دولــوريــس "فـي عـشـقـك سـأفـنـى

مدّ و جزر

❌ممنوع النقل بدون اذن مني❌
➰دولوريس"في عشقكَ سأفنى"➰
📌بقلم:ميلو ✍🏻
🖇الفصل الرابع: مدّ و جزر🖇
#الحلقة_113
بعدت يديها من بين يديه و نطقت بصوت خافت
ميار:مشي انا خلييتك عصام نتاا كل مرة دور ظهرك و تخليني متصارعة مع روحي نحاول نفهمك مرضتني
رجع شدلها يديها و زير عليهم:نوعددك منعاودش ندور ظهري و نخلييك و اي حاجة نحسها نحكيهالك و منخليكش في صراع مع روحك جوست متخلينيش مقديتش بلا بيك
شافت فيه:هاني نسمع احكيلي شاراك تحس
سكتت شوية:قتلك ميااار باختصار مستحييل نحس روحي مربوط ببنادم كيما راني معااك الرقاد راه يحرم عليا والله
ميار:خليني نزيد نريح شوية مبعد ساهل الحال
قدم شدلها وجهها بين يديه :ترجعي معايا دولوريس
ميار:قتلك خليني نرييح عصام
عصام:زووج سيمانات ميااار زووج بزااف شوفي غادي نروح العشية نجي نديك متقوليليش لاا خاطر نرفدك و نديك معايا
تنهدت:صحاا عصام لعشيية
تبسسسم و باسها بخفة:تووحشتك توحشتتتتك بزااف
ميار:احششششم
عضها من خدها بخفة و ناض راااح مي!ييت بالفرحة...اما هي قعدت مجمعة تخمم في القرار لي داته...اسكو صح يتبدل ولا جوست يهدر...كي طلعت عينيها شافت علاء يشوف فيها...ناضت عنقاااته بدون كلمة و حتى هو دور يديه عليها و زير
علاء:مالهاا الصغرونة تاعي
ميار:والووو
بعد عليها و قعد يشوف فعينيها:راها حكاتلي رشا علاش مراكيش باغيا تولي مع راجلك ؟! كاشما دارلك ؟!
نفات براسها...ضيق عينيها
علاء:ضربك ؟!!! كاشما قالك ؟!!!
بقات تنفي براسها مع كل سؤال ما هذا هو المشكل مدارلهاش حاجة ملموسة جوست يروح و يخليها ياريت قال ولا ضر!ب باش تصيبهم سبب قوي بصح للاسف الاذى تاعه كان اعمق
ميار:لعشية نرجع لداري
باسها من راسها:ميار شوفيي جامي تخممي تحملي الذل صحا ختي ؟ ولوكان يبقا نهار واحد فحياتي منخليكش تعيشي مذلولة و لوكان قاع يوقفو ضدك انا دايما معاك
عاودت عنقاته و زيرت علييه:نبغيك علااء خويا بزااااااااف
تبسم :كبرتي ميااار كبرتتتيي
ضحكت و بعدت عليه:لبارح قريت دعاء النوم في بلاصتكم قااع
ضحك حتى هو:القلب الحنييين ....
نرجعو عند عصام لي رجع للدار بعدما خدم غي شوية باسكو موراله مكانش مليح...دخل للدار...و مداك كان نص نهار مكانوش فالدار امينة تقرا ،ميار في دارهم و جلال و بوه برا....غي ماه لي تكون فالدار بصح حسها مكانش....هو عاد يخمم حتى نحلت لباب...دار شاف فيها...كانت مبدلة لون شعرها و لاكوب و دايرة ماكياج خفيف...كانت بزاف شابة هي اصلا بزاف شابة يعني لجينيرال عرف يختار...قعد يشوف فيها
تبسمت معاه:شرايك ؟! جيت شابة ؟؟؟
تبسم معاها:بزاااف
همستله:زعما بوك نعجبه
شد ضحكته...يعني بعد العمر هذا قاع مزالها تحوس تعجبه...من ناحية عندها لحق بووه مزال صغيير و يعجب
عصام:واه
قلبت عينيها:كااااش نهار جاوبني بجمللة مالك عندك مشكلة فالحوااار
قدم باسها بوسة خفيفة من جبينها و عطاها ظهره و طلع للجناح تاعه...