دولــوريــس "فـي عـشـقـك سـأفـنـى

لقاء 5

❌لا أحلل النقل بدون اذن مني❌
➰دولوريس"في عشقكَ سأفنى"➰
📌بقلم:ميلو ✍🏻
🖇الفصل الثاني: لقاء 🖇
#الحلقة_19
يوم جديد...
ميااار صبحت مدابزة غي مع شا تلبس...وقت طويل و هي تقيس و تحط خيرت غوب لونها غوز بيبي مع خيمار بيض و صباط دومي طالون...رفدت صاكهااا شافت روحها فلمرايا لاخر مرة...
ميار:زعما ندير ماكياج اوووف ميار شاراكي تشكلي وينتا نتي درتي ماكياج
دات نفس عميييق و راحت بعدما بعثت مساج لرولا باش تغطي عليها غيابها... و هاد المرة راحت صح للكوفي شوب تاعه كان بزاف فخم...دخلت شدت طابلة و جمعت جبدت لموني شافت فيها وجعوها عينيه مليبري رجعت بلعاته و حطاته...كاش خمس دقايق حتى شافته داخل...فات لعند الخدامين تما مبعد جا عندها...جمع و تبسم
عصام:مرحباا بيك ان شاء الله تكون عجباتك الحالة
تبسمت:شكرااا يهبل لكوفي شوب
تبسم:اهمم صافا ؟! مخدمتيش ليوم ؟!
ميار:لاا حطيت روحي في موقف صعيب بسبتك
ضحك:متخافيش اذا طر*دوك بسبتي نخدمك فاحسن روضة فلوس انجلس
شافت فيه...واو الثقة بالنفس و الغرور لي عنده غير محدودين....شافت فيه و جاوبت
ميار:لا مشي لهادي الدرجة
كي جا ينطق جا ساغفووغ جايبلهم ليه قهوة كحلة و ليها كابوتشينو كيما تبغيها...شافت فيه باستغراب...ستنات كي راح الساغفوغ و سقساته
ميار:كيفاش عرفت بلي نبغي كابوتشينو و كيما هاك ؟!
تبسم:مجرررد تخمين
يكذب...هو كان حوس عليها شا تبغييي تشرب و تجسس باش عرف
ميار:اممم ميغسي *رفدت كاس القهوة شربت منه*
كي جا يشرب هو صونا تيليفونه...كوبا لمرة لولة عاود كي جا يشرب زاد صوناا...تنهد و ريبوندا
عصام:شاكاين
ليلي:ايفانتيكووو قضية قت*ل خصك تجيي دروكك باسكو راها صارية كبيرة بين ليفامي تاوعهم
قلب عينيه يعنييي هو ميجمعش يشرب قهوة في خاطره يومين وهو يتبع فيها باش جابها و دروك يروح و يخليهااا
ليلي:ايفانتيكو
عصام:راني جاي راني جاي
شافت فيه ميار...تنفست الصعداء كي قال راني جاي تسما غادي يروحح و يكملل هاد الموووعد بصح احلامها تلاشاو كي نطق
عصام:خصنيي نروح درروك بصح وووعد نخلفهاالك سووري سوري بصح خصني نروح كملي قهوتك بلييز و راها خااصة
راح قبل ما ترد عليه...حطت راسها...ندمت على النهار لي عرضت عليه كاس قهوة هاه مبغاش يكمل دا الكااس شافت فداك الكاس ملبييح مبعد ناضت حتى هي خرجت...