مشاعر
غمض عيونه وهو مو قادر يشيل من راسه شكلها ف الاسطبل
-
شافت رسالته وابتسمت بخفوت
قفلت جوالها وغمضت عيونها ماهي الا ثواني ونامت
(عطوها حقها وبنكمل انشاءالله❤️🔥)
أنت تقرأ
الغرام يمَك غدا بقلبي مسموح
General Fictionتعلقت بك ولا ودي بيوم تروح لقيتك بك الزين وجميع امالي.
