دولــوريــس "فـي عـشـقـك سـأفـنـى

إعجاب 6

❌لا أحلل النقل بدون اذن مني❌
➰دولوريس"في عشقكَ سأفنى"➰
📌بقلم:ميلو ✍🏻
🖇الفصل الأول: إعجاب 🖇
#الحلقة_06
بعدما وصل سارا لدارها راح ديراكت لدارهم هو تاني...كان عيااان و جيعان غي وصل قارا لوطوته و نزل...كالعادة اول حاجة يديرها هي كلا*به خصه يشوفهم...بدا يصفرلهم...كي سمعوه بداااو ينبحو تبسم لا اراديا و قدم عندهم...حناا عندهم و بداو هوما ينقزو عليه
عصام:توحشتووني اوو كبرو كبرو الشابيين تاعي
وقف لعب معاهم شوية مبعد راح دخل للدار...غي دخل صاب ماه تستنا فيه
لامية:يا عصام علاه ديرلي هااك ولديي علاه مترفدش على تيليفون
جات تعنقه بصح شدها من كتافها و حبسها قبل ما تعنقه
عصام:حمبوك ماا هاني جيت مافيا والو كانت عندي خدمة هذا مكان
شافت فيه:وين كلييت ؟! و وين رقدت ؟!
شاف فيها:راني جيعان اذا كاين لماكلة !
هزت راسها:ويي كاين ولدي
عصام:اوك مديلي نطلع معاياا
شافت فيه:روح ولدي دوك يجيبولك
نفا براسه:نطلع وحدي 
مزادتش نعاه فالهدرة و راحت توجدله اماا هو فات للصالون...كانو أمينة و جلال يتفرجو دخل بصمت و جمع حداهم
امينة:اهلا عصام
شاف فيها و هز راسه على مضض...علاقته محدودة مع خوته ولا نقولو مع الجمييع...كان يفضل الوحدة اكثر من كلشي...قعد مجمع معاهم حتى عيطتله ماه...راح دا ماكلته و طلع للجناح تاعه....كان تقريبا اباغتومون فيه كوزينة صغيرة مفتوحة على صالون صغير و بيت رقاد...حط ماكلته فوق الطابلة و قلع لفاست تاعه حطها تاني...راح غسل يديه و رجع جمع كلا حتى شبع...رفد الطباسا هادوك غسلهم على السريع...و رجع شغل لغنا دار غنية "headlights" زاد رفد لقيتار تاعه و بدا يعزف مع الحان الاغنية و يدندن بالكلمات بين شنايفه و حتى وهو يعزف ملامحه باردين و حواجبه معقوديين قعد يعزف حتى حبسه تيليفونه لي كان يصوني....حط لقيتار تاعه و تمشا ناحية تيليفونه رفده شاف فيه و ريبوندا
عصام:ويي صاحبه صافااا
***:صافا الزين و نتاا !!
عصام:مريقلة
***:يادرا فيها سهرة العشية ؟!
عصام:والله ني عيان منصف و ناقص رقاد
منصف:مقلتهاش انا لي فوت النهار من عملية لعملية ني نشوف غي الد*م و الاحشاء
ضحك:رووح ترقد مالاا ريح راسك
منصف:تصببح بخير لعزييز
عصام:تهلاااا
كوبااا و راح كمل شاكان يدير.....