دولــوريــس "فـي عـشـقـك سـأفـنـى

مدّ و جزر

❌ممنوع النقل بدون اذن مني❌
➰دولوريس"في عشقكَ سأفنى"➰
📌بقلم:ميلو ✍🏻
🖇الفصل الرابع: مدّ و جزر🖇
#الحلقة_95
يوم جديييد....
كالعادة ناضت مصابتهش استغفرت و بعثتله ميساج كالعادة"متنساش تصلي الفجر"...مراهاش عارفاته اذا راه يصلي ولا لااا من كثرة لي ميوليش للدار...تنهدت و ناااضت دوووشت و صلات و بدات توجد صوالحها باش تروح لدارهم...شوية و دخلت عندها أمينة
ميار:صباحوو مينوشتيي
تبسمت:صباحو الزينة تاعي اسمعي عصام ميوليش ؟
ميار:دوك يجي باش يديني لدارنا
شافت فيها بحزن:شحال غادي تقعدي نتوحشك
تبسمت:سيمانة برك
خرجت شنايفها:نتووووووحشك
عنقتها ميار:هايا معاياا حالة انا و نتي و رشا و تزيد.تجي رولا
تبسمت أمينة:منجيش ليوم بصح نوعدك نجي نبات معاااكم
ميار:ان شاء الله تحتاجي عصام ؟!
أمينة:واااه خصني ندير سطاج وهو و بابا لوبيتال لي قلته رفضوه قلت باش يشوفلي واحد فيهم كلينيك ولا
هزت راسها بتفهم:يشوفولك منصصف
قلبت عينيها:حمبوووك ميعحبنيش بزاف عينيه يلعبو وحدهم
ضحكت ميار:بانلي عاقل و كااالم
ضحكت بسخرية:تبالي نتي متعرفيهش راه نسونجييي
شافت فيها ميار:راه صاحب راجلي علاه ديريلي هاك ديجااا امنيني قاع لي يكون نسونجيين فتالي تجي وحده تووبه
أمينة:مدخلنييش فيه اناااا لمهم نروح عند لجينيرال
عقدت حواجبها:شكون لجينيرال ؟!
ميار:شكون لجينيرال ؟!!
أمينة:بابا كان جينيرال مخبركش عصام ؟!
تبسمت:لاا هذا وين عرفت
هزت أمينة راسها و قدمت باستها من خدها و راحت تجري عند باباها
أمينة:بااابييييش حب حياتيييي اموووونييي ندخل
وصلها صوته مالداخل:ادخليي
دخلت كان يعدل فواحد الكواغط..قدمت عنده
أمينة:صباحووو بابيش
تبسم معاها:صباح النوور مينوشتي حب حياتي
تبسمت و قدمت سلمت عليه
أمينة:نبغيك كثر منهم قاع عبالك
ضحك عليها:شا خصصك مينوش
تبسمت:بابا عبالك بلي ندير سطاااج ياك باش نكمل و نبدا نخدم و نتوما حتى اوبيتال معجبكم..
مخلاهاش تكمل:هاني رايح دروك عند منصف
شافت فيه:مكانش غيره ؟!
أمين:ثقة ؟! لا مكانش من غيره مينوشتي منصف تاعنا و ثقة و نعرفوه من بكري
تنهدت:تمااام كيما تبغيي بابييش
تبسم معاها:هايا نروحوو ناكلو مينوشتي
هودو ياكلو و حتى ميااار معاهم.....