دولــوريــس "فـي عـشـقـك سـأفـنـى

سقوط من القمة

❌لا أحلل النقل بدون اذن مني❌
➰دولوريس"في عشقكَ سأفنى"➰
📌بقلم:ميلو ✍🏻
🖇الفصل الثالث: سقوط من القمة 🖇
#الحلقة_41
دخلت عنده للبيت...كانت لابسة غوب سامبل طويلة و حتى يديها طوال بصح مزيرة نوعا ما و مكانتش دايرة خمار...خالة شعرها مطلووق واصل حتى لنص فخاضها...قعدت هي تتمشا وهو يميز فيها بعينيه...هادي اول مرة يشوف شعرها...و مفهمش مين تسلطت علييه لحاجة لي مكانش متوقع روحه يديرها راه يدير فيها وهو فرحاان...كي جمعت نطق هو
عصام:علاه مشفتكش من قبل ؟!
شبكت يديها من التوتر معرفتش شا تهدر ولا شا تجاوبه على سؤاله لي كان بلا مقدمات..زاد كمل هو
عصام:دولوريس معندك حتى فكرة على الجحيم لي راكي جايتله بصح دروك مكانش تراجع نتي تاعي
حست برعشة فقاع جسمهاا...مفهمتش شبيه مسقساهاش حتى كيراهاا و واش من جحيم يحكي عليه شبيه هبل...قدم عندها مليح مليح...فوت يده على وجهها و طلعه باش تلاقاو عينيهم...عينيه الكوحل لي كانت فيهم لمعة غريبة مفهمتهاش و عينيها العسليين لي مزالت البراءة طاغية عليهم...قعد مدة مليحة يشوف فيهاا و يميز فقاع ملامحهاا...كانو يحاول يدخل داخل مخهاا و يعرف فاش راها تخمم
عصام:شاهوما شروطك ؟!
شافت فيه:ما سقسيتنيش شحال عندي او واش قريت او اي حاجة عليا
تبسم معاها:ممكن لاني نعرف عليك صوالح نتي متعرفيهمش على روحك
قعدت تشوف فيه و سهات مع ابتسامته لطالما كانت معجبة بيه لاكثر من عام و تشوفه اكثر لوقت فليفوطوو و حرفيا فوطواته يتبسم ولا يضحك قلال بزاف...كي شافها تشوف فيه هاكاك ابتسامته وساعت اكثر...
عصام:ميار سمعيني صوتك
حمحمت و تبسمت باحراج: نجيي لدارنا لوقت لي نبغي
هز راسه:غيره ؟!!
شافت فيه مليح:انك تكون فيدال لياا و متكذبش عليا*نظرا لانها تعرفه بليي كان من وحدة لوحدة و داخلها غي زعاقة*
تبسم باسكو هو حياته مكانش فيدال...لوكان طلبت يجيبلها النجوم يجيبهم اما قضية انه يكون فيدال شوية صعييبة مي بون غادي يتزوج و احسن حاجة يديرها يبعد على ....
عصام:بما اننا غادي نتزوجو دونك من واجباتي اني نكون فيدال ليك مرتي
زعزعتها مداخل كلمة مرتي و رجعت سهات فيه للمرة الثانيةة
قدم عندها و همس عند وذنها:تعاودي تشوفي فيا مرة اخرى هاك نضمنلك بلي نقدمو ليلة الدخلة ليوم
تجمدت في بلاصتها من هدرته...وجهها حمار...غمضت عبنيها من قوة الحشومة...باسها من حدا شواربها و دارلها بوات في يدها
عصام:حق الشوفة مرتي العزيزة
ناض خرج خلاها ذايبة فبلاصتها...هدرته...ريحته...حركااته...الجرأة تاعه...الغرابة تاعه و ختمها بالبوسة لي طبعها حدا شواربها...قعدت شوية تلايم في روحها...مبعد حلت لابوات صابت فيها براسليي و معاه رسالة مكتوبة بخط يد اما بلغة مفهمتهاش
"Diamant zu meinem Diamanten"
و خاتمهااا باسمه الحاجة الوحيدة لي فهمتها...جبدت لبراصلي هاداك دارته فيدها و تبسمت...بزااف شبااب و كلاص