دولــوريــس "فـي عـشـقـك سـأفـنـى

إعجاب 10

❌لا أحلل النقل بدون اذن مني❌
➰دولوريس"في عشقكَ سأفنى"➰
📌بقلم:ميلو ✍🏻
🖇الفصل الأول: إعجاب 🖇
#الحلقة_10
في الليل.....
حدا لاصال هاديك...لواطا غي ليمارك كل دقيقة تحط وحدة...ينزلو منها و يمدو المفتاح للي يخدمو تما باش يحطوهاا...وصل هو و كانت معاه ليلي...كان لابس كوستيم كحل و هي لابسة غوب ارجونتي و طالقة شعرها لكحل...نزل هو حللها لباب و مدلها يده باش تنزل و رما لمفتاح لاجون...شدت فيها و نزلت و فالدقيقة وصلت ميار مع خوها فلوطوو ...نقزتها رولا كي شافته...برونشات ميار فيه....اطلالته ديما تفوز...اكثر حاجة كانت باغيتها هي تشم ريحتها كانت ديما تتخيلها بصح معرفتش تتخيلها...نزلت حتى هي ملوطو و شدت فيد رولاا...كانت لابسة غوب باج مع خيمار باج و طالون...دخلو لاصال كانو مورا عصام نيشان...ميار حست لرض حبست و كانت تشوف غي فيه ولا نقولو فظهره و يده لي كانت حاطها فظهر سارا...همست لرولا
ميار:حبيبته ؟!
هزت كتافها:معلاباليش ميار
عضت شنافتها و همست:شابة عليا ؟!
شافت فيها رولا:منييتك ميار !! علاه تقارني روحك بيها اصلا ماكيش تشوفي كيش معرية روحها باينة لاش راه معاها
سكتت ميار مبغاتش تهدر...دخلو للحفلة هاديك...قاع كانو يستمتعو من غيرها لي كانت مرة مرة تشوف من جيهة عصام و فكل مرة تشوفه يهدر مع ساراا فوتت يدها على وجهها...اما رولاا كنت من طابلة لطابلة دير دعاية للحفل الخيري لي غادي ديره ميار...حتى وصلت للطابلة تاع عصام...شافت فميار لي كانت تشوف فالفراغ...قدمت عنده
رولا:اهلا موسيو عصام
شاف فيها:اهلاا
تبسمت:كاين حفل خيري باش نجمعو تبرعات للاطفال اليتامى اذا تشرفنا و مدتله الدعوى
شاف فيها مليح و مبعد شد عليها الدعوة...حتى جات رايحة و عاود رجعت عنده و معرفتش كيفاش جابت الشجاعة و قدمت همستله
رولا:الحجابية لي راها اونفاص معجبة بييك اكثر ملي تتصور و راحت
طلع هو راسه لوين قاتله...شافها فالدقيقة لي كانت ترقص بخفة مع مرت خوها و تضحك....طلع حاجبه و شاف فخوها عاود همس لسارا
عصام:ليليي هاداك ولد سيد احمد بوزيدي !!
سارا:واه
عصام:ولي معاه !!
سارا:مرته مولات لقرونا و خته ميار بوزيدي و هي لي راها منظمة الحفل الخيري لي مدولك الدعوة تاعه دروك
طلع حاجبه و رجع عينيه يشوف فيها و المرة هادي كانت جوست واقفة تشوف فالفراغ...استغرب كيفاش معجبة بيه وهو فوقت من الاوقات حطم بوها تقنيا هو خاطيه بوها غلط و خلص...زعما تحوس تنتقم منه؟!....شكلها ميوحيش بلي وحدة تحوس تتنتقم....قعدو بزاف افكار يدورو فراسه...حتى دورت راسه شافت فيه و كي صابته يشوف فيها عمزلها دورت راسها تم تم
تبسم على جنب:دوك نشوفو شا خصها بنت سيد احمد من عندي
اما هيي قلبها حساته حبس حرفيا...شدت فيد مرت خوها و همستلها
ميار:كان يشوف فيا رشااا ختي  والله كان يشوف فيااا وينها رولا
رشا:ششش بسيياااس علييك اا بنتي بلاك جات عينه هنا
ميار:لا لااا غمزليي والله حمبوك هاياا نروحوو منااا مقدرتش قلبيي غادي يحبس
هدرت رشااا مع علاء و راحو بلا وقت من الحفلة و خرجو حتى رولا معاهم....رجعت للدار و هي الغمزة تاعه مسيطرة على افكاارها...و الحاجة لي معلابالهاش بيها هي انوو رولا خبراته...قاست روحها فسريرها مشاعرها كانو مخلطيين بين فرحة و خوف و بزاف صوالح...ناضت بدلت قشها و دخلت فبلاصتها تتخيل حتى داخت مالتخيلات و رقدت
نرجعو عند...بعدما كمل الحفلة رجع نيشان للدار...بدل قشه و تعشا و جبد بيسيه عنده...كتب اسمهاا طلعله غي انستا تاعها دخل يشوف بصح كان بريفي غي فوطو بروفيل تبان بصح مشي مليح قعد يشوف فيها مبعد بعث ميساج لواحد من رجاله "خصني معلومات على ميار بوزيدي كلشيي عليها"
طفااا بيسيه و راح يرقد...